司徒師傅's Profile

夜晚十點先返到屋企但係又未食飯，附近好多食肆都已經準備關門，但係好彩見到呢一間米線店仲開，所以就入去食我嘅late dinner，本身有諗過買外賣返屋企食，但係最後都決定坐低慢慢嘆，因為都係即叫即做即食嘅嘢味道最好。睇咗一輪menu發現其實佢都有好多好多唔同嘅選擇，不過最後都叫最簡單嘅招牌豬扒配上海麵，豬扒味道唔錯，雖然係炸嘅，但係炸粉漿好薄，豬扒唔會好韌，好鍾意豬扒上面嘅香蔥同埋花生，配返上海麵，味道不錯。…Read More

今日灣仔會展做嘢，因為港灣茶餐廳太多人所以就去咗隔離嗰間coffee shop，叫咗一個Foccacia同一個Soba Noodle Salad with Chicken，126蚊，兩個味道都唔錯個Foccacia整得幾好食，個麵包做得特別好，本來呢啲地方嘅coffee shop諗住一定係價錢高質素低，不過呢一間另外跌眼鏡，由麵包到輕到蕃茄同菜都真係整得幾好食。呢個Soba清淡啲係一個唔錯嘅選擇，佢入面嘅豆腐粒好好食。…Read More

突如其來的黑雨令我可以享受一個寧靜的早餐時間，上了巴士才發黑雨逗號於是就在yoho town落車，然後就揀咗呢間我好鍾意嘅coffee shop，叫咗煙三文魚牛油果吐司同埋一杯latte，煙三文魚好肥美、牛油果都好靚好熟，咖啡唔使講，因為一向都好有水準。…Read More

其實呢間糖水舖都好似開咗有一兩個月，終於的起心肝入去試下就係因為畀佢門外面呢一個特價甜品吸引咗。雪燕燉椰皇同埋椰汁桃膠燉木瓜，堂食震撼價係28蚊，冇加一，咁抵就梗係要會一會佢啦。先講個雪耳燉椰皇，椰皇size都大，唔會因為特價而揸流灘，入面嘅椰汁燉鮮奶有香有滑，而且雪耳嘅數量比想像中亦都多，我哋有口福了。椰汁桃膠燉木瓜原隻木瓜上，28蚊有咁嘅size絕對超值。入面都有幾多桃膠，一邊食桃膠一邊食木瓜特別覺得滋潤。…Read More

呢間茶餐廳夜晚係有得食烤魚或者雞煲放題嘅，價錢平而食物嘅質素亦都高。一開波就可以揀烤魚或者雞煲，我哋揀咗呢個番茄烤魚，條魚勁大條。食完烤魚同夥記講佢就會幫我哋轉一個湯底打邊爐，都有幾款湯底揀，我哋揀咗豬骨湯底，不過就叫佢走豬骨豬手，因為唔想嘥嘢，其實食咗嗰條魚大半已經飽飽哋。火鍋配料就自己出去攞，衛生企理，款式比想像多，特別係我鍾意嘅貝殼類海產都幾新鮮而且款式都幾多，除咗蜆聖子之外仲竟然有花螺。肉嘅質素都唔錯，牛肉豬肉都係任攞。仲有個熟食區。飲品除咗罐裝汽水之外仲有一啲手沖飲品，另外最強就係二百幾蚊竟然包埋啤酒，仲有雪糕同埋即叫即做棉花糖，假期每人貴20蚊，我哋星期六晚六點幾去食兩個鐘每人250蚊，真係抵得誇張。…Read More

見到恆香兩個字於視乎就八八掛掛入去食下嘢，冇食到老婆餅皮蛋酥嗰啲恆香經典，反而要做一個極為邪惡嘅菠蘿油。佢個菠蘿油又真係唔錯，最基本嘅溫度都真係做得到，牛油夠厚身，夾喺菠蘿包中間拎到埋嚟嘅時候有少少溶，雖然邪惡但係非常值得。…Read More

