艾文妮's Profile

琴晚同友人以團購劵幫襯早幾晚訂位時接線生都好nice本來感覺良好但琴晚食完就覺得以後唔會再幫襯一坐低我已經話我訂左海鮮船等左五分鐘左右就黎左牛魔王我話我訂左海鮮船唔係牛魔王伙記拎住我張團購coupon去check發現自己搞錯先轉番但呢一等又等左差唔多二十分鐘ok, 又等等等下無啦啦有伙記拎黎一個蔬菜同菇既拼盤黎我記憶中無叫過, 個coupon又唔包於是問下佢佢先拎番走話係隔離檯既ok終於等到海鮮船雖然樣樣都好新鮮, 亦都幾好味有帶子, 蝦,蠔,蟹同立魚刺身立魚都係一貫清清地無乜味道好在無乜腥味其實海鮮之中最好味係帶子夠鮮味但坦白講除左每樣有四件外我真係唔覺得係四人份量既海鮮船好彩我地兩個人黎額外再加左羊肉片,魚麵(每樣52元, 但份量偏少, 味道都新鮮既, 但價錢同份量唔多成正比! )同埋再椒鹽左個立魚骨先叫做飽計埋加一, 醬料每位15蚊結果自己再要俾二百幾蚊先落到樓計埋團購個海鮮船既268元呢餐飯差唔多五百蚊仲要兩個人都唔太飽肚不過至令我覺得煩既係.........同一句說話要講幾次首先, 一餐火鍋食左唔夠一個鐘但d伙記就不斷黎話換碟我食左一隻蝦就話要換拿拿臨換左第一次碟到後黎我地都關晒火臨住食埋兩啖都走人又第二次黎話換碟友人已經話左唔駛換過左唔夠五分鐘又有第二個人黎話換碟我真係忍唔住話佢聽"我已經一早講左再唔駛換碟!"其次, 伙記見我地清得d食物差唔多時已經問過駛唔駛再加食物我已經話左唔駛點知過左唔夠五分鐘另一個人又黎問相同問題你試諗下, 一餐飯食左一個鐘左右個口除左食野外就係不斷重複答問題令我不禁覺得殷勤到人地好煩! 加上個團購,明明二人份量講到四人份量 我諗我一定無下次! …Read More

同老公經過突然好想食pizza點左半分天下(千島夏威夷mix超級多寶)同葡汁雞粒焗飯兩邊都好好食夏威夷o個邊就少肉d無咁滯超級多寶既一樣係千島醬雖然無pizza hut咁精緻但無咁油同滯口外賣自取又平呢真係好抵食葡汁雞粒焗飯就差d個汁怪怪地螢光色雞肉份量亦太少但間唔中食下真係好開心…Read More

約左朋友食飯旺角靜靜地又可以慢慢坐既地方唔多就選擇左呢度點左扒三文魚菠菜意粉,咖哩海鮮飯,栗子夾餅同香蕉蘋果薄餅三文魚唔會煎得過熟菠菜汁唔會太濃味清清地好fresh既感覺咖哩海鮮飯既海鮮仍然係咁新鮮而且份量不少但咖哩就同平時街買到既咖哩磚一樣味道, 無驚喜栗子夾餅可以但夾餅無上次食咁外脆內軟蘋果薄餅點菜時已經話要等耐d(大約十幾二十分鐘)但估唔到等左足足半個鐘本來以為係焗既特別耐但原來只係薄餅舖上蘋果片真係唔明白做乜等咁耐服務可以加水都算快手…Read More

放假最後一日同老公去街因為就我要整頭髮關係黎左深水步老公話要食呢間點左兩個set lunch—清炖獅子頭同蜜桃咕嚕肉老公個獅子頭真係好清清到係一大粒肉丸咁味道一般我既咕嚕肉較好雖然細粒d但炸粉皮唔太厚又啖啖肉個汁亦幾好味唔錯菜飯唔太油亦好翠綠ok前菜有花生甜品係杏汁糕呢d就普通d麻麻服務可以但相對就唔多抵食喇個餐本身30,轉菜飯要加2蚊,凍飲又2蚊仲要唔知有冇加一添!!…Read More

情人節食西餐/buffet都一定多人又貴我從來唔覺得值得花呢d無謂既額外錢本來打算求求其其一餐但想起無同朋友仔食過韓式燒烤上OR睇呢間餐廳食評咁好雖然遠d o係北角但個個都讚選擇多味道好加上情人節都唔係收得貴只係118加一同限時一個半鐘就試下試過燒肉類．魚類．以至泡菜．前菜．醃物．人參雞湯我都覺得好好味尤其個醃蓮藕同龍脷柳簡直係encore再encore我鍾意佢選擇夠多我同朋友仔個胃根本試唔晒咁多款值得推介可惜係地點略為唔方便同要慢慢對住地圖搵囉…Read More

