lanisundae's Profile

之前亞萊泰菜💛💛💛出咗好多力幫手，鋪面鋪外都有文宣所以今日刻意去試下個LUNCH同外賣支持下叫咗個海南雞飯 個汁好味d雞幾滑 因為唔飲得凍野 問可唔可以叫熱既龍眼冰 水吧阿姨話ok 好nice好貼心 杯熱龍眼冰好甜好好味外賣叫咗馬拉盞炒椰菜苗同生菜包2樣都好好食 雖然出餐慢咗少少但唔係咩大問題 價錢OK 食物質素好 下次會ENCOREP.S. LUNCH keep住有人等同外賣 但得一個妹妹仔做樓面踢曬腳 但依舊保持住禮貌同服務 呢個真係要讚下👍👍👍…Read More

見到網上介紹間嘢好似唔錯所以去試下，但原來佢所謂$20任食沙律 湯 薯條係揾笨。湯同沙律得一次係薯條白飯任食。。佢上個湯同個沙律都OK，但個薯條係擺咗好耐凍曬硬口。。。之後就戯肉，我地3個叫咗$98 B餐，上到檯塊熱板係勁彈油 基本上都彈到切唔到塊扒 (我本人係日本同香港都食過好多次呢類似既熱石扒但人地唔會咁彈油) 切唔到未唯有等 但等咗陣就唔得了 切第一塊個陣大概5成熟但塊扒已經係UN，之後再切已經差不多熟曬 我感覺到我唔係食緊牛扒而係食緊豬扒，完全係UN到咬唔到。。差到我以後唔會再黎食！真係堅伏…Read More

屋企人話天水圍新北江開咗間新既生煎肉餅馬上黎試下！叫咗個剁椒蓮藕帶煎肉餅配肉餅飯同 印尼魚柳咖哩飯 因為佢生煎 所以等咗大概10分鐘就已經有得食剁椒辣辣地配浸過粗既藕尖真係開胃好味 又會配多份小肉燥送飯唔會咁齋肉餅煎得好香 裡面好juicy 好好味！印尼咖哩都唔錯 好香 魚柳唔係冰鮮個d 食到係用新鮮魚即場上炸粉炸姐姐好好服務 一直問我地好唔好食 又問飲唔飲水價錢又唔貴，呢d有heart小店希望可以keep住呢個水準落去啊 一定會成日黎食！…Read More

難得朋友請食飯，想試下之前網上推薦既邊爐+串串鍋。去到望到裡面位置唔多但已經爆滿。我地book咗7點半 去到點知同我地講book咗都要輪等位，我地第4張檯。。。等咗足足45分鐘先有得食。服務: 得罪講句，如果都係甘等 我洗唔洗同你book位啊？如果等交檯 20分鐘內我都ok，45分鐘係咩玩法嗎？老老實實未試過book位食飯要甘樣等法，不如取消你個訂位服務改為全部等位算x數啦。 0/5環境: 入座後比咗4人檯我地(我地5個人)，3個人坐得逼d都算了。。隔離張大檯靠得近埋 又有班垃圾港孩係甘走出走入 比人踩咗無數次，之後有班後生既又係瘋狂撞我大佬啊 想食餐飯都甘x辛苦。。。地方窄到爆，行出去都難。 1/5食物質素: 叫咗麻辣+胡椒豬肚湯底，湯底係幾香幾辣。 芫西牛 麻辣牛有驚喜，蝦新鮮，大致上所有食物都唔差既。串住食有串住既過癮，但係估唔到炸魚皮要額外+錢，另外因為串住關係每次fill up都唔多，可能一次就比人掃走曬，但refill時間都算快架啦 起碼都keep住有得食。飲品有玻璃支裝忌廉 可樂，其他包裝飲品，冬瓜茶，但如果有類似無糖既烏龍茶就好了，全部都係有糖飲品 4/5價錢: 7點前離座 $138 (未加一)，7點後就$158 (未加一)，食2 hrs 性價比我覺得ok 3/5OVERALL 認為 最好2-4個人或者大班人10+人以上去食就舒服d (裡面房有張大檯 舒服無甘侷促)，都有人加湯同收野，其實我除咗book位同坐既環境之外 我對呢餐其實係滿意既如果book位問題肯改善 我估我會再幫襯。…Read More

朋友外國回來 佢話想食雞煲 每次雞煲都係霖起一品，今次想試新野。見到荃灣有間常滿雞煲 食評唔差 所以去試下。 網上訂座好方便 BOOK左7點半 當日平日未見爆座 STAFF服務好好 推薦我食靚牛同鮑魚未上菜之前都穩我吹水傾計 好NICE先上原味雞煲 <少辣少麻>味道唔錯 無一品甘濃味 3個人叫一隻鷄剛剛好。＄168肥牛<細>本身係選擇＄118美國肥牛 職員推薦我時另一款靚肥牛，堅滑堅好味!鮑魚＄25/隻都係職員推薦 OK凍豆腐同之前食開唔同 佢真係雪到硬曬上檯比你，但佢會索曬d汁後食好好味脆扑扑響鈴好正!餐飯埋單3人 ＄7XX其實唔算貴下次會再幫親…Read More

本人近乎唔寫食評，除非特別好或者特別差。。今次呢個雞腿捲真係不得不說有幾差。。外賣服務我唔會要求有幾好，我只係非常為食之人，見到ssp個間好多人話好食 我刻意走去旺角染布房買黎試 雞腿捲 - 皮的確脆，不過無必要燒到甘焦。。裡面雞肉滑但無味，無我想象中正，而我點左蒜蓉味，就係灑左d所謂蒜蓉粉上去，但係我除左食到咸之外 咩都食唔到雞翅包飯 - 描述就講到好正，又話裡面有櫻花蝦，但本身雞翅唔好食，一咬裡面d飯好似食漿糊甘。。。非常難食，我唔知點形容有幾難食，正常雞翅飯裡頭應該係好香雞汁味既飯，佢好似塞左d飯撈茄汁甘。。。霖起就唔想再食。。。。 如果大家想試可以試雞腿捲，不過飯就要三思。。。而同台灣比，香港價錢好貴。。2支就$44。。。不過都好既，今次之後可以同佢say goodbye …Read More

同屋企人既生日飯~ pub style環境氣氛幾舒服，適合傾計小聚~Tapas小食以前係外國常食 對比呢間款式就較少~ 因為佢算係主打飲酒為主，所以係冷盤較多個人推薦: meatball (充滿黑椒的番茄醬)，lamb ragout(好香herb 幾和味既汁)，squid ring(炸的幾酥 配sour cream醬)不錯~ chicken roll幾得意，好似泰國春卷，不過裡面係整塊雞肉同少許黑椒下次可以試patato skin with bacon & cheese 看落賣相幾好，此外唔想甘貴散叫可以叫佢d meal set，有燒春雞 或者 pizza 配 啤酒~…Read More