一坐低就有一份麵包。配上餐湯，可惜餐湯唔夠熱。因為我哋有4個人所以梗係揀咗4送1的優惠，真係勁抵，頭盤揀咗生牛肉他他、雜菜沙律同阿根廷自家製餡餃，個生牛肉他他好正，記住揀。個main就揀咗加錢嘅肉眼、里脊同西冷扒，再加個燒雞，4樣都好好食，真係物超所值，就算無4送1嘅餐都超抵。3款扒之中我自己最鍾意肉眼，第二係西冷，其實里脊都好食嘅，不過只係有比較之下就有高低之分。個燒雞其實都幾好食，肉質都幾嫩滑。配菜就揀咗薯蓉、西蘭花同埋燴蘑菇，其實都有揀薯條不過openrice只可以post 12幅相所以post唔出嚟。呢度嘅甜品都幾正，真心物超所值。…Read More

呢度啲早餐勁大份，而且食物質素都ok。羅宋湯底嘅通心粉竟然真係有雜菜，坊間少見，可以選配雞絲或者牛肉，今次揀咗雞絲，肉質都ok。沙爹牛肉通心粉啲牛肉都幾大片唔會碎濕濕，兩碗粉都係勁大碗，可能係平時食開嗰啲連鎖快餐店嘅double size。連埋煎雙蛋加多士，每人都係四十幾蚊，超抵食。…Read More

呢間真係一間好正宗嘅印度餐廳，好彩侍應姐姐係識講少少中文，咁樣我哋嗌嘢食先至方便啲，主要係見到隔離枱有一碟嘢好特別好想試。就係呢一個，成個好似巨型煎堆咁，原來佢個名叫做Chole Bhature，中文名就係鷹嘴豆咖哩配炸餅，感覺上好似上海嘢嗰啲叉子燒餅咁樣，搣開個炸餅然後將啲鷹嘴豆咖哩放入去一齊食，炸餅同埋啲鷹嘴豆咖哩都好好食。我哋仲叫咗一個雜菜沙律，啲菜都幾新鮮。佢仲有一個叫momo嘅尼泊爾餃子，入面嘅餡係雞肉，呢個都好好食，特別鍾意個餃皮，唔會好厚又唔會成劈嘢。飲品我哋叫左芒果印度奶昔，小。甜小冰之後個甜到啱啱好…Read More

呢間新開嘅燒味店主打係叉燒，經常排長龍，好似開咗差唔多半年但係都未有機會試到，今日朋友買外賣，所以終於有機會試到佢嘅燒味。佢啲叉燒主要有三個唔同部位，佢啲叉燒係偏肥同埋偏林，如果鍾意入口即溶唔使點趙嗰種叉燒嘅朋友就真係要試一試佢。三款嚟講我比較鍾意豬頸肉嗰一款，因為我自己鍾意比較有質感嘅叉燒，所以三款之中就只有豬頸肉做嘅叉燒比較接近我鍾意嘅口感，但係其實都係偏林。另外仲叫咗豉油雞，同叉燒一樣都幾好味，雖然唔係話非常出眾，不過我叫做問有所值，咁嘅價錢咁嘅質素絕對收貨。…Read More

喺內地飲過有黃皮嘅飲品覺得好正，今日經過呢間飲品店又見到佢有黃皮，加上天氣好鬼熱，所以忍唔住要買嚟試下消吓暑。我問店長有乜嘢有黃皮嘅飲品推介，佢就建議我試下黃皮金蛋檸檬茶，同埋荔枝黃皮特飲，我問佢跟彈其實係啲乜嘢，佢話原來就係一啲優質嘅黃皮嗰個勁啲嘅名咁解，原先想走冰，但係原來只可以少冰。呢杯黃皮金蛋入面真係好多黃皮，佢係連皮盅爛然後要嚟沖嘢飲嘅，啲黃皮一啲都唔酸喎。至於呢杯荔枝黃皮特飲就選擇走甜，佢本身嗰啲荔枝蒟蒻都有少少甜味，所以店長都提咗我呢杯嘢就算走甜都係會有少少甜味嘅。兩杯都幾好飲，啱曬熱辣辣嘅夏天。…Read More

