jackkee's Profile

係太子行完，見到呢見咁傳統嘅裝修，確定入去食個點心飲下茶。見到咁多款點心食，唔知揀咩好。雪山叉燒包好得意。上邊脆脆，入邊熱嘅叉燒包。口感豐富。蝦餃可以揀兩粒。啱晒兩個人食。蝦餃好新鮮，口感彈牙，呢個好好味！鮮蝦腸係啖啖都係大蝦。腸粉厚身有令身。睇到好開胃。腸粉整得幾好味，最重要係蝦大大粒同新鮮。跟住叫個沙爹金錢肚。濃味嘅沙爹汁已經滲透金錢肚。好惹味。質感依然彈牙爽口。醬汁鳳爪都整得好夠味。滿滿吸啲皮出黎，好正！燒賣都可以揀兩粒。又係夠新鮮。新鮮嘅野簡簡單單都已經好好味。鮮蝦菜苗餃個味道好夾。菜苗嘅甜味加埋鮮蝦鮮甜味。呢個一定要食。珍珠雞好濃郁嘅荷葉味。乾身又夠香。食完已經好飽。飲杯茶吹下水。今日好滿足。…Read More

細個老豆成日帶我去食呢金鳳。依家大個比較少食。但都好懷念細個嘅回憶，所以就黎鋸扒。6pm尚早，但已經有人係出邊等位。估唔到都多人食。入到去，真係好復古嘅西餐廳。好似又返返去細個嘅畫面。一家人一齊食扒，好溫馨。檯夠大，又坐得舒服。叫左兩個餐。坐低無耐即刻俾個餐包暖一暖個胃。餐包啱啱整熱，加埋牛油好溫暖。好掛住呢度嘅忌廉湯，看似普通，但啖啖充滿回憶同甜甜嘅味道。最鍾意餐包點湯食。羅宋湯又係熱辣辣，酸酸甜甜，有微微嘅辣味，好開胃。叫左個貴族牛扒，好大份呀！叫左5成熟。切開真係好靚嘅5成熟。咬一啖真係好有水份。牛肉味道好濃，唔係騷味，係牛肉陣香甜嘅味道。真係好好食！黑椒汁同牛扒又係超夾，淋上去炸炸聲。攞住紙巾遮住件衫，真係細個回憶出返曬黎！牛肉嘅鮮甜味好特出，一間舊式嘅扒房，雖然舊左啲，但係味道係勝過好多新式扒餐廳，好佩服！蘇格蘭牛扒。扒份量都好大。叫左燒汁，5成熟。睇下真係好juicy。食落去口感彈牙，好新鮮好甜。超大份，下邊仲有薯條食。老字號果然係老字號。普通嘅扒都可以整到咁好味！飲埋熱檸水同熱阿華田就啱啱好。食得夠飽，價錢合理，味道好。唔止食回憶，以後都會多啲黎食！…Read More

好耐好耐都無得去日本。真係超掛住日本！忍左好耐，今日要大大力食日本放題！要食就食品質保證嘅放題。之前怕無位，好早已經book左。環境真係好舒服。夠闊，可以慢慢享受。刺身又靚又新鮮。三文魚好大好新鮮，超甜。好耐無食咁多刺身，真係好感動。最終食呢度嘅炸物。我最鍾意嘅芝麻雞翼。好香，炸得入邊仲有好多水份。最重要係仲係熱辣辣。仲有串燒。一次過食晒日本會食嘅野，仲要係任食。媽，好感動。榴蓮炸彈！加左好多次，滿滿嘅榴槤留戀係口腔度，必食！諗起之前係北海道嘅放題，都類似係咁，乜都有得食，真係好感動。食完仲有雪糕可以食，太滿足了！菠蘿椰子雪糕好清新，清下野食味，食完好舒服！可惜一陣要揸車，如果唔係，整多杯酒，咁就無敵！…Read More

話說今日去將軍澳跑步，跑完梗係要食餐好嘅慰勞自己。好耐無食燒肉放題！一入餐廳，感覺好舒服，而且位置夠大，食韓燒最緊要檯要夠大，坐得舒服。依家餐廳都越黎越先進，掃qr code就可以落單。識食梗係叫啲牛黎食。睇到已經流口水。牛肉好靚，食好甜，配埋生菜。燒肉同生菜呢個組合永遠無得輸。睇下啲豬肉！韓式燒烤，五花腩係必須！燒到脂肪係咁冒泡，咬一啖，脂肪香味滲透出黎，好邪惡，完全完美！除左肉，仲有好多海鮮食。有得燒埋海鮮真係好開心。海鮮口感新鮮，鮮甜。仲有小食可以叫，太好啦！炸物都係啱啱炸好，熱辣辣，好惹味！炸物選擇都算多，但叫唔到咁多黎食。因為食肉已經食到好飽。真係好滿足好滿足嘅一餐。慢慢食，吹下水，食到飽為止，好正！…Read More

