惜飲惜食的个人专页

這是臺樓的第三分店點了菜， 其中一份是 “芝麻大餅“ , 真的只有芝麻和餅， 首先我點的原因係見餐牌中的大餅係包著滿滿的青蔥餡料， 相信會香口和有蔥的甜味， 收費$ 38結果， 來的餅只是一個炸餅， 有芝麻鋪面（見圖）， 並不是餐牌中的圖有蔥餡餅， 於是我問負責人， 她回答我說 “你要有蔥就應該叫蔥油餅， 芝麻大餅是沒有蔥的， 餐牌上有蔥的芝麻大餅只做出來為作影相用， 而餐牌上都寫著圖片只供參考， 不能作準“ ， 沒有換的意圖， 沒考慮過不收費。嘩， 收我$38, 一個油炸餅， 仲要話圖是參考， 咁即係影相出來為左吸引我去點菜， 但不一定做相同的食物好了， 只能無奈， 試食， 表面是脆的， 但一大口油就湧出來， 不是肉汁湧出來， 係炸油湧出來。俾左$38 唔知食緊乜， 咬左兩口， 我就放下不能再吃， 你說我浪費食物都咁話埋單要$341 （兩人） , 這餐晚餐絕對不算平。埋單時佢仲問我， d野岩唔岩食， 嘩， 一肚氣， 我直接同佢講 “其他食物一般ok了， 個芝麻餅就食唔到， 以為有蔥就無， 食落成口油“。 跟住佢話 “我同師傅傾過了，下次整返d蔥落去了。“ 嘩， 再嘩， 下次， 下次都係圖片只供參考， 下次俾個官你做， 下次你講乜都得， 下次我唔會再來…查看更多

沙田區同事介紹，話呢度有一蚊雞食，仲要係好大隻，即日就約埋雞痴老老黎食。碟雞真係好大碟，完整一隻無花假，燒得都幾香口。我同老老既食量，食完呢一隻雞都飽喇，但係又唔可以唔叫野食架，所以叫左個花膠魚湯浸莧菜，$68。嘩，又係好大碟。叫左一個飯，連小食茶位加一都係$109，好抵呢。仲有糖水送，不過唔係主動比你，係要你問先有。(好彩同事一早話我聽有o者)。成餐飯最唔likeh係我比$120佢，佢竟然唔找錢，問成兩三次，等15分鐘先施施然行過來 (成晚都唔係忙既)。令人感覺很差。結果，我一蚊貼士都唔比。…查看更多

又挨完一星期，加上趁天氣凍，就拉暖暖去打邊爐啦。呢棟大廈有成幾間都係主打打邊爐。成9點半先有特價，三間都做到幾一致，都係一百元左右全包。呢間未試過，就試下啦。又話經濟低迷既，點解度度都咁多人，呢度都等左超過半個鐘先有得入，效率真係一般，同埋編排入座好混亂，要改善。因為都眼見好多人頂唔住頸走左去。食物選擇都好多，以丸類最好食。漿料任裝，都好多選擇。但湯底呢，真如有食家所言，係淡左d. 服務係ok,都算殷勤，不過就唔係咁醒。門口職員個仔仔把口好得，臨走前會greet下d客人，令我地好開心。…查看更多

跟退休的同事飯聚，其實一早對此店聞名已久，得知同事選在此店開餐，不禁很期待呢。是夜像吃私房菜般，菜單由老細發板。冬瓜老火湯打響頭炮，很出味。本來我極少吃燒肉，但比面派對下，便吃了一件。嘩，真是好味得很，因為真的燒得很香，令我對燒肉改觀了。之後吃的幾道菜都不錯，例如鮑片，老細極推的咕嚕肉和頭抽龍"，南乳粗齋等"。最後是紅豆糕。個人覺得一般，因為吃這些真的很難有很出色的感覺。同事們普遍都覺得這很美味。吃了很滿足的一餐，雖然價錢不平，但最開心的，是下班後一大班同事聯誼，飲飲食食，黑色幽默一下，說說公司的有趣人事，令大家在沉重的工作下relax了一晚。期待下次飯聚。 希望同事退休生活繼續愉快。…查看更多

