Foodie_Linaa's Profile

今晚同老公出左勝利道果面行街睇貓貓見有啲肚餓，係果頭食埋飯見到呢間鮮丼家menu吸引！入左去試下⋯海鮮丼飯有三文魚，海膽，油甘魚，甜蝦，帶子刺身勁厚勁鮮甜，海膽一啲都唔腥，價錢好抵食，性價比極高！油甘魚勁厚，好好食！！三色丼飯入面有三文魚，甜蝦，蟹籽三文魚勁厚勁鮮甜，丼飯係自家拌既醋飯，温度剛好！而且丼飯係有附送面豉湯同胡麻醬沙律菜，一份丼飯相當滿足！什錦壽司我哋食完丼飯，為食既我呢個壽司簡直比到驚喜我！睇得出係手握壽司，而且壽司飯嘅份量比例唔算多，啱晒可以俾我食多幾舊，特別推介三文魚子，海膽同油甘魚，真係超水準 ！一啲都唔腥！總括嚟講呢間店嘅刺身都真係好厚切，而且用料新鮮，喺勝利道嚟講，呢間小店絕對係性價比極高！埋單都係人均$200左右！…Read More

今晚有屋企人係外國返左黎，佢哋難得返香港又齊人緊係食下中菜，帶左佢哋去銅鑼灣喜記食海鮮。呢到既環境靚，好有特色，裝修令人舒服又有格調，黎得呢到，緊係食出名既海鮮啦😙😙😙椒鹽白飯魚好香脆可口，椒鹽夠惹味，要黎做佐酒小食一流😙😙淡淡肉又無骨咁，好好食避風塘炒蟹話明係招牌菜，當然必食同要推介啦！蟹鮮香美味，而且夠鑊氣，用黎送飯/粥一流呀！食得出用料新鮮蟹油炒麵呢個蟹油炒麵勁香口，出面好似好少見，炒得乾身唔油，但又好香蟹味，勁好食…Read More

前嗰排係咁落雨都冇乜點出街食飯，今晚一中班朋友話想出去食飯，有朋友話呢間餐廳係openrice bookmark 左好耐，地方乾淨全新裝修又令，好想試下，好野就緊係要一齊試😙😙😙叫左成枱餸，有幾款特別推介比大家喜記正宗炒辣蟹食鑊氣之選！辣得黎好正！又唔會辣到食唔到既辣，辣加上鮮味配搭好好，而且蟹肉都幾結實喜記富貴蝦性價比勁高！又係鮮甜之選！而且大隻厚肉，完全唔腥，食得出勁鮮味，蝦肉爽甜！豉椒炒蜆食呢啲地道小菜顯得好有鑊氣，蜆無沙夠鮮甜，而且隻隻都漲卜卜，無死蜆，豉椒又唔會太辣同咸，勁惹味豉椒炒蟶子皇叫得炒蜆又點少得叫豉椒炒蟶子皇，勁大隻，好厚肉，淡淡肉既口感，加上勁惹味既豉椒，放入口勁滿足呢😍😍😍整體唔錯！服務員友善，餐廳用料新鮮，真材實料，有下次啊…Read More

