Ansonsmile's Profile

元點終於開左，同家姐過黎食燒肉，位置好方便，座位又夠哂大，仲可以book位唔駛企係度等，十分好。今日仲可以靠住窗坐，望住出邊食👍🏻同細妹揀左個OMAKASE二人餐，好多野食Omakase沙律、泡菜三點盛沙律菜+好多木魚，唔係普通生菜，相當有誠意三點盛係青瓜、泡菜同白蘿蔔，三樣都好爽口同夠哂辣食完小食，職員仲有講話如果有需要可以搵佢地幫我地燒，我地唔想太麻煩人，除左大判燒，其他我地都決定自己燒返塩味盛 （塩味上牛舌、蔥鹽味若雞精選2種、海老）海老好彈牙，牛舌同雞都好嫩好容易咬，仲幾大舊，食完好滿足燒肉汁盛（黑毛和牛精選、野菜、大判燒！黑毛和牛西冷）野菜我一直都好喜愛😆有2種菇、南瓜同洋蔥，呢幾樣都係燒烤常用的野菜，自己燒都唔怕會失手和牛西冷係好好食，好重油脂同牛味，而且好容易咬😆最最最好味係大判燒，我地唔想破壞甘好味的肉就麻煩左職員幫我地燒，職員好快就燒好比我地，真係好好味！唔駛點咬就可以溶係口的感覺，呢個價錢享受到呢個質素係十分值得😆最後仲有冷麵同甜品冷麵麵幾大碗，爽口彈牙，湯又夠重味，好正甜品好滑，杏仁味好重，好夠凍，雪米滋好好味…Read More

上次屋企人食燒肉經過呢間打邊爐，佢話請左佢成班同事係呢度打邊爐，話幾好食，今日佢就再帶我黎食呢間麻極🤣我地都好晏先黎，差唔多9點左右，好在佢仲營業緊，舖頭係用懷舊裝飾，職員好好人，一上菜就比左2兜調味料比我地用，唔駛出地自己拎十分方便，我就落生蒜炸蒜，系統係用QR Code落單，海鮮、牛、豬各有好多選擇。我地揀左食半隻雞煲先再打邊爐。一上雞煲，好開心，半隻雞都份量超多！仲有好多洋蔥同蔥，好岩我，成個雞煲夠辣同重口味，雞件好滑，職員仲會幫我地睇住時間幫我地攪下個雞煲，淨係個雞煲已經令我地好滿足，但要叫多點飲品，因為要解辣。我地叫左西瓜沙冰同一揸涼茶。雞食完就加湯打邊爐同叫小食，八味豆腐係我屋企人必食的，外表夠脆夠調味，入面係滑豆腐，切到一口大細剛剛好。蔬菜籃係蔬菜類入面性價比最高，各種菜都有D，仲有四種菇，岩鍾意食菇的人，同埋粟米係爽口冇渣個種粟米，好食黑松露丸，就算係好重味的雞煲，都仲食到黑松露味，冇機器打丸個種實的的既口感黑豚豬肉，好大盤，夠哂我地食，脂肪比例都好適中安格斯牛一點都唔靭，好易咬開，紫菜響鈴都好好食呀！…Read More

呢間辣媽係疫情個陣係好多好多人食，每次排隊都要等好耐，依加疫情過左，好多人都返大陸食，變相我地去辣媽就唔駛等甘耐，真係好！呢間我地食過好多好多次，每次都一定有幾樣係必食，野飲好大杯都一定要飲涼拌花甲我地叫左BB辣，花甲冇沙夠新鮮又彈口，重調味（我好愛），蒜味仲可以帶出花甲的鮮甜，擺盤仲好似一朵花甘樣，好吸睛紅糖糍粑擺盤好似層層疊甘樣，隔離有黃豆粉同黑糖比你沾黎食，糍粑入面好煙靭外面好脆，有少少似飯焦的感覺酸菜桂花魚呢個我每次都係必叫，我地叫例牌都係超～大一碟，魚塊好滑又有調味，有少少胡椒粉味我超級鍾意，叫埋白飯食係好好送飯蒜香炒茄子我家人最愛係食呢個，超重蒜味，茄子仲係紫色已經好吸睛，一口大小的茄子可以係甘擺入口，同埋d蒜頭都辣，好好食粒粒芒果沙冰消暑聖品又解渴金桔檸檬特飲我每次唔係飲呢個就會飲水果茶，因為係超大的一杯！我叫左甘多辣野，要飲呢d一大杯先夠飲口水雞雞肉好滑又冇骨，偏辣…Read More

