bebobo's Profile

今日去咗Amitie Kitchen，真係食得好滿足！試咗佢哋個set, 都幾豐富，先講講頭盤：火炙半熟三文魚伴紫蘇莎莎，三文魚鮮嫩，火炙得啱啱好，配上紫蘇莎莎，清新又唔膩，味道好搭。接住嚟係佛羅倫斯蕃茄燉牛肚，牛肚煮得軟滑入味，蕃茄醬汁濃郁，加埋個麵包真係好正。牛肝菌露蔔意大利飯都唔錯，米飯煮得恰到好處，唔會太硬。牛肝菌嘅香氣好香，食到最後都忍唔住想多啲。再講講80z美國頂級西冷，肉質鮮嫩多汁，外脆內嫩，調味簡單但好有味，真係肉食者嘅天堂！飲品方面，400次美綠波波係一個驚喜，清新爽口，紅柚四季春更加好飲，酸酸甜甜，正好解膩。最後，甜品方面，士多啤梨朱古力窩夫士多啤梨雪糕好正，窩夫鬆軟加上士多啤梨雪糕，食落去好幸福。而開心果巴斯克就濃郁到不得了，口感滑溜，真係唔可以錯過。總之，Amitie Kitchen絕對值得一試，食物質素高，環境舒適，下次再嚟！…Read More

最近同friend嚟到旺角的 Outdark 餐廳，試咗佢哋嘅半半炸雞、海鮮炒年糕加芝士、炸醬麵同埋海鮮蔥煎餅，真係一個唔錯嘅用餐體驗。首先，有得揀半半炸雞實在太好，可以一次過食兩個口味。啲雞外脆內嫩，炸到啱啱好，配上特製醬汁，味道濃郁，令人一試成主顧。被後嘅海鮮炒年糕加芝士，份量超大碟，啲海鮮新鮮又好多好大舊。同埋一定一定要加芝士!! 加埋溶咗嘅芝士之後，口感更豐富，令人忍唔住多食幾啖。炸醬麵啲麵煮得啱啱好，醬汁亦唔會過鹹，成個味道均衡，每條麵都沾滿炸醬㗎！而海鮮蔥煎餅則外脆內軟，超級香口，加埋多多嘅海鮮，點埋辣醬又係另一種口感。環境方面，Outdark 既寬敞又舒適，非常適合同朋友聚餐。服務態度亦相當友善，令整個用餐體驗更加愉快。總括來講，Outdark 係一間值得一試嘅餐廳，特別係佢哋嘅炸雞同炒年糕，絕對值得推薦。如果你想喺旺角搵一間好食嘅地方，記得試下佢哋，仲可以網上訂座享有8折優惠！…Read More

想食韓國嘢嘅時候通常第一下就會諗起Dodam Chicken。位置喺銅鑼灣好方便。Menu有好多好多嘢食揀，每樣都好吸引好期待。首先，半半薄餅是必點的選擇。今次揀咗經典嘅瑪格麗特披薩加黑松露的獨特風味一齊。薄餅底脆口感超正，搭配香濃的黑松露醬，令人想一啖接一啖，完全停唔到。另外叫咗個一次過可以滿足晒三個願望嘅三味脆雞。蜂蜜牛油香蒜脆雞的外皮香脆，甜中帶鹹嘅味道好開胃。咸蛋黃口味就是另一種風味，絕對係咸蛋黃愛好者的最愛。而原味脆雞就唔使講經典之中嘅經典，適合喜歡原汁原味的人。最後，仲有部隊鍋。湯底好夠濃郁，料又多，搭配香腸、泡菜和豆腐等，吃起勁滿足。仲有個爐一路滾住，Dodam Chicken真係無論是朋友聚餐定家庭聚會，只要想食韓國嘢就會嚟!…Read More