Miss Crazy好耐無出街揾食，呢期落雨落到癲🥲🥲今日見天色好少少，出左黎旺角食下Café 平衡下心理先得😆😆今日揀左係花園街街市毗鄰既Café ，環境好舒服，服務員勁友善，好開心靚到晚咁正既餐廳🌸德國咸豬手配酸椰菜薯蓉呢個價錢黎講性價比真心高！勁大隻德國咸豬手，焗得好香脆，又勁香口，加配埋薯蓉簡直一絕！咁大隻都只係$178咋！勁抵🙌🏻四重芝士pizza配蜜糖平日食pizza 都好喜歡食芝士pizza ，無諗到加上蜜糖係另一個層次！勁正勁好食！完全有意外驚喜！🌸咸蛋黃單骨雞翼上枱果下已聞到陣陣既咸蛋黃香氣，食落口更架係滿滿既幸福感😍😍😍炸得香脆之始，仲要滿滿都係咸蛋黃味，勁正！🌸百利甜酒味巴斯克芝士蛋糕本身係芝士蛋糕愛好者！呢個cheese cake 控必食！芝士味濃，而且仲有陣陣酒香，勁正！🌸招牌咖啡Café 主打都係有唔同咖啡豆烘焙既咖啡，Miss crazy係咖啡愛好姐，呢個必試！苦同酸味適中，好適合新手咖啡愛好者試，配以虹吸既方式炮製，別有一番風味🌸House White Wine係cafe 飲酒都係第一次😆😆😆white wine 易入口，而且温度都好好，味道清甜好香👍🏻👍🏻…Read More

今日生日，老公帶我去左銅鑼灣隔離既跑馬地一帶食生日飯，地點唔遠，係木球會對面，距離銅鑼灣大概行5-10分鐘左右就到，而且餐廳私隱度高，門外裝修都好日系同和風，餐廳之前已經係sogo7樓經營左9年，搬店幾個月，而且好幸運地遇到主厨師傅係到，so lucky!!!!!入座後，師傅為我哋準備左份前菜，有隻好QQ既小蟹係到，師傅話成隻蟹仔都食得，加埋仲有沾魚一夜干，視覺同口感都好享受🤩🤩之後再安排既係一款清湯，係用鱧魚同信菜製成，鱧魚又名骨千刺，要靠師傅刀功切好多刀令細骨唔會刺口，加上面頭既梅醬，口感好鮮味！而信菜亦幫助消化，好好食！刺身安排左5款石雕魚味道鮮甜，呢款魚係四國愛如県既出品，味道香甜虎山既白蝦一小碗係用好多既小白蝦製成，每一隻都係隻隻既白蝦，味道鮮甜，唔沾醬油都好好食，別有一番風味！師傅更用白蝦製成三食，呢個係其中一食金目鵰師傳先用熱水焯過魚皮，令魚皮更爽滑有口感水八爪魚有坊間比較少出現既wasabi 醬酒漬，原來一條八爪魚腳有大概6.5kg咁重架😱😱，師傅有介紹食法，想刺激啲更可放wasabi 入吸盤中食用，而吸盤味道好爽口，一口一粒咁食用好正啊！蝦夷貝，即係北海道出產既貝款類，口感好爽滑！係我最愛既一款刺身素白蝦，即係將白蝦原隻拎去炸，係師傅安排白蝦既第二食，口感好香脆，口感好好，而且一啲都唔油，用黎做佐酒小食係好正！另外仲有日本呢期盛行既粟米天婦羅，完全無任何調味，粟米既香甜味好吸引！海老真丈，係白蝦三食既最後一食，一上枱就熱辣辣，勁好食！而蝦膠好香滑，完全一啲都唔腥！壽司方面，每一件壽司飯都有調味，個人覺得唔需要沾醬油都好好食，而wasabi 都有調製埋，但唔會太搶味同攻鼻，反而更有提升味道既作用，壽司飯一啲都唔會好大件，師傅可以比我哋試到多幾款食物👍🏻沾魚，間八，帆立貝，關青，甘海老，新墨魚（墨魚bb），石湖貝 ，來自鹿兒島既中拖羅，加左鹽花大拖羅， 吞拿魚醬油漬（天身位置），海膽手卷最令我深刻嘅就係加咗鹽花嘅大拖羅，油膩感完全比一鹽花控制住，而且入口即溶，勁好食！有機會都想再食啊！無諗過師傅會同客人咁好傾，由師傅分享見聞到食材，都令我哋感到好舒服👍🏻呢個價錢有咁多野食，餐廳同食材都係真材實料，絕對有下次！…Read More

