AgnesWong2007's Profile

上星期三晚，去咗這間氣氛輕鬆的居酒屋，食物不但好吃，店員服務態度很好，好有耐性去講解同介紹食物，而且服務細心，令我非常滿足。至於食物方面，我就叫咗個牡蠣拼盤，內有八集生蠔，並配有不同的調味，有海膽，魚子，檸檬汁等，味道同口感非常特別，雖然蠔肉唔算太大，但勝在味道鮮甜可口，一定會返去再食，我又叫了一碗蠔麵，蠔都很新鮮，麵質都唔錯。我都有叫燒牛舌，可惜牛舌有點不太熟，令我有點失望。不過總括而言，整體食物同服務的質素我都十分滿意，下次會再光顧的。…Read More

今日去Odds食廚師發板午餐，我選擇了$788一位的選項，包前菜和十三件壽司，還有湯和甜品。對我本人來説份量非常足夠，海鮮美味，蟹肉茶碗蒸令我有點驚喜。我最喜愛魴鮄魚，鵰魚，堅魚和鰻魚手卷，手卷的紫菜非常脆口，食後果種的感覺十分難忘，下次再來的話一定再試。除了廚師發板之外，餐廳還有鐵板燒，串燒，壽司和各種清酒飲料，相信一定可以滿足到一般的食家。餐廳的佈置裝修十分華麗舒適，服務人員的服務態度友善誠懇，解答也很清晰。最後我哋經餐廳經理介紹了一道季節性的魴鮄魚魚生，加上熟成和柚子的調味，美味到不得了，真係要多謝廚師同經理的介紹啊！…Read More

經朋友介紹去中環山月食廚師發板晚餐，我哋一共六人訂了一個房間，不單私隱度高，服務都特別佳。我哋點了一個廚師發板一共十道菜色，價錢係HK$1488。由第一道菜豆苗蟹肉至到最尾一道牛肉豆湯稻庭烏冬，每道菜式各有特別之處，非常美味。我特別喜歡松葉蟹那道菜式，除了松葉蟹新鮮之外，廚師細心把蟹肉同蟹膏分開，買相細緻精美，當食到每口蟹肉和膏，都能感受到廚師的心意和服務周到。另外還有一道豆腐蒸鮮飽魚，以茶碗蒸的形式上菜，豆腐軟棉棉，雖然飽魚就細小，但勝在鮮味十足。食完甜品後，覺得十分滿足和享受到豐味十足的廚師發板晚餐，真係多謝晒朋友的好介紹。😋…Read More

今日去咗丼丼亭食午餐，其實都幫襯過好幾次，不過今次的起心肝去寫下評論。今天叫咗過壽司定食餐，餐內包括有11件壽司，沙律，麵鼓湯，一件蘿蔔，再加一個橋麥麵或烏冬。這個餐份量非常大，最後我都無法完成，不過我覺得非常適合大食一族，十分飽肚，而且食材非常新鮮，價錢係$268。我都覺得物有所值，加上服務員態度友善，我本人就十分滿意。如果要彈劾的地方，就係要叫大家十二點半之前去，如果唔係就要等位，因為午餐都好多人幫襯嫁。…Read More

食法國菜總係給人的感覺高級和十分昂貴，但平民能食到正宗的法國餐的風味，非去幫襯la creperie不可。這所餐廳不但能給與人們食法國菜的氣氛，而且食物的質素令你有想不到的驚喜。雖然餐廳的地方同環境較細，但服務的人手相當充足，比起好多大集團的用餐服務好得多，這是令我特別去加分的地方。食材新鮮，煮法都非常正宗，以食物的質素和價錢的比對，我覺得非常合理。我order 左一個可三或四人套餐，份量適中，不會有浪費或不夠食飽的情況。最後當天係本人的生日，餐廳的waiter送上甜品時，又送上生日歌，令我又驚喜又開心，全餐晚飯使我十分難忘，所以一定會再返去幫襯吓。…Read More

今日同女兒一起去Habitu 午餐，order 了一份燒雞和一份豬扒。我哋又叫了一份crepe甜品。燒雞烤得剛好，配菜有青豆，冬菇，一點菜，份量不少，吃完後都有飽肚感，而且不太油膩。另外一份豬扒，肉質鮮嫩，加上青蘋果和薯仔，食後感覺青新，沒有一點飽滯感。最後，吃埋crepe甜品，好吃之餘，令全個午餐都十分之完美。全餐的費用HK$488,可能都有一點貴，但是間中食下都無妨的。最後，我希望改善的地方係，如果waiter可以定時加水就好了，因為唔係人人都有order飲品的。…Read More

一家四口，一同去大將將軍澳分店吃火鍋放題，用餐時間90分鐘。我哋一齊點了$198牛肉火鍋，除了自助的菜類，丸類，粉麵，飲品，甜品等等，還有可自製窩夫，都算係一樣較特別的環節。肉類也可以點豬和雞肉，我覺得雞肉較滑捋捋之外，牛肉和豬肉都無特別的驚喜。飲品和甜品的選擇都不算太多。總括而然，食物上菜時間算快，但食物的質素真係很一般呢！…Read More

我預約了三、四個月才能試到的一間日本餐廳，自己都難以相信有如此的耐性去等吃一頓被很多人評為用心意去經營的日本餐館。我懷着又驚又喜的心情去試食他們嚮附盛名的omakae。我預早了好幾個月都只能預約到午餐，大家可想而知這店實在一位難求呢。每件或每碟魚生，壽司，前菜，以致餐後甜品，都盡顯廚師的心思，創意，體貼和專業，實在不想去挑剔和批評任何東西。我明白難怪這店能成為全港最難預訂的食肆，實在是得來不易的。廚師發板的食物我巳經相信不須要一一去介紹，因為大家可以看圖片去感受一下它們的質素和買相，巳經相當吸引而且令人垂涎三尺，大家可相言之我是十分的贊賞。為一可以講的是座位有限，想吃就要請早早D訂位啦。…Read More

