fat pooh's Profile

Happy Friday揀左呢間一人一鍋既日式火鍋店「本延鍋物」食dinnerYEBISU 特級啤酒惠比壽draft beer，香醇好飲御美超值宴2人套餐刺身三品盛三文魚、金目鯛、油甘魚刺身，3款都新鮮好味甜蝦豆腐醋凍豆腐唔算好滑但豆味濃郁，配埋醋凍酸酸地，好開胃既前菜櫻花蝦海葡萄沙律海葡萄咬個下係口入面卜卜卜咁，櫻花蝦帶脆身，一個沙律係口感上都做到唔同層次湯底 關東風壽喜燒Shabu shabu 我通常都會揀sukiyaki湯底，覺得最代表到日式火鍋既味道A4 日本黑毛和牛肩脊肉、A4 日本黑毛和牛赤身、粟飼精選豚肉、日本華味烏A4 肩脊肉同赤身脂肪分佈均勻，肉質嫩腍豚肉肥瘦比例亦都唔錯，一d都唔榎雞肉簡單既醃味，烚完都仲好嫩滑野菜拼盤有3款菇、芋絲、豆腐、蘿蔔、菜、粟米，食左咁多肉，食返d野菜就岩晒稻庭鳥冬稻庭烏冬煙煙韌韌，再打埋隻蘭王蛋一齊食，真係好好味季節限定日式雪糕豆腐雪糕再加左d好似水玄餅，仲有d脆脆地既櫻花topping, 又夾又好食環境舒適，食物高質，呢個2 人set做緊半價只需$649，性價比高，鍾意食日式火鍋既朋友真係要黎試下…Read More

朋友生日揀左位於中環蘭桂芳既「Tokio Joe」慶祝🎉Akishika Nyukon No Itteki JD大阪秋鹿酒造，以零農藥有機米製成，酒精濃度唔太高，易入口Spicy Toro Tartar 微辣既吞拿魚他他入面仲有d脆片，包埋塊生菜一齊食，味道幾夾Hamachi Usu薄切油甘魚配以醬汁，越食越開胃Deluxe Sushi$720 既deluxe sushi竟然出現左6舊炸蝦卷，連一件貝類壽司都無，其餘既魚都係經常食到既魚類，我諗我要重新定義「deluxe」呢個字既解說Seared Sushi combo火炙壽司有和牛、帶子、三文魚、吞拿魚，味道不錯Regular Sashimi有中拖、大拖、三文魚腩、油甘魚腩、八爪魚、蝦等等既刺身，都係大路既魚，最緊要全部都夠新鮮Gindara Teriyaki銀鱈魚加上照燒汁，味道甜甜地，加上銀鱈魚既油脂豐富，唔會話好乾Beef Goma Fumi牛肉都燒得幾嫩，個醬汁係好似港式腸粉既麻醬+甜醬咁，都幾得意Rock shrimp Salad炸蝦天婦羅+沙律菜，炸蝦漿粉都幾脆，沙律菜都夠新鮮Yaki Gyoza煎餃子食落似煎餃子，個皮唔脆，但味道還好Stir-fried Vegetable加左少少鹽、芝麻既炒雜菜，無咩特別環境尚算舒適，店內燈光好暗，食物質素都唔差，但唔算好有驚喜，價錢都幾貴，我覺得呢個價錢我會有更多既期望，但普遍食物都好普通，性價比低…Read More

