大文豪's Profile

7月中晚上經過見到新開張，因十分喜歡食海南雞，馬上入去試試，可以見到他們似家庭式經營，好有禮貌，見佢地個餐牌有不同小食及串燒，主打更係海南雞，師父話係生劏雞唔係雪藏雞，但說真的，這價錢沒可能是每日生劏雞吧。一行三人叫左以下食物。1）海南雞胸飯，來到只有大約五塊去骨雞胸內，沒配菜在底，看落去比較少，食落真係唔夠，建議可以比多少許肉，而油飯算中規中矩。2）二人餐，有半隻海南雞，有另外五選一小菜，選左金菇牛肉卷，有兩碗油飯，有兩碗姖松茸湯及油菜金菇牛肉卷比較細，係三條開半變左6舊味道可以但真係份量細，而姖松茸湯師父又話一開工開始煲，呢碗湯算好飲，唔似有味精，而碟油菜（生菜真係又細又唔靚（好多黑曬），飲野要加錢，呢樣又係敗筆。但我們叫左兩罐可樂，而來到變左支裝，我地話算啦，可以照要，老闆娘話冇所謂馬上換過比我地，d師父好喜歡飲支裝，又問d客夠唔夠飯，可以加飯，一睇呢樣野就見到佢地好用心對客人，新開張係有進步空間，會再來幫襯。而最失望一樣野就係，佢地早餐做左一星期左右就冇做，可能唔夠客，我就係呢個星期食足咁多日既客，由入去食早餐果日已經問有冇羅宋湯早餐，佢地都話師父未有料整，終於到了星期六去到問，師父終於有煲，真係好開心，湯多料好味，但想不到原來係最後一餐早餐在這裡食，之後星期一早上回去已經沒做早市，這太可惜，他們早餐算係附近做得最好果間，希望佢地可以派下傳單，做下優惠吸引客人來食，新店地理位置不好，就應該做點宣傳才有生意喔，希望佢地會聽到我的意見，可以再來食美味既早餐:)…Read More

本來想book旺角另一間食極上大x屋，但冇位，只好食呢間，老婆都叫我唔好食呢間，因為之前我都同佢食過知道嘛嘛哋，但都想和同事食返餐聖誕餐，見全日都有位，唔會有問題嘛，當晚去到門口只有三四個等位，都心知不妙，入到去仲精彩，全場得果三分一枱位有客，冇野咁多入去馬上叫野食先，叫左C餐，有中拖羅及長腳蟹腳食，大多數刺身及壽司都有叫，中拖羅及長腳蟹腳有鮮味，其他刺身手都係一般，熱食叫左碗仔翅，花膠及蠔鍋，碗仔翅反而有少少驚喜，有返少許兒時味道，而蠔鍋d蠔真係比較腥，大家食左一隻冇食，最後叫多輪就無叫，而movepick雪糕都只係每一位一杯，咁既價錢係寒暄左d既，仲有，我地坐左一個鐘就攞張單來叫我地比錢先，你地真係老土，只可說，可一不可再，到最後走時，只係全場坐左一半人左右，我現在知道點解會咁樣，咁既價錢，真係可以去酒店食自助餐，質素一定好過呢間野，哈哈…Read More

避左繁忙時間食中午是我的中旨（公司比較彈性），本想吃其他的，但好多都未開市，咁就行左去肥媽屋，看見食車仔麵，有湯或撈既選擇，但我都係選擇湯麵，來到睇樣好似唔錯，但味道沒想像中好味，湯底話係豬骨湯，可能我叫左咖哩魚蛋，蓋過了豬骨湯味，正常好多車仔麵檔都有自家辣椒醬，佢地冇呢樣野，就覺得失色不少，粗麵簡水味重，價錢可以接受，但某些食材就比較貴，份量以我來說就比較少，總括而言，路過可以一試，不必轉程來吃。:)…Read More

不可一，不可再，今日去食晚餐，叫左個澳洲安格斯牛扒餐，來到一食就出事，難過香口膠，之後叫個伙記來講，話換返比我，咁我地問佢會唔會來果塊都會一樣，佢居然話唔保證，咁我就轉個蒜香虎蝦墨魚汁意粉，來到居然有驚喜，果兩隻所謂虎蝦好似輪迴左1千900幾次返來咁，成隻在売內斷左幾節咁，肉又霉，啲意粉硬到一個點，我都算了，吃了兩口就原碟放係度，唔想破壞左同老婆行街街既心情，如果唔係，十八字真言會同佢地講，之後就馬上結帳，快快離開此鬼域......…Read More

今天在旺角和老婆行街街，在路上已商討來過裡食晚餐，其實差不多一年沒來，食物水準及服務都沒有改變 一樣保持水準及很好的服務態度，環境很舒適，又沒有出面黑人僧既所謂限時，兩個人比四人枱是正常，因為有鐵板鍋及食物，到了主題，叫了極上牛肉鐵板鍋，未吃已經很有滿足感，10多塊牛肉放在鍋上，配角係牙菜，豆腐，金姑，豬大腸，韓國年糕，菜等等，而湯底似部隊鍋味道，但辣味適中，再叫多三個菜，分別豚肩肉，雖然得6片，但很大片，肉質鮮美，一流，仲有冬菇及烏冬，味道都很好，飲料更係要叫，叫了1000ml凍檸樂，兩個人真係good fit,，吃飽飽，結帳，好在之前申請了會員有85折外，今個月仲有額外9折，抵到冇朋友，建議大家如來吃，入會更有著數，慳唔少，生日當月仲有驚喜，詳情問問服務員，哈哈…Read More

