Lone妮's Profile

朋友話呢間四川酸辣粉好味, 一路都無經開屯門, 今日入黎換野就專登黎食~~黎到3點幾, 到咩人唔洗等~~老公同我都食得幾辣, 所以一人叫左碗酸辣粉, 仲一人叫左個小食- 口水雞 + 炸豬扒~~結果發現兩個人係一定食唔灑, 四個人食這個份量就差不多, 因為真心係十分大份!! 酸辣粉配料十足，有炸醬，花生，芽菜，酸菜等，好似炸醬咁，好多，啖啖肉，味又濃，好惹味！辣度都十足, 辛辣感很重, 加上酸菜, 又酸又辣口感豐富多變就是四川菜的精髓!老公仲叫左腐竹同豆卜呢D咁吸味既東西, 每一舊都入灑味, 咬下去啖啖汁走出泥~~佢都不停話: "正正正~~"我就只係加左麻辣腩肉, $7有3大件, 十分抵食, 我超鐘意個辣腩肉, 夠辣又夠淋, 入口即溶!! 反而個口水雞我覺得唔太夠辣, 又唔太夠香, 不過雞件算滑, 而且份量夠多~~不過不失!! 豬扒就好大份同好厚身, 熱辣辣啖啖肉, 唔辣但很脆口, 啱鐘意脆口野的人, 不過一個人食一份就會飽灑!! 算好抵食~~~…Read More

店子不算很大, 但光線充足又坐得很舒服，lunch去到兩點半都仲有，不過選擇不算太多，但仍有齊湯麵、定食、石頭飯、湯飯等。叫左石頭飯同牛肋骨，石頭飯食法正宗，材料豐富新鮮，以韓式辣醬味道一流！！讚！！牛肋骨鐵板上嫁，有兩大舊，佢係晚餐上點一客既話要$130，所以真係非常之物超所值！牛肋骨肉質嫩滑，肉汁豐富，調味都好適宜，唔會配到蓋過牛肉的鮮味。呢樣野真係好緊要，之前去過重度食，Ｄ配汁蓋過晒牛既味，太濃厚，一Ｄ都唔好正，好似主角變左個汁咁，失望死！但今次真係好開心，終於食到一間正既牛肋骨！所以好滿足。食物質素總括黎講可算係好好，服務方面亦差唔多係滿分， 待應個個有禮，笑容十足，仲會會問下你對食物的意見，當結帳離開時又聽到了不下三四聲誠懇既多謝添^^會向朋友推薦，希望多Ｄ人識黎呢間食！ＹＥＡＨ！！！.（不過唔排除係我同朋友一齊黎添！ＨＥＨＥ！） …Read More

今時今日日本餐廳到處都是, 要突圍而出除左用料要新鮮外, 創意特別都好緊要, 所以我好喜歡MONSTER SUSHI, 因為佢時不時都會有好多特別既配搭, 一件SUSHI入面都可以配好多料, 黑松露, 蟹肉, 芒果牙等等, 豐富你的口感! 而佢既卷物更加做得很出色很特別, 令人會再去食!!例如上星期, 我就忍唔住再去光顧, 今次叫左佢一個卷物又係好特別, 有火燒三文魚蓉跟三文魚子係上, 卷入面就有芝士同芒果, 一入口你先感覺到三文魚蓉係口入面散開之後再食就發現有酸甜既芒果味同淡淡既芝士, 芝士配三文魚蓉同芒果令你唔覺得漏, 反而很清新, 不用加任何味料你都會覺得好好味!!  十分推介!!…Read More

聖誕節聚會一浪接一浪~~今次成班女人就選左呢度既TEA BUFFET, 紀對值, 性價比很高, 個人十分推介!!坦白講而家食個HIGH TEA 每位$200 走唔甩, 但係呢度TEA BUFFET係任食同任飲除左有好多甜品仲包好多熟食同刺食, 埋單都唔洗$250, 你話係咪食TEA BUFFET好過??因為近聖誕, 所以好多甜品好多都好有聖誕FEEL, 未食睇到都好開心我地攞左兩大盤返黎SHARE食, 其實真係同HIGH TEA無分別, 款式仲多過HIGH TEA好多添, 最好味係個窩夫, 仲熱的我地仲配埋雪糕一齊食, 好好味!! 除左甜品, 刺身仲有三款, 不過我只係鐘意食三文魚, 但三文魚真係好肥美新鮮, 我食完再食多一次, 沙律仲利害, 佢提供左十幾款醬你點, 有好多都好特別, 啱灑試新口味的人, 不過我比較傳統, 我最後都是選了芝麻醬! 而且場內仲有好多點心供應, 好味又抵食, 仲要係酒店級, 環境又舒服, 十分推介!! …Read More

