missiefatfat's Profile

馬鞍山出左名係美食沙漠雖然好多新的食店進駐馬鞍山, 但大多數係連繫店, 而原來好多小店都逐漸消失!:(最近疫情關係, 無意中發現呢一間小店, 食過後, 決定要推薦比馬友們!!!一進入店舖, 內裏裝修已經充滿日本風!牆上貼滿了很多sake名字, 而在另一邊, 發現了老闆將sake樽上的貼紙整落黎, 貼係牆上面! 非常特別!!!因為係小店關係, 如果比夠大隻小小, 相對地會覺得位置有d細。呢到menu講到明, 係即叫即燒 (我知有d串燒鋪係會落油炸, 唔係即燒), 所以大家要比d耐性呀~ 所以每次黎我會係叫下啤酒/sake, 邊飲邊等佢個menu都幾多選擇, 價錢合理!!對於鍾意食串燒的我, 我黎到乜都叫一餐, 而且個日咁岩撞正老闆買左d海鮮返黎, 所以唔理3721, 不斷叫野食有d海鮮menu上面冇嫁, 所以睇下個日好唔好彩有冇特別menu啦<<清酒煮蜆>>好鮮甜, 而且係冇沙嫁!!!!!!!!<<花螺>>仲叫左條燒魚, 唔記得叫咩魚外面脆卜卜, 但入面唔會過熟!!!! 呢個真係老師傅手勢呀<<盬燒大白鱔>><<燒吊貝>>大大粒, 連湯汁都飲埋!!!跟住仲叫左其他串燒, 有d掛住食就唔記得影相!我係到講下有咩串燒我個人比較鍾意食啦~<<蜜糖燒花枝丸>> - 1串有3粒, 3粒都大大粒, 同出面d花枝丸比真係冇得比呀!! <<紫洋蔥豬肋條>>- 呢個成日好快賣哂, 啖啖肉, 唔會怕太肥膩, 有紫洋蔥夾住黎食, 簡單食多幾串都得呀!!<<厚切牛舌芯>> - 呢個都係經常性好快賣哂, 何謂厚切? 真係整到成粒一口牛咁大粒, 好咬口<<燒原條茄子>>- 呢個簡直可以講, 佢個茄子配辣肉醬堅係好好食, 個辣肉醬係唔同出面個中式串燒辣醬, 於是我個日多口問過老闆, 原來個辣肉醬老闆的媽媽自己整嫁!!!自家製作!!!!!! 搞到我好想要一樽<<日本雞皮>> - 睇得出係人手串的雞皮, 唔係出面d串燒鋪個d, 出面個d燒完會縮哂水咁, 又或者好似炸完咁~但呢到唔係, 食得出個分別!其實我仲叫左好多野食, 好多都介紹唔哂!<<鹽燒牛肉>><<秘製美國嫩牛肋條>><<荔枝豚肉卷>><<月見免治豬肉軟骨棒>><<雙重芝士煙肉大啡菇>>係馬鞍山呢個美食沙漠地區, 搵到一間咁出色的串燒店, 而且又夜晚11點幾關門, 可以邊食邊飲, 令我會不斷返黎食~同埋佢地d串燒, 睇得出全部人手串, 真係好有心機!!係食緊途中, 都見到唔少人食主食, 佢d主食都好快賣哂~而且佢地個員工都好好, 比左張單張我地, 提我地, 如果下次黎, 可以打定電話book位! 始終都係即叫即燒, 繁忙時間可能要等一段時間先有位。而且佢地電話超易記, 講左一次我都記得 46000064~佢地都提左我地, 如果想叫外賣, 可以打定電話落黎order, 佢地會講返預幾多時間黎拎外賣所以話, 好味的小店, 要多多支持!!!…Read More