今日同屋企人去yoho附近快食，見到老友棧唔駛等位就入左去，入面好闊落，唔似一般預菜館甘擠迫，而且d位置都好好坐，有卡位有圓檯。除左樓面，見到佢可以再一路行入去，我估係佢寫的獨立飲食VIP房，有得唱K同打麻將。老友棧有提供套餐，分開叫小菜又得。我同屋企人今日就叫小菜：椒鹽九肚魚拼鮮魷上菜個陣見到都多炸蒜，正。九肚魚同魷都新鮮，冇腥味。仲有沙律菜伴碟黃金四季豆我好鍾意食咸蛋，見到黃金字眼的都會叫🤣一上菜見到每條四季豆都係咸蛋包住鐵板枝竹魚腩呢個鐵板份量好多，好多舊大的魚腩同大塊枝竹，仲好熱辣辣，食落塊都好惹味…Read More

元朗劇院個邊以前有一間叫韓舍，曾經係好多人的回憶，但韓舍執左，附近都冇韓燒了。依家係附近位置開左一間叫派龍殿，一去到門口有一對翼，好似天使甘的打卡位比你影相，有好多Ironman擺設，有汽水機，仲有一部好吸引我的棉花糖機。我未入座就玩左部棉花糖機先😃😃仲要係花花形狀架！唔駛額外加錢，好開心！！有好多唔同類型的食物食，有3條大走廊，最近門口的係食肉類、海鮮同雪糕，中間走廊係炸物、沙律同甜品，最後走廊係食熟食（酸菜魚、小龍蝦）。飲品櫃有好多選擇，非常好座位好闊落，有2個大碟比你拎生肉，熟食的碗同碟都係出面拎，有個兜比你擺骨，雪糕有芋頭味😁雞翼都有好多種味，我地係9點黎，都仲不斷refill食物，好有心！…Read More

平時去開元朗一間舖頭買d麻辣青瓜同麻辣手撕雞食，點知間舖頭⋯執左，都係去左雞地個邊睇下有冇麻辣小食外賣，就發掘到呢間「無辣不歡」呢間係外賣店，但佢入面有企位比你涼住冷氣等，就算夏天都唔會等到出哂汗又忟陣。覺得窩心的一件事係我拎住好多野，老闆娘（我估係老闆娘？）問我夠唔夠手拎，會唔會好重。手撕雞冷面個基底係平時食個個麻醬冷面，上面係麻辣手撕雞同青瓜絲，辣辣地有少少張口，有少少似食擔擔麵甘樣，幾惹味蒜泥白肉青瓜卷我最鍾意係呢個，個卷好重蒜茸味，但咬落去係凍餾地又爽口的青瓜，一件一口的份量，辣度岩岩好唔駛狂飲水夫妻肺片飯牛肚同其他牛部位都好爽口，辣辣地好好送飯！食完3樣野再食一碗凍的芋圓冰粉，芋圓咬落去好軟糯，冰粉甜甜地…Read More

好少黎卓爾居原來卓爾居有好多野食😁韓式手撕雞水晶麵個醬睇落唔似平時韓國食個d醬，但食落去個味又岩喎！仲有泡菜，筍，椰菜，木耳，同主角手撕雞，d餸同個麵分開放，個湯底就唔會溝埋食材的味，讚手撕雞好滑，辣辣地👍🏻我最鍾意係個例湯，超足料無味精飲品係枝裝，入面有野可以咬下，精爽解渴個雞腎好正，好容易咬開，好少有👍🏻豬耳夠辣，2樣麵好開胃😁手撕雞三寶麵，好好食😁仲可以配2款小食，我配左筍同海蜇，好爽口…Read More

