電話情人的個人專頁

作為新界北人，到舊墟找吃是必定的。整條街都是食肆，這刻的抉擇很是頭癢。見漁匠開業以來都從未光顧，今晚決定同朋友試新野！YOYO!地方小小，但我對這類店子很有好感，至少身為新界人會珍惜每間剩餘的小店！日本人很喜歡吃鯛魚，其中較矜貴的正是金目鯛！想不到這裡竟然吃得到！因為有又大又金的明亮眼晴，所以叫金目鯛。方坐下，一聽到店員推介是日精選活魚刺身之一是金目鯛，我二話不說就點了! 這活魚刺身配以酸醫油，作前菜很開胃！這種魚的肉質細膩柔嫩，魚刺身刻意切得很薄，既鮮又甜，丁點的腥味也沒有，不點醬油更吃得到鮮味，十分之推介！惟一挑剔是刺身上有少許魚鱗，師傅在處理上要更留意了。隨之奉上的是由金目鯛魚骨、魚頭熬成的湯，毫不浪費，奉上來時熱騰騰地冒著煙，冒了15分鐘之久(有夠誇張)。一飲之下果然沒有失望，因為魚的新鮮令湯也鮮甜。可是個人向來喜歡飲濃濃的魚湯（有些人覺得是腥味哦），這魚湯魚味相對比較不突出，反之是較清甜。另外，又點了幾款壽司，師傅很有心思地擺放！有趣之處是上水的三文魚壽司總是拖著長長的尾巴！個人喜歡三文魚的油甘味，如果厚切代拖長就好了! AvA另外一嘗了金線魚，鰻魚，凡立貝，珍寶赤海蝦壽司等!都不錯!這一味菜我要打5粒星星，大家猜猜這是什麼？一開始以為是點錯了炸餃子，原來是海膽汁煮蠔！我吃得很重口味哈哈！這個海膽汁偏甜，一點也不腥，味濃，蠔則是外脆內軟，一咬之下簡直感到十級幸福！我統對會為這道小菜再度光顧！為人很貪玩，有特色的東西最吸引我。以下的迷你寸燒爐真的很可愛！小小的爐面寫滿了字，很富日本特式，加上是迷你size，很別緻。試了三款寸燒如下:蕃茄煙肉，肥牛卷，虎蝦!味道其實沒有太突出，但勝在好玩好睇！因為點了寸燒的緣故，順道也點了sake，輕嘗一口，卻覺得為整個用餐添了更多快樂！但需要改善的是通風系統要再加強了，始終在室內燒烤油煙味濃。最後也點了甜品作結，這個哈密瓜配紅豆雪糕也很不錯!總之是甜蜜蜜！食物真的好味，但我最喜歡的，其實是店員的親切服務態度。不知是否有舊墟街坊街里的情，每奉上菜給每台客人，都會寒喧幾句，熱鬧非常！下次帶上家人朋友，會再回來!…查看更多

一行四人，再次來到瀛喜；來瀛喜，就是為了有瀛的放題。友人和我都一致認為，放題的焦點在於刺身。於是一開波，當然是先上一隻刺身船過下癮先啦！喜歡瀛喜的其中一個原因是刺身，雖然黎數有時不足，但真係件件好夠厚，而且又好新鮮！而當中，三文魚刺身就是我的最愛！肥厚得黎，魚鮨香重！愛吃三文魚的朋友啱晒。玉子真係令我有驚喜。因為玉子一般都不會是放題的主角，但瀛喜呢個玉子，蛋味好濃，而且帶有蜜糖的甜!整體黎講，刺身船是一如既往令我值得俾爆趣！天婦羅係我第二喜愛的日本菜，而當中我最愛的就是鮮蝦天婦羅。瀛喜的鮮蝦天婦羅真係令我好想番兜再番兜！因為鮮蝦好大隻，而且炸完還能保持蝦的鮮味！無奈我係一個怕熱氣的人，所以叫了一轉之後就要收手了！第二次光顧瀛喜，沒有令我失望，保持了應有的水準！香港的放題有好多，但自己不敢隨便亂試，因為我知道放題就是等於成本經營，意思即係有好多伏！但自從第一次試過瀛喜後，發覺原來放題也可以做到食材大件、新鮮！今晚，我們一行四人，帶著飽足和滿足離開。 …查看更多

