jason小李子's Profile

今日朋友帶我黎呢間食。。之前有朋友介紹話呢間好正。。所以病病地都要過黎試一試lunch set 都算幾多選擇，而且價錢都唔算太貴。。最岩想慳錢既情侶，又想食下好野。。可以選擇呢間！我就揀左西冷牛扒！雖然西冷牛扒好多餐廳都有得食，但我之前食親都係中規中矩多。。不要煮得好食真係唔易。。呢間就真係好食。。。食牛一定要鬆軟既。呢點做到了，而且唔係用鬆肉粉令佢鬆軟。。係廚師既功力。。真係大大加分！值得再試！食飽仲可以同朋友打返兩盤美國寶先走。。真係好開心，小弟最愛桌球！…Read More

今日起身悶悶地。。所以搵個fd近近地係屋企附近食餐lunch...呢間其實之前已經經過好多次，終於有機會試下！環境方面，真係好寧靜，如果想同朋友簡單食下野傾下，呢度值得去！午餐鋸扒可以用呢個平民價享用到，真係好難得了！叫左兩樣野。。雞肉串燒同鐵板豬手。串燒都幾大串。。肉質幾滑，整得唔錯！份豬手都好好食。。都幾大份架。。食完大家都捧住個肚離開！…Read More

呢幾日熱到唔想郁。。辛苦工作左成日，梗係要飲下啤酒下火。。所以揀左呢間小店試試！一入餐廳就見到幾隻烤緊既豬手。。口水都流晒啦！未叫野食前叫杯hoegaarden啤啤佢先，夏天飲啤酒真係超級透心涼！呢個豬手整得好出色，皮脆唔會林，咸味剛剛好，唔會太咸但卻相當惹味！而且師傅自動波幫我地碎上，太好了，唔該晒！岩晒我地呢啲懶人包除左豬手之外，德國腸都好出色。。德國腸真係有好多唔同既選擇，愛腸之人值得一試！…Read More

放假有時唔需要搞到多活動，唔需要做好多野，簡簡單單同好朋友食一餐下午茶已經好開心了！今日過左黎旺角食下台灣野。。。侍應好好禮貌，幾個妹妹仔既服務態度好好，張枱未執好要我地等陣，執好之後都連忙禮貌say sorry...呢啲服務態度都唔係咁多食店做！岩岩坐低都幾口乾，即刻叫返杯野飲先！我叫左杯玫瑰洛神花茶。。。甜甜地又有益，減肥最好呀玫瑰花茶。。朋友就叫左杯薄荷玫瑰洋甘菊先黎兩款小食，鹽酥花枝丸同鹽酥雞。。。超好味。。而且我目測差唔多每枱都叫呢兩樣，應該係最受歡迎既菜色！我地叫左個台式糖心蛋肉燥飯同松露明蝦蒜香義大利麵！我係一個松露迷，真係估唔到食台式野都有松露野食！太好啦！食飽飽緊係嘆返個靚甜品啦，屋喔窩夫同意式奶凍，味道唔錯唔錯…Read More

好耐都無食日式放題了，坊間日式放題既食店好多，有好食既，有中伏既，起初我抱住博博下既心態過黎試下，最後發現呢間店都俾到我小驚喜的！地方幾大，空間感足夠！食客與食客之間既距離唔會迫，因為佢有個自助吧的，通道暢通，拎野果陣唔駛左閃右避！先黎一份燒鰻魚壽司及蒜蓉帶子壽司！雖然size比較的骰，但係想encore可以再叫，所以問題不大，最重要係味道好就得啦！ 呢個刺身併盤，係我今次最驚喜既環節！師傅把刺身放係乾冰盤上，陣陣白煙飄出，視覺上非常美觀！正所謂食物最緊要色香味俱全，呢個刺身併盤，每款刺身都好新鮮,食落好爽滑，要知道刺身如果唔新鮮會好大獲架！ 呢度既任食時間係兩個半鐘，時間非常充足，所以食完第一輪既刺身之後，回一回氣先，抖一陣之後就主攻下燒物，我地叫左串燒牛肉，燒羊架同汁燒牛柳粒 :) 侍應推介我地飲香茜三文魚湯，整返碗先，濃濃既香茜味，我既最愛，係自助吧自己拎的，大家真係要飲呀！呢間店除左日本野之外，仲有泰式野食架，呢個就係我既小驚喜啦，因為我最中意食日本野同泰國野的，一次過可以食晒兩樣野，真係好開心 我地叫左冬蔭公湯同海南雞！個海南雞超得，雞肉好滑！另一個小驚喜就煲有生蠔 平時我可以食十隻八隻的，不過一時睇漏眼，最後先知有，所以點都要叫黎試下！不過我中意咩都唔落就咁食！咁樣蠔既鮮味先唔會被蓋過！自助吧仲有我最愛既阿拉斯加長腳凍蟹腳！不過最慘因為飽了，最後只食左兩條！…Read More

