yansngai's Profile

裝修一望就係超韓風圓檯+圓櫈+工業風加埋k-pop music,啱哂一班fd嚟飲酒食肉充滿碎冰嘅水冷麵！啲麵超煙韌，加埋wasabi同醋，好fresh最重要係有人幫手燒啱哂身為懶人但又貪食嘅我哋坐定定等食肉就ok😍😍又唔駛驚食燶/唔熟…Read More

💛✨烏龍茶千層蛋糕 6‘’ $230 好味、抵食又多選擇嘅蛋糕店餅皮夠薄，cream夠綿密，超多層疊加，每啖都係爆cream嘅口感，偏偏淡淡嘅烏龍茶香，完全唔覺得膩。尤其適合想食甜品但又唔好太甜嘅人！.💯10/10Holam Bakery (觀塘)📍觀塘開源道60號駱駝漆大廈3座4樓I室#觀塘 #觀塘美食 #觀塘黃店 #蛋糕 #千層蛋糕 #烏龍茶 #KwunTong #KwunTongFood #KwunTongYellow #Cake #LayerCake #Oolong…Read More

難得嚟到離島，行山前梗係要搵間有特色嘅餐廳補充定體力。.🪑呢間餐廳menu分Sri Lankan同Western兩大類，但最吸引嘅當然係一望無際海景嘅dining area，再加上坐位闊落、附近唔會嘈吵、野食大份抵食，不失為一個週末悠閑好去處。.✨Mini Snack Platter $58- 吞拿魚丸子：其實唔太食得出吞拿魚，似係炸得外脆內軟嘅薯蓉波波，鍾意佢咬落即散、粉粉地嘅口感- 炸雞翼：好單調嘅炸雞翼，無論係雞翼定炸皮都無調味，要靠蘸小食盤配嘅甜酸醬先有味，尚算可取嘅係雞肉都幾嫩- 焗法包（with salsa sauce)：麵包片硬脆有啲刮口，但醬料俾得好足，酸酸甜甜作為開胃小食十分唔錯.✨Kukul Mas $85 🍛 斯里蘭卡style嘅咖哩雞——有別於我所認知嘅一般咖哩，食得出呢個係好多香料整成嘅醬汁，有少少帶苦嘅辣味，雖然唔算好惹味，但都可以一試。🍗但啲雞！！！超恐怖！！！🤢好似啲真空罐頭千年雞，又柴又霉，唔望menu真係會唔知食緊咩肉……咬咗半舊，其他唔敢再放入口喇…….✨Garlic Roti $25🫓烤餅超大塊，睇得出係手工製，唔同位置有薄有厚，煙韌有麥香，反而蒜味唔太覺，但無論單食定蘸咖哩食都好正。失色位係應該落咗好多油去煎/烤，食到成手油，可能叫原味嘅話就唔會有呢個問題.✨Linguini Gorgonzola $88用blue cheese整嘅意粉，醬汁本身都好濃味，用扁意粉加大咗掛汁嘅效果，所以每一啖都好惹味：值得一讚係雖然好重cheese味，但唔會太鹹，整體以奶香味為主，加上無論麵定煙肉、蘑菇等配料都毫不孤寒，雖然食到最後會覺得濟，但真係超滿足，彌補返咖哩雞嘅遺憾。.✨Latte $32咖啡味極少，同飲熱牛奶無咩分別🤣.💯7/10The Waterfront Restaurant & Bar (南丫島)📍南丫島榕樹灣大街58號地下#南丫島 #南丫島美食 #榕樹灣 #西餐 #斯里蘭卡美食 #咖哩#印度烤餅 #意粉 #LammaIsland #LammaIsalandFood #YungShueWan #WesternCuisine #SriLankanCuisine #Curry #Roti #Pasta …Read More

唔少人都對呢間日式小店讚不絕口，我上次嚟walk-in嘅時候飢腸轆轆但要等>1hr，所以放棄咗，今次學精咗揀平日lunch嚟，仲預先book定位，終於成功食到佢！.🪑店面以木質同灰白牆身做基調，再加上以木盤serve定食，打造極簡嘅日系風格但唔知係咪因為用石屎牆圍住又無咩裝飾嘅關係，餐廳內回音極大，再加上當日客滿，現場噪音大到聽對面位講野都有困難鹽燒厚切牛舌（定食）$168必食推介！牛舌切粗條狀，但軟稔入口即化，滿滿嘅油香，配白飯一流，下次再嚟食嘅話一定會再戰牛舌！壽喜汁燒牛肉-安格斯牛小排（定食） $228壽喜汁濃味，但牛小排小韌，如果食前影少陣打卡相、趁熱食嘅話，相信會加多啲分！.其他小菜、沙律、茶碗蒸嘅味道都不過不失，勝在款式多樣，滿足哂眼睛同胃口；烏冬同飯都稔咗啲，仲有配餐前小食同飯後甜品：毛豆、芝麻奶凍，每樣細細碟但食吓食吓都好飽！…Read More