「香港老飯店」以正宗京川滬菜馳名，堅持濃油赤醬本幫菜風格，菜式味道都係以老味派為主樟茶大鴨茶燻味好香，望落好似好乾但肉質其實好嫩滑烤雙方中式包皮入面夾住金華火腿、炸腐皮，再加上蜜汁，咸、香、甜、脆、軟一次過食到無錫脆鱔脆鱔炸得香脆乾身，就算有糖醋汁包住都依然香脆蔥爆牛肉京蔥爆炒後好甜，牛肉亦都濃郁惹味乾煸四季豆本身諗住好濃味，但又無我想像中咁油，四季豆仲食到清甜既味道津白肉絲炒年糕年糕煙韌，津白肉絲都係上海炒年糕必備既食材，整碟味道濃郁冬菇白菜冬菇炆得入味，白菜仔亦都好甜一d草青味都無松子黃魚魚炸得香脆，肉質亦能保持鮮嫩，淋上甜酸醬，經典傳統既味道小籠包每個入面都是滿滿既湯汁，不過略賺個皮厚左d高麗雪糕 & 豆沙一款係蛋白入面放入雪糕，一款係傳統既豆沙餡，兩款都各有特色，兩款都好食環境舒適，食物質素都唔錯，味道真係以老派既味道為主，好濃味，完完整整將京川滬菜傳統既味道呈現卑食客，食完係有d口渴既，但整餐都好滿意…Read More

今日去左位於奧運既香港遨凱酒店中菜廳「莫云」享用晚餐，由曾任香港百億富豪私廚的雷師傅主理，擅長以靈活創新的烹調手法將潮州菜的精髓與粵菜融合重新演繹叉燒.酥魚.聖女果半肥瘦叉燒、爆汁番茄仔、炸魚，份量少少，作為前菜真係最好不過糯米釀脆皮乳豬脆皮乳豬一d肥膏都食唔到，糯米既軟糯同脆豬皮口感上形成強烈既對比天子蘭花燉響螺湯天子蘭花既清香加上響螺、雞等等既材料燉製而成，清甜得黎，味道濃郁竹炭粉日本關東遼參遼參真係海參之首，用上竹炭粉包住遼參，造出酥炸既口感，入面就係彈牙既遼參，再配上上湯，特顯大廚功架既一道菜X0醬淮山煎讓羊肚菌羊肚菌釀左蝦膠，以XO醬爆炒，連配菜淮山、萵筍都好惹味脆米海鮮湯浸東星斑原條東星斑切片，下面墊有白蘿蔔，中間放了脆米，再淋上海鮮湯，東星斑片好嫩滑，整碗鮮味十足瓦罉泰安新鮮豉油雞未開蓋前贊酒再點火，滿滿的儀式感，選用本地泰安雞，雞味特別濃郁廚王單腳炒飯飯望落又幼又長，以為口感會帶硬，點知食落係好軟腍，好有驚喜 （驚喜到唔記得左影相🤣）上湯意大利珍珠浸時蔬意大利珍珠其實係薏仁，味道帶甜，真係好似珍珠咁閃閃放亮木瓜雪耳糖水賀歲蓮蓉壽桃包每道菜都係大廚別出心裁製成，食材用料上乘，色香味俱全，唔係今晚既飯局都唔知奧運原來有間咁高質既中菜餐廳…Read More

今晚去左位於尖沙咀Rosewood Hotel 既「Bayfare Social」西班牙餐廳享用晚餐50G Iberico Ham (60-month)60個月既伊比利亞火腿係比較少食到，隻豬係食咗兩季橡果，所以油脂唔會重，甘香唔咸口Sherry wine雪莉酒係西班牙既加烈葡萄酒，我就揀左呢款較dry既，同Iberico Ham都好夾Scallop Crudo帶子刺身浸左係escabeche sauce，個醬汁味道酸酸甜甜，仲有d牛油果粒，醃製左既洋蔥，係一道好開胃既前菜Steak FritesWagyu flat iron steak叫左medium，外面煎至微微焦香，入面就仲係嫩紅色，肉質嫩腍，薯條亦都炸得好香脆Seafood Paella海鮮西班牙飯有蜆、蝦、BB魷魚，個飯面仲有Alioli蒜蓉蛋黃醬，我覺得個paella味道唔夠鮮甜偏咸，最重要既Socarrat飯焦雖然都有，但整個味道有點失望Churros新鮮炸起既churros外脆內軟，每條都佈滿沙糖，反而食唔到肉桂味有少少失望，再蘸埋朱古力醬，傳統的味道環境幽靜，但四周真係好黑，對foodie黎講係有d頭痛，侍應都好有禮貌面帶笑容，食物都唔錯，價錢亦都合理，都係一個唔錯節日約會既好地方…Read More