今日和家人食燒肉慶祝我的生日，家人選了這間燒肉店，他們說之前食了旁邊的火鍋店很不錯，邊想試一試這間同一集團的燒肉店。門口有超大的龍貓公仔，就好像去了龍貓車站一樣，忍不住拍了張照片。餐廳內有很多紅色黃色的燈籠，還有不少壁畫，還有一個大屏幕，再播放不同日本的卡通，背景音樂是宮崎駿的動畫音樂，非常悅耳和平靜。抬頭一看還見到巨大的店名燈。職員很有心機地向我們介紹各種燒肉材料，還跟我們說套餐有七折，單點有八五折，我們決定食好一點，單點。各樣食材和飲料分量都巨大，我們食得超滿足還很飽！赤魷魚一夜干肉質爽口彈牙又唔靭，味道焦香，仲好鮮！！日本鯖魚呢個鯖魚冇平時食鯖魚嗰陣腥味，食完成個口都係鯖魚的魚油香味油甘魚餃超巨大！這個10分驚喜！放在烤板上已經佔咗一半，燒一陣就食得，魚肉好滑，食得好開心！特選牛三品盛和極上牛小排我覺得呢個直情有「牛舞」最貴嗰個餐嘅質素，但平好多，牛肉油份好多，冇筋，好易咬開，入口好易溶，好吃薩摩赤雞腿肉出名的雞肉，肉質充滿着豐富嘅彈性，脂肪少但味道濃郁砵仔蒜蓉牛油野菌呢個都好有驚喜，有好多醬汁喺底部加上面頭有牛油同埋大量嘅蒜蓉，好濃醬汁同菇味，呢個好抵特大新鮮果茶好大杯，見到有d風乾的水果乾，仲有無花果，好清新魔幻百香果茶好重百香果味，仲有爆珠係入面！仲有紫菜飯，好平又飽肚我地3個人食到好飽先每人200蚊，平過係出面食燒肉放題🤣…Read More

元朗有一間食串燒好出名，我同朋友常常係個度傾計食串燒食到好夜，但個間係戶外，夏天食真係頂唔順，去左醉美島，醉美島有冷氣又坐得舒服又乾淨兩個人去其實會比張4人檯你，會擺左個盤比你，個盤底有蠟燭，比你興住d串燒特大蒜蓉燒生蠔呢個等既時間最長，蠔新鮮，上面鋪滿蒜蓉，食住舊生蠔仲可以用蒜蓉點其他食物食！多春魚所有叫既海鮮類都係新鮮，多春魚個魚肚好飽滿惹味牛舌一點都唔靭，好易咬開醉美五花肉串和雞肉串串燒真係食肉都岩！好入味粒粒粟米串（10串）我鍾意粟米係甘樣一粒粒串起，唔係一舊舊，好容易食呀，又唔怕痴牙椰子冰呢個好大杯！仲有今日天氣好熱，好消暑，有奶味，感覺似係椰奶冰蒜蓉茄子（份）好大份，好正，一夾就夾到一大抽重口味茄肉食，我叫左少辣韭菜（份）又係必吃！燒到仲有好多汁，燒蔬菜有汁先正草莓沙冰有草莓果肉+沙冰粗粒，我鍾意呢杯多點雞中翼（串）呢個有驚喜呀，個皮黎到係脆，一咬開d雞汁就流出黎…Read More