同frd去開銅鑼灣想食日本嘢，就嚟咗黑門水產。Bookmark咗好耐，一路都想嚟試吓。整體份量都好多，人均二百幾就可以食得好豐富好飽。我哋叫咗個海膽蟹味噌甲羅燒，勁鮮勁好食!!! 通常去食日本嘢我哋都一定會嗌甲羅燒。嚟到職員會幫手即刻燒下佢。除咗佢連埋嗰塊梳打餅，其實仲可以撈飯食，真係好正😭所以我哋叫咗個黑門令海膽櫻花蝦海鮮炒飯。入面啲料都好足好夠㗎。壽司方面，我哋叫咗黑門三文魚加州反卷。唔知有冇人同我一樣平時好鐘意食花之戀。呢個反卷嘅配搭係花之戀加加州卷，完全中曬!!!!另外我哋仲嗌咗唐揚炸八爪魚同清酒煮白蛤。出去食炸嘢最驚就係太厚粉，但呢個八爪魚完全唔會。而清酒煮白蛤啲蜆都好大隻好肥。分量勁多。…Read More

咁啱今日嚟到佐敦又好想打邊爐，即刻諗起之前save低過嘅金鍋清湯火鍋。原來唔止有得打邊爐，仲可以嗌串燒。湯底方面我哋叫咗豬骨清湯底。啲嘢食都上得幾快。肉我哋叫咗黑豚肉，嫩滑豬頸肉。海鮮方面就有手打墨魚丸，白膳片，脆鯇腩，桂花蚌，水魷鬚。仲有炸魚皮同油麥菜。打邊爐一路都好鐘意食豬頸肉，呢啲啲豬頸肉係比較易入口size，唔會厚切又難熟。桂花蚌都好鮮，唔會有腥味。之前都未試過打邊爐食桂花蚌，原來都唔錯㗎喎。啲魚都好新鮮，同埋墨魚滑係有一粒粒墨魚嗰啲，值得一試。今次淨係試咗呢度嘅邊爐，下次可以叫多啲朋友一齊嚟，試埋佢個串燒先得🩶…Read More

近排天氣咁凍，真係好啱打邊爐，所以放工就嚟咗大鍋口海鮮火鍋店烚下烚下💕佐敦地鐵站一出過對面就係lu，好方便。啲位都好多幾闊落唔會坐得唔舒服一坐低就會上調味料俾我哋自己𢳂，唔使行出去好正🤣湯底方面我哋加咗48蚊叫咗鴛鴦鍋，皮蛋芫荽同新鮮豬筒骨。大鍋口最正係選擇真係好多，成張紙慢慢揀。我哋最鐘意佢一嚟就上嘅嗰碟牛，好有牛味又唔騷。同埋脆鯇魚腩，脆鯇魚片，白膳片都好正。平時打邊爐都好鐘意食魚，大鍋口都真係有唔同嘅魚揀。另外，佢嘅鮮蝦滑，墨丸滑，手打墨魚/雞軟骨/蝦丸都好值得一試!!! 烚完之後仲有自助雪糕區。可以自己吱朱古力或者雲呢拿雪糕，側邊仲有啲配料，好似朱古力碎啊，朱古力醬啊嗰啲咁。下次再想打邊爐我哋都應該會encore，因為真係太正lu💕…Read More

好耐冇食燒肉，咁啱去開荔枝角就去咗一直都想試嘅BingleBingle空中列車烤肉。佢係間韓燒嚟，一人一個爐。就算有時一個人想燒肉都可以去，好正🫶🏻。我哋叫咗一個set同另外散叫。Set方面我哋叫咗<1++韓牛日韓極上套餐>，呢個套餐嘅肉係由 韓國最優質的1++ 級別的牛前腿肉拼上2款宮崎和牛。再加埋湯同飯，我哋另外加錢轉咗温泉蛋海苔飯!!! 個湯真係好好味，好似我哋去韓國嗰陣啲啊珠媽湯。散叫就叫咗 <肩胛牛柳>，<牛舌>，<牛肩肉>。我哋食嘅每塊肉都好淰，唔會韌。爐同爐之間會有唔同調味料，例如燒肉汁，香草蒜，鹽同黑椒。不過我哋都覺得就咁落少少鹽都好夠味㗎啦！甜品方面我哋叫咗日本紅豆味鯛魚燒。我哋都好鐘意，熱辣辣咁食好正㗎！…Read More