好耐好耐無寫食評，耐到都唔記得有幾耐，因為都係跳錯槽。上星期清閒了點，就放工後去試下，想試好耐喇。不過，真係失望，我覺得隻粉係好似粗既米線，有口感，但真係無咩特別。湯底要了酸辣，但真係無咩味。最大好處是--平。由於食晚餐關係，見到門口好評要潮的糕點，也沒有買。橫掂地方都算就腳，下次有機會再試下d糕點，希望能對其改觀啦。…查看更多

在中環搵餐晏食，係一件苦事。這裡地方大，如果是2-4人左右，分頭等位，要找個位置也算容易，加上快餐店形式，出食物的流程也算快，所以要安頓下來食啖飯，也不算是很難的事。環境也頗舒適，因為空間感夠，又有落地窗看景色，不錯~只是，價錢頗貴，份量頗大，如果少一點份量又可以便宜一點便可了。之前數次都是吃一些中式飯類或焗飯之類，味道算不錯，見燒味隊排得長長的，不知是否燒味做的很出色呢？…查看更多

自從到了中環區工作，食午飯便是一大煩惱，因為四圍都是又多人又貴。這裡就不錯，雖然也是要在門口排隊，但就價錢平這一點，已經是相當吸引。這店打著"澳門"和"懷舊"的旗號，不知內裡乾坤。餐牌前面是印有蔡瀾的文章，又成為賣廣告的彈藥。這裡是以吃撈麵，湯麵和輕便食物為主，例如三文治，食物配搭算是頗為特別，例如有馬交魚羹，沙茶醬魷魚等，兩款或三款的配料再配粉麵都是三十元左右，包飲品。飲品也有特色選擇，例如：檸檬以羅，羅漢果茶等。令我們吃厭了茶餐廳快餐或一般粉麵的上班族感到多一點的新鮮感味道方面，坦白說，不可以說是很出色，普普通通，偏鹹，吃完也頗為口渴。…查看更多

昨晚本想吃日本放題，但附近一帶的選擇不多也不行，經過這裡，見十點後有特價(壽司，刺身，手卷，飲品都是五折，每人最低消費$60)，又不是太多人等，就選定這裡了。分一樓二樓，我們是去了一樓。內裡是頗黑的，但就可以理解為有情調。燈光主要是照著檯面的。地方算大。有很大可容8人的卡位。餐牌上的選擇也不少，附以不少相片，煞是吸引。我和暖暖都很餓，便狂風式點了一堆壽司。例如：蝦天婦羅卷(好味!!)，鰻魚，三文魚，彩虹卷(這個是4件的，味道也不賴)，蛋，魷魚鬚(這個挺少魷魚鬚的)，八爪魚等。師傅把壽司都排在一個個長型的碟子上，更美觀，賣相令我們食指大動。刺身則只叫了三文魚，半價後$15，只有三小片，這個有點貴啊。 另正價叫了一客暖暖至愛的雞軟骨，不是不好吃，但真的太熱氣，一吃過我就感到喉嚨在痛。五折後，真是抵吃，埋單$137，但個人覺得吃原價的話，是貴了一點。服務都可以，主動添水，勤快有禮。唯一不足的，是要想辦法趕走小蚊滋，我們一坐下時已發現一隻在附近，誰不知看著看著，原來有三數隻，越坐得久，就覺得腿的位置頗痕。後面的一pair,由坐下到埋單只是十多分鐘，是太餓吃得快，還是其他原因呢?…查看更多

上星期一在深圳回來，很倦，只想早點回家睡，再去睇歐國盃。回家前經過這裡，見有個小男孩吃雪糕吃得津津有味，也令我想吃起雪糕來試了咖啡味，是不錯，但又好像普通了點。暖暖選了一款甚麼"藍珠x"的，(忘了全名)，吃過後，覺得應就是藍莓吧?味道都挺好的，就選了這個，要大cone的。…查看更多