朋友生日揀左去「香港大學校友會」食飯慶祝，餐廳行會員制，閒日都差唔多full house，不過呢度相對易book，無某d 舊友會咁串同難book前菜三色熏素鵝以3款素菜作餡料再包上腐皮，每一啖口腔都充斥住煙熏既香味麻香鳳尾蝦多士以圓形呈獻細細舊既蝦多士，無平時個d大大件咁膩，蘸埋個他他醬更加好食湯金銀杏汁燉白肺湯奶白色既豬肺湯，杏汁濃度恰到好處，如果有多幾舊豬肺食下就更好了主菜冰梅京燒骨味道酸酸甜甜，仲有火龍果粒同橙皮作點綴金沙麥皮黃金蝦啖啖肉既黃金蝦，蛋黃本身惹味得黎都較膩，加埋麥皮感覺更加膩椒鹽鮮魷鮮魷新鮮彈牙，脆漿唔厚又鬆脆，香口惹味蒜片燒汁安格斯封門柳粒牛柳粒嫩腍，仲有杏鮑菇條，配埋蒜片，不錯脆皮炸子雞（半隻）個皮真係又薄又脆，雞肉嫩滑，味道亦都岩岩好蔬菜薑汁芥蘭啫啫唐生菜麵桂花炒新竹米粉米粉炒得好乾身，桂花其實係蛋碎，仲食到咸蛋黃味，上面仲有d金華火腿絲甜品壽桃薑汁棗皇糕薑汁味好濃，口感非常煙韌，甜度亦都岩岩好環境舒適，冷氣好夠，食物亦都有質素，服務亦都唔錯，價錢我覺得好抵食，最重要係呢度book位唔洗受氣，食得開心☺️…Read More

「Coffganic」係近期其中一間人氣咖啡店，以藝術感既裝修吸引左一眾既Foodies前來打卡，每次經過都坐滿人，今日星期六更加唔例外Abalone & Barramundi Fillet Paella盲曹炸到脆身，有d似食緊炸魚皮既感覺，一口鮑魚都有兩隻，番茄味既paella飯帶點微硬，味道偏咸左少少Carbonara Fusilli Lunghi with Pork Belly每條捲捲粉都沾滿carbonara，佢個carbonara味道帶點微甜，我幾鍾意，個兩件pork belly味道重同好油膩，加上本身carbonara都較膩，所以好快已經停左手DirtyEspresso帶點fruity，同凍奶撞埋一齊，味道唔錯Cappuccino奶有點過熱，奶泡打得唔夠綿滑，整體口感唔算順滑，過熱有d影響埋奶本身既甜感Double Layer Milk Egg Waffle即叫即整既雞蛋仔，每粒入面都有雙皮奶餡，奶味都幾重，可能雙皮奶texture帶點濕軟，有d整腍左本身雞蛋仔脆身既口感環境都尚算寧靜，食物不過不失，杯cappuccino就真係有待改善，價錢偏貴，我暫時都未諗到要再黎既原因…Read More

香港萬麗海景酒店既自助餐餐廳經過重新裝修後，係9月重開，改名為「Food Studio」，以高質既食材為賣點，所以都吸引左好多人幫襯，全晚都差唔多full house魚子醬海膽Taco真係全晚任食，海膽新鮮唔臭，魚子醬唔太咸，自助餐黎講呢個質素都好滿意海鮮山有龍蝦、花甲、青口、鱈場蟹腳，麵包蟹、翡翠螺等海鮮供應，夾得快，refill都好快，而我鍾意係啖啖肉既龍蝦同花甲刺身刺身有帶子、牡丹蝦、油甘魚、吞拿魚同三文魚5款提供熱食熱食都好多，有和牛、羊架、煎蝦、喇沙、燉湯等等既款式，最吸引我既一定係鴨肝海膽意大利粉，另外乳豬亦都相當出色，皮脆肉嫩甜品有4款XTC geleto提供，奶茶、開心果、朱古力 & 芒果雪葩，仲有cake、朱古力噴泉、法式橙酒班戟等等既甜品官網依家推出75 折優惠，星期一至五晚市連埋加一都係$720，食物既質素同款式自助餐黎講都相當滿意，呢期最hit buffet一定非佢莫屬…Read More

