eatplaywork1's Profile

行埋去冇人會理你，可以慢慢睇慢慢諗慢慢揀你開口要買嘢，先會有人用英文同你打招呼無論識唔識英文都冇問題，啲曲奇擺晒出嚟，可以手指指 this this this 都ok 包裝係一個勁sharp醒嘅粉紅色盒，外邊會貼返你揀嘅口味$30 1件 Chocolate Peanut Caramel Cookie即日買，即日食曲奇偏乾，係會自然粉碎嗰隻面頭三粒白色係花生，食落明顯有油膱味曲奇裏面嘅花生香口冇出事朱古力濃，焦糖味一啖冇一啖好鹹唔勻循…Read More

呢間Sell $158 lunch set 抵食，肉類可以揀日本雞、日本豬、唔知邊度嘅牛舌，要轉美國牛可以揀+28或+38，咁只要轉其中一樣，個set已經變咗$200。Menu好清楚寫明個set有120克嘅肉，咁即係夠定唔夠呢？見隔籬枱個女士另外單點咗一碟肉，咁你就知其實$158只適合細食嘅人士。肉質靚唔靚啱唔啱食就見仁見智，全部都薄切，唔會難燒。出事嘅係油煙，如果坐吧枱最入邊，旁邊幾個爐嘅煙會兜口兜面咁吹過嚟，死硬。如果怕油煙，只可以坐近門口，店員會大門留條罅透啲風入嚟，如果天氣熱少少冷氣唔夠，會食到背脊流汗。另外個燒烤爐用鐵板，啲火唔平均，燒起上嚟有啲難度。個鐵板本身就黑色，你見唔到佢乾唔乾淨，但係一放件淺色嘅菇落去，就見到吸晒啲污糟嘢出嚟。最後跟餐個白飯勁細，幾啖食完，要加錢叫多碗。…Read More

短期內去過兩次，兩次Menu食物選擇有唔同。兩次去老闆都坐吧枱，店員/經理忙着同老細吹水，冇乜點理啲客。第一次去張凳有好多麵包碎，我自己攞紙巾抹，店員見到冇出聲冇幫忙冇攞紙巾過嚟，更加冇講唔好意思。嗌咗杯Majoon，真心為咗呢杯smoothie而第二次再嚟，勁可惜第二次杯嘢完全另一回事。相中係第一次，第二次得七成滿，水水嘅，入邊啲料明顯少咗，我估應該店員一時貪快將隔籬枱個order一次過整，但啲料份量落錯。第二次嚟嘅時候可能咁啱啲Staff換班，我食完個意粉隻碟都收走咗，但係新接班嘅同事好緊張走過來同我道歉話唔好意思個意粉等咁耐，我同佢講我已經食完啦，佢有啲嚇親。廚房同樓面都唔知乜嘢整咗同出咗餐咁奇怪嘅。老闆坐喺吧枱震住個場都出呢啲問題，有啲唔掂。…Read More

人氣滿滿嘅店，有見到心情愉快嘅抹茶綠色，誰人能擋。我想飲抹茶加軟雪糕，店員話冇，我話單點一般抹茶加單點一個軟雪糕，幫我兩個放晒入同一隻杯，佢話唔俾。咁之後嗌咗個Honeycomb焙茶新地，焙茶好香， honeycomb亦都好脆好甜，而且太甜，雪糕面係Honeycomb，杯底又係Honeycomb，開頭一啖焙茶一啖Honeycomb會覺得有層次，之後Honeycomb嘅甜就完全蓋過焙茶嘅香，最後係甜死咗。…Read More

睇個名以為係啡店，見到有食評建議避雷。入店內好有趣，店員唔會同你打招呼，唔會問你幾多位，而會問can I help you，咁我係咪要答… 你可唔可以幫我安排個位幫我準備食物，因為我肚餓？嗌咗buffalo wings 同smoothie ，雞翼就似烚熟，然後load醬嘅feel，而smoothie就係7–11思樂冰，飲落水水哋有少碎冰，完全唔smooth。如果真係想飲啡，附近有老店有小店有打卡名店。如果唔想聽講睇英文，呢間可以skip。…Read More

