肥B的天空's Profile

話說同太太享受完九龍站嘅Staycation旅程之後，就落去圓方食個快飯，點知就中伏。一間連旺角兩百蚊放題都唔會有嘅問題，呢度竟然有，仲要兩個人落樓過600，好Q嬲！首先講左最唔掂嘅野先。海膽無味，蟹肉好乾。帶子太薄。但都唔係問題，因為有個好大嘅問題，吞拿魚未解好雪，好似食雪條咁，講真200蚊旺角放題都唔會咁啦（佢地係直接難食）。呢樣好基本，食到成口凍冰冰，食魚生變食雪條，無晒隱。至於其他魚生都太凍跟本無味，拖羅都係無味。究竟佢點好意思收我三百蚊個lunch?隔離酒店啲刺身都好過佢。個蛋呢，真係好難食。首先個蛋唔滑嘅，好大陣雞湯味，好似我用蒸焗爐蒸咁。最大問題，粒白果先大問題，竟然係苦嘅，即係處理得好差。麵豉湯就酸嘅，係我飲唔慣，不過無乜料頭，唔足料咁。粒果子都係凍嘅，個心雪條咁。啲沙律唔夠料，漬物就普通。不過都係好難食。老婆就食咁嘅定食。燒豬肉正常，唔難食，有豬油香。刺身帶子同八爪魚好薄。天富羅都係重災區，首先啲皮好淋，而且好油膩，都算，我食個白身魚，竟然有油益味。講真，旺角200蚊放題我接受，但300蚊個lunch真係好難食。唔知係咪食到個人好嬲，我覺得杯炭燒咖啡真係好難飲，無啡味亦無香味。成件事最好係張台有洗手液，用落到滑手，唔痴立立。講真300蚊個set,兩個人就600，仲貴過放題，但質素連旺角放題都好過佢，真係好嬲。…Read More

今日天氣好熱，我地老公婆唔想煮飯，就出去周圍搵野食。行返出彌敦道，見到有間炸雞野，完來韓國黎，我老婆就最中意。入到去個場好似我地去韓國果啲炸雞店。首先黎啲酸蘿蔔，好清爽，甜甜酸酸好開胃。之後兩杯疏打飲品，普普通通手沖飲咁咁。開始有個韓國烤肉，少少辣。中意辣嘅唔夠辣，但我呢啲十小都唔得人士就好好味。最緊要啲豬肉片要配芝士，好鬼邪惡。到戲肉炸雞喇，好好味，個皮好脆，我覺得有啲似上校炸雞皮。啲肉就好多汁。薯條就普普通通。…Read More

話說去完奧運站間湯你琴行睇結他，同朋友玩得好開心，但玩到餓都要食啲野。首先上左個乳豬仔先，個乳豬皮好爽脆口，連埋啲青瓜一齊食唔肥。之後飲杯啤酒，英國啤無得輸。飲啤酒點都有啲小食送。有個小食併盤。有炒菇菇，普普通通咁。有個炸蟹餅，普通啦。個炸芝士就好好食，芝士味都好濃。炸腸就好鹹香。之後到個西班牙蛋餅，係好多薯仔嘅，一般般。呢個火腿pizza好好食，下面好多芝士，個火腿好好食好大塊。西班牙腸意大利飯，好好食，啲腸味入晒飯到。…Read More

話說今日又要去尖咀返工，於是就搵啲特價外賣，得一個人就食好啲食日本野。德美都開左好耐，係尖咀厚福街都有啲名氣，決定食佢。我就食返個壽司併盤，啲飯就普通啦，但啲刺身就好好食。啲魚切得好厚，幾抵食。我特別中意隻蝦，因為唔鞋口，又有啲甜味。另外個吞拿魚蓉都好食，啲肉打得好滑。味噌汁就普普通通野，叫做有啲海帶咁。呢個茶碗就真係幾好食，估唔到外賣都可以咁滑，而且啲蛋都幾好味，有蝦有雞肉好抵食。舊玉子燒都好好食，甜甜地，好厚肉。正。…Read More

話說今日同同事開夜，遲晒放工，結果都係要係公司附近食飯。兩個男人緊係要食肥仔野啦。肉汁芝士薯條，呢啲野好邪惡超好食，啲芝士多到痴線，食到好high。同事就揀左個菠蘿漢堡包，同事話塊波蘿好甜好好食。我諗中和左肉味。我就食美式漢堡，好肥好邪惡，芝士極多食落好有芝士鹹味。至於塊扒真係好多汁好好食。薑味芒果冰茶。呢個以為係啲汽水味，但有驚喜，飲落有少少辣好得意。啤酒好飲。兩個男人，一人食一個飽，狗埋個薯條好飽。…Read More