多謝Openrice的$50coupon, 星期五我便和暖暖來了這裡吃。有一個特價餐係$45，如果用呢張coupon吃此餐，要加$10。其他就不用。不過點計都抵啦。唔駛就住就住。我就要了一個吉列蝦雞扒配意粉，加燒汁。$63暖暖叫了一個西冷扒之類，$73。他話叫8成熟，但就變左10成熟。我覺打係好油膩，味道還是不錯的。在蔡瀾美食坊這個兵家之地，要做得住都不是易事，要有一點特色才行。此店裝修ok,但食的是一般西餐(維苑集團的)，加上位置較偏僻，要好好經營和突圍，要多想一些點子才可了。扣了coupon, 這餐只是$100。…查看更多

5月2日係我第二次幫襯此店的。因為當日涼涼地，加上暖暖的表姐專程到香港看火炬傳送，所以便相約夜晚到此開餐。中銀信用卡有優惠，其實都好耐時間喇，變左來的大都是用此優惠的。湯底有多款選擇，但一般都較貴，要over$100才是吸引的，如選中銀優惠的半價湯底就ok抵，我們便選了清清地的芫茜皮蛋。配料有魚滑，牛滑，大澳蝦丸，和水晶飽(奶黃/叉燒)是較特別的。本來不太接受放水晶飽落去打邊爐，但原來又幾好味。大澳蝦丸無咩特別，只是粒丸內有一啖蝦醬罷了。另留意，這裡如你不用開茶，是不收茶錢的($8/位)。整體的服務都算不錯，不似一般的酒樓打邊爐。服務生比較主動，有禮，解釋亦清楚。不足的是有漏單的情況但無主動告訴客人。…查看更多

禽晚放工，倦得不得了，本來想去金鳳，但是收7點，就來了潮苑。店面企理，見牆上貼了不少雜誌介紹的文章。看了後，就叫了推介的手打魚丸米，果然好味，但$18一碗，得3粒魚丸太少了。朋友叫了孖寶，即魚丸加牛肉餅，牛肉餅都是特別的，是牛丸未搓成球狀前，條狀的，再切成一片片，我試了一件，非常爽口亦好鮮味。朋友吃了後大讚，還立即追加半斤生的取走，半斤要$39，都有好多片。另一提的是，此店的辣椒油好香好辣。整體來說，都是不錯的一間粉麵店。下次會想試墨魚頭。…查看更多

星期二夜晚經過，已無好像以前那樣，放快餐的牌出來，可能始終係主打小菜客人路線，同埋好多好鍾意飲酒既人，都會聚埋響呢度食野。入去後，見到快餐仍是有的，但加晒價。而且無甜品送了。碟頭大了，味道和賣相都好左。最好笑都係，他們的餐寫明包熱飲或特飲，但凍飲加$2。要留意，他們的特飲是果汁，那麼，你叫特飲的話，其實他們一定是指你要加兩元，佢會當你凍飲收，而唔係特飲，因為你飲的特飲是無熱的，亦無可能有熱的。你有見過熱果汁嗎?所以，他們的寫法有點誤導。落單時亦無問人飲熱定凍，無提及加兩蚊。以前是不會如此的。…查看更多

本來係想Search附近的另一食肆的，點知咁橋比我見到呢間都開左版面，就緊係要寫返d野啦。好細個時，媽咪已在此買蛋撻和十字包給我們吃。我地幾個都好鍾意食呢度既蛋撻，皮好香，同埋唔係酥皮(因為我唔鍾意酥皮) ，蛋漿做得好滑好甜，所以由細到大都好鍾意，而家有時真係會特登行過去買返個提下神。十字包亦係我既至愛，因為做得好香，中間既十字紋，另人好自然屈成四件來吃，雖然食晒成個會好飽，但我都成日食晒成個，哈，媽咪就會話我。此店的店面很小，小得你會不可以走進去，買甚麼也只是站店外和阿姐講。飽款亦不多。但，我就是愛吃這裡的出品。…查看更多

呢幾日天氣熱左，搞到無咩胃口。星期一晚又係好夜先有得食飯，成十點幾先食都係去附近食野算喇。無黎一個月左右者，原來都係同大潮流一樣，就係價錢加碼不少。一個快餐由$24變$27。老老呢次叫了沙爹金菇雞柳飯，好味，不過好漏。例湯係菜乾湯，我的最愛。我要了墨丸湯檬，$19。好大碗，次次食過都會好滿足。之前試過同朋友食小菜，質素都不錯，而且係好大碟。…查看更多