十二月就是不停的約會跟交換禮物, 人大左就難左夾時間, 所以大學同學的聖誕聚會要係十二月頭就攪, 不過幸好到處都已經好有聖誕氣氛! 今次黎左呢間CAFE, 地點很方面, 一出地鐵便是, 唔難找, 而且室內光猛乾淨, 好多聖誕裝飾, 係我去過咁多間樓上CAFE最好的一間, 唯一是地方不大, 枱與枱之間都幾逼!食物方面呢度係點餐的, 沒有散點, 不過款式都幾多而且難得樣樣都好味, 我地點左一個開心樂園B餐, 有沙律小食拼盤主菜, 份量真的很多, 剛好我們有朋友十二月生日, 仲送一杯超大杯的雪糕食同一張即影即有相連生日卡, 真係算抵食! 小食方面最愛是流心芝士丸, 外面炸得脆食, 但一咬開就有熱辣辣芝士流出, 心心眼 炸蝦卷都唔錯, 入面真係有原隻蝦, 點辣醬食一流! 主菜真係好大盤, 煙三文魚意粉好香忌廉味還是我喜歡的扁意粉! 仲有一個豬仔骨都好惹味. 最後上個雪糕會插生日牌同熄燈上, 算係呢度既招牌菜, 又係大得很誇張, 不過好靚同好好味, 有我最愛DRYERS'的士多啤梨同石板街, 不過我地輪流同佢影一張大頭照先食, 到食個陣都溶左好多了!! 仲有呢間CAFE養左隻好得意既貓, 不但唔驚人仲成晚訓左係我地張椅度, 好可愛, 我一定會再黎探你架, 等我呀!!…Read More

朋友結婚, 陪她到金都商場睇結婚用品, 之後過左黎始創搵野食, 朋友話想食意粉, 所以選了意粉屋, 這個商場都幾靜, 無咩人, 意粉屋旁開左間韓國餐廳食部隊鍋, 不過我同朋友都不愛辣所以最後都係入左意粉屋, 坐底見呢間野應該係新開無幾耐, 因為D枱椅都好新, 幾舒服, 枱與枱之間唔逼. 我地最後揀左個HSBC信用卡套餐, 好抵食, 2人餐三個人都食唔灑除返開一人$150有找, 好抵食!有前菜, 餐湯同兩個主菜, 跟兩杯飲品, 前菜揀左巴馬火煺火箭菜多士, 有成4 件咁多, 配搭幾特別一軟一硬, 仲加左意大利醋, 酸酸地令多士唔會太乾同醒胃. 餐湯揀左龍蝦湯我仲加左錢要埋酥皮, 係我至愛, 將酥皮浸入湯到一齊食, 好味都心心眼, 主菜份量真係多得跨張, 有成個PIZZA 同意粉, 意粉相對無咩特別, 反而個PIZZA好有驚喜, 火龍果PIZZA, 上面有好火龍果,火箭菜同沙律醬, 估唔到火龍果配沙律醬跟PIZZA底係同夾, 口感好FRESH, 唔會漏, 上面凍下面熱, 好特別, 真係配搭得好好!!係我食過最好的PIZZA!! 推介!! …Read More

碰巧要到銅鑼灣上課，打算跟朋友在銅鑼灣行下街，係未行街之前大家都想醫下肚，順便坐下，過下時間一陣去睇戲，個時係大約11點幾12點鬆d，我地都打算搵下間café仔度坐下。佢其實係時代對面一橦舊式大廈既地下入面，走過一條殘舊既小巷就到了。間舖不算大，推開後門有一個室外空間，裡面一d都唔殘舊，雖然係細但係感覺好休閒，佢既裝潢以木色為主調。另外，佢呢度係唔會趕客，買野自己出去counter買，屬於全自助式，你揾到位就坐低，搵唔到位你一係企係或者係出面等，再唔係就走。我頗喜歡呢度既感覺，好relax，好舒服。我同朋友們分別都叫左佢地既all day breakfast，蛋好滑、豬肉腸又好食，薯餅又好好味咁。另外我又叫左杯mocha，好香，有咖啡味得黎又飲得出有朱古力，唔會太甜唔太淡。係睇戲之前，都可能嘆番個早餐，正。…Read More