今日放假，特登去呢間想食好耐嘅cafe食野。之前見到想已經覺得好靚，黎到更正。餐廳設計好靚好舒服。坐得舒服，適合聚會吹水。叫左個炸魚薯條。好大份。薯條加左芝士同調味，好好味。炸得好脆。擺耐左都依然咁脆。炸魚炸得出邊脆入邊軟。珍惜好好味。加埋個醬，好有水份！之後再叫個牛肉松露三文治。呢個真係有驚喜。上菜已經好靚。松露味好濃，加埋水蛋，成個三文治好甜好香，入口總有麵包嘅脆口感，好多層次，好出色！每啖都咁juicy！呢個必叫！培茶burnt 芝士蛋糕有個培茶醬係隔離，可以點一點，培茶味更出。細細個，啱啱好。唔會太甜，食上癮。叫個朱古力脆脆撻。好靚，中間少少鹹，綜合返朱古力甜味，搭配得好好。真係好鍾意呢間餐廳。飲埋杯熱水蜜桃茶。清下口腔，香香的！今日食得好滿足。可以慢慢食，慢慢傾計，好chill好慢活嘅感覺。下次再黎！…Read More

今日係銅鑼灣行完街，去天后食飯。見到呢間好似新開嘅food court，入邊好多野食。呢間德利酸菜魚好抵食。叫左外賣，之後去上邊有位可以坐低食。叫左個水煮牛肉薯粉。食一啖，個辣味好惹味。唔算好辣，但好開胃。份量都好多。好多牛肉，好滑，配料又多，重點係50蚊。大大碗又好味。叫埋德利鹽水鴨。食下辣嘅水煮牛，食返個唔辣中和返。呢個鹽葉得好入味。第一次食鹽水鴨，鹹香味好夠，食到鴨肉甜味。調製得好好。鴨肉又夠彈牙。之後叫左個小菜。野食跟小菜都只係需要加22蚊，抵到爛。叫左個口水雞。超鍾意佢個汁。好香花生味，同小小辣，食到更多嘅係甜味。呢個好啱我口味。我好鍾意辣加甜甜地嘅口水雞，超級好味，而且小食份量多。叫埋個青瓜木耳。好清爽，多汁。估唔到呢間野有驚喜，份量多，又好味，我覺得好正宗同埋真心無得輸。…Read More

今日行行下奧海城現知原來大食代行到盡頭，有一間咁有氣氛嘅餐廳。餐廳真係好大，位置夠闊，坐得好舒服。好適合拍拖享受下氣氛，又可以望住個海。好有feel。叫左個牛肉漢堡餐。漢堡好juicy。咬落去濃郁嘅牛肉味。加埋入邊有醬同芝士。好有水份味道夾得好好。薯條有黑松露味道。好鍾意薯條有陣黑松露香，好好味。炸得脆，加分。蘑菇湯好香蘑菇香味。份量啱啱好。飲完好想飲多碗，因為味道香又滑，吸引。叫左個蒜蓉包。烘得脆，外脆內軟。蒜蓉唔會太強，搭配蘑菇湯真係一流。都叫左個番茄蜆肉意粉。呢個擺盤真係好開胃。蜆肉好大塊。仲要口感彈牙，新鮮。意粉有少少辣味，更開胃。成個意粉感覺好足料，味道濃郁。好好味嘅意粉。沙律都同出邊唔同。加左魚籽，令成個菜色更加鮮味。好fresh，食完好清新。飲埋杯熱檸水清一清口腔，傾下計睇住個黃昏嘅景色。係一個好好嘅餐廳選擇！…Read More

今日行完街，諗住去居酒屋hea下。呢間咁靚嘅居酒屋一經過就俾佢吸引住。一入去就係好靚嘅牆，睇真啲，有意思👍🏻好舒服嘅環境，夠闊，坐得舒服。仲有happy hour buy 1 free 1！即刻叫杯Sapporo啤一啤，好舒服。尤其咁熱天！牛舌，點解可以整得咁有水份。炸得好有水份真係好少見！牛肩肉，好滑，有水份。加埋自製梅醬，味道好夾。鍾意個辣醬，調得好好，好開胃！一定要試！五花肉，脂肪同肉永遠都咁正！佢地嘅炸串個粉好薄，炸得好脆，而且全部炸得入邊都好有水份，好有特色。食完炸串，有個免費沙律清一清口。雞泡魚乾。有少少似魷魚。好好味！同出邊唔同，呢個無用味霖整過，原汁原味！仲有自製wasabi 蛋黃醬。夾得好好。同啤酒食真係一流！炸芝士年糕。即叫即整。好多芝士，好滿足！蟹肉味增飯，呢個有驚喜。以為平平無奇，點知蟹肉嘅味道超濃，好新鮮嘅味道。而且俾得好多。撈滿成個飯。好濃郁嘅鮮味湧入口腔。練梅燒野雞。食一啖。有一陣梅香係雞肉度。之前未食過呢個味道，幾特別，清香！關東煮，無味精嘅湯。好清甜魚湯味道。關東煮都好入味，尤其蘿蔔，索晒湯味。好食！係度吹水飲下啤酒食下野真係好享受。最值得讚嘅係服務態度超好。好humble！下次再黎！…Read More