放咗工同屋企人嚟食金鳳大餐廳，好耐都冇嚟呢種懷舊style嘅扒房，依家陣風吹返嚟，好似越嚟越多。我哋好鐘意金鳳係因為佢份量又夠，坐得又舒服。今次就揀咗荔枝角舖，喺D2 place Two入面，地鐵站一出過條馬路就係。呢間分店好方便嘅係仲可以喺gulu apps拎定飛先，咁就可以喺樓下行住先，差唔多到先上返樓！我哋叫咗鴛鴦扒餐 同埋 什扒餐。 湯同麵包係扒房必有嘅，我哋兩個都係飲忌廉湯。平時喺其他扒房一定飲唔晒，要留返個肚食扒啊嘛，但係呢碗湯實在太正，飲飲下唔覺唔覺就見底lu。鴛鴦扒餐嘅有豬扒同雞扒，個底就有啲瓜，紅蘿蔔，粟米，同埋薯條。啲扒都好好切，同埋大大塊什扒就豬牛雞都有。我哋都有問過，如果唔食牛可以轉做煙肉。兩碟嘅份量都好多，啲扒夠淰又夠味。得閒會返嚟再encore!!…Read More

放工同frd約咗食飯，就嚟bookmark咗好耐嘅city dancer grill and live music bar。喺會展站行過嚟大概10幾分鐘就到luu。一入到餐廳會見到bar枱，轉右去啲枱度就見到勁靚嘅view!!!! 我諗日頭定夜晚去會有唔同感覺，不過一樣嘅係佢個景😆。成間餐廳好有free，暗暗地又有歌。我哋叫咗一個dinner set，散嗌少少嘢。Appetiser我哋叫咗日本帶子三文魚蟹子他他。湯就叫咗嗰日嘅餐湯-南瓜湯，另外再叫咗個龍蝦湯。兩個湯都好夠味，而龍蝦湯就濃啲，入面仲有龍蝦肉添。加埋餐包點住嚟食好正!!! Main course方面，我哋叫咗個香煎加拿大牛柳配和牛頰肉焗薯伴香草紅酒汁。我哋叫咗7成熟，舊牛柳好夠淋，下面仲有啲薯蓉。而和牛頰肉就係切粒，擺喺舊薯餅上面。未試過和牛頰肉，食落去都好淋，同埋有牛味。我哋另外叫咗個西班牙豬漢堡包。塊漢堡扒好juicy💞。甜品方面係三塊蛋糕仔，我哋最鐘意中間舊brownie，好濃味。我哋叫咗杯cocktail menu上面嘅櫻花樹下。…Read More

今日收工同friend嚟葵廣行街加掃街，好耐都冇飲Nuttea，所以經過見到都嚟叫luuu~我哋嗌咗兩本嘢飲，第一杯係蘋果脆脆楓糖堅果奶蓋茶，叫咗少冰微甜🫶🏻好鐘意啲脆脆，飲第一啖嘅時候一定要飲奶蓋加脆脆!!!!仲可以拎支匙羹𢳂嚟食。之後就係個蘋果茶，甜度適中又唔會好澀。好啱想飲fresh啲嘅嘢飲嘅時候揀。另一杯係滿杯葡萄，都係微糖，但係冰就固定咗。飲落去好似沙冰咁，好清爽。仲要真係有提子果肉，仲好多添。…Read More

放工嚟尖沙咀食飯，近排好想食韓國嘢，所以就嚟咗hoo 韓國包車。成個裝修都好韓國feel，廚房好似啲韓國車仔檔咁。佢仲好似韓國餐廳咁枱面會有凍水同杯俾我哋自己斟💓啲餸上得好快。坐低會上咗兩碟小菜-泡菜&芽菜先。落單係掃qr code through網上落單嘅，可以睇住啲相嚟揀，因為紙版menu未必有晒啲圖睇。我哋叫咗部隊鍋，上菜跟埋嗰爐煲好正!!! 入面啲料超足，有勁多腸仔，餐肉同菜。另外仲可以加麵或者飯，我哋就加咗麵。呢個鍋唔太辣，應該大部分人都可以食到。之後我哋仲叫咗一雞兩味 (雙拼炸雞-原味+醬油)。total得3個味-原味，醬油，甜辣揀啫。店員會俾埋手套我哋食。啲雞好好味，又大碟，我哋都差啲食唔晒。…Read More