今日生日，老公帶左我去一間bookmark 左好耐既Omakase 餐廳同我去食😝裝修夠哂日式，又夠私隱度，可以舒舒服服咁食返餐😙😙😙今次揀左$880/per Head 既套餐估唔到第一個菜就有驚喜，鮑魚蝦茶碗蒸，用左鰹魚高湯調泡，味道鮮甜香滑，仲有蝦同鮑魚放係面，勁香滑之後有有刺身，係赤魷魚同膠碟魚，赤魷魚沾岩鹽食，味道好創新👍🏻👍🏻池魚磯邊卷 ，口感好豐富，一口咬落去超正！醬燒帆立貝，暖暖地既帆立貝配以紫菜一齊食，口感鬆軟，超好食！鹽燒太都魚，食完個胃暖暖地，肉質鬆軟又夠滑🍣壽司（白蝦，深海池魚，赤貝,甜蝦昆布漬 好綿密口感 好creamy ，炭燒金目鵰 ,特別之處係用備長炭去燒 食落有炭味時不知鮭 ，吞拿魚赤身 用醬油醃漬過 食落會滑身啲，大拖羅，鯖魚棒，炭燒BB 銀雪魚，紫海膽）壽司飯調味好香好食，米粒有咬口，而且已經有wasabi，所以我覺得唔額外wasabi 同醬油已好好食，好欣賞師傅包既壽司功力，刺身完美地包住壽司飯，手功好好👍🏻最後送上既係葱花拖羅蓉手卷，啖啖都係我最愛既拖羅蓉！omg!每口都好幸福！最後送上熱湯同雪糕/咖啡，我揀左雪糕，今日仲係開心果味😍my favourite ！食完真係劃上完全句號餐廳service 勁好，由提供Service 既服務員到師傅都有介紹，完全比你賓至如歸既感覺…Read More

今晚同老公去開沙田一田行超市，行行下見到鳴虎拉麵店，心思思想食，之前食過土瓜環分店都唔錯，今晚就食佢🫶🏻🫶🏻呢間拉麵店分店愈開愈多，而且食物質素有一定既保證👍🏻博多黑蒜油拉麵（$88）每碗拉麵跟左2片叉燒同1隻溏心蛋，黑蒜油味道濃郁，同豬骨湯底都好夾，拉麵質感爽滑，夠哂彈牙日本魚乾豬骨湯拉麵（$88）同樣有叉燒同糖心蛋，豬骨湯底好濃郁，而且好香魚乾味，做拉麵湯底好正！推介呀👍🏻👍🏻👍🏻肉餃子（$38）一份有5隻，餃子皮薄餡靚，煎得好香脆，而且真材實料，肉餡調味都調好好，唔錯既味道👍🏻👍🏻必食！！整體嚟講，係一個唔錯嘅體驗，有時行完超市餓餓地，坐低食返碗拉麵都唔錯👍🏻👍🏻…Read More

今日返工過開海，好想食牛舌，同事推介左間位於天后既牛舌日本料理，呢到既牛舌真係生招牌！已經經營左30年架啦，地方闊落，坐得舒服，幾有日本風味既小店！厚切牛舌飯（$158）一上枱真係哇左一聲！！！超級足料大大碗既厚切牛舌飯！厚度絕對係坊間無法比！因為厚左成倍咁滯😍牛舌真係要夠厚切先好食，外脆內軟，勁有口感！如果不愛米飯既朋友，可以加錢配烏冬/蕎麥麵，有唔同既選擇👍🏻份量真係好足夠！厚切牛舌便當（$180）呢個便當相當抵食！有牛舌三塊，煙三文魚，雜菜沙律，冷簥麥麵同雪糕，勁抵食！便當都有三片厚切牛舌！好正！同厚切牛舌飯一樣咁吸引，煙三文魚都份量唔少，再配合埋雜菜沙律等前菜一齊食，勁fresh冷簥麥麵有咬口，唔會煮得過淋，好食！雪糕仲有海鹽同豆腐2款口味選擇，我揀左海鹽，好食香煎鵝肝（$130）服務員好細心問我哋鵝肝要唔要一開二，而且燒得香脆可口，入口即溶既口感，勁出色既一個燒物！吞左個口都仲充滿左鵝肝既香氣，加上有多士吸去鵝肝油，一齊食令口感更滿足呢！炸墨魚丸-5粒（$65）好香口既墨魚丸，墨魚丸炸得好香口，而且調味都好好！推薦呀！一上枱更係熱辣辣，口感軟儒，超好食整體感覺好好，牛舌真係真心推介！超正👍🏻…Read More