復活節第一日，涼涼地好舒服，到左土瓜灣一間小店食野！附近既人流唔算好多，所以喜歡寧靜既朋友，呢度好岩你地！同朋友靜靜地傾下計最一流！嘆杯咖啡，同朋友傾下計，簡簡單單既假期。。唔錯唔錯！龍蝦汁海鮮扁意大利粉。。。龍蝦汁整得幾好味，配海鮮可以夾到一種幾特別既鮮味！呢個係今日既重點推介，草莓麻糬鬆餅。。。大家平時食鬆餅食等多啦，大多數既鬆餅都係口感比較脆口既，但係呢度既鬆餅因為係麻糬做既，所以口感好煙韌，幾好味幾特別！價錢方面都算合理，食物質素同價錢成正比既！食物既款式都算多，我本來想叫吉列魚柳併薯條，可惜今次無，唔緊要，下次一定再黎過黎！…Read More

最近經常見到好多食家講呢間食店，咁岩今日經過，所以帶住非常高既期望入去試！又唔可以話好失望，但係同我想像中既期望有少少出入！下午茶既款食都幾多，你想食粥品又得，點心又得，燒味又得！四十蚊食個下午茶來說，價錢都幾合理！我都幾中意食點心，不過驚食唔晒，唔想浪費食物，無叫到！我叫左個花雕醉雞麵，味道一般般啦，平時食開既唔會太苦，但今次花雕好似落得重手左，反而令到味道偏苦，呢樣扣左少少分！總括黎講，只能說不過不失啦！…Read More

年初二，祝各位猴年快樂，身體健康！日日食好野！今日唔駛拜年 ,梗係唔好浪費左咁好天氣既一日假期，於是唔駛講咁多，二話不說即去嘆返杯咖啡同食下西餐！我地岩岩開門就即刻去，見到店員正在努力調配緊咖啡，真係辛苦晒啦！ :) 環境好舒服，雖然係商場入面，但絕對唔會嘈，而且空間好闊落，唔會逼住逼住！最岩三五知己聚下舊吹下水又得！一雙一對既談下心又得，得左！呢度唔駛收加一架，雖然唔收加一，但店員既服務態度一樣好殷勤有禮！ 老闆提議我地可以先飲咖啡先！因為唔會俾食物既味道影響左品嘗咖啡既味道！我同我朋友既口味唔同，佢喜歡飲偏苦既咖啡，我就喜歡甜既，所以老闆就提議我飲Flat White 啦，陣陣咖啡既香味，配上嫩滑既口感，簡直係人生既一大享受！先黎個前菜先，一人整一件煙三文魚配蛋沙律多士！黑松露磨菇意粉！最近對黑松露好似著左迷咁，只要一見到呢三個字，對眼好似識發光咁！味道好正！濃濃既黑松露滲入晒意粉入面！呢款係我今次極力推介既一樣食物！就係自家制薯條！雖然薯條都好味，但對唔住，今次既主角係佢個醬！咩醬咁巴閉？哈哈，就係佢個自家製黑松露mix沙律醬！呢個醬係老闆自己調出黎架！食完第一條我已經返唔到轉頭了，往後既日子我只會更愛黑松露！香煎虎蝦意粉，虎蝦好大舊，份量充足！但朋友對海鮮興趣一般，所以成碟我清晒 食飽飽，到第二個胃出動，朱古力蛋糕，入面暖暖地，又係一種奇妙既感覺！呢款檸檬批都幾得意，除左檸檬批充滿檸檬味，再配埋淋上面既檸檬醬，雙重效果，檸檬控一定要試！…Read More