以pizza出名既「Pizzeria Italia」係Soho East都開左一段時間，為左一試正宗意大利pizza，今日就過左好耐無去既Soho East食飯香辣蒜蓉炒鮮蝦用石鍋上既香辣蒜蓉炒鮮蝦，滾既橄欖油倒入石鍋令到d蝦更香更惹味，再配左幾塊多士可以蘸埋香辣油食，唔錯Margherita自家製既pizza皮、番茄醬，仲有新鮮既mozzarella cheese、再撒上oregano 同欖欖油同火箭菜，以400度高溫石板爐即焗，外皮酥脆，係經典既意大利風味白松露香油牛肝菌意大利燴飯整碟都都充滿菇既香味，牛肝菌既香，再加埋松露油既香，再刨上芝士增添少少咸香味環境舒適，可能自己對佢既pizza有好大期望，雖然都唔算差但就無想像中咁出色，其他食物味道都唔錯，價錢唔算貴，值得再訪…Read More

「Dear Grey」位於北角錦屏街呢條小巷入面，係社交平台見到好多人都推呢間既牛肉丼飯，所以就過黎試下黑安格斯封門柳溫泉蛋丼飯封門柳煮得嫩腍，上面加左隻溫泉蛋，再淋左d甜甜地帶有日式味道既醬汁，味道唔錯慢煮三文魚牛油果蟹肉他他丼飯慢煮三文魚唔算好榎但味道較淡，蟹肉撈勻左後基本上唔係好食到，醬料味道都唔算好濃味道唔出，所以三文魚都真係食到有d腥，整體味道普通手工爆打檸檬茶跟餐加$14，味道正常烤油封八爪魚菠蘿辣肉腸油封八爪魚都夠腍，辣肉腸好咸，說好的菠蘿唔知去左邊，只見到車厘茄，食物配搭完全唔夾，似將啲食剩左既食材擺埋一碟咁，同埋$68勁細碟地方淺窄，除左招牌既黑安格斯封門柳溫泉蛋丼飯外，其他食物都好麻麻，整體係有d失望…Read More

「文興酒家」起源於英國倫敦，以廣東燒味馳名，無諗過一間酒家竟然係揚威海外先返香港開業，interesting🤭粵式燒鵝（半隻）用上愛爾蘭農場直入銀山鴨，銀山鴨被譽為鴨界和牛，燒鵝皮脆肉嫩，油脂比例平均，蘸埋酸梅醬一齊食更加好味蜜汁叉燒王叉燒肥瘦均勻，肉質嫩腍，蜜汁甜甜地係我鍾意既味道黃金豆腐粒外脆內嫩既豆腐，小食一流花膠胡椒豬肚雞煲花膠數量都唔少，雞件係有爆香過先放入個湯，又嫩又香，但胡椒味我就覺得唔夠重，無咩胡椒既香辣，不過個雞湯都幾好飲蜑家荷香蒸飯有魚肚、鮮魷、瑤柱、蝦乾、蟲草花、冬菇等等既食材，足料又入味既荷葉飯芒果黑豚肉黑豚肉嫩腍，配芒果肉酸酸甜甜又幾夾喎啫啫時蔬爆炒既啫啫芥蘭，又香又惹味欖菜干煸四季豆欖菜既咸香味，再加埋蝦乾一齊炒，整碟都唔太油，唔錯環境都算唔錯，燒味果然聞如其名，而其他既餸菜都造得唔錯，價錢合理，絕對值得再訪既一間中菜酒家…Read More