最近有啲家庭聚會，屋企人話想一齊食餐飯，上OpenRice同埋朋友介紹，仲有呢一間勁正嘅中菜餐廳俾我哋食餐廳環境裝修好精緻，如果餐廳仲獲米芝蓮兩星級榮譽，食物同環境一定有保證，介紹返幾款我最鍾意食嘅菜先🎈脆香貴妃雞中菜嚟講最鍾意食雞，通常都自己喺屋企整嘅口感嫩滑。上枱嘅時候菜式好精緻，擺盤都好靚，增加唔少胃口。貴妃雞肉質鮮嫩，夠晒滑，而且仲好香口，勁好食🎈籠仔蒸東星斑球用籠仔蒸可以保持魚嘅鮮味，唔會流失肉汁。而且東星班已經起晒肉，放入籠仔蒸近有別有一番風味。🎈鵝肝醬乳豬拼黑魚子鮮鮑魚乳豬同鵝肝醬呢個配搭，我都係第一次食，口感別有一番風味，而且乳豬非常脆口，勁好食！在配搭埋黑魚子同鮮鮑魚，鮑魚都好冧，口感配搭好正🎈碧綠豉椒龍蝦球龍蝦球夠哂爽口，而且加埋豉椒勁入味，仲要粒粒都勁大粒，正啊🎈高湯海虎翅海虎翅份量唔少，而且夠哂鮮甜🎈乾炒牛河炒得夠鑊氣而且乾身唔太油🎈原隻南非吉品鮑魚伴遼參鮑魚軟硬適中，味道鮮味🎈紫薯西米焗布甸呢個甜品我勁愛，紫薯味夠香，西米又有咬口，正整體嚟講，係一餐好高質嘅中菜，屋企人食完都勁滿意，仲想再約埋下一餐添🫢…Read More

天氣熱熱地，陪老公行完槍街，見到呢間之前係朋友強烈推介既日式餐廳，當然唔會放過食野既機會啦😙😙😙😙而且最近成日大魚大肉，想食得清新啲大滿貫（$128）有三文魚，吞拿魚，中華沙律，雜錦香菇，牛油果，蛋絲，紫菜絲，木魚絲等，加左三文魚豆腐湯同前菜，勁豐富！三文魚同吞拿魚都好肥美，份量都唔少！配合山葵蛋黃醬同木魚絲，紫菜絲等，口感好豐富！加州風味碗（$98）有三文魚，青瓜，蛋絲，三文魚籽，車厘茄，日式胡麻醬，紫菜絲，木魚絲等飯底可選壽司飯同半壽司飯拼沙律菜，我揀左壽司飯拼沙律飯，岩哂想食下飯但又唔駛太飽又可以健康啲既選擇，醬方面都可以選醬另上，多/少醬，選擇方面都算自由，而且用QR code 落單，所以客人可按自己喜好加配食物前菜同湯味道都唔錯，而且温度都好好，整體黎講係唔錯既選擇👍🏻👍🏻…Read More