年青人最緊要有夢想，無論環境點差都好，只要入面有一團火，任何事都會成功的！呢間小店我就感受到有呢團火，老闆正正是充滿熱誠的年青人，睇得出佢擺左好多心機係呢間店！加油呢！keep 住呢團火啦！希望呢隻瘋狂的小鳥可以飛得更遠！店名叫得做瘋鳥，當然檯面要有小鳥的擺設啦！ 環境方面，一入去令人有一種很舒服既感覺，空間感充足，就算之後坐滿人，都不會有侷促擠迫的感覺！人多黎gathering下又得，一個人黎睇下書飲杯咖啡又得！其中有張檯似塌塌米feel既設計，更加有優遊自在同家既感覺，如果想成班fd聚下enjoy一個下午，呢度真係唔錯既選擇！呢隻咪星人好可愛！原來佢原本俾人遺棄，但老闆好心領養左佢，好嗲人的呢隻貓仔，對陌生人唔會怕，仲會走埋黎同你玩的！貓奴或者愛貓之人可以留意下！菠菜雜菌培根意大利粉。。味道唔錯呀，清清地三重芝士炸蝦pizza...如果係芝士迷，一定要叫呢個pizza.....濃濃既芝士加大大隻既大蝦，大家點可以錯過！啤酒炸魚配美國薯條。。。呢款係我最推薦既菜色！講真，係香港我成日都食炸魚，但呢次我覺得係我食過之中算係no.1的！平時既炸魚炸完之後可能會偏乾，但今次當我一咬落口，不但唔會乾，而且魚既鮮味完全保存落黎之餘仲唔會腥，因為加了啤酒，口感唔會因為炸完變鞋，入口依然好滑！相信係其他地方都幾難食得返呢個口感既炸魚！美國薯條夠晒大條，差唔多長過雙碟咁滯！ 呢間小店既另一個賣點就係咖啡既選擇非常多，除了 Latte 同 Mocha 呢啲比較大路之外，仲有其他特色既咖啡選擇！老闆好細心，走過黎詳細解釋同介紹下唔同咖啡既特色！如果喜歡飲帶酸味的咖啡，大家可以選擇埃塞俄比亞同薩爾瓦多！我自己就揀左巴拿馬唐佩佩咖啡，因為我較喜歡甜甜地既咖啡！呢間小店一定有下次！I will be back！…Read More

我自己其實都算係一個幾矛盾既人，一方面覺得香港傳統既懷舊冰室應該保留同多多支持，但又因為大多環境唔太乾淨所以我會卻步。。。。咁岩呢間樓下冰室正正可以解決到我既矛盾了！既保留左舊式冰室既風格，同時環境都算乾淨！我本身食野唔中意同人迫，所以今日冒住嚴寒既天氣，十一點岩岩開門就去食了，但係我未食完，短短幾個字就已經差唔多坐滿人了！證明都幾受歡迎！今次黎食之前已經鎖定兩大必食目標 瑞士雞脾同蕃茄湯通粉！如果叫蕃茄湯通粉餐有兩樣選擇，上面$38果款就係蕃茄湯通粉加一味餸！不過因為我我想食埋個瑞士雞脾，所以我揀左下面$46既餐！如果大家唔食雞脾，想配其他小食，都仲有好多選擇既！其實我以前只會飲媽媽煲既蕃茄薯仔湯，係出面我好少食蕃茄湯製既東西的！不過呢幾年提倡健康既飲食，所以我都食多左蕃茄湯既野了！如果大家唔食蕃茄，唔駛擔心，都仲有好多午餐選擇！鎮店之寶之一。。。我揀左螺絲粉，因為細細個已經有螺絲粉情意結！佢個濃湯真係飲得出係即叫即製用心熬製的，無味精，濃濃既蕃茄味又唔會太酸！滑蛋都好過水準，唔會因為浸左落湯變淋！夠晒滑，連埋蕃茄湯飲。。。正！鎮店之寶之二。。瑞士雞脾。。。個瑞士汁味道岩岩好，有啲餐廳個瑞士汁會偏咸，呢度就唔會！成隻雞脾都滲入晒瑞士汁，好入味！唯一美中不足既地方係人手唔多夠，我叫左杯水飲，但因為人手唔夠，最後都無俾我！不過我明白的，因為客人真的太多了！而且侍應服務態度好好，好有禮貌！咁忙仲可以保持到好好既服務態度，抵讚既！…Read More

