積奇祖安 ~ 為食之旅's Profile

真係好耐好耐冇寫食評, 因為公司前所未有咁忙, 不過是好享受的, 而且有祖安支持, 有幾累都要頂硬上. 今日搵0左祖安一齊去試<澳洲牛奶公司>, 我好耐以前試過, 不過冇曬印象了. 去到0既時候, 都唔洗等位, 入到去就即刻坐下, d 位都幾迫. 跟住我地就叫野食啦, 不到1分鐘, 所以食物到齊, 勁勁勁, 如果趕時間, 去呢度食真係0岩曬, 哈哈!!! 食完之後, 唔洗20秒就收曬所有0野, 仲勁!!! 1. 茶餐 (~$30) ~ 茶餐包括: 多士, 火腿炒蛋, 义燒意粉及凍奶茶!!! 多士就普通啦, 炒蛋一般啦, 或者自己本身都不是太喜歡食炒蛋. 义燒意粉真係毫無質素可言, 反而凍奶茶最值得欣賞!!! 2. 雙皮奶 (~$22) ~ 其實主要係祖安食, 佢話義順好食d, 我都食0左一啖, 好似唔夠滑!!!整體評價：也欣賞它的收餐速度!!!…Read More

早前我同祖安去過元朗食綿綿冰, 都覺得唔錯的. 今次去旺角的<糖百府>食雪花冰, 我感覺都是類似的東西, 因此決定去品嘗下. 我地大約六點左右到, 都要等十張檯, 雖然中間有點猶豫, 不過最後都決定0左等. 入到去0既時候, 雖然環境不是很大, 不過檯與檯都有一定的空間, 所以環境是OK的!!! 1. 宇治金時 ($35) ~ 其實就係綠茶冰, 而配料包括: 紅豆, 小丸子, 椰果及茶凍. 賣相確實不錯, 食落口都冇失望啦. 雪花冰加上一點綠茶漿入口即溶, 而漿是不太奶的那種. 紅豆夠淋, 夠甜, 正. 小丸子都夠咬口, 只是唔夠喉, 至於椰果同茶凍就比較普通. 份量方面都幾大碗0架, 兩個人食, 0岩0岩好, 而且會滋味d. 最後為食祖安仲去0左<阿土麵線>整一碗外賣回家食, 呵呵!!!整體評價：雪花冰也是我杯茶!!!…Read More

當日同0左承龍一齊去搵0野食, 我就提議去巧明街, 個度有一個專做外賣的店舖<榮昌小食>, 因為平時午膳時間都會有好多人排隊, 所以我見咁多人, 決定要0黎試一試, 評一評!!! 1. 車仔飯 + 凍奶茶($22) ~ 三餸車仔飯, 我揀0左豬腸, 生根及雞翼配咖喱汁(重椰香個種), 仲有幾條時菜. 豬腸都幾有口感, 而且幾入味. 生根有咬口, 不過如果唔加埋d 汁, 都冇乜味. 至於雞翼都幾突出, 幾"淋", 肉質又夠滑, 味道又不錯. 凍奶茶都唔錯啦!!!整體評價：特別的配搭, 帶出新味道!!!…Read More

今次多謝祖安預先訂座, 加上她已經想食好耐0架啦, 因此今次我同帶祖安一齊去食<伊呂波燒肉>!!! 雖然質素依舊, 不過今日比我最大的感覺, 就係感到好趕好趕好趕. 1. 燒肉好味道都不能停下來, 2. 食完燒肉, 即上雪糕, 也不能停下來, 3. 食完雪糕, 已送上帳單, 更不能停下來, 哈哈!!! 1.燒牛肉套餐($85) ~ 今次我都是選擇了牛肉同牛舌, 不過祖安就偏愛食牛肉, 而我就覺得牛肉, 牛舌各有特色. 套餐另外配上一碗白飯, 麵豉湯, 蒸蛋, 及餐後甜品 - 綠茶雪糕. 一講到綠茶雪糕就有d 無奈, 味道是不錯的, 但雪糕的形狀好像俾壓扁0左咁, 加上質地不夠實, 因此都會感到有點美中不足!!! 2. 伊呂波套餐 ($90) + 加大($20) ~ 因為我同祖安都幾食得, 因此加大牛肉完全無問題, 份量0岩0岩好, 正正正!!! 另外配上天婦羅, 刺身, 一碗白飯, 麵豉湯, 蒸蛋. 除左蒸蛋, 積奇不太0岩胃口之外, 其他都食到Lam Lam脷, 絕無失望. 特別想提一提的是, 刺身的確新鮮, 冇腥味, 仲有刺身是安排在一杯冰上, 使刺身能保持在最佳的狀態, 正正正!!!整體評價：不能停下來的午餐!!! …Read More