圓石喺香港開咗，完全唔知，唔覺有宣傳，究竟係正版定翻版？唔好以為台灣品牌嚟香港開舖就一定有優勢，做過江龍都要有人氣有品質先吸到人留到客。開喺K11對面，隔離兩間小食門口一堆人，呢間門口冇人嘅。買咗杯奶蓋茶，望落奶蓋份量唔少，飲落就係溶咗嘅cream cheese，冇乜味。如果直接飲，一係成口奶蓋，一係只飲到茶，好難一口又奶蓋又有茶，可能杯蓋個開口太細？如果搖勻飲，茶味好薄，變咗淡奶水。整體唔差，不過冇翻兜嘅理由。…Read More

餐廳營業時間到晚上10 PM，咁會幾點截單？答案係8:30 PM。8:30 PM截單，即係距閂門仲有接近90分鐘都唔俾你入，難怪個場咁吉，嘥咗個咁大咁靚嘅地方。以上情況唔止一次，唔係個別情況。最近一次係8:32 PM 到現場，推門入去個服務員（疑似店長）望住你，眼神就話俾你知你入嚟做乜，你唔見門口已經掩埋咗隻門咩。同佢講人數，佢木口木面同你講我哋已經last order咗。咁好啦，唔好阻人收工。轉身走，好行夾唔送，商場大把其他餐廳選擇。…Read More

新店裝修幾靚，入去坐發覺去廁所條通道幾個大回收箱放喺度，冇遮無掩。自助QR code落單，版面亂，睇紙版Menu有啲有圖冇字冇價錢，搞咗好耐先落到單。嘢食係勁大份，似係用份量嚟推高個價錢，「那個滷排骨便當」有配菜粉絲，排骨預切¾左右，冇切到尾，要自己切，但係一大碗飯上面冇乜位俾你切。另外嗌咗個三星蔥餅，入邊勁少蔥，個餅好煙靭，唔係熟悉嘅台灣味，埋單106。嘢食都幾重味，枱面有幾款調味料俾你自由配搭，冇水飲，埋單走咗先發現跟餐杯嘢飲冇出。最後，入口係趟門，不過唔係自動，有時開咗冇人閂，隻門就長開，店員愛理不理，自己都冇手尾，走晒啲冷氣，食食吓飯你會聽到巴士埋站聲聞到馬路廢氣。…Read More

呢間啲喇沙食咗幾年，每次嘅味道口感都係同印象中一樣。三款麵都正，最緊要最緊要，就係叫埋個 kaya toast ，尤其是非繁忙時候去，個多士整得特別靚。仲有，非繁忙時間都坐得舒服啲，忙嘅時候，阿姐會逼你將個袋勾起，明明隔離兩張凳冇人坐都唔俾你放個袋，餐廳規矩係咁，冇辦法。阿姐都笑容滿面，fill 水好密，埋單都會同你講聲多謝拜拜，呢兩句咁簡單嘅說話好多餐廳都冇。佢哋嘅奶茶個人覺得麻麻，唔係星馬feel，似泰茶多啲。個香茅斑斕都值得一試。…Read More

以前會去中環同銅鑼灣店，最近去灣仔店多， MOKO店第一次幫襯，好彩之前有幫襯過其他分店，否則永遠Blacklist。舖頭唔大，兩個人做嘢，現場冇其他單，都要嗌個職員先至過嚟落單，店員態度冇問題但手腳勁慢，連埋件曲奇接近10分鐘先有得飲。杯嘢出嚟好靚，漸層永遠都賞心悅目，但係奇怪，啲開心果醬喺個底度，杯奶水本身就冇乜味，個奶蓋又係冇乜味，一邊飲一邊搞嚟搞去杯嘢都好似冇味，我搞唔清係咪杯嘢整錯，平時去其他分店買其他嘢飲，都覺得OK嘅。其實40幾蚊都幾貴，疫情嘅時候出嗰啲簡簡單單珍奶$20左右，都唔錯呀，起碼「健康」啲。最後，俾錢嘅時候想用商場積分，見佢枱面都有放個牌，職員話佢哋淨係可以儲分唔可以用分，我問佢擺個牌出嚟做乜，咁個職員就收返埋個牌。…Read More