約左朋友聚舊，晚飯去左呢間野到，因為聽講呢間日本料理新開張，連我住長沙灣嘅朋友都唔知道有，所以我地兩個抱住好奇嘅心態去食。我地八點幾先到，入面唔系好多人，只有一兩枱有客。我地坐低，望下周圍，佈局設計簡單，無咩特別，衛生程度算唔錯嘅。揭開餐牌，睇到不同嘅日本菜式，款式無咩獨出，普遍有既野，但價錢都幾平。我地叫左個二人套餐，有刺身，有飯等等。初初食個沙律同麵豉湯，質素平平。之後到個刺身，雖然系二人套餐，但份量就好似一人套餐禁，有D少。而刺身食落，三文魚、北寄貝等魚生，無咩味，有嘅只系雪嘅味。之後嘅海鮮煱，味道只系普通魚湯味。其後自己點左個螺肉，食落，有點失望，因為好明顯食落化仲有冰未溶，甚至用眼都可以睇到，令到我食左幾個就唔想食。 不過，佢地都有野好，就系個蒸蛋，好重蛋味。總體來講，質素還有進步空間。…查看更多

有一日假放，想遠離一下煩囂嘅都市，諗一諗，赤柱呢幾年來都無去過，聽講比以前唔同左，就決定自己一個人，帶埋相機，搭巴士入去，行下沙灘，行下市集，影下相，做下「一日的旅客」。赤柱，雖然變左唔少，但給我嘅感覺，依然系以前嗰個赤柱，一個讓人放鬆心情、心曠神怡嘅地方。行到赤柱廣場，搵到一間叫Waffleman嘅甜品店，見唔多人，就入左去坐下食下野。Waffleman有室內室外座位，兩邊座位數目差唔多，室內可能少D。我搵左個近落地玻璃，面對住外面嘅座位坐低。店內嘅設計沒有花巧，但就散發出淡淡的歐陸情懷，一個開放式廚房，牆身以鮮艷的橙色同黃色為主，重有貼上左一D比利時的景色、人和事及窩夫有關的相片作裝飾，枱凳清一色系白色，簡簡單單，但充滿生氣、活力。攞起餐牌，發現原來呢間系waffle專門店。16款不同味道的窩夫，有經典口味嘅、忌廉口味嘅，而烈日窩夫同新地還會不定時推出一款期間限定款式。當然，還有一D嘅簡單飲料供應。特別嘅系，餐牌上有D介紹點食窩夫的方法，都算系幾特別。我見香蕉朱古力列日窩夫賣相吸引，所以就要一個。據我所知，烈日窩夫來自比利時，有別於普通窩夫，經過發酵的烈日窩夫會較為煙韌及鬆軟。但呢D都只系聽聞過，未親身試過真系唔知系點。等左十五分鐘，我嘅列日窩夫終於送到。由於窩夫系即叫即製，所以放隻手埋去都感到暖笠笠嘅，非常新鮮。烈日窩夫加左一層糖衣，窩夫機嘅坑紋明顯而獨特，窩夫上有切左粒嘅香蕉同棉花糖，中間有一球忌廉，上面有一D朱古力碎，整個烈日窩夫都淋左D朱古力漿上去。整個外觀睇落，非常吸引。用刀切開個窩夫黎食，食落，真系會停唔到口。首先系個窩夫，食落甜中帶一點點咸，好重嘅牛油香味，口感柔軟、煙韌，而且鬆軟。加埋香蕉同棉花糖一齊入口，令原本甜甜地嘅窩夫，混合上香蕉嘅香味同朱古力嘅甜味，令味道更為豐富、更有層次。唯一有少少唔好就系中間個球忌廉，雖加上左朱古力碎，但食落仍然覺得有D膩。但整體來講，四個字總結：一試難忘。至少，我食完一件系有再想食多件嘅衝動。望住赤柱怡人嘅景色，享受住如此令人難忘嘅甜品，心情霎時放鬆晒，什麼煩惱憂慮，一掃而空。今個假日，滿足啦!希望短期內放鬆下自己，當為自己charge下電啦!…查看更多