After I had a Middle Eastern fine dining on Malaysia, I want to find a good restaurant in HK. Finnaly, I got this restaurant in Centeal.This is a bar and grill. The decoration is very Middle East and it is very clean with good service. The little spring near the reception is very beautiful.Firstly, we have the fresh salad named Tabouleh. This is a vegetarian salad made mostly of finely chopped parsley and tomato. I love this salad becoz the taste of parsley is very fresh.The Tapas is Kibbeh that is made by minced beef and onion. It is very juicy and full of taste of herb. As a HKer, I consider it is a Middle Eastern Hamburg steak. And the mian curses are lamb kebab and lamb & okra Tajime, served with rice. The lamb kebab is not like turkey kebab in Hong Kong, it is skewer. The kebab served with fresh veg salad and hummus. The lamb is vdry juicy and full of herb seasoning.And my wife like the lamb & okra Tajime. We are okra lover, and we cant imagine this way to emjoy the okra. And the source is very good with rice. and the lamb is very soft to eat. The desset is pistachio cake. So many pistachio in the cake. It is sweeter than HK dessert. …Read More

今日做孝順仔陪阿媽睇醫生，睇完醫生再行下銅鑼灣跟住就黎左呢到食飯。呢間就係一間幾乾淨嘅印尼菜，個味道都好港式，我阿媽老人家都先得好好食。首先上左個班蘭雞飯先，做得好好，已經去晒D雪味，而且個皮都好爽彈，連啲肉都好彈口。味道分表都做得好好，唔會太鹹。個飯呢，就綠色，初頭怪怪地，但可能D雞都有班蘭香味，食落同D飯好夾。我就食個巴東牛肉。啲牛肉煮得都夠淋，一咬就撕得開D肉，唔會好痴牙，而且D牛肉都好重巴東香料味，好好食。個汁分面呢，唔會太鹹，撈飯好好。個炒通菜呢，真係超惹味，有蝦乾同鹹魚，食落好香口好好食，個菜都唔會太老。貴過個飯，但真係值。飲野呢，阿媽叫左薑蜜，都幾有薑味，飲落好舒服。…Read More

輪到我去接老婆放工喇，去左間中環嘅泰國菜茶仔，我間唔中去公司總部開會都會食下。至於個環境就一般泰式餐廳咁。我同老婆一人食左一個晚餐，佢食海南雞，我食青咖哩牛腩。首先就一人一碗胡椒湯，個湯都幾濃胡椒味，但都唔會太過辣。個串燒就普普通通，唔會太乾，但都香口。我就食青咖哩牛腩，個咖哩好香，而且椰汁味都幾濃下，送飯好好。老婆就食海南雞，好好食。佢個雞皮好滑肉嫩，而且都有D雞味，真係好好食。至於個雞飯都幾香。個雞醬就普普通通，反而個青瓜沙律就有D驚喜，好新鮮爽脆。我就飲龍眼冰，幾清新，D龍眼都幾甜，用黎送咖哩一流。最後個椰汁糕就好有驚喜，唔係好甜，但好重椰汁味，超好食。…Read More

講就講手工意粉，但整得好鬼難食。前菜，三文魚芝士，粒忌廉芝士同三文魚濃味對濃味都正常，但中間粒奇異果好酸，搞到整體好難食。溫泉蛋雜菇意粉，味道正常咖，但下面太多料，啲意粉太濕，搞到啲蛋上唔到意粉到，而且菇味太重完食唔到蛋味。仲有個意粉真係煮到好鬼淋，唔講以為係茶餐廳啲意粉。呢個南瓜湯就無乜特別。呢個就係闊條麵。亦都好鬼難食，首先塊面真係好淋，意汁食以為係糊仔。至於啲汁真係唔多，免治肉又少，幅相一望知唔夠汁。而且個味都好似茶餐廳。整體好難食。成晚最好係啤酒。…Read More

呢間酒樓都係旺角開左幾十年，有時買完高達都會去食幾籠點心。成間鋪都充滿情懷，仲有點心車同搭台，次次食都覺得返左細個咁。次次都食燒賣，算細細粒咁，有少少肉粒同蝦粒，幾好咬口，同埋好香菇味。雪白蝦餃，有啲荀絲咁，普普通通。牛肉球就好彈口，而且好香茜味，牛肉味少左啲。鳳爪好好食，啲汁個味好濃，而且全部鳳爪，無花生，好抵食。啲排骨真係好多骨，咁先好，有骨嘅位肉味最香。下面啲芋頭好多次都好粉，好好食。雞札，入面舊魚肚好好，好彈口，好入味，超好食。鮮竹卷，普普通通。牛腸，係幾種腸最抵食，因為入面好多牛肉。至於個皮唔算好滑，但都正常嘅，架車焗住。炒粉面炒飯係半賣份量，兩個人以上先好叫，如果唔係食唔晒。其實好抵食咖，附近啲茶仔好細碟都幾十蚊啦。不過酒樓有時都會失手嘅。…Read More