元朗近大半年開咗好多間cafe，呢一間偏cafe style嘅餐廳都裝修得十分小清新餐廳環境乾淨企理，雖然唔太大，但平日下午一點鐘嚟食，唔算多人，坐得鬆動舒服，野食又好食，啱哂慢慢chillLunch set 忌廉蘑菇湯濃郁而creamy嘅餐湯，如果有啲粗粒蘑菇同配返塊麵包會再加分！燒菠蘿烤雞芝士漢堡配薯條 $92滿分嘅烤雞堡！大大份，食半個已經飽咗。- 🍞上層麵包搽咗牛油，無論包面定包底都烘到脆一脆，而且麵包厚身而內層濕潤，作為麵包控嘅我食得超滿足，又唔怕乾爭爭！- 🍗雞扒肉超厚，雞皮焦脆雞肉粉嫩多汁- 🍍 菠蘿又甜又多汁，同芝士擺埋一齊沖淡咗芝士嘅香，但同雞肉真超夾！- 🥒青瓜生菜新鮮爽脆，中和返大大啖肉嘅膩最鐘意呢個burger係佢嘅醬汁唔多，食返每樣材料自己本身嘅味道同埋佢哋組合而成嘅衝擊呢個burger食得好乾爽，唔會食到漏哂汁咁狼狽，但又完全唔會覺得乾👏🍟薯條都好出色，炸得鬆脆，調味粉哂得好勻巡，每一條都好夠味煎焗加拿大豬肉眼配肉桂蘋果蓉 $118- 🐖豬肉眼厚身，切開有好淡嘅粉色，一啲都唔柴，可惜豬肉香唔夠，食到中間位置無咩調味料，會有啲寡- 🍎好重肉桂味，而且蘋果粒粒雖然軟身但都有咬口，稍嫌太甜而且量多，配肉食有啲怪，自己刮開一啲會啱味啲- 🥔薯蓉細滑，配埋幾塊軟稔嘅蔬菜，夠哂滿足飽肚…Read More

（外賣）麻酸辣小鍋米線 -大辣 $62-豬頸肉-香茅雞扒.雲川食得多，今次試一試傳聞激似但更勝一籌嘅雲在線。外賣分湯明顯見到餸量超多，而且米線本身就係用小鍋米線湯煮唔係白烚，未加湯已經有色有肉碎，好入味。.雖然叫咗大辣，但其實同一般嘅中辣差唔多，麻味偏重，唔太食到酸。.豬頸肉係甜嘅，好似用好多糖燒咁，可以中和辣湯，同我之前食嘅雲川唔太似，各有風味。雖然都係條狀，但比雲川粗身；不過豬頸肉有8成都係肥膏，食落好爽口，但太罪惡，下次不了。.雞扒都係入味取勝，雞皮都燒得乾身香脆，啖啖肉無得輸。.呢間米線其實都幾高分，但個人始終鐘情雲川嘅豬頸肉，可能下次雲川要排隊等嘅話就會食返呢間代替。.雲在線小鍋米線紅薯粉 (屯門)📍屯門良德街9號盈豐商場地下A09號舖…Read More

北京填鴨（半隻） $168京式醬牛肉 $68土豆燒牛肉 $78香樁炒蛋 $68肉三鮮水餃 $44兩丁友食中菜，但又樣樣都想嗌啲，好容易就嗌丁成檯餸擺唔落， 而且每碟粉量都好多！.🦆填鴨咁嘅價錢真係好平，但一分錢一分貨，皮唔脆、多肥膏同鴨肉粗糙；卷皮唔夠熱又痴埋哂；。頂吓口癮可以一試，但絕對唔係精緻嘅填鴨。.第一次喺香港成食香樁炒蛋，香樁味唔夠勁，但蛋好滑，送飯一流！.一般涼菜份量會的骰啲，但呢份醬牛肉份量超多，而且口感紥扎實，搭配酸酸哋嘅醋醬頗為開胃。.偏鹹嘅土豆燒牛肉，有好多牛筋牛肉，煮得好稔。薯仔炸完再索哂醬汁，比牛肉更出色，可惜呢份牛肉太足料，反而薯仔就得幾舊細嘅。水餃飽滿餡鮮，最鐘意佢皮嘅厚實，食到麵粉香，配埋肉餡超滿足。.老掌櫃東北菜館 (海之戀商場) (荃灣)📍荃灣大河道100號海之戀商場2樓2006號舖…Read More