當天同0左<承龍>一齊去食晚飯, 我提議不如去<陽光茶餐廳>, 因為之前食過都唔錯, 而且價錢又平, 不過今次就比較失望, 因為環境同服務都有點變質!!! 1. 咖喱豬扒飯 + 紅豆冰 ($23) ~ 咖喱汁都不錯, 豬扒都有水準的, 但係d 飯就有一舊舊的感覺, 而且唔夠熱. 紅豆冰就過甜, 而紅豆都算"淋"啦. 整體評價：尋找真相, 會試多次!!!…Read More

當天約0左肥肥人同威威去荃灣的<陳財記>食晚飯, 因為個日我遲0左少少, 但係佢地話去買杯珍珠奶茶俾我飲, 順便等埋我, 真係好開心!!! 一去到, 先知原來係近排人氣幾勁的<Come Buy>, 不過去到都仲要等多二十幾個冧把, 真係冇時間都唔可以飲的!!! 1. 珍珠奶茶 ($12) ~ 下次會試下近排至愛的胚芽珍珠奶茶. 其實整體都好好飲的, 夠大杯, 珍珠夠煙韌, 味道適中. 正!!!整體評價：十分鐘內飲到就最好!!!…Read More

當日夜晚經過太子的<阿升麵線>, 見佢仲未收, 就買一碗返屋企試下啦. 因為之前只食過<阿土麵線>. 本身諗住加蚵仔, 點知冇曬, 之後個服務員就同我講, 我地收檔啦, 每樣餸(蟹肉, 蝦, 蟹柳粒等等)俾d我, 一次過俾我試曬, 當然開心死啦!!! 1. 大腸麵線 ($12) ~ 唔知係唔係就黎收檔的關係, 感覺碗麵線味道比較普通, 而且大腸太"淋", 冇乜咬口. 其他配料都好一般. 仲有一樣必需提一提的, 就係我加0左少少辣蘿白0既配料, 點知就辣到飛起, 我估下次只可以落一粒仔先安全.整體評價：<阿土麵線>比較突出!!! …Read More

當日同0左係舞台劇上認識的嫲嫲出0左旺角食飯, 之前因為同她談及過Happpeace的概念, 而且她表示有興趣, 因此我地就相約在旺角的No. 1<西門町台灣麵食>食晚飯. 1. 雞絲拉皮 ($28) ~ 嫩滑的雞絲+有質感的粉皮配上味道適中的花生醬, 而且是一個凍食的頭盤, 食完之後, 都會令你更加開胃的!!! 2. 腐皮蚵卷 ($32) ~ 個卷皮脆而有咬口, 正正正!!! 不過跟之前0既食家的感覺一樣, 就係會比較熱氣. 卷中的蚵仔大小適中, 且沒有腥味, 仲有個醬甜甜辣辣, 好惹味的, 因此係必試之選!!! 3. 臺灣花枝丸擔擔麵 ($34) ~ 其實個麵真的不錯, 至於花枝丸及湯底我就麻麻地. 4. 金香奶茶 ($18) + 珍珠及胚芽 (各$2) ~ 因為跟餐的關係, 所以可以減$10. 珍珠奶茶來講, 其實味道都有一定的水準, 珍珠有咬口, 加上近排必加的胚芽也沒有令我失望, 值得一試!!!P.s. 依家用0既手機, 影相0既質素都唔係咁好, 睇0黎都要想一想辦法先!!! 整體評價：環境較迫, 但質素不錯!!!…Read More