話說今日開OT開到七點幾，老婆接我放工兼食埋飯，但工廠區啲茶仔又收晒，就同佢食過快餐先返屋企。兩個餐都好乾淨企理，飯同餸就分開嘅，咁啲雞汁就唔會搞到啲飯糊晒。呢到個餸就好方便，啲肉都已經起晒出黎，啖啖肉咁，好方便。老婆就食薑蔥雞，其就普通白切雞黎，味道唔太鹹。我就食鹽焗雞，味就就重啲，有陣鹽香味，但食落都唔會太鹹。雖然啲雞就整定，但都有啲汁，雞肉唔會太淋，打工仔食個快飯真心方便咖。其實食個飯最正係啲蔥油，少少就撈晒啲飯。飲左兩個燉湯，一個係海底椰，一個係蟲草花。啲湯都有啲料頭，有啲雞味，而且唔算鹹。我個海底椰有好大糖蜜棗，好甜好好飲咖。食飽飯就用塊濕紙巾清潔下，真係好企理。…Read More

話說買完高達要周圍搵食，行行下就行到入廣東道搵食。唔知點解附近啲鋪頭無開，結果都係食呢間。呢間就普通茶餐廳黎，早餐午餐都無乜特別，普通茶仔野咁。所以我黎呢到食親都係叫炒粉麵，因為呢到啲鑊氣真係好足，反正比多十蚊就大大享受。佢個牛河真係無得彈，首先有鑊氣，河粉有焦香得黎又唔會太燶，而且條條彈口，最緊要係條條上色，有味道。至於啲牛肉，普通茶仔牛肉，唔太鹹，唔算滑滑，但都無渣。整體好好食。至於炒飯就麻麻地，啲飯有啲濕，搞到成份都麻麻地。總之一定要食炒粉麵，炒飯不了。…Read More

話說因為武漢肺炎關係，無搵外婆食新年飯，被不孝，搞到過左成個月先食飯。龍蝦伊麵，蝦肉幾爽彈，有鮮味，好甜好味。個汁同伊麵底就正常，伊麵都幾多。整體好好食。炒班球，啲魚肉都幾爽彈，好新鮮，味道唔太鹹，啖啖肉好好食。啲班腩位就古法蒸，即係普通蒸...咁啲肉都幾滑滑，好鮮甜。豉油都幾好味，唔太鹹甜甜地。豆苗，就普通豆苗，搖柱汁唔太鹹，普普通通。炸雞，皮脆卜卜，個胸肉都無乜渣，都易咬到。未算滑滑，但有肉汁，好好食。魚湯泡飯，呢個真係好好食。魚湯唔太鹹，有魚味但唔腥，有啲炸米脆卜卜好好食。至於海鮮粒都多，而且算彈口，好好食。至於個燒肉同多春魚真係好難食，成餐飯污點。其實街坊酒樓都算係咁，係叫多左兩碟難食野，整體都幾好。…Read More

話說因為疫情關係，我去左其他地旁standby，咁lunch hour緊係要去果邊搵好西食。咁就去左呢間台式餐廳食野。同事就食個炸雞飯，個炸皮都幾脆，入面有肉汁，雞肉算滑滑，唔錯。啲台式鹹菜，無乜特別。滷肉飯，就真係麻麻地。首先真係超鹹，同埋太過多油，但又唔夠多肉醬。台灣果邊肥得黎就有多啲肉食，呢到就唔夠多肉醬。一般般，同埋太大碗，同台灣細細碗容易食係唔同。台灣牛肉麵其實先係主角。首先個湯底好好飲，唔太鹹，好有牛味，而且啲花椒八角味香得黎又唔太重。至於啲牛肋條就煲得好軟淋，而且夠入味，唔錯。至於啲啲麵都幾彈口，有啲似日本幼身拉麵，唔錯。…Read More

呢間茶仔就係我屋企附近，不過開嘅時間唔長，所以唔係成日食到，得星期六或者放大假先食。佢個炸雞髀就係招牌黎嘅，個髀就用果汁醃過嘅，所以會有好微嘅甜味，至於個雞髀都唔算太鹹，已經好夠味。皮就好脆口，加上雞肉都好滑，有彈性，好好食。薯條就粗薯條，當然好食啦。呢個就係兄弟醬豬手，其實唔知乜醬黎，不過都係啲中式醬料味，唔太鹹。豬手處理好好，今次完全無毛，好細心。個豬手就炆得好林滑，個皮就已經好林，撈飯一流。滷水雞扒，呢個就滷水煮嘅雞扒，類似油髀做法。啲肉都算彈口，個汁唔太鹹。環境就無咖喇，但街坊鋪夠親民咁，好中意去。…Read More