呢間近排社交平台好多posts，即刻打電話問有冇位，聽電話個阿姐好歡欣，令你好期待呢餐飯，阿姐話有位，我即刻衝過去點咗牛舌、炸雞、擔擔冷麵、布丁、加杯調酒，低消一定要嗌嘢飲，聽到隔離後面幾枱埋單嘅時候被提醒牛舌好腍，配個鹽都好香口，食落似先炆腍咗，再燒一燒嘅口感炸雞唔錯，配沙律醬，唔夠味要問店員攞啲七味粉，唔係勁脆嗰種個擔擔冷麵就慘囉，料同面完全分離，一啖料一啖面要喺個口入邊自己撈埋布丁係比較結實嗰種，焦糖好香，唔係好苦嗰種杯調酒清淡順口，如果可以唔嗌嘢飲，我會skip…Read More

晚飯想食封門柳飯，要叫set冇得單點，配個南瓜湯沙律泡菜同埋螢光色嘅小食，除咗沙律菜之外，其餘三樣可以skip，個飯OK，肉有少少嚡，但係份量足，夠飽試咗杯開心果燕麥奶，sorry，冇開心果味冇燕麥奶味乜味都冇，係一杯淺綠色嘅奶水另外叫咗個蛋糕，正正常常mousse底，大啖大啖就食完，唔太甜唔係好好食，亦都唔係好難食，如果可以再揀，我會skip埋單 $245可能呢度比較適合日頭食lunch或者下午茶，塊大玻璃望出去應該幾靚，夜晚見到對面商場外牆閃到暈…Read More

點咗牛魔王旋風蛋飯，有肉眼、牛腰、牛舌，配16穀米飯， $278 +1平啲嘅肉眼飯有飲品加配優惠，呢個貴啲嘅飲品要另叫食呢個飯好辛苦，要刀叉匙羹並用，啲飯一大篤喺中間，都冇位俾你切肉眼，份扒好實切唔開，而且有筋，食咗一啖就放棄好彩仲有牛腰牛脷，牛腰調味重啲，牛舌冇味嘅，好彩兩樣都咬到，個蛋係幾滑嘅，蔬菜冇調味，咬落去係水味見隔籬枱有個調味架，問個黑衫阿姐，阿姐口咬住嘢邊咬邊同你講嘢仲有隻水杯，本身好乾淨，阿姐戴咗手套執完隔籬枱過嚟斟水，隻杯好大Pat手指印最後個水吧，有兩個一模一樣嘅水桶唔覺有label，一個好似浸緊毛巾，另一個好似浸緊茶，佢哋點樣分辨啲筒嘅用途呢？結論：冇人嘅餐廳，唔好隨便入去…Read More

11月中，天氣涼咗，但係餐廳大門後門長開，雖然有開冷氣，係feel到有涼風，接唔接受到就自己決定。店內Menu一係cashier 後面抬頭睇，一係就自己scan枱面QR code，落單要出去，店員會送餐，要收10% surcharge。嘢食不過不失，一杯 Matcha Chai 加件蛋糕過百。食完先記得儲印仔，落單嘅時候店員完全唔會提你，之後亦發現有國泰Asia Miles優惠，店員冇提及過，枱面亦都冇顯眼牌仔，算吧。…Read More

一睇個門面，就知道係賣台茶，招牌嘅壺奶茶，店員話甜度固定，少甜微甜走甜都唔得，咁好啦，見到明明Menu有去冰選擇，店員又話呢杯唔可以去冰，點都要少少少少冰喎落完單，唔使半分鐘就搞掂，估計甜度固定係因為預製，即係直接倒落隻杯度加啲果凍就搞掂我杯壺桃花紅茶凍奶茶，飲落算順口，茶味唔濃，果凍啲味道好虛無，而且全部浮面（見圖），要特登拉高支飲管去啜，但係舊啫喱好實，個質感似係甜品食嘅啫喱硬度，唔似係飲品配料軟身嗰隻，唔知係佢本身標準係咁，定係當日冇乜生意，所以雪耐咗整體嚟講，$36 一杯唔似係鮮奶嘅奶茶而且有配料，應該算唔差…Read More