在火炭工作差不多一年，食早餐都試了很多間都不太合心水，前幾個月左右見這間新開張，入去試試，試完真的不用周圍食，地方清靜，沒有網友說那麼迫，最緊要係比其他茶餐廳便宜，而比足料 ，普通早餐28元包冷熱飲，麵，即做熱辣辣多士，火腿蛋，雖然大家都說過些很普通，但睇到他們比足料,周圍早餐都要30幾，而多士及凍飲要加錢的時候他們用著合理而足料去做，說真的誠意十足，但賣飛佛的凍檸茶個茶底超農，所以都係轉飲凍檸水，今天他們自家燒了燒腩仔，給我們客人試味，肥肥地的士頭婆很nice,而那老婆婆就成日黑口黑面係真的，但可能是她的個人問題，不會影響我每天來幫襯的，有誠意的小餐廳，大家火炭友可以去試試喔…Read More

朋友訂位和我慶祝生日，想著吃火鍋，就在這裡找了這間特色火鍋，當天一行4大1細去到，他們安排我們坐中間的圓枱，但因冷氣風口對著所有中間的枱，看見所卡位已滿坐，只好找一張沒那麼大風的去坐，下次建議大家訂位時要訂卡位喔，不然就會冷死，到坐下了，我們就點了4個268的套餐，先兩來碟前菜，一碟係醬油沙律，真的偏咸，而另一碟青瓜片雞絲味道不錯，而其代的湯低了，服務員在鍋中間用白酒煮蜆及花羅，另兩湯底是番茄湯及麻辣湯，說真的打邊爐，湯底係最重要，番茄湯底係可以，而麻辣湯底，只可以說勁咸，從未試過咁咸，差到爆炸，到主菜，4個人，每人只有兩塊牛肉，兩塊豬肉，海鮮每樣一隻，其實海鮮併盤有十樣野，但由他們師父自行選擇五樣，出來有鮑魚，蝦，兩種魚片和鮮魷，想自選都冇，好想食聖子…算新鮮，味道還可以，丸類都算最有特色，味道不錯，最後散叫多幾碟餸，最後上了甜品木康布丁，奶多，未食過這樣的木康布丁，總體不過不失，但應該都不會再來，用這價錢，真的有很多選擇，招牌麻辣湯底最失敗，咁算唔算拆自己招牌....哈哈。…Read More

一早在網上訂位，去到環境可以，如二人台就有些迫，但都可以接受，頭盤先食生蠔，新鮮海水味重，推介，之後龍蝦湯，味濃鮮味，海薩沙律新鮮，主菜10安士肉眼，上台時只是溫暖，不夠熱，扒味個人覺得一般，而另一個主菜就係黑松露海膽意粉，黑松露重味加海膽既鮮味，真係好match呀,最後叫左個甜品併盤，海關話好味，全部收貨，下次再可以再again,海關大人兩周年快樂…Read More

上星期六入元朗約左朋友食田中,行過千色店,見時間尚早,諗住去食阿星麵線,但見到對面有間幾搶眼的店舖,咪過去睇睇,原來係間由台中剛剛引入香港的店舖,叫炒麵麵包,啊去台北唔見有間咁既野,未試過,睇睇有咩食先,原來有6款包,我叫左紅酒牛肉$16+$7有杯野飲(原價$12),食物即叫即製,所以要等一定時間,幾欣賞外脆內軟的麵包,微微烘熱來吃風味不錯,然而配上超稔的炒麵,對紅酒牛肉,食落真係好味,而店員會細心送上即棄手套,誠意加分,十分衛生,而我叫左杯太極珍珠奶荼,點解叫太極?原來是黑白珍珠,奶荼飲落都幾滑,不會太多奶及太甜,荼味好香,so good,而店員的禮貌真係好nice,食完仲問我的意見,我就話:紅酒牛肉麵包 有85分,如果個飽再熱多少少就very good(可能天氣凍),而太極珍珠奶荼就有90分,店員馬上就話多謝曬,我地會盡力改善的,臨走時靚靚的收銀妹妹就和我說聲88,下次我入來都一定會再試的,誠意之作噢,今日6點鬆D入到去居然賣曬 不過都叫左幾杯太極珍珠同一杯粟米忌廉湯飲,太極黑珍珠我媽媽話幾好,珍珠都幾彈牙,而粟米忌廉湯都幾好味,但我真係好想食個飽呀....,8點幾行過佢地已經收左鋪,可能多人知左,下次都係兩點幾就來買,不過都要等下星期來搵阿叔食飯順道再來試,我媽媽話下星期都要早D來試一轉…Read More