當日就到同<實實梨>一齊食午餐, 佢提議去食印尼餐, 而我又未食過, 就試下啦. 呢間餐廳叫做<華苑印尼餐廳>, 我地十二點九前去到, 都唔係好多人. 最鐘意就係冇咁多人, 唔洗坐得咁迫!!! 1. 椰汁黃薑飯 ($39) ~ <實實梨>話一定要試, 開頭我仲以為係薑味好重0既飯, 但實實梨話唔會的. 碟飯0黎到0既時候, 一睇又真係幾有特別, 有雞, 巴東牛肉, 蝦片, 而個汁都唔錯喎. 整體0黎講, 係值得一試的!!! 2. 燒醬雞飯 ($37) ~ 呢碟個燒醬汁就一般, 可能我唔係咁鐘意有d甜味. 相反件雞就炸得幾香口, 而且雞肉都幾滑. 下次應該會試下炒米粉或炒麵!!! 3. 椰汁紅豆冰 ($18) ~ 上次飲茶見到心心係度飲, 所以今次見到, 就想飲啦, 哈哈!!! 一飲入口, 勁香椰香味, 不過味道就偏淡, 仲有d紅豆接近冇味, 而且冇咬口, Too Bad!!!整體評價：不過不失, 可以再試!!!…Read More

早上返工前, 就想食d野, 不過又唔想食豐富早餐, 因此我決定去試多一次鳳凰村的<友記>車仔麵. 其實個時係舊舖已經食過一次, 當時都係覺得麻麻地, 而且環境都比較惡劣, 見今次係新舖, 又裝修0左, 就試多一次!!! 1. 車仔麵 ($20) + 凍奶茶 ($6) ~ 我叫0左豬腸, 墨丸, 牛肚及生菜配米粉(四餸一麵). 豬腸過韌, 墨丸生菜普通, 牛肚唔夠"淋", 我加0左少少咖喱汁, 都無乜驚喜. 至於凍奶茶就非常之奶, 可以放棄, 應該飲汽水會安全d!!! 整體評價：食完再食, 下次唔食!!!…Read More

去完<廣成冰室>食0左個下午茶之後, 祖安就話不如趁依家早, 去大埔食<陳漢記>. 雖然我唔係好肚餓, 不過之前兩次想去光顧的時候都好多人, 而且見祖安咁想食, 就去啦. 其實多有多食, 少有少食, 都冇問題的, 最緊要係開心!!! 1. 艇仔粥($19) ~ 因為牙有d 痛, 所以就食粥啦, 同埋聽人講呢度d 粥都幾出名0架, 最後我叫0左艇仔粥, 真係好多料0架喎(有魷魚, 碎肉, 豬片等等). 仲有我覺得佢會將d料同埋d粥一齊加埋再煲先攞出0黎, 因此d粥都唔會淡"某某", 好味道!!! 2. 牛肉肉片煲仔飯 ($35) ~ 首先好有飯香啦, 正!!! 牛肉夠曬嫩滑, 豬肉都唔錯, 不過就略厭太大舊, 係呢度就減0左少少分. 但整體都好味的!!!整體評價：粥飯都好味, 下次試腸粉!!!…Read More

一行十二人的御臨門溫泉之旅後. 我同祖安及實實梨同佢老公<騰騰陣>, 見完團後都係五點鐘, 所以我地就一齊去0左上水的<廣成冰室>試下它好有特色的紅豆冰!!! 1. 紅豆冰($16) ~ 上一次去到摸門釘, 因此今次都抱著期望去0架, 最後當然沒有令我失望啦!!! 我自己就好鐘意飲<大家樂>的紅豆冰, 而紅豆冰要整得好飲絕非易事, 今次<廣成冰室>的紅豆冰當然有<大家樂>的質素之餘, 賣相也非常之突出, 成座冰山咁, 這樣可以keep住個溫度, 正正正!!! 2. 餐蛋治($15) ~ 可能一件餐蛋治兩份食, 就特別好味!!! 其實賣相就真係普普通通, 不過勝在夠熱, 夠新鮮, 因此都好值得試下的!!!整體評價：地點雖偏遠，但值得一試!!!…Read More