當個個被前面街的餃子吸引住去食個陣,就發現左呢一間餃子店!內在環境就好似舊式帶點內地風的快餐店!而店員主要講普通話, 但廣東話佢地係聽得明的!今次就叫左1) 鮮肉白菜湯餃 10隻2) 鮮肉香芹湯餃 10隻3) 鮮肉粟米煎餃 7仔試完3款, 餃子皮薄料多!個煎餃非常出色! 好少會見到煎餃係煎到每一面都脆!食落去好香口, 唔覺得油膩!鮮肉香芹湯餃, 一咬落去, D芹菜係爽的! 好新鮮! 而鮮肉白菜湯餃, 係黃牙白, 會比較淡味少少!而個湯底係大地魚和豬骨煲, 少味精!如果覺得湯底唔夠味, 可以加枱面提供的辣菜脯...如果係女仔黎食, 7隻餃子應該就夠飽!除此之前, 佢地都會有生餃子賣, 可以買D返去屋企自己煮黎食!P.S. 餃子可以雙拼…Read More

如果住係新蒲崗﹑黃大仙呢區, 好多街坊都會識得連一間店舖!而我, 食完1次之後就已經愛上, 已經變左我的飯堂!基本上1個星期我可以去食2-3次!雲川小鍋米線, 主打當然係米線! 佢地有分2類比大家揀...1) 自由選配料2) 雲川推介湯底有分幾種...1) 清湯 - 豬骨雞湯2) 酸辣 3) 麻辣 4) 冬蔭公 而我每次都會揀唔同的配料食, 但我一定會揀麻辣大辣!佢地的辣係自己調配, 同出面好唔同, 係完全食唔到呢隻味!如果大辣都唔夠的, 可以同佢地講, 佢地會整一個特辣比你!雲川米線 - 大辣(墨魚春卷﹑墨魚頭﹑麻辣腩肉)墨魚春卷 - 扁身, 有咬口, 仲可以吸下D辣汁墨魚頭 - 超爽口腩肉 - 唔好以為腩肉會好多肥膏, 其實呢間比例岩岩好, 食完唔覺得肥另外仲有2款自由配米線1) 大辣2) 清湯除左食米線, 另一真心推介就係蒜辣雞翼尖呢間可以話超越左B仔的雞翼尖, 蒜味重, 再加上青指天椒, 雞翼尖原全入哂味!!!!另外, 晚市佢地都會做烤魚!係原條魽魚 - 附送 滑雞柳﹑滑牛肉﹑娃娃菜﹑米線/飯湯底有分4種1) 雲南酸菜湯底2) 蒜香風味湯底3) 雲川麻辣湯底4) 冬蔭公湯底麻辣湯底 - 中辣酸菜湯底食過咁多次,本人強烈建議一定要配米線!食到咁上下, 放d米線落去煮, 米線係會吸哂d辣味!!!係超級爽!!!另外, 食烤魚的湯底辣度, 有可能同米線唔同, 可以嘗試叫大一級!如果唔食辣可以試酸菜湯底, 會越食越開胃!!!最後, 比多少少資料大家1) 如果夜晚想食烤魚, 記得book定位先(晚市成日都full, 好多人食烤魚, 唔係等唔到位)2) 烤魚last order時間為晚上9時 (因為店舖10點關門)3) 米線last order時間為晚上9時45分4) 逢星期日休息…Read More

假如你係好鍾意影靚相, 打卡, 做下偽文青的....呢間Cafe一定好岩成班姊妹一齊上去.....門口係咁樓梯位 呢2個位已經可以影相打卡!!!!入到去的環境完全走黑白風格路線!!!!而且全部都係手繪畫嫁!!!!Lunch menu正常價錢~Lunch set包湯﹑麵包﹑茶/咖啡今日就要左個煙鴨胸&香辣腸配香草醬意大利粉 再+HKD25要左杯凍花茶個湯係是日湯, 鮮甜......個麵包就反而硬左少少.....意粉岩岩好, 唔會太硬太軟, 而且佢個香草醬配落去煙鴨胸&香辣腸係唔錯, 唔會搶哂D味!!!反而一讚的係杯凍花茶, 飲落去清爽, 舒服, 解滯一流!!!!除此之外, 店員都好nice, 會問下我地的意見睇下有冇野改善下!如果Lunch去, 建議提早book位又或者12點15分左右去到拎位....唔係就要等位嫁啦~…Read More