同朋友聚舊，就番上班嘅人，所以去左荔枝角食野。見到間日本野，外觀幾吸引，所以入去食晚飯。服務員熱情地招呼我地入到去坐，一路行入去，內部裝修到好有日本部屋嘅感覺，每個卡位都有帆布簾遮一遮，算系日系裝飾又得，算系食野時候有D私隱亦得。佢地有兩個餐牌，一個系只有酒，另一個就系食物嘅。三頁紙嘅酒類餐牌，好多唔同嘅酒，最多當然系日本清酒，但我地嗰日唔想飲酒，所以無理。食物類餐牌入面嘅野，同其他日式餐廳大同小異，特別少少可能系爐端燒，價錢唔平。一個鰻魚飯都$180，其他刺身價錢都幾高。我地叫左鰻魚飯，一個刺身拼盤同爐端燒雞排同牛肉。十幾廿分鐘之後，鰻魚飯先到。一望之下，我地有D失望。 $180一個，但份量可能一個人都唔夠，真系少得可憐。之後黎刺身拼盤，靚就幾靚，但又系少得可憐，以為佢系大大舊，點知都系好細，分都未必夠分。爐端燒最後先黎，但只系爐端燒雞排而已。情況一樣，系好細碟，夾一輪就無晒。而爐端燒牛肉更加系等左好耐都無，最後我無食過就埋單走左。雖然食物質素高，好好食，但價錢高而份量小，食左等於無食過。不過埋單時候特登有個日本人好好笑容禁過黎傾下計，感覺唔錯。總而言之，單睇服務、環境同食物質素，十個讚。但價錢同份量就真系差少少。如果系一班朋友只系飲酒吹水，呢間系好嘅選擇。但食晚飯就未必太合適。…查看更多

近排食放題都食得相當頻密，今次過左黎CWB，呢個放題選擇相當相當多既地方，有競爭，當然應該有質素! 樓下有呀姐派傳單，仲幫我地撳埋lift上去，入到餐廳，望落唔大，所以都幾易坐爆，格局以木色為主調，簡簡單單，不過坐耐有少少凍呢間放題有樣野個人認為最值得欣賞: 就係佢地既服務~ 佢地非常有效率同埋好有禮貌，特別係果位經理~抵讚 未食已經加晒分先!食物種類極多，簡直係花多眼亂 無謂嘢唔講太多，介紹吓部份食物先!牛舌用咗蜜糖來做調味，感覺好似去咗BBQ咁~ 面頭甜甜地，食落一啲都唔硬，good!題外話: 食物相真係好難影，閃燈就爆光，唔用又黑... 波菜卷真係非常特別，本身睇個名根本唔會諗到係啲乜嘢來，咁就引起咗我既好奇心啦! 波菜唔老，加埋啲配料好有咬口其實應該放呢個係頭，青瓜咬落sok sok聲，再加埋蟹子又卜卜聲，係一碟好有口感既頭盤其實有時我真係覺得個盤可以細番少少雖然咁樣睇落都幾型，但係張枱好快淪陷~~ 刺身種類算係非常多，三文魚、希0魚、油金魚、八瓜魚等等，最好食既始終係三文魚，夠晒肥美鮮甜，其他就冇乜特別，中規中矩~ 螺肉都係常吃小食之一，要介紹佢係因為佢既甜辣比例如啱我口味以往食開一係太甜、一係太辣，但呢個就啱啱好(純個人感受)鵝肝呢啲貴價嘢竟然可以喺度食到! 麵包唔會勁大塊，所以唔洗擔心食左塊包食唔到其他嘢，真正既高級鵝肝係點既味我就唔知，但係個人認為呢塊鵝肝已經好夠香，同埋入口即融既感覺真係好正呀差啲唔記得仲有火炙三文魚，睇落雖然唔太靚，但係食落又相當唔錯，唔會太油之餘好香口，不過上面既沙律汁可以再多啲~…查看更多