.塔香松露台式燒雞（半） $108- 配牛油果沙律牛肉麵 $88- 附滷肉青菜.午餐連埋3個小菜同1個甜品，用木盤裝住上菜，又靚又豐富。燒雞半隻好大份，雞皮好似炸子雞咁脆卜卜，但入面啲肉又嫩滑多汁，醃得夠鹹香，仲可以蘸埋松露醬一齊食。最正係雞皮夠薄唔見肥膏，忍唔到口食哂雞皮都無咁罪惡。牛油果沙律蔬菜新鮮爽脆，可以自己加油同醋，但只有3片牛油果，比較失望。牛肉麵嘅餸有厚切牛腱、牛筋同半邊溏心蛋。牛腱同牛筋雖然未做到入口即化，但都夠哂軟淋，尤其是牛腱！大大塊好有滿足感。.奶茶可以點無糖，飲得到香澀茶味，芋圓唔夠煙韌，但咬多幾下都食到芋香。哥哥添飯•妹妹泡茶 (觀塘)📍觀塘觀塘道388號創紀之城一期地下6號舖#觀塘 #觀塘美食 #台灣美食 #打工仔午餐 #定食 #牛肉麵 #燒雞 #低碳 #低碳飲食 #厥餅 #芋圓 #奶茶 #KwunTongFood #BeefNoodles #TaiwaneseFood #LunchatKwunTong #LowCarb #Taroballs #Milktea…Read More

💲341 per head.先講環境——唔知係因為疫情定平日中午，成個buffet兩個半鐘只有6檯客，再加上Dining area幾大同埋本身擺位都疏，所以成餐坐得超闊落。最舒服嘅係環境安靜，要安安靜靜食餐自助餐都唔係易事，尤其是有一檯客人帶埋小朋友都完全唔會有影響。.再講食物——只可以話魚與熊掌不能兼得，平價自助餐配咁好嘅環境，食物質素就一般般。.🦐凍海鮮——麵包蟹、熟蝦、螺、蜆、青口蟹多膏，但肉質較散唔甜，鉗同腳都係完整無敲開，食得十分狼狽。除咗青口無試，其他都淡而無味，唔鮮亦唔甜，就算知係回本位都係唔想再食第二轉。🍣刺身——三文魚、油甘魚、吞拿魚、八爪魚只有油甘魚叫食得落。卷物可以一試，反而手握壽司係薄切魚生配大大舊飯，望落都唔太吸引。🥗有3款ham同3款cheese，基本貨色不過不失。有好多款菜同醬俾人自己配搭，另外仲有啲pre-mixed嘅款，推薦薯仔沙律有啲煙肉脆脆。🍜本身無諗住食麵咁飽肚，但行去熱葷區經過，抵唔住廚師好熱情咁問：「試唔試吓喇沙啊？唔錯㗎！」可以揀鐘意嘅麵底、蔬菜、菇菌同魚片墨丸。喇沙湯底真係幾香濃帶少少辣，配埋肥嘟嘟嘅芽菜👍🏻結果飲哂成碗湯。.🥘有一個小小嘅咖哩corner——咖喱魚、鷹嘴豆咖哩、印度飯、薄餅、蝦片等。整體香味唔夠濃烈，而且欠缺最想食嘅咖喱雞。.🥩grill station:——燒牛肉、燒豬腩肉、燒雞牛肉色水好靚唔韌，但牛味欠缺；豬腩硬而不脆，介損個嘴；燒雞師傅主動問我哋食唔食雞髀位，皮脆薄，肉未算嫩滑，但唔柴，而且乾乾哋反而有種香口感。Side dishes有驚喜——烤薯角、焗椰菜花、肉醬千層麵幾飽都要refill薯角…….🍲熱葷款式以自助餐嚟講唔多——酸菜魚、炒牛柳粒、雲耳蒸雞、胡椒豬肚……正常水準.🥣熱羹——南瓜湯、碗仔翅南瓜湯質地唔錯，但味道偏淡無奶油香。碗仔翅好足料，肚仲有位嘅話可以一試。.☕️每位客人入座都會serve一杯橙汁，而且會不斷refill.Drinks corner有兩部咖啡機，仲有熱水、茶包、牛奶，歡迎自助調配。🍰實不相瞞，Dessert bar係我今次揀呢間嘅主因，亦係今次嘅重點！睇圖六！一個個完整嘅蛋糕真係唔打得都睇得，除咗Blueberry Cheesecake,其他都做到average or above，尤其是黑色光面嘅朱古力蛋糕，帶甘苦味，中和返試哂所有蛋糕之後嘅甜膩。🧇即製窩夫，本身以為會好乾，但切開入面係厚身濕潤而密度高嘅蛋糕體，㩒落去會回彈，食落就有啲似香蕉蛋糕。.🍨 Häagen-Dazs 5種口味萬麗咖啡室 (灣仔)📍灣仔港灣道1號香港萬麗海景酒店閣樓#灣仔 #WanChai #灣仔美食 #WanChaiFood #自助午餐 #自助餐 #LunchBuffet #Lunch #任食 #AllYouCanEat #蛋糕 #Cake…Read More