招牌蝦多士，真材實料，隻蝦同埋啲蝦膠真係新鮮彈牙，冇油益味，好好食，件蝦多士非常大件，建議可以兩個人share一件，否則淨係食呢個蝦多士已經飽曬，食唔落其他嘢就嘥咗。花甲娃娃菜係使英姐姐介紹我哋試下，花甲新鮮清甜，配住娃娃菜滾埋個湯，有得食有得飲，娃娃菜好入味。姑且叫呢個做冬瓜盅，因為其實佢有個好靚嘅名，不過因為掛住食所以已經唔記得咗，呢個冬瓜盅係訂位嗰陣時候老闆叫我哋要訂埋試下，果然冇介紹錯，淨係睇個賣相都已經值回票價，好似一個巨型羅拔臣啫哩咁樣，冬瓜青甜，中間讓咗蛋白蟹肉香菇等等嘅材料令到成個餸更加鮮味。最後呢個都好正，就係聖子王煎米粉底，聖子王一人一隻，55蚊一隻又唔貴喎，佢個米粉底煎得好好，少少燶又夠乾身又夠脆口，落返豉椒爆返香，好掂。…Read More

本來諗住食漢堡包，但係見到有呢一個別注滷肉飯，仲要係同太安樓嘅一間好正嘅台灣飲料店cross over，梗係要叫嚟試下啦。88蚊，有一碗滷肉飯，飯入面打埋隻溫泉蛋，再加一碗花之丸同魚蛋嘅湯，性價比極高。首先講個滷肉飯啲滷肉，感覺幾新鮮，而且非常香，食嘅時候除咗肉碎之外，仲食到應該係切碎咗嘅豬皮，當然豬嘅脂肪點都有少少嘅，難怪碗飯咁香，配嗰隻溫泉蛋撈雲嚟食超級滋味。至於嗰碗花之丸魚蛋湯配住上，好有台灣便當嘅感覺，而且碗湯畀台灣食到嘅便當嘅湯嚟得大碗，呢一個set果然有料到，應該要配埋嗰間台灣飲料店嘅台式飲料就perfect。…Read More

呢間喺大埔街市熟食中心嘅點心檔最出名就係食排骨飯，所以一坐低唔理三七二十一即刻嗌咗個排骨飯先，佢嘅排骨飯味道唔錯，不過又唔係外間講到咁犀利。鹹水角都可以逐件逐件嗌，不過我會建議大家唔使試呢一個，因為雖然佢擺喺個保溫櫃入面，但係都係凍嘅，所以大家唔使嘥quota試。鴨腳扎味道還可以，亦都係未算非常精彩。魚翅餃味道都ok，餡料都算新鮮，而且依家出面好少有得食。山竹牛肉反而係幾樣點心之中相對好食嘅，其實本來係想嗌乾蒸牛肉，不過因為賣曬所以我哋就轉為食山竹牛肉。…Read More

今日幫襯咗一間非常有誠意嘅茶餐廳，估唔到下午茶餐嘅炒粉麵都可以炒得咁好，連埋凍飲$49，CP值極高。呢碟星洲炒米係下午茶餐時段嘅出品，熱辣辣，真係即叫即炒，米粉炒得夠乾身，咖哩粉又香，佢入面啲蝦仁都幾大粒，不過可惜係冇味嘅，呢個接受到，間間茶餐廳都係咁，49蚊冇要求啦。餐飲叫咗杯凍奶茶少甜少冰，杯嘢嘅size又唔會特別細喎，味道ok，而且真係有少甜少冰，唔係講一套做一套。呢間嘢位置比較偏僻，難得水準出色。…Read More