地點好方便，地鐵站轉個灣就到。一入到去仿效日本人坐嘅方法幾特別，好有日本feel既燒肉店。呢次係我第一次黎伊呂波食燒肉。我自己同朋友們都係隻食肉獸，所以係度食野，見到肉已經好開心，睇下menu都已係係未出發，先興奮。叫左牛肉、海鮮set、特上肉併盤，個特上肉併盤有鹽燒和牛牛舌，厚切胸外膜，鹽燒西冷，肉眼，牛里脊背。呢間燒肉店既肉整體既感覺都不錯，再加上自己燒埋係份外好食，ｄ肉既肉質鬆軟多汁，海鮮亦保有鮮味，好好食。另外，我地唔想咁油膩，我地又叫左個石頭海鮮飯，海鮮飯感覺不錯，但建議不好放涼，放涼後既海鮮食物始終不太好味道。總括而言，這裹的燒肉、肉類係不錯，至於海鮮都不太差，但由於燒肉店的重點都不是放於海鮮上，所以我一開始沒有放上特別既期待，平心而論都確實不差。…Read More

今日有屋企人生日，去左銅鑼灣呢度，呢間叫小男孩屬於意大利菜既餐廳慶祝食慶生飯，家姐係呢度訂左位，自己就係第一次黎呢間度食，自己都無聽過呢間，又無啦啦平日唔會walkin 上黎呢食搵食，今次係抱住試既心態上黎食下野。首先，一入去感覺幾舒服，環境非常舒適，幾有氣氛，呢度比我既第一印象都不錯。咁一開始我地order左冷盤先，係咩？就係我地成家都鍾意食既生蠔，我地係order左個海鮮盤，佢地既生蠔，每一隻都好鮮味好肥美，十分有水準，真係確係抵鑽。我地一共都有5個人，都分別order左不少既野食，例如肋骨拼薯條、 車打芝士藍貝、pizza、同埋意大利飯、羊架等等。最後，甜品就叫左心太軟與Tiramisu。我地食左好多野，總體黎講都算係不錯，我特別係鍾意意大利飯，但一碟既份量不多，如果share既話只係分得好少，唔太夠。希望下次試下其他菜式。…Read More

經常自己會穿過世貿中心個時，都會經過呢間Cova，咁正常都會留意一下佢個櫥窗，平時見到佢既蛋糕都幾靚，但次次都係經過，就無入去試，亦都從未入過去入面坐。就趁前幾日難得，要在附近等一位朋友，所以就變左去嘆番個下午茶。第一次入去坐，入到去先知原來咁細地方，但我都明白係銅鑼灣係寸金尺土，所以都見怪不怪，雖然地方比較細但裝潢都不馬虎。入左去坐之後，當然就要order下cake啦。我就order左blueberry cheesecake，姐係藍莓芝士蛋糕。佢既藍莓唔酸又唔會太甜，岩岩好，我自己認真佢個芝士味若果更加濃郁少少會更好，佢個餅底都算做得幾鬆脆。整體黎講，都不錯。係呢度食個下午茶，都係一個稍作歇息既好地方，食物質素當然無得同高級酒店既比較，但要係銅鑼灣有個地方坐下，食下cake，而且質素不錯既，黎呢到都是不錯的選擇。…Read More

朋友帶我到來食生日飯，我同我個朋友都非常愛食鐵板燒的，所以佢帶我黎左呢間食鐵板燒。廣島珍珠蠔是我的至愛，呢度既師傅會將蠔既外層煎得甘香脆口，內部則非常甜美，外脆內軟，很甜，調味又亦調得很好。我成日都覺得蠔既種同埋產地係十分重要的，呢度既珍珠蠔真係幾好味。跟著我地又order左燒大蝦同埋帶子，食鐵板燒最精彩就係可以看着鐵板師傅處理食物，睇見鐵板師傅處理連殼大蝦就好似睇著刺身師傅整活魚刺身咁，十分精彩。帶子同大蝦比較下，我個人比較愛吃這裡既帶子。可能因經加熱後，帶子會自然縮小，而帶子既精華就會更濃縮，好似食爽滑的乾瑤柱，感覺都相當特別。我地一邊食一邊飲清酒，不知不覺都飲左好多。我地最後都帶住少少醉意，真係一餐很滿足的生日飯。…Read More