熟食市場不嬲係抵食之選，環境無得要求太多，但都坐得闊落，空氣通爽涼快，唔會污煙瘴氣。🤣明明同行友人話呢間以沙嗲湯底作招徠，而且可以自由揀餸，唔駛受限於「沙嗲+牛」嘅組合，但我偏偏為咗控制卡路里，揀咗個相對健康嘅選擇。牛肉麵（轉意粉底）$2424蚊一個lunch，但牛肉量好多！牛肉軟稔，唔知係槌過定加咗鬆肉粉🤔不過肉味都幾重，算係唔錯🤗 意粉同湯底偏淡口🤣但自己無揀沙嗲湯底無得怪人，聞到隔離碗沙嗲麵香噴噴，下次會識揀㗎喇😌…Read More

以連儂牆裝飾店內外，充滿為香港人打氣嘅字句；店內有pepe公仔陪食糖水，店外仲有口罩免費提供，十分貼心。榴連忘返（HKD49）賣相有啲奇特。幾鐘意佢成杯野唔太甜，食落唔會有罪惡感。可能榴連唔當造，所以果蓉唔太香，不過自己冇睇清楚menu以為係榴連味雪糕，原來係雲呢拿，有小失望。西米露比較驚喜，除左普通款外，仲有一款細粒啲，但脆嘅；每一啖都有兩種口感，幾特別。榛子石板街窩夫（HKD57）十分推薦！賣相靚靚；窩夫外脆內軟，帶住餘溫上檯，配埋小溶嘅雪糕，正！…Read More

自製牛肉漢堡（HKD32）+磨菇（HKD4）+芝士（新年優惠免費送）好足料！無論係漢堡定成個漢堡包都好厚，一個人會食到好飽。驚喜嘅係面包烘過，意想不到嘅脆皮同厚肉又juicy嘅漢堡好夾。包嘅醬汁唔多，但食落唔會覺得乾！鋪面細，唔見有堂食位置，如果屋企唔係附近就要坐附近公園慢慢嘆漢堡喇。…Read More

Bove一路都係網紅打卡店，未搬入商場前佢啲梳乎厘就出名又靚又好食，後尾又因為係良心小店，引嚟唔少人幫襯打卡。一直對佢滿心期望，今日終於經過肚餓，又少人排隊，即刻買一個試下，點知就失望而回伯爵茶梳乎厘班戟（HKD42）話就話少人排，但落單之後都要等成半粒鐘。即整要等耐啲其實冇咩所謂，仲會好理解，不過半個鐘後俾pat咁嘅野我，真係不能接受😡先唔講話面頭冇左啲字冇咁靚，根本係成舊野塌左，唔講以為下面個塊咁薄係熱香餅。.望一望Poster嘅只供參考圖片：再望下揭開睇嘅實物：梳乎厘發唔起都算，佢根本大半舊都處於流質嘅狀態。上碟個位師傅咁都照樣起鑊擺碟、加蜜糖、嗌number俾我地，都真係幾唔顧及客人感受。下面嘅液體（蛋漿？！粉漿？！）自然避開唔食，但僥存嘅固體都唔係熟透哂，入口就似係俾浸滿汁液、濕答答嘅海綿蛋糕咁，相當之嘔心。忽略口感，調味方面唔太甜係唔錯嘅，不過伯爵茶味來源於一粒粒似係茶葉嘅顆粒，或者配搭正常梳乎厘冇問題，但今次配埋個粉粉地嘅蛋漿質感，就完全俾我體驗到咩係粗糙。常幫條脷磨砂的話不妨一試。…Read More