放工嚟佐敦同friend食飯，近排好想打邊爐，所以就嚟咗尚鮮海鮮料理。近近哋地鐵站，地點好方便。我哋叫咗幾碟餸，都幾新鮮。依家經OpenRice訂位仲有八五折添。首先店員會俾10格調味料我哋𢳂。入面有炸蒜生蒜蔥辣椒仔芫荽….湯底方面我哋叫咗鮮茄維菜湯。入面都好足料，味道就淡淡地好啱打邊爐，唔會搶咗其他餸陣味。最快上到嘅係蝦，都ok新鮮嘅，又大隻。肉我哋叫咗南非和牛脊柳。啲牛都好夠牛味，色澤都唔錯。之後仲叫咗鮮打四寶丸，勁彈牙!!! 好值得嗌。成餐最期待嘅係鮮炸脆響鈴。之前係其他打邊爐店如果有我哋都會嗌。因為係即炸所以需要等少少時間。落嘅時候真係好咋咋聲好正。最後我哋仲叫咗三色麵。成餐嘅最後一味餸都唔錯。…Read More

今日放工約咗friend喺觀塘食飯，就近近哋喺APM附近嘅Dodam Chicken食。佢喺亞太中心嘅3樓，好方便㗎。依家喺OpenRice book仲可以有75折添。話明韓國嘢，梗係要食炸雞啦，所以我哋揀咗黃金鹹蛋脆雞。有得揀半隻真係好，可以試多啲唔同嘢食。Total會有大概6塊雞。可能係因為即叫即整，所以都要等一段時間。味道方面，真係有金莎味嘅，都值得一試㗎。如果我哋仲有叫到韓式海鮮煎餅。勁大碟!!! 佢係屬於比較厚嗰啲，所以中間嗰幾塊會有少少濕。另外我哋仲叫咗 韓式魚片湯。因為我哋真係好鐘意好鐘意食韓國嘅魚糕，所以就決定試吓佢。個湯會有啲鼓油味，都好好飲。入面仲有好多舊魚片，唔同嘅魚蛋。甜品方面，餐廳有個area係俾我哋自己整啲甜品。我見有waffle機添，可惜嘢食嘅份量實在太大，完全冇位。…Read More

今日放工約咗friend喺尖沙咀食飯，就近近哋喺地鐵站附近嘅Royal INN食。佢喺the one嘅1樓，好方便㗎。依家喺OpenRice book仲可以有唔同discount添。Appetiser方面，我哋揀咗香草牛油焗田螺。碟嘢除咗有田螺，另外仲會有薯蓉同埋法包片🥖。田螺都幾大隻，加埋啲香草牛油焗真係好香🤤我都仲有叫到五成熟嘅 炭燒8oz安格斯裙柳牛扒。牛扒真係幾好味，又唔會韌。同埋佢仲有個焗薯，上面加埋啲醬。好鐘意佢上菜嘅時候已經切好🤣Main course方面我哋另外仲嗌咗個 香蒜鮮大蜆扁意粉。入面有好多隻蜆，仲要全部都好大隻。不過要留意返佢會有啲啲辣，所以完全食唔到辣嘅要小心。甜品今次我哋就試咗期間限定嘅mixed berries kakigori。成碗冰真係好靚，上面除咗有唔同嘅莓，仲有啲jam同whipped cream。仲有煉奶另上添❣️…Read More

禮拜五收工約咗朋友嚟<橋 職人料理>聚一聚。地點好方便，地鐵站行過嚟幾分鐘就到我哋首先叫咗個定set C. -黑松露三文魚，黑松露油甘魚，黑松露赤蝦，黑松露北寄貝，黑松露茶子，腐皮壽司，跟迷你拉麵。 連個沙灘都有啲魚生，個醬汁都好好味。同埋拉麵個湯底都好正，忍唔住係咁飲。另外我哋仲叫咗 自選三色丼，揀咗三文魚，海膽，帶子。我哋嗌嘅所有魚生都好新鮮，食落去好有味道，同埋完全唔會腥。平時出去食海膽好怕佢有腥味，所以都好少食，但係呢間舖頭完全冇，仲好正添。我哋另外仲叫咗喺板上面有嘅甲羅燒。因為我真係好鐘意好鍾意食蟹膏，所以平時去食日本嘢，如果見到一定會叫❣️我哋仲叫咗佢哋個牛舌串燒，好juicy同埋啱啱燒起熱辣辣食好正。另外仲試咗佢哋嘅甜品-cheesecake同抹茶蛋糕，細細舊做飯後甜品都唔錯㗎❣️…Read More