「Brentwood Coffee Roaster」最近進駐係銅鑼灣利園三期，無論裝飾風格同食物既款式都好中我，一於夜晚過黎試下Elder Flower Lemonade檸檬梳打加上接骨木糖漿，味道清新Tropical Sunset上層係cream earl grey，中間個層係Cold brew coffee，最底個層係透明既橙汁，整杯唔甜，同一時間飲到茶同咖啡既味道，真係好夾Spicy Carbonara Fusilli捲捲意粉特別掛汁，每一條都掛滿帶辣既卡邦尼醬汁，仲有意式煙肉既油香，整碟都好出色M7 Wagyu Outside Skirt Steak & FriesM7澳洲和牛煎得岩岩，入面仲帶粉紅色，又嫩又腍，d配菜都煮得唔錯Crispy Red Shrimp Toast上面放左切粒既蝦肉，入面係蝦滑，外層係麵包包住再攞去炸，有d似泰式蝦餅，而個沙律醬味道亦都調得好好味環境舒適寧靜，食物真係有驚喜，無諗過cafe可以有咁好質素，下次lunch黎食一定要試下佢d咖啡同甜點，值得推介…Read More

灣仔真係有好多拉麵店，真係一街之隔就有間係左近，最近皇后大道東又有一間來自日本大阪既新拉麵店「無限拉麵」開幕，以極濃牛骨白湯 & 薄切西冷牛肉聞名牛骨白湯拉麵白色既湯底採用左大量牛骨長時間熬煮，味道濃郁香醇，第一啖既味道係有d似忌廉蘑菇湯😆，麵既粗幼度適中，薄切西冷牛肉好嫩腍，另外舊厚切叉燒又腍又入味餃子餃子煎得香脆，3隻份量岩岩呢度係好似日本拉麵店咁先選購拉麵，卑錢後再入座，牛骨白湯濃得黎唔算好膩，唔大食既朋友我覺得叫牛骨白湯拉麵已經足夠，如果想食多d肉既朋友特製和牛牛骨白湯拉麵就岩晒…Read More

聽說鰂魚涌有間日本料理店既厚切牛舌可以同東京新宿名物檸檬牛舌媲美，雖然我唔算係牛舌控（因為牛舌係勁多脂肪🙈），但都抵唔住為食本色，過左黎試😆極味厚切牛舌定食個定食都好豐富，有沙律、牛舌咖喱、茶碗蒸、味噌湯、厚牛舌、桃啫喱厚切牛舌真係又腍又軟，入面仲係粉紅色，份量仲要好多，但食到第3件已經覺得有d膩極味厚切牛舌＆牛小排定食好彩叫左呢個有埋牛小排既定食，因為全部都係厚切牛舌真係太膩啦，牛小排都燒得岩好好，肉質嫩腍，但略嫌有少少筋影響左個口感店舖唔算大，枱與枱之間都放得密密麻麻，坐得迫，厚切牛舌真係唔錯，但唔知係咪店內既冷氣太大風，牛舌秒速變凍，凍左既牛舌變得更油膩，加上當日無魚生供應，都有d失望，但整體我覺得性價比高，鍾意牛舌既朋友一定唔可以錯過…Read More

我d朋友同我都係咁鍾意食日本菜🤭，生日飯局一於繼續食日本菜，今日去左「一気」慶祝喜楽長 +14 辛口 純米吟醸14.0辛口真係好岩我，唔甜，又飲到sake umami 既味道，配油膩既串燒就岩晒大雪溪 阿爾卑斯吟釀 生儲藏呢支都係辛口，但相比下較喜楽長甜，我鍾意喜楽長多d🤭味醂魚干煙肉萬能蔥卷雞頸自家製雞肉丸本地白鱔大蔥雞肉多春魚燒蠔日本青椒仔封門柳串燒豆腐燒湯丸呢間居酒屋有多款sake選擇，串燒亦都燒得唔錯，店員會悉心講解每支sake既特質，仲會介紹返配咩串燒會同飲緊個支清酒特別夾，整晚晚體驗都好好，飲得開心，食得開心☺️…Read More