最近做野忙到甩碌，都好耐無去四出搵野食，所以今日決定同朋友抽少少時間，試下呢間拉麵先！環境唔算好大，坐落雖然有少少迫，但咁樣更加貼近傳統日本既拉麵店，因為日本傳統拉麵店都是迫迫地的！一坐低就聽到店內播放我最喜愛既日本歌，感覺好好！而且仲有地方俾你電話差電，真係好貼心的服務，對低頭俗黎講係天大的喜訊！仲有樣野要讚的，就是店員非常有禮貌，當我地有唔明既地方，店員都好有禮貌解答！服務又周到，服務分我俾九十分啦！趁啲食物未到，叫住兩支野飲住先！我自己就飲蘋果梳打，我朋友就飲提子梳打，唔錯，都幾好飲！等左大概十分鐘。。。登登登登。。。拉麵到啦！特上辛辣味贈拉麵！辣度方面可以揀普通同激辛，我自己就揀左普通，如果想食少少辣又唔太食得勁辣既，普通就最岩你！麵的種類，有幼麵同曲麵你揀，我問店員，佢地話幼麵比較入味而曲麵就比較彈牙，睇下你地中意邊款啦，我自己就中意入味啲，所以就叫左幼麵！啖啖既幼麵滲滿辛辣味既湯汁，嘩，簡直無得輸！溏心蛋真係超正，果啲又滑又香既蛋汁，令我回想返以前係日本食拉麵果啲感覺！叉燒口感唔錯，唔會因為浸過湯而變得太淋，依然保持到肉質既鮮嫩！食拉麵點可以唔叫份餃子食下！我自己中意餃子配辣醬，所以可以係剔食物揀拉麵果張紙剔追加辣醬！…Read More

今日約左朋友睇舞台劇，未夠鐘入去the one 行下，行行下見到有間野叫cambo，我就突然同朋友講，我以前曾經好中意一個女仔叫cambo，不過人地已經係人地老婆了！呢份回憶令我地入左去食lunch.....但結果中晒伏！ 山蝦刺身。。其他店通常都會俾碟酸辣醬你（甜）下啲蝦，但呢度居然無，減分！ :( 串燒不過不失，同其他泰國野食店無咩特別！可能我自己飲親椰青都係凍既，呢個居然俾個唔凍既我，好飲程度大打折扣 :( 不過最令我失望既係服務，以下幾點，真係嬲到振， 1：明明客人唔多，侍應無咩做，頗為得閒咁行行企企，我叫左埋單，重覆叫左三次，仲要同一侍應，佢三次都唔記得，結果埋個單要十五分鐘！ 2：侍應拎張單埋黎，嘩 做咩成千蚊架？我地應該二百幾咋啵，原來佢拎錯，拎錯唔道歉仲要黑面，覺得我唔應該話佢錯！ 3：之後又等左成十分鐘，有個四眼男侍應拎左我張單去隔離枱，隔離枱先岩岩開始食，邊有咁快埋單呀，用啲常理諗都諗到啦，訓醒未呢哥仔！之後佢用極度黑面咁俾我簽卡，我真係好想問佢今晚係咪要去送殯，點解咁黑面！ 我唔係要求咩優質服務，但係你收我加一 係咪應該都俾返啲啲服務我呢！講真我食好多唔加一既餐廳，服務都比你地好！ 呢間野價錢已經唔算平，食物又唔係十分特出，仲要垃圾般既服務！我保證唔會再黎呢間野食！無下次，請我都唔會去，垃圾餐廳！ …Read More