早前同同事經過, 見到呢一間酸辣格格, 好辣的我地, 終於今日去試一試!12點10分去到, 唔洗等位, 直接入去坐....佢呢到都幾多選擇,有麻辣搾麵特色菜飯套餐米線自選米線今次我叫左特盛九寶米 (轉麻辣中辣)內有: 紅燒腩肉﹑紅燒豬軟骨﹑香酥脆雞翼﹑香菇貢丸﹑滷水豬肚﹑紅炆冬茹﹑千層豆腐﹑肉碎炸醬一黎到, 好大碗, 一個女仔一定食唔哂!!!!!除左肉碎炸醬, 其他餸係有2件...腩肉: 好厚身﹑肥膏都幾多, 比例差d:(豬軟骨: 好淋﹑好入味雞翼: 放左入湯唔脆豆腐: 完全吸哂d辣味其他都普普通通反而我想講佢個湯底, 我地分別叫左酸辣小辣同麻辣中辣...其實湯底真係好一般...睇落好紅, 但實質係唔辣...中辣根本唔辣, 叫左佢地比多左D辣醬都係唔夠味...冇正宗麻辣湯底個種味道...酸辣亦都係, 小辣好似冇加到辣咁, 加完額外辣醬都冇咩特別!所以呢一間, 試過就算...…Read More

假日無所事事, 係新浦崗搵野食...見到門口排哂隊, 好多人, 8掛的我, 走去排埋一份!HKD 38, 3餸一麵包飲品, 凍飲仲要唔洗加錢! 之後每加一餸就5蚊~嘩!幾少可見到咁平的車仔麵包凍飲嫁!!!呢到係先落order比錢後入座, 所以係要等d人食完, 先可以叫野食入去!店大概around 20個位吧~排左陣終於到我!首先同姐姐order麵底, 再行前揀餸!你係會一眼睇哂有咩餸揀真係好以前舊式車仔麵, 放哂出黎一格格咁!!!!我就叫左 油麵﹑生菜﹑牛腩﹑大腸﹑粟米蝦條 + 2匙 自家麻辣醬 (本人好辣之人)大腸牛腩, 好入味, 又淋喎!!!!!大腸又洗得乾淨!!!!!!!!!!粟米蝦條仲要係自家制!!!!!!不得了呀!!!!!!!!真係同店名一樣, 冇改錯名!! 令人回味!!!!!不過記住, 佢地係會每月第2﹑4果個星期日休息的!!!!!…Read More

Lunch時段, 中上環到到都係排隊等食飯...麵尊係一位同事介紹, 所以去一試!我地大概12點10分到達門口, 一如既往, 已經有好多打工仔係到排緊隊...有d係外賣, 有d係等位, 等位其實都幾亂下, 拎完飛, 但冇問幾多位...係要等佢突然之間問, 就要答幾位...呢到有個特別的地方, 係等位期間, 畫定要食咩比佢, 一有位佢就會幫你落order...當日around12點45分先入座, 真係冇咩耐性就買外賣啦 (外賣佢係會分湯比你的)...入座後, 我地足足等左成20分鐘有多先有野食...最後發現, 原來佢一直冇幫我地入單, d單亂到一個點...期間都有發現有2枱客都有唔見單, 等左好耐都未有野食今次我叫左個5餸一麵, 炸魚皮﹑獅子狗﹑牛柏葉﹑豬大腸﹑紫菜 + 2匙 自家麻辣醬 (本人好辣之人)炸魚皮 - 唔錯, 放落湯係會知道唔係放左好耐豬大腸 - 洗得好乾淨, 一D異味都冇, 滷得非常入味 麵 - 今次叫幼麵, 淋左D鍾意食辣, 一定要加埋牛柏葉同紫菜呢D吸湯的餸其實佢的湯底係唔差飲完唔會覺得口渴所以大家真係想Lunch時間去食, 要好早去到啦!唔係就會有排等嫁啦!…Read More