當日Evicky介紹我0黎呢間食<甘味讚岐手打烏冬>, 加上我自己又未試過, 仲有係Evicky請, 咁當然就要試下啦, 哈哈!!! 點知就在這個情況下, 發現觀塘區多了一個好去處!!! 1. 日式煎餃子($20 5隻) ~ 普通水準, 沒有太大的驚喜!!! 2. 紫菜炸魷魚鬚 ($28) ~ 驚喜之作!!! 炸粉不多, 但仍有香而脆的感覺. 魷魚鬚大小適中, 質感煙韌無比, 好味好味!!! 3. 雞扒蕃茄湯烏冬 ($42) ~ 首選推介!!! 雞扒同牛柳粒我都有試, 雞扒夠脆但冇乜味. 至於牛柳粒夠"淋", 而且入味. 加上勁彈牙的烏冬及勁重蕃茄香的湯底, 令人一吃回味!!! 4. 紅豆伴涼粉冰 ($20) ~ 價錢都唔算貴, 味道都OK的, 至於紅豆同涼粉就普通. 不過都可以一試的!!!整體評價：區內必試之選!!!…Read More

今日係積奇梨的生日, 當然想食新0野, 而且又要好味啦, 好貪心!!! 我就上0左Open Rice睇下近排有咩好介紹, 發現有一間"Applegreen"好似幾多好評喎, 最後祖安就訂0左位並邀請我去, 哈哈!!! 服務方面真的好好, 友善及細心. 1. 入到去就問你要凍水或暖水 2. 主動提出沙律半份適合兩人分量. 因此我首次簽單, 會另加小費, 證明了服務對顧問來講真的好重要!!! 1. 蒜蓉飽 ($22) ~ 四塊0既蒜蓉飽, 不是我喜歡的那種(鬆軟且有口感). 雖然牛油都搽得幾平均, 不過個皮真係比較硬!!! 2. 美式香辣雞翼 ($68) ~ 雞翼的醬汁都幾辣0架, 味道酸酸辣辣. 雞翼的肉質都幾鮮嫩, 不過只是沒有太大驚喜!!! 3. 凱撒沙律配烤雞肉 ($51 半份) ~ 呢份沙律可能算是最好的, 整體味道都唔錯, 蛋糕普普通通, 不過生菜就勁新鮮, 正正正, 而祖安就話好鐘意食!!! 4. 拿破崙蕃茄醬意粉配肉腸 ($90) ~ 第一, 蕃茄醬普通, 可能比較西式. 第二, 有部份的肉腸燶0左, 因此沒有滋味的感覺. 仲有原來意粉係會跟一塊蒜蓉飽, 所以下次不用散叫!!! 5. 特濃朱古力餅拌雪糕 ($48) ~ 賣相非常吸引, 不過食落冇曬癮. 因為朱古力真的甜到不得了, 雪糕就普通啦, 仲要賣成$48, 所以下次不會再試!!!整體評價：食物平平, 但服務好!!!…Read More

當日係返工前, 就過0左去炮台山攞返張新0既領隊證. 攞完之後, 見仲有d時間, 就去搵間茶餐廳食個豐富早餐先, 我就去0左地鐵站對面的<華蘭餐廳>. 1. 沙爹蛋牛丁+ 凍奶茶 ($26) ~ 出前一丁的麵底不是間間都煮得好食0架, 而呢間0既麵的軟硬度就0岩0岩好, 加上滑而入味的牛肉, 同埋熱辣辣的熟蛋, 效果就一流. 至於凍奶茶方面都唔錯喎, 有茶味之餘, 夠曬滑, 味道適中, 正!!! 整體評價：值得一食!!!…Read More