本來今日諗住同朋友去元朗搵好野食，但係天公不造美，由朝落雨落到晚，所以費事行咁遠，所以朋友帶左我去呢間隱世小店嘆下咖啡食下野！ :) 休息是要走更長的路，平時做野同生活節奏已經非常急促，放假既時候可以停下來靜靜休息下，嘆嘆咖啡充充電吧！ 店內坐位唔算太多，不過空間感很大，枱與枱之間有足夠的空間，加上會播啲柔和既音樂，好relax,最岩三五知己或者情侶過黎飲下野傾計談心！ 因為今朝好早起身去篤波，打左成朝都未食午餐，我就叫左個班尼迪蛋，朋友就叫左一份allday！我自己好中意食蛋黃既，一野吉穿個蛋黃之後，濃濃既蛋汁流在火腿上，果種感覺真係無得彈架！另外最令我有意外驚喜既係佢個homemade bread, 自家用心制作，麵包質地好軟熟，甜甜地，超正！ 我地好似岩岩飢饉三十出黎，極速食完野之後，梗係嘆返杯咖啡啦，靜靜地咁傾下旅行野，估唔到一坐就係三粒鐘！傾傾下旅行野，老闆好隨和健談，都同我地一齊傾，哈哈，感覺唔錯唔錯！ 價錢黎講真係相當抗通漲同平民化既，正所謂蔗渣既價錢，燒鵝既味道！每人一百蚊都唔駛，又有好味既午餐同香滑咖啡飲，係百物滕貴既香港真係唔多了，所以下次要繼續黎！一定有encore :)…Read More

作為土生土長既香港人，食飽飯去食甜品是常識吧！！而且香港人就算晚餐幾飽都好，都有第二個胃食甜品既！所以今晚食完飯，行過對面街見到間甜品店，即時入去！ 甜品既種類都幾合我心意，幾多選擇，中西式都齊晒，所以都要用十分鐘時間揀，樣樣都想食，都幾頭痛！ :) 我自己叫左碗龍珠！我都幾中意啲甜品改一啲完全無關係既名，都幾有創意，不過就要用多少少時間了解下係咩黎 ！如果中意椰汁既，一定要食呢個，因為龍珠其實係龍眼椰汁沙冰，配上珍珠，新鮮龍眼肉同椰果，我自己最欣賞既係濃濃既椰汁味！哈哈，但係天氣太凍啦，凍到牙都震，比平時要用更多時間先食完！不過冬天食凍野先正！我朋友就叫左呢個黃金拿破侖，呢款真係鎮店之寶，我痴我朋友食左少少，已經好後悔無叫一份，食一啖已經返唔到轉頭！本身厚厚既酥皮已經好甜好鬆脆，再係面頭鋪上滑滑忌廉同香甜芒果，簡直係邪惡恩物，我決定下次一定叫呢款 …Read More

九龍城真係香港一個美食集中地，識食泰國野，一定黎九龍城食，差唔多一條街有起馬一間係食泰國菜既！今次就同朋友黎泰風情感受一下九龍城風情啦！坐低之後，侍應即刻俾兩杯茶我地，我開頭以為係普通茶，點知原來係暖笠笠既菊花茶，呢兩日又凍又乾，食串燒之前潤一潤喉龍真係好緊要架 :) 頭盤先黎一味生蝦刺身！小弟最中意食既一款泰國菜式！講真，可能好多店鋪都有生蝦食，但我食過幾間唔係間間新鮮，呢間既生蝦都算新鮮架，配埋個酸辣醬一齊食，簡直一流！再黎一味泰式招牌豬手！提起豬手，之前我都只食開德國豬手，泰式豬手都係第一次食！肉質都算軟熟，個汁好入味，食下一舊食下一舊真係停唔到手架！ 今餐既壓軸菜色-->黑毛豬串燒！九龍城咁多泰國野，我揀試呢間就係因為呢味餸！間間泰國野都有串燒架啦，雞，牛，豬就基本野，但係呢間除左普通既豬肉串燒之外，仲有黑毛豬，唔試唔得！黑毛豬真係好食好多架，一咬入口既感覺好唔同，比普通既豬肉更加林同柔軟，配合埋燒烤恰到好處既火喉，更加突顯到肉質既鮮味！ 馬拉盞炒通菜，如果同黑毛豬同豬手比較，呢款有少少失色！味道尚算ok既，但因為我中意食濃味既野，所以我覺得稍稍淡左少少，再濃味返啲啲會比較好！ 飯後原來仲免費送兩件甜品，大菜糕！不過我自己就少食，所以俾我朋友食埋！ 其實我都幾滿意店員既服務態度既，都幾有禮貌，唔錯唔錯！哈哈，不過有樣野我覺得可以做得更好既！食串燒食豬手最好梗係飲啤酒啦，我本來想叫藍妹既，但係老闆話唔夠凍 ，所以我只好叫另一款泰國啤！所以希望老闆可以係下午先將啤酒雪定，咁晚市果陣就唔會有嚨個情況出現！…Read More