天氣熱就緊係想食下外賣，今晚係大圍行完街，近近地見到呢間想食好耐既餐廳，唔諗咁多一於揀佢啦💁🏻‍♀️自家XO醬滑蛋蝦仁飯（$56）🍳🍳🍚外賣返到屋企溫度都算唔錯，都仲暖暖地，平日喺街外面食滑蛋蝦仁，好少會加XO醬，今次呢個嘗試都唔錯。配搭幾好食，蝦仁幾大隻，而且夠爽口，蛋都好滑，加埋XO醬更加惹味咖哩香滑牛肉飯（$58）🥘🥘🥘去茶餐廳一向都好喜歡食咖喱，呢間餐廳嘅咖喱口感都幾厚，唔算辣，但真係幾惹味，牛肉好滑，口感唔錯，配埋白飯真係好正！由於係套餐嘅關係，仲有例湯送🍵🍵呢個價錢來講性價比真係唔錯呀！👍🏻👍🏻見到餐廳啲燒味好似都唔錯，今次貪為食，試咗惹味嘅菜式，下次要再嚟試吓啲叉燒同燒味先😍😍😍😍…Read More

同事住呢頭附近，話呢間餐廳既菜式性格比高，見佢咁好介紹一於黎試下先💁🏻‍♀️💁🏻‍♀️呢到環境係新式既大排檔，可以涼住冷氣食大排檔都係一件幾幸福既事🫣🫣一入去見到環境係一個以仿霓虹燈燈牌既「大押」，而且地方都闊落，坐得舒適，再播放住本土既懷舊歌曲，令整體感覺都唔錯啊！黃沙豬潤杞子浸時蔬每片豬潤上都有杞子，豬潤香滑唔鞋，表面微脆，而且一啲都唔腥😍個湯好好飲，我揀左浸娃娃菜，菜好淋好甜，調味適中，整體感覺好正鳳尾蝦多士蝦多士炸得好香脆，而且蝦肉夠多，蝦膠調得均勻好食👍🏻再配以秘製酸辣醬同甜酸醬，口感提升唔少！簡直係好岩一路食一路吹水既食物！必食！香爆黑椒牛仔骨煲一上枱仲聽到熱辣辣既喳喳聲，而且黑椒味更提升左牛仔骨既香味！口感軟滑，唔會過咸，好好食楚撚豬油撈飯Omg!!!!係我最愛既豬油撈飯，店家會比豬油同豉油客人自行加上去，熱辣辣既豬油勁香口好味，完全食到停唔到口😍😍😍復刻版豬油撈飯以前遠古時期既豬油唔係液體既，係由固體豬油混入熱飯撈黎食既，所以呢款復刻版豬抽撈飯別有一番風味最後黎到糖水環節，餐廳送糖水飯，可以揀清心綠豆同蕃薯糖水，為食既我當然一樣一客綠豆糖水唔太甜，而且仲有綠豆蓉係入面蕃薯糖水味道清甜，而且暖胃既薑糖水更令整餐飯作結😍…Read More

天氣雖然熱熱地，但都有少少掛住大排檔既鑊氣小炒同滷水拼盤，上OpenRice搵咗呢間位於尖沙咀既新式大排檔，可以比我涼住冷氣咁食鑊氣小炒，岩哂夏天黎食🎈椒醬炒通菜（$68）椒醬好夠味，而且夠熱，上一枱已傳來陣陣香氣！而且通菜份量一啲都唔少，仲好夠鑊氣！🥙🥙🎈滷水拼盤（$218）潮式滷水拼盤有鵝片，鵝件，豬大腸，腩肉等滷味，豬大腸好淋好入味，鵝件肉更係一口一件，食得好爽😍😍滷味唔會過咸，好食🎈瑤柱蛋白炒飯（$88）炒飯炒得粒粒分明，而且好乾爽，瑤柱炒到好乾身得黎又夠香，加埋蛋白味香，唔會過咸，加埋餸菜一齊食都幾香口架🍚🍚🎈懷舊雞蛋焗魚腸（$98）🐟🐟呢款懷舊小菜真係好耐無見啦！聽講煮呢道菜都要幾花手工，今日見到即試熱連辣既雞蛋焗魚腸，入面有少少姜絲，食落唔腥而且仲好香滑！送飯一流整體味味菜都好高水準，而且味道香口好食，份量都好足夠👍🏻👍🏻👍🏻👍🏻👍🏻👍🏻…Read More