假日夜晚客人多，門外一直有一條人龍排隊等位，等左大概15mins先入座。鋪內裝修簡潔，主要分成圍住師傅嘅吧檯，同埋一張大長檯，俾～15位客人圍住食拉麵；位置唔算寬敞，但勝在光亮乾淨，色調溫馨。門外等位嘅時候已經畫定order，一埋位加埋seat number就可以落單，唔駛五分鐘就煮好麵上檯，效率十分之高。招牌熊拉麵（HKD85）湯底濃厚，肥叉燒肥瘦適中，配上正中一點紅辣醬吊味。元祖魚介豬骨熊拉麵（HKD88）湯底相對清新冇咁濃味，揀左瘦叉燒，會比肥叉燒大塊但薄身，肉味唔重，唔太驚喜，下次會揀返肥叉燒。.兩隻溏心蛋都好成功做到流心，滿足！店內仲有3款漬物俾人送麵，其中辣芽菜好少見，加入拉麵，即刻變左辣湯蛋，芽菜爽口都同拉麵好夾。…Read More

環境：一行十幾人，要搵到可以坐埋一齊嘅西餐廳唔容易，母親大人仲指明要鋪頭大間、座位闊落有私隱嘅。搵左好耐，甚至實地考察埋先決定到book呢間。唔單止乎合母親大人嘅要求，仲係商場入面，方便易搵，又坐得舒適。服務：Book位時態度親切，會主動提供協助，安排合適嘅位置。用餐期間會主動幫手加水，落單、上菜都迅速而準確；就算假日晚市用餐都無時限，埋左單之後一直坐係到傾計都唔會俾面色/催交檯。整體用餐感覺十分良好愉快。香橙雞胸沙律 （HKD88）酸甜開胃，清新無負擔。安格斯西冷牛扒 配芝士煙肉焗薯皮（Set, HKD278）要左7成熟，但上檯似係well-done多啲。肉質尚算嫩，但牛肉味唔太出，反而薯皮比較出色。西班牙黑毛豬扒 配黑松露雜菌（Set, HKD248）令全部人都驚艷嘅菜式。無論口感、調味定係黑毛豬本身嘅肉味都恰到好處，成為下次必點菜式！地中海燉魚柳 （HKD99）味道酸甜；魚柳炸過再燉，鎖住肉汁，一啲都唔「鞋」。沙嗲雞肉烘餅（HKD108）餅皮脆薄而餡多，令人十分之滿足；肉餡帶好小好小嘅微辣，令人好想一塊接一塊。廚師精選- 雞肉芝士聖誕樹pizza（Set, HKD138）捉住聖誕節嘅尾巴，享受人生第一個酥皮pizza.千層中充滿厚厚嘅芝士，極度邪惡，但又好味到抗拒唔到：一塊就足以令人有飽足感。紅酒牛肉粒配蒜蓉包（HKD99）蒜蓉包色水十分吸睛，唔會hea俾是旦一個餐包敷衍客人。牛肉燉得夠稔，唔會起柴，唯一令人卻步嘅係肥肉偏多。龍蝦燉飯 2人份（HKD298）份量好大！龍蝦🦞蝦膏滿瀉，肉爽口彈牙。燉飯有好濃郁嘅芝士味，仲有好多海鮮係入面！虎蝦芝士墨汁飯（Set, HKD149）都係芝士味好重、幾近拉絲狀嘅risotto；虎蝦亦非常大隻。松葉蟹奶油芝士意粉（HKD208）蟹蓋入面有好多蟹膏！意粉軟硬適中。.宏觀所有菜式，都有一個優點：食材新鮮，尤其是燉物中嘅椒、薯仔、洋蔥等蔬菜，配埋醬汁甚至比肉類表現更出色。11個人，$1889埋單，十分之抵食！…Read More