之前經過大角咀都已經好想食呢間泰嘟嘟。環境好靚。估唔到係睇得又食得！入到餐廳，有個tuk tuk係餐廳入邊，好有泰國氣氛。仲有啲泰國衫，拳套，過下旅行嘅癮。叫左個明爐烏頭。好耐無食呢個泰式嘅酸辣魚啦。一上菜熱辣辣。下邊嘅火燒到個湯keep住滾，好正！食一啖，魚肉有軟又好有水份。加埋啲配菜，真係好惹味。有少少酸酸辣辣，鍾意辣啲可以自己點辣醬，越食越開胃。同埋魚夠大條，多肉，好抵食！叫埋夠豬頸肉通菜煲。熱辣辣jj煲咁樣上菜。好香！溫度keep得好好。食到差唔多完都仲係咁熱。通菜又唔會整得好油。發覺呢間餐廳嘅野食全部都唔會好油，係算健康得黎又好好味！再叫埋個去骨豬手煲。又係熱辣辣咁上菜。豬手整得超軟，味道都好夠。而且份量都係超大份，超入味。今日真係食得好飽。每樣都好大份量，下次會再黎食其他野。…Read More

今日中環行完街，去呢間食飯。呢間豬扒真係出晒名。餐廳好靚嘅裝修，但呈現出黎係7，80年代嘅感覺。睇到呢個舊嘅保溫水壺，回憶都返左黎。叫左個叉燒豆角蔥花炒蛋幼麵。都係咁大碗。果然豪氣。炒蛋係我最鍾意個個味道，好似媽咪整嘅味道。炒蛋真係好香，幼麵都好彈牙。好有細個食麵個種感覺。仲有超級大豬扒肉燥飯。豬扒好似唔洗錢咁，勁大塊！咬一啖，豬扒炸得好脆好脆。入邊仲有好多水份。真係炸得好好味，又厚！肉燥飯好好味，唔會太甜。又係大大碗，食完超飽。仲有小食炸雞。啱啱炸出黎，熱辣辣。點埋個蛋黃醬，真係超邪惡。炸雞好夠味，呢間餐廳嘅野食係真係正！唔怪得開左幾間分店。真係好大份好好味！飲埋杯熱嘅蜂蜜柚子茶，好舒服。下次再黎！…Read More

今日慶祝紀念日，特登揀左呢間食日式廚師發辦。入到去環境好靚。好似去左日本咁，過下日本癮！餐廳都算大，可以坐係日式師傅前面，睇住佢現場整omakase。好有feel。叫左龍omakase。食前仲有個日式茶碗蒸。好足料嘅茶碗蒸。第一個菜已經有驚喜，入邊鮮甜嘅蟹肉，好足料，真係好好味。之後黎左個重點！壽司，有我最鍾意嘅海鮮。燒左口魚，拖羅，海膽，三文魚子等等。全部都好新鮮，好好味！拖羅嘅脂肪分佈好肥美。食完真係好似去左日本咁！好好味！海膽好新鮮，無出水，材料真係贏左。慢慢品嚐完壽司，之後有個烏冬。湯底有柚子香味，味道幾特別。烏冬彈牙口感好。食完感覺啱啱好！叫多左個蒲燒鰻魚飯。成個set咁樣黎，十足十同我日本食嘅一樣！鰻魚有燒過個陣燒味，好好味。唔洗落好多汁，齋咁樣食鰻魚都好好味。可以睇得出間餐廳做得幾有心思。值得再黎！…Read More