今日去咗city walk商場的牛角食日本燒牛肉，我一同三人叫了每人一份午餐燒牛肉，還另外叫多一份剩燒的牛肉，內𥚃包含牛肉粒，牛舌，牛肉片，還有帶有平均牛脂的肉片。本來我哋的午餐經有不少的燒牛肉和牛舌，還有一碗紫菜飯，一碗清湯和一杯飲品，我就叫一杯柚子蜜，飲品正正常常，無乜特別。我先要贊下我叫所有的燒牛肉，件件美味可口，無什麼可批評的地方，相當滿意，雖然午餐來說三個人要八百多元，都就點貴，但間中豪下都無乜所謂。我只有一點有一些批評，就係我個燒烤爐好似有少少問題，連工作人員都要打幾次火先點得着，令我有點覺得危險，希望你哋可以改善吓啦。…Read More

今日第一次去吃波士冰室的下午茶餐，我叫了一份豬扒包餐，飲品叫了杯奶茶，價錢40元。我覺得非常超值，豬扒不會太厚或太乾，個包又不會太大，內𥚃還有生菜和番茄，沙律醬不太多又不太甜，簡直係配答得非常美味，令我好想明天的下午茶又去再叫這個餐。奶茶香滑，十分好飲。唯獨豬扒包的豬扒可以再大塊多少少，就完美了。…Read More

星期日中午同家人去了利苑酒家飲茶，利苑的點心用料講究，不但新鮮，而且手工精巧，係一間相當高水準的廣東點心酒樓。其實她也有很多高級中式菜式，不過我多數都是去飲茶，可能遲少少去試吓啦。我最喜歡就是燒乳鴿，皮脆肉嫩，不過如果乳鴿再大隻D就好了。紅油抄手也是我很喜歡的一款點心，紅油不辣，而且又有油香，十分美味。雖然腸粉較普通，但勝在材料新鮮，都值得一試。我哋又吃了上湯鮮竹卷，乾炒牛河，青瓜，义燒包等等，每樣點心都有自己的特色。最後大家緊記訂位，因為我相信利苑是一間很有名的酒樓，所以有時都會一位難求的。…Read More

今天去咗旺角茶木台式餐廳，叫了一份菠蘿咕嚕肉餐（$92)，內裡包一碗白飯，一碟菠蘿咕嚕肉，一杯飲品，我點了珍珠奶茶，要加多$9，再加多一碟菜和一份小吃(兩只等鹽酥雞全翼), 要再加多$38,全個餐共$139。可能係太餓的關係，上菜時才覺得自己叫多咗，因為每份菜式份量十足，最後都要叫服務員拿個盒子把食物帶走，但當然要付盒子的費用，可見得這個套餐十分抵食，而且食物美味，咕嚕肉的肉質新鮮，菠蘿和火龍果甜美可口。今天服務員態度和藹親切，唯獨服務員人數不多，見到他們都十分忙碌，但他們都能保持到應有的服務水平，實在難得。…Read More

忽然想起去蘇媽馬來西亞茶餐室吃下午茶，當天下午不太肚餓，於是單點了一碟雞翼(兩只)和一杯桔仔話梅熱飲。雞翼非常好味，好像barbecue 的雞翼味道一樣香口，肉質嫩滑，食完令人有滿足感。但桔仔話梅熱飲我就不太喜歡，因為太酸，而且無乜話梅果，所以令我覺得有點失望。兩樣食物價錢要$74, 我覺得唔算太抵食，不過我非常建議一試雞翼，一定令你有驚喜。最後講到服務都屬於正常，落單和上食物的速度都算快，有時間都值得去蘇媽鬆一鬆啦！…Read More

好久無食過雲南過橋料線，今天去太古城想起阿詩瑪雲南菜，便去試一試。我叫了一份過雲南橋米線價錢HK$88，還有口水雞和葱油餅。口水雞本應寫明較辣有兩隻🌶🌶，但食落不太辣，非常適合我自己的口味，跟住再來葱油餅新鮮熱辣，相信係即叫即做，因為上菜時還有煙出。最後上雲南米線時，服務員幫你將你喜歡配料放進熱湯裏，雖然我不是米線的熱愛者，但米線的質感非常彈牙，而且份量充足，一個大男孩也吃得很飽。唯獨人手不足，叫服務員都要有點耐性呢。…Read More

經朋友介紹去了中環吉兆的日本料理，吃高級的晚餐omakase。吉兆的地方寛敞，有餐桌，卡座，可包房和吧枱。我當然選擇了對住廚師的吧枱啦，我order了一份最貴的吉omakase 成為HK$1680 還要加10%服務費，不過我都覺得物有所值，因為當天的食物質素同服務我都相當滿意沒有什麼可挑剔的地方，雖然我是第一次幫襯，廚師同我都有交流，食物新鮮固然重要，而且每份食材的鋪排同買相都相當出色，廚師能令每件食物發揮到各自的特色，舉個例，如吃毛蟹，廚師細心地把殼同蟹肉分好，令你吃的時候能完全吃到蟹的鮮甜，不會在當中加上其他的食材去喧賓奪主，令你食後完全記住蟹肉的味道。雖然價錢可能係貴咗啲，但係如果有喜慶的日子，豪下都無妨啦。…Read More