同家姐去食自助餐係好唔抵，因為佢食得唔多，食韓燒呀，自助餐呀我地都鍾意晏晝食，因為平好多🤣 餐廳係用無油煙的燒烤爐，韓國的家庭係屋企食燒肉都係用呢種架，個身就會無乜油煙味，又靜，受熱都好均勻！今日我地叫左韓牛韓燒定量午市餐，有牛肋骨、牛肩胛、黑豚五花腩、雞腿肉同青口，以上的項品係定量的，出面的飲品同沙律小食吧就係任飲任食的😆 d前菜我好鍾意食，醃得好入味又新鮮爽口！飲品方面除左汽水以外都有唔少韓式飲品👍🏻肉類的擺盤相當靚，五花腩擺到好似一朵花甘樣，每一格都有蔬菜添，係一個健康的午餐盒，蝦大隻新鮮，牛易咬開無渣，肥瘦均衡我地仲叫左個海鮮石腐鍋，入面有蝦同青口同豆腐，仲有d粟米同瓜，加埋大醬同白飯甘食係超配搭👍🏻👍🏻…Read More

今日要入屯門，我同事介紹我食呢間餐廳的蠔😆今日冇book位，好好彩入到去仲有位，位置好大坐得好舒服，仲有3個唔同的螢幕播唔同內容比我地睇，仲有一盞小枱燈，成間餐廳的光暗度岩岩好。Taylie No.1Fine de Claire No.1Jolene Mauger No.1我地揀左呢3款蠔，由右邊淡味d食到左邊creamy d，每隻都好似手掌甘大，一啖食落去超滿足，仲有好濃海水味同埋超新鮮!!Tortilla de Patatas係一個好有厚度的西班牙蛋餅，加上洋蔥同煙肉，整個蛋餅發得好高，有好多空氣係入面，食落有少少似梳乎厘甘的口感，軟綿綿，好味但唔會話好滯的感覺炸魚薯條個炸魚好出色，成餐我最鍾意係個炸魚（其他都好好食）😆，真係要個皮炸到甘鬆脆又唔會散開先最吸引人，切開個魚又好厚，正因為要揸車，飲mocktail 啦Salty GB有西柚汁，雪碧同薑啤，又酸又開胃！Yuzu cooler有柚子同蜂蜜，呢杯甜甜地同好清新👍🏻…Read More

依加午餐閒閒地都100蚊起，同埋食完就要比下一輪客人去食，所以今日我地搵間$200的又可以坐好耐，又有生蠔食的自助餐慢慢食同慢慢傾計😆生蠔係每人有4隻，坐低隔一陣職員就會送過黎比我地食，好大隻！冇諗到會比甘大隻同甘新鮮的生蠔我地😆呢度感覺有唔少熱食，有青口、咕嚕肉、小籠包、麵食、鴨胸等，我食左好多咕嚕肉同小籠包，小籠包皮薄，一咬開就流湯汁👍🏻冷盤有冷麵、蝦、沙律、涼拌小吃、壽司等，涼拌小吃推介帶子裙邊，入味爽口好食！甜品有雪糕、朱古力噴泉（正！）、馬卡龍、泡芙、蛋糕、金寶蘋果等，有好多種水果比等沾朱古力食😆😆馬卡龍好彩拎得快，我影完相再行左一圈就淨返唔係好多個飲料有蘋果汁同維他命水👌🏻…Read More

今日老公book左荃灣一間西餐廳同我食晚餐，係未出發之前，我以為間餐廳會係商場入面或者地鐵店附近，但佢帶左我去一內街入面，舖面出面因為大廈裝修緊，所以唔係甘起眼，但入去食完之後覺得老公真係冇揀錯。入去食個陣係未爆滿，好快就滿哂，冇book檯的話walk in入唔到，感謝老公有book檯一坐低點完餐就會有3個唔同的熱辣辣的包配黑松露醬，我最鍾意白色四方形個個包，一撕開有好軟綿綿的口感燒牛肉羅馬生菜炸洋蔥圈成個沙律菜的份量唔係好大，但足足有9塊燒牛肉🤩，牛肉好容易咬開同好惗，熟的程度剛剛好，羅馬生菜新鮮爽口，加埋蜂蜜芥末醬正!香煎比目魚配菠菜忌廉汁燴天使麵比目魚個皮煎得好脆，魚肉保持到好嫩滑，幼細的天使麵可以掛到好多菠菜忌廉汁，食落仲有好香蒜味，好岩我🤩蘋果木燒西班牙豬鞍扒豬鞍扒好大塊！燒到表面微微脆但切開都係好juicy，下面的薯仔係粗片狀好有咬口，仲有其他小蔬菜配埋一齊，成個好味又飽肚心太軟🤩個心太軟係出色！一上個心太軟個陣見到佢係郁下郁下，個皮好薄，一切開d朱古力漿就湧出黎啦🤩熱辣辣好好味，仲配埋雪糕食唔會浪費左d漿😁…Read More