有時候，要係銅鑼灣食飯真係都幾傷腦筋，第一，自己想要搵一間坐得好，食得好而且值錢相宜的餐廳更見困難。早前，聽朋友講一門係專食玉子燒，這家店好多朋友，推薦所以吃玉子燒是已經早有預謀，最終上個週末終於試吃了。一門，食物既選擇都算幾多。我地點菜個時，就直接翻到玉子燒個版，只係玉子燒都已經有很多選擇，例如：原味、芝士、蘑菇、蟹肉、河蝦及海膽，一共六種，今次我選了芝士玉子燒。而玉子燒上印有“一門”的字眼，我覺得幾特別。另外，呢度的玉子是一層一層咁燒，份外有口感。我今次係第一次食，一食就知係有水準。我覺得黎一門一定要叫玉子燒，佢舊蛋唔會燒到好乾，仲有都甜甜地，真係不錯，幾好食。而其他既野食整體黎講都係有水準。…Read More

香港真係好幸福，係香港可以食到唔用國家既菜式，而且又唔洗去好遠，只要係肯搵一定會搵到好野食。我自己就比較鍾意食日本菜，而日本菜係香港已經狠有好多既選擇，當中更加可以細分至居酒屋、烤肉店、拉麵店、吉列專門店及壽司刺身店、烏冬店等等其他。係好耐之前都聽過有朋友講話呢間的吞拿魚生飯好正，但次次經過都好似要等位，所以遲遲都未真正係度食過野，但我同朋友兩個人今次經開，發現無咩人排隊，所以便入左去惠顧。我地兩個人就點了兩個定食，我點左藍鰭吞拿魚大腩魚腩蓉定食，佢既吞拿魚是香、甜同埋柔軟。我朋友就點左油甘魚，佢話幾正，肥美之餘，色澤也好漂亮。我地都覺得這裡的油甘魚和吞拿魚都很好吃，打算下次再光顧，就試下第二樣野食，畢竟我們的胃有限。…Read More

之前同朋友慶祝生日，知道佢鍾意食西餐，而且佢又話想野下肉咁，咁我之後問下同事有邊度既美國餐廳是可以的，跟住佢地就介紹左呢這一間集團式的餐廳，佢地話環境是很美式，暗暗的，但較少坐位。雖然我之前無聽過呢間店舖，但聽到佢地講呢間餐廳既菜色幾有質素，所以選擇左銅鑼灣既分店一試，佢地叫我一定要早少少打電話book位預約。果日上去個時真係都有人排隊，排隊輪候既人數都頗多，好彩我地有book到。 呢度既野食絕對唔算便宜，每人平均消費可以去到三百到四百，但係質素就絕對又保證。講番野食，豬肋骨加埋BBQ醬，豬肋骨估不到咁鬆軟，加上焗它的醬汁香濃，肉與骨容易分離，而豬骨帶著濃濃的肉香。另外佢地個薯條同洋蔥圈份量倒是幾充足，我地食既係芝士薯條，芝士味也好濃郁，而且我本人都好耐無食洋蔥圈。呢度既美國野都幾有質素，真係好滿足。…Read More

朋友推介這間餐廳有海景，面且炸物也不錯, 於是便來試一試，加上我們ot，放8點左右，所以我們沒有訂位, 比較幸運的是，人不多。到呢度，當然一定會食炸豬扒。另外，我們還order了豬扒、生蠔、大蝦同埋豬柳。平時食開依D吉列既野，一般炸物店，會有感覺係炸漿會太厚，厚粉既感覺。不過依到就無咩問題，仲幾高水準，再講講個生蠔，真係炸得肥美，仲有好多汁。豬柳真係另一個驚喜，我覺得好值得推介，做得外脆肉軟，而肉質都做得唔錯。總括黎講，炸物的炸漿很薄，豬排和生蠔都很嫩，而且肉汁還在，加上獨特的醬汁，都夠鬆脆味美, 配上超配既醬汁，酸酸的再拌上椰菜絲和自磨的芝麻，實在都幾開胃。最後我跟朋友大家都吃到飽飽，大家都捧住個肚好滿足。…Read More