本來上網search左去元味但點知去到先知原來只係一間外賣店堂食得幾個bar檯位會坐得好辛苦結果即時變陣行過幾步見到呢間蒲田見地方幾大menu又多選擇就一於試下三個人點左個二人餐+梅刺身+雞扒烏冬估唔到個二人餐份量咁足咁大結果食唔晒要打包先黎二人餐刺身同散叫既梅刺身除左吞拿魚差少少外全部都好好味好鮮味尤其d帶子粒．蝦刺身．黃金魷魚．大蜆肉同o個隻帶黃色既魚魚更加係超正連配菜o個d紫色海草都好爽口好鮮味正呀！！！根住再有二人餐既芒果雜菜沙津個汁酸酸甜甜好開胃芒果又夠甜真係唔差再黎燒雞扒烏冬（我估係稻亭烏冬）雞扒燒到皮脆而肉又唔韌配上甜甜地既照燒汁味道唔錯最估唔到係簡單既配料冬菇都好厚肉又淋身烏冬煙煙韌韌配上甜甜地既湯底我地三個一致認為好味道仲有人連湯底都飲清同烏冬一齊上檯既仲有煙肉卷但呢個相對就普通左d喇個二人餐其實仲有鹽燒鯛魚同牛肉卷味道都ok松蟹鍋d蟹腳唔算好鮮甜d肉仲有d散散地但有d清清地既菜同豆腐食下都幾好至緊要係滾完既湯頭好清甜我忍唔住飲左成碗二人餐仲有麵豉湯同栗子飯但我地已經飽到上心口結果打包左d飯最初以為已經食完我地坐o係度睇下電視吹下水時先知原來仲有雪糕我試左紅豆雪糕有一粒粒紅豆咬下好有口感唔太甜都算幾滑呢餐真係又豐富又好味呢同場仲見到黃伯鳴添…Read More

買黎加料估唔到幾好食D鹵水唔會太鹹肉亦算多15蚊一盒超抵…Read More

中午同同事黎食飯點左咖哩班腩飯,鹹魚雞粒炒飯同馬拉棧雜菜成32蚊一碟飯但配料得少得可憐咖哩飯只有四件班腩鹹魚少到見唔到雞粒細粒仲要少到得10幾粒只係飯量足夠馬拉棧雜菜算係較好夠蝦醬味又唔太油成餐至好係得個菜難怪lunch time週圍都full係得呢度得半滿…Read More

早幾日唔想煮飯叫外賣之前食過呢間覺得味道唔差就決定翻炒但估唔到差左咁多點左菠蘿生炒骨飯本身已經係菜多肉少但仲要件件都係炸粉漿包住肥豬肉結果我只係食左白飯加菜令我十分失望或者遲D會俾多次機會佢既.........…Read More

夜晚一班舊朋友聚會貪方便黎左呢度點左兩個2人SET加小食拼盤龍蝦湯好味但配料較少拿玻里意粉份量足但較漏香芒雞柳PIZZA幾好味雖然點左厚底但邊位脆脆地口感幾好豬肋骨份量大又好味龍蝦汁墨魚麵味道好唔太漏但份量少追加既小食拼盤其中有個炸紫菜卷本住試試下既心態食估唔到又幾好食唔漏又特別服務就差D每個菜都等左成三個字先上足足食左兩個鐘先食完…Read More

早幾日同朋友仔黎唱LUNCH K因為不嬲呢度野食出名好食又黎番呢度點左五柳咕嚕肉飯同卡邦尼焗飯(@$38)雖然話物價上升豬肉牛肉價錢都貴左但估唔到比起上次黎食份量少左勁多十足十只係得番三分一好在味道一如以往咁好可惜飯好硬身一D都唔好食食左兩啖就唔想食朋友仔既卡邦尼焗飯又係超少唔單止配料少仲要飯既份量都少朋友仔唔肚餓都話唔夠食好彩之後可以去自助BAR煮油菜填肚唔係一定要去食TEA…Read More

上星期陪朋友仔&佢既同事黎消夜蕃茄蟹鍋湯底出奇地鮮甜牛柳粒唔韌又夠牛味但肥牛片就差d鵝腸幾爽口魚皮餃雖然係來貨但size夠大粒相比起湯底全部配料只屬一般招呼又唔夠好酒水又相對地貴朋友仔話唔夠抵食囉…Read More

之前路過呢頭本來想買包食當下午茶算數但見佢10蚊碗粉麵咁平加上記憶中好多年前食過墨魚丸河味道唔錯就入去試下雖然環境好大排檔feel但真係貨真價實叫左牛筋魚麵($15)同牛什魚麵($15)人多等左一陣先到但份量好足牛筋同牛肚都炆得好淋身又入味魚麵似四洲魚麵湯底有少少味精但overall以呢個價錢係超值之前食過另一間更味精既都要二十幾蚊值得翻炒…Read More

麵包成日翻炒唔重覆comment今次試栗子蛋糕但有d失望囉雖然蛋糕依舊鬆軟但栗子蓉份量太少面頭太多cream好在d cream唔會太甜但食完都有d漏圍邊既cream竟然帶有我唔愛既咖啡味所以overall係失望下次都係食番黑森林好d…Read More

上次食完呢度既外賣擔擔麵回味無窮咁o岩有事路經呢度就黎翻炒不過服務就有d混亂囉明明係阿姐主動問要唔要辣我話左要走辣最後又黎左少辣好在我都食到少少辣o者不過或者因為堂食d麵無外賣浸咁耐個湯底好似無上次食咁重花生醬味豆漿唔太甜有豆味幾好1人14蚊係超值環境就差d架喇但點都抵食過隔離囉…Read More