前日舊同學聚餐，商量過之後就定左去铁人旨花。我地book左8點食，餐廳環境幾新幾熱鬧； 人少少既話， 我强烈建議坐bar檯，氣氛一流﹗ 頭盤係有wasabi味既八爪魚，綠色既賣相的確係唔吸引，但係味道幾特別。第1道菜係牡丹蝦刺身，超欣賞伴碟既黄色啫喱，咸咸地好開胃。第2道菜係花壽司，有蝦，海膽同魚子，賣相好精緻，但係味道一般 。第3道菜係燒烤版既帶子伴翠玉瓜，上菜有d慢，好在味道夠好，夠多汁，好好食，等下都係值得既。第4道菜係鵝干配多士，第1次食鵝干，同電視講既1樣，入口即溶，又唔太膩!!!第5道係烤和牛， 賣相有d似煎釀3寶，配香草醬，味道 有d似香草味肥牛，而牛肉質素好，口感系會唔同D，入口即溶。最後黎左道海膽龍蝦, 龍蝦配海膽汁去食，係師傅配搭出黎既，味道好特別，令人欲罷不能。而但係6個人份量有d唔夠 ，再加左個炒飯，味道就不過不失拉。甜品係雪糕版既frozen yogurt, 竽頭味雪糕， 入面加左紅豆，底下再加coinflakes, 脆脆地, 好有口感。Overall, 好多菜式都好新穎，但份量可以再多d就perfect lah…查看更多

今晚返屋企之前又叫左2個堂記包包食已經唔知第幾次黎lu..雖然佢地應該過左營業時間,趕住收工咁款, 但都會賣晒先收態度都唔會好差!另左2個包, 蓮容同菜肉, 冇計, 得返呢2個但呢2個包都好熱!蓮容包依舊好多蓮容, 熱辣辣超好味! 個蓮容味都唔錯, 甜甜地咁, 不過蓮容個味就可以再濃D就好菜肉包個ham好熱, 但感覺上唔係煮左好耐咁...雖然唔係生, 但感覺一般個D肉汁撈埋個包食真係好正, 本身個肉汁又多, 成個包都好好味!另外叫左罐可樂, 仲係好涷!!十幾蚊黎講宵夜唔錯!!…查看更多

女朋友之前成日都同姊妹黎, 今次就係我第一次黎朝聖等左好耐呢D唔洗講啦一入到去就有台灣女員工服務, 真係好有台灣feel女朋友話事叫左D野食,我就負責食!叫左一個pancake, D pancake顏色唔同, 有D似朱古力色, 雖然朱古力味唔, 但係都幾特別, 幾好味ge...加埋朱古力雪糕, 撈埋黎食真係不得了; 順便一提, 呢度D食物好多時都expect你撈, 如果你手勢唔好就可能造唔到佢個理想效果lol另外叫左牛角包配沙津..牛角包個味係同出唔面唔同ge, 牛油味重D, 都ok好味叫左二杯野飲, 一杯係朱古力, 另一杯係果茶果茶比較特別, 因為佢有好多水果, 什至橙皮都有!整體黎講呢間餐廳算係OK, 但係要等成九個字真係誇張...…查看更多

是日又係陪女朋友黎食野, 佢成日話想食貴婦tea, 經朋友介紹下黎左呢間!呢間野真係有點貴..女朋友喜歡, 冇計一黎到比左二杯水, 佢D水係加左D水果係入面, 味道好清新叫左D野食, 一黎到女朋友見到個個架就"嘩"左聲..係特別ge,D野食味道都唔錯, 外相都好睇, 同埋款色好多!最鍾意食係macaron!佢D味道好特別, 外層同內層的味道可以好唔同, 對比形成一個唔錯的味道, e.g.橙味外層加朱古力內層; 另外個house scone and bread都唔錯, 鬆脆, 又唔太乾; martini pearl係有點火環節又係好特別..另外叫左杯朱古力飲...味道就冇咩特別..整體黎講, 試一次半次OK ge,但價錢真係貴左D...…查看更多