天氣咁熱真心唔想出去食，今次揀左係屋企同一班朋友開Party!😍😍😍落單流程好快，揀哂野食，時間，送貨前又有司機聯絡，流程順暢🫶🏻而且送貨時間都好準時，讚呀👍🏻而且送黎食物無瀉到，仲有暖包暖住食物，夠哂貼心👍🏻仲有獨立嘅餐具俾埋我哋，食完真係唔使洗嘢，夠晒方便衛生我哋6個人揀套餐A （6-8人餐）黑松露野菌蟹肉燴⻑通粉配⻄班牙火腿我極度推介呢款長通粉，勁香勁好食！好香黑松露味，仲有一片片既西班牙火腿係長通粉入面，勁香口好食一口芝士豆腐（15件）呢個小食，我幾推薦，一口一件，好方便食，而且都幾香口架德國洋腸拼盤配他他醬(約2磅裝)德國腸係我嘅最愛，呢個洋腸拼盤真係好多款腸都有，份量十足6小時慢煮紅酒燴美國牛肋條(約2磅裝) 由於係慢煮嘅關係，牛肋條味道濃郁，而且肉質好嫩滑，仲保留到有咬口嘅感覺，而且仲好入味添BBQ蜜糖雞翼(12隻) 雞翼一定係都會必叫嘅小食，雞翼都好入味，一人一隻好快食晒泰式原隻豬手配秘製汁(1隻) 原隻豬手炆得好琳，而且再加埋餐廳秘制醬汁，超好食泰式香燒豬頸肉(18片) 呢一款嘅豬頸肉我最愛！厚薄切得剛剛好，而且非常爽口，到會嚟講，一路吹水一路食，唔錯嘅選擇軟殼蟹沙律( 1.5磅) 軟殼蟹沙律非常足料，超大隻嘅軟殼蟹放喺salad面上面，仲幾香脆㗎，而且沙律菜同水果都好鮮甜，食得出好新鮮整體嚟講非常滿意呢一餐，到會黎講質素都好高！…Read More

難得又來開荃灣呢一面，今晚心思思想食燒肉，同老公去咗大鴻輝睇咗一陣，決定咗去食17樓既安平燒肉我哋揀咗澳洲和牛套餐，食物選擇好多，而點呢一個套餐最特別嘅地方，就係每位客人都會送兩件牛舌心，身為牛舌控嘅我又點會錯過呢？除咗用QR code點肉類之外，餐廳仲設有蔬菜區，飲品區可以以自助形式自行去揀選，當然唔少得有小食類都係以QR code形式落單嘅燒烤爐係電爐嚟嘅，控制火力方面可以控制得更平均。食物有104款食物任你選擇，除咗肉類任叫之外，雞同海鮮都有唔少選擇㗎！食物方面，我哋叫咗好幾round ，但絕對冇因為任食嘅關係，而比渣嘢你，每一round 既食物都好新鮮！個人嚟講幾喜歡食燒生蠔同帆立貝，隻隻都好大隻新鮮，而且冇沙，生蠔同帆立貝都各自有蒜蓉調味，勁好食飲品方面，除咗自助區嘅選擇之外，我仲心思思咁揀選咗2款果汁酒，4%酒精唔算多，所以可以一試，味道都清新好飲，唔錯最後仲有送每位客人一杯哈根大師作結，完美啊！整體嚟講，店員嘅服務都好好，係更換燒烤網方面都有主動問我哋，而且點完餐亦都有主動介紹餐廳食物，overall勁正既一餐…Read More