今日帶埋小朋友去愉景新城玩，愉景新城地下有好多好適合小朋友放電，淨係叫佢地係螢幕度睇電視都可以睇一小時，地下又有好多好大間的食肆，好適合一家大細舒舒服服甘坐低食野，今日我地去左梨泰院食韓國菜。因為餐廳都大間，所以去到都唔駛點等位，一坐低就有4個開胃小菜俾我哋食，有醃蘿蔔、泡菜、芽菜、甜薯仔，可以一邊食一邊等上菜，而且呢間餐廳都會迎合香港人嘅口味，同平時韓國餐廳唔同，佢哋係會提供檸檬味嘅水。朱古力沙冰有好濃郁嘅朱古力味再加上忌廉，小朋友飲到津津有味男神梳打呢一杯嘢飲好適合打卡，有漸變色嘅效果再加埋少少氣泡，飲落去仲係有甜甜地嘅覆盆子味魷魚天婦羅魷魚天婦羅個份量都唔細，有個醬汁配黎食，食落去係即炸唔係翻炸，值得加分嘅係側邊配左一個柚子沙律，甜甜地好好食韓國生菜包豬肉呢個真係好有驚喜，上菜嗰陣小朋友都好開心嘩一聲，話好大碟，豬肉有一定嘅厚度，食起上嚟都好爽口，仲有蒜頭蘿蔔絲等包住嚟食，三個人食得好開心炸雞炸雞相當脆口，雞肉嫩滑，少少辣朱古力雪糕煎糖餅又係小朋友嘅最愛—甜品，一咬開有一啲粒粒嘅口感，個口感有啲似食杏仁朱古力咁，而且上面仲有個雪糕，小朋友好開心，下次會再帶佢黎食…Read More

又到發薪日，可以同老公食好啲嘅晚餐，喺屯門虹橋嗰邊有好多特色嘅咖啡店同埋西餐廳，我哋今日就去咗Pillowtalk。環境都相當浪漫，每間餐枱上面都有一個蠟燭燈，我同老公坐咗高枱，沙發度都有擺放pillowtalk 嘅cushion，坐得好舒服。泰式生蝦呢個泰式生蝦相當抵食， $48仲有10隻生蝦，啲蝦好新鮮，夠凍，尺寸都大，中間仲有個醬汁俾你點，就咁食已經甜甜地好正龍王柚子啤酒呢間餐廳有好多港式啤酒賣，我嘅心水係陳皮啤酒同埋呢一個柚子啤酒，今日試咗呢個柚子啤酒，柚子味都好出豬仔骨呢個豬仔骨份量超大，超出左餐盤嘅大細，肉質厚實，咬落去啖啖肉，每一啖都有燒烤醬的味，豬仔骨下面仲有薯條，即炸夠熱，食完呢啲基本上已經好飽避風塘軟殼蟹意粉呢碟真心推介，好好食，有兩隻軟殼蟹，粉漿夠薄，而且意粉係好似炒意粉甘，好容易就食晒成碟秘製BBQ雞翼呢個BBQ雞翼有少少辣但係相當Juicy，惹味得黎會令人想食多幾隻套餐加$9仲可以叫嘢飲，我哋叫咗菠蘿汁，酸酸甜甜好解渴，…Read More