好耐都無去樓上cafe。今日諗住搵返樓上cafe既回憶。上到黎，cafe好靚，好有氣氛。坐嘅位舒服，夠闊。而且仲有好多board game玩。真係好適合聚會。夠我玩成日，超正！叫左個龍利柳牛肝菌通粉。好大既魚。啱啱炸出黎熱辣辣，好味。通粉好有牛肝菌味。好好味。加埋魚柳，口感豐富。龍利柳點埋蛋黃醬，好開胃！叫埋個雙重芝士焗肉醬意粉。一上菜就好香。熱辣辣。芝士真係好多。食一啖，肉醬同芝士加埋一齊真係好正！食得好開心。食完好飽。同埋聽住小提琴音樂，個人好relax。叫左個蜂蜜綠茶。好濃嘅綠茶，好正。熱朱古力榛子。好靚，有隻貓係上邊，幾有心思。香滑嘅朱古力，慢慢坐，吹下水。好放鬆。今日食得好飽，唔錯，下次再黎。…Read More

見到大角咀新開左呢間餐廳。其實我記得旺角都有一間。出邊睇都已經好靚。入到去，餐廳佈置好時尚，仲好有情調。唔會太過女仔系列，有情調得黎又有少少高貴，呢個設計好鍾意。最重要檯夠大，坐得舒服。南瓜湯好純嘅南瓜甜味。原汁原味無味精嘅味道！好好飲。叫左個肉眼紅酒汁配白飯set lunch。牛扒好大塊。叫左佢整5成熟，出黎真係5成，高質。紅酒汁同牛扒好夾。呢個汁整得超好。牛扒多汁又好味。而且配菜都唔錯。菜都整得甜。好好味。飯係高質珍珠米，好香同有口感，值得食。加埋被凍檸茶。感覺呢度嘅餐好健康，凍檸茶都唔會好甜，飲得好舒服。沙律都好靚。沙律醬有甜味，好fresh，健康人生。叫埋個明太子廣島蠔芝士通粉。一上菜已經好想。濃烈嘅芝士味。加埋蠔同明太子嘅鮮味係融入左個通粉度。真係好好味。芝士味好夠。廣島蠔好新鮮，咬落去係啱啱好，唔會老。好多水份。呢個配搭真係好好食。叫左熱檸水。杯都靚過人。好舒服好適合放鬆嘅一個餐廳。下次再黎！…Read More

今日係大角咀見到間新開嘅餐廳。最近好鍾意去試新嘢，人生咁短，要俾味蕾新嘗試。呢間餐廳係我鍾意嘅格調。燈光夠光，好新穎嘅感覺。餐廳唔大，但入到去感覺好舒服。叫左個川式麻辣漢堡。係我鍾意食嘅麵包。上邊甜甜地嘅漢堡麵包，睇落去已經好吸引。咬落去，食到四川麻辣嘅味道。唔會好辣，香味同味道夠濃郁。有青瓜係入邊，所以綜合左個辣度，同埋青瓜嘅口感可以俾到爽口同有juicy嘅感覺，配搭得好好。鍾意個漢堡肉，葉得好夠味。厚厚嘅漢堡肉，食得滿足。仲叫左個生果盒。好少漢堡店有生果拼盤可以揀。食返個健康生果，好好嘅平衡。飲埋個soda，gur晒。叫左個和風柚子照燒醬堡。好鍾意呢個配搭。食左一啖，口腔已經大爆炸。好多味道，好豐富，同埋係所有嘢都夾。見到厚厚嘅芝士鋪係漢堡肉上邊。已經好邪惡。和風味道同柚子香，加埋漢堡鮮甜味。成個漢堡都好juicy好好味。食落又有洋蔥甜味。呢個配搭真係好好食。估唔到和風柚子汁可以整到咁好味咁夾嘅漢堡。叫埋洋蔥圈。啱啱炸出黎，熱辣辣，好邪惡。口感脆，香甜！飲埋個made in italy嘅檸檬梳打，好fresh好正！唔錯嘅小店，下次再黎！…Read More

今日經過佐敦，見到呢間新開嘅餐廳就入左去試下。餐廳好闊，位置夠大，幾好。同埋多卡位，可以坐得舒服。叫左個馬沙文咖喱牛腩飯。好大碟，好鮮豔嘅擺盆。咖哩味道好香，食到花生醬嘅香味。牛腩整得淋，而且份量都多。咖喱撈埋飯真係好香好好味。之後叫多碗冬蔭雞絲扎肉金邊粉。冬蔭公味道好特別。鍾意奶味重嘅人一定會鍾意！冬蔭公奶味好香。雞絲索晒湯底嘅味道，好惹味。金邊粉又彈牙，呢碗湯粉好開胃！份量都大碗，值得！叫左碟飛天通菜。通菜炒得好泰國嘅味道，少少辣。鍾意呢個辣味，好似去左泰國咁。好掛住泰國！！飲左杯泰式奶茶。真係好多泰國嘅畫面出左黎。再叫埋杯熱金吉蜜，潤一潤喉。今餐食得超滿足。價錢合理又食得飽嘅午餐，下次再黎！…Read More