同fd跑步跑到呢頭又有點肚餓, 貪平叫左二個唐記包食依舊係好多人排隊但好快又有野食叫左一個紅豆包同菜肉包今次呢個紅豆餡就反而少左, 真係唔明, 上次明明多好多, 唔通因為今次冇咁熱熱脹冷縮?定係D包間間都唔同? 不過個飽依舊好味, 但係個菜肉包D餡反而好似多左!個菜肉包D肉汁都係juicy, 撈埋D包食真係一流!但係其實菜肉包同菜脯包個味真係好似差唔多, 係我味覺問題定佢本身真係咁?二個包扲上手都熱熱地, 其實呢種感覺真係好正, 我開始擔心D面包鋪會唔會俾唐記搶左好多生意…查看更多

去開藍田圖書館, 借完書出到去對面第一間就係呢間見佢冇咩人諗住食個快飯就算, 即刻坐底啦, 點知食落都唔錯叫左碟豬頸肉飯, 要青咖哩汁, 個份量都OK多D汁都幾多, 小小辣咁, 聞落都幾香, 食落有小小甜味, 有D似沙嗲王個陣味老板娘係泰國人, 員工之間都係用泰國話溝通, 雖然好忙, 但係佢地態度都好好!送埋例湯, D湯都好多湯渣, 好足料, D料都好新鮮, 有紅羅伯, 冬瓜, 粟米, 仲有豬肉!…查看更多

同女朋友黎開呢頭, 突然話唔太肚餓但又想食野, 於是同佢叫左D草為主ge沙津呢間餐廳唔洗等太耐就有位, D位唔算太迫, 同埋都幾有格調!呢度D沙津賣相好好!但食落唔算太新鮮..但應該都係即日整好既D醬都調得幾特別, 酸酸甜甜幾好味!另外叫左taco rice, 呢次係素食既, 用D豆乾粒當肉咁效果不錯!本身賣相好靚, 而且陣味都好香,另外有埋蛋黃撈埋食真係一流!另外都叫左杯mango rita, 酒味有D重, 冇咩水果味, 但係都好香, happy hour 買一送一!…查看更多

咖喱炸金邊粉黎開九龍城梗係要食野啦! 女朋友介紹黎呢度食, 真係冇介紹錯!佢話事, 叫左三味, 一碟係咖哩, 一碟係金邊粉,同埋芝士蝦丸 結果都唔太貴, 同埋都OK飽咖哩個碟有小小辣..本身唔太食得辣, 不過其實佢都唔算好辣, 有甜同咸味蓋住 不過用蒜蓉包點黎食好新鮮!都好好味..可惜D飽唔太熱金邊粉都好好味!香料好足, 唔太油, 食落唔太濟!芝士蝦丸真係唔錯!好大粒, 都有蝦味, 芝士味好濃!好正!題外話...食完第二日爆左瘡 好後悔諗住慳唔叫多杯野飲…查看更多

之前女朋友陪朋友食過OK, 叫我陪佢食, 其實都唔錯!叫左個fried chicken benedict, 佢隻醬好得意!, 小小酸仲有D辣味, 但係都唔太濟ge另外叫左個fisherman's chips, 有唔同的炸海鮮, 炸薯條, 同埋蔬菜, 都幾特別. 黎個陣都好熱! 好香好脆, 炸蔬菜個D例外 炸魷魚都唔會話太乾身, 點D醬一齊食好好味. 佢D醬係有芝士碎, 好特別, 呢味應該係最好食的一味另外叫左個燒粟米..認真冇咩特別...同自己BBQ個D好似...當然唔小得叫出名的ICE CUBE啦!不過飲落覺得冇咩特別..自己本身唔算好鍾意牛奶同朱古力..D橙皮真係唔係咁好味, 咁應該加落去…查看更多