joeyeung's Profile

<<韓式前菜>>共五款: 韓式泡菜,  涼拌豆芽, 涼拌海帶芽,涼拌蓮藕同大根.個人最鍾意大根,  夠入味, 又無渣!  <<熊仔漢堡包柑桔梳打>>遇溺熊仔嘅造型, 加埋漢堡包糖, 令到成杯加哂分. <<波子乳酸汽水之棉花雲朵>>顏色好靚, 仲有一片片嘅糖仔響棉花糖上面, 又睇得又飲得. <<時令海膽>>見佢海膽做緊半價, 即刻點左一板. 海膽新鮮, 顏色鮮黃, 入口帶微鹹嘅海水味.用手捲落紫菜包嚟食, 仲好食. <<四味五花肉>>上枱好形好睇得, 肥瘦好均勻.店員教埋我哋先燒比較淡味嘅先, 仲要用細火, 要有耐性. 燒靚兩面後, 要再剪細燒哂六面.加埋泡菜,蒜片, 烤汁; 再用生菜包嚟食. <<原條厚切牛舌>>大大碟牛舌!入口好有牛味, 口感彈牙爽口,  唔點醬汁都已經好好食! …Read More

中同生日, 就佢去咗佢公司附近食潮州菜.又唔錯喎.<<滷水鵝>>連骨嘅肉最好味, 識食當然食有骨.份量十足, 賣相唔錯.一上枱就聞到好香嘅滷水醬油味.鵝肉嫩滑, 軟腍而有鵝味.墊底嘅鹵水豆腐都好好食, 滷得夠入味!<<滷水拼盤>>份量十足, 樣樣齊. 起碼食到鵝腸, 豬腩肉, 墨魚片, 豬大腸,  豬耳, 紅腸同芽菜.我自己最鍾意豬腩肉.肥瘦均勻, 送啤酒一流. <<蠔仔肉碎粥>>本來諗住兩個人食一碗仔, 叫做食少少澱粉質.點知上枱係一大碗!!蠔仔大大粒又飽滿, 仲要係勁多.最終係每人三大碗.口感唔錯, 有鮮味. 好食! 另外, 好鍾意佢哋D啤酒夠哂凍, 仲連隻杯都係!!飲下食下, 傾下笑下, 又一餐.價錢唔貴.…Read More

內子生日, 上網揾咗呢間我哋好鍾意嘅日式餐廳.貪佢精緻又好食, 仲要唔太貴. 頭盤揀咗有買一送一嘅生蠔做前菜. <<法國生蠔>>口感不俗, 新鮮可口, CP值高. <<A5宫崎石燒厚切和牛>>一上枱已經散發出炭燒嘅油香, 好 和牛外層帶有一層燒烤痕跡, 形成外層焦脆;肉質肥瘦適中, 入口粉嫩有牛味, 油份澎湃!夾埋炸蒜片嚟提味仲好食!<<朝鮮大醬牛腸鍋>>食料非常豐富: 牛腸, 韮菜, 金菇, 豆腐, 胡蘿蔔, 洋蔥等, 配以醬油味湯底, 清甜帶辣.牛腸入味, 口感Q彈.<<火焰鵝肝A5和牛青蘋果卷>> fusion菜, 最上層係魚子醬, 跟住一塊鵝肝, 和牛片包住青蘋果壽司.味道帶層次, 鵝肝與青蘋果相互融合,口感一流唔太油膩!既有鵝肝油香，又帶點青蘋果香氣.<<藍蝶花佛手柑熊茶 & 紅火龍佛手柑熊茶>> 我哋最鍾意呢度嘅嘢飲, 賣相可愛又吸精.大大舊嘅熊仔冰, 飲到最後仲係到暢泳.入口味道酸酸甜甜.…Read More

星期六出尖沙咀行街, 響門口見到有個<<週末放鬆二人餐>>, 包刺身、卷物、兩款定食同雪糕. 幾抵食, 一於試下!刺身: 分別係三文魚二切、油甘魚二切同八爪魚二切.上枱分量唔錯, 幾有光澤. 三文魚油脂分佈均勻, 味道鮮美.油甘魚口感鮮嫩, 有魚味.八爪魚入口彈牙, 帶嚼勁. 卷物:<<鰻魚牛蒡炸蝦卷>>鰻魚有經過火炙處理, 上枱時已經聞到好香好吸引!鰻魚配上由肉鬆、炸蝦、牛蒡、青瓜嘅卷物. 鰻魚酥香但唔油膩!材料豐富, 味道好夾! <<黑松露忌廉石鍋烏冬配吉列豬扒定食>>湯底好rich, 好有黑松露同忌廉香氣.豬扒大大塊, 炸得好鬆脆.唔會太燶, 入口無油膩感! <<經典三色丼>>鍾意食魚嘅我哋當然要食多d刺身啦!!! 刺身魚包括鰻魚、三文魚同油甘魚.分量唔錯, 同樣好好食.  最大問題係每款得三切, 兩個人分唔勻!! 個雪糕又睇得又食得!!…Read More

倆口子響北角行街, 天氣咁熱, 本來上OR揾下有冇地方可以坐下休息下.就揾到呢間CAFE. 入口附近全是咖啡豆.<<Latte 拿鐵>>賣相幾靚, 拉花似樣, 咖啡味好香. 奶泡打得濃而厚,  奶啡比例唔錯, 入口香滑. 見到隔離枱個PIZZA又香又靚, 引到我哋叫埋主菜.<<意大利辣肉腸PIZZA>>外皮酥脆, 即叫即整夠熱夠香.蕃茄醬底加埋辣肉腸, 同水牛芝士及車打芝士兩款芝士;傳統口味, 經典好食.滿滿的芝士密鋪響PIZZA上. <<黑虎蝦意大利麵>>法式濃汁好香好惹味.手工意大利麵煙煙韌韌, 有蛋香, 口感唔錯. 黑虎蝦伴有蘆筍, 大隻又彈牙! <<Tiramisu Churros>>上枱熱辣辣, 好香.Churros, Tiramisu 同細細杯Expresso分開上.每一啖都可以自己調節比例和份量. 賣相精緻, Churros表面沾滿肉桂糖霜. Churros好脆口, Tiramisu口感細膩滑順. <<House Lemonade 檸檬特飲>>微甜消暑, 解膩開胃.夏天熱辣辣, 啱哂!…Read More

是日約咗個長輩見下面, 佢帶咗我去佢屋企附近飲茶.佢話呢間茶居經濟實惠, 又坐得舒適. 我哋選擇咗近玻璃嘅卡位, 座位的確寬敞闊落, 仲有少少日光照落嚟.茶具幾別緻, 但茶位都只係茶位5蚊一位! <<鹽焗手撕雞腸粉>>估唔到呢D新式FUSION點心都有.腸粉淋上甜醬, 麻醬同芝麻. 雞肉連皮上，配上芝麻, 口感惹味! <<蟹籽燒賣>>賣相唔錯, 上枱仲熱辣辣.一粒一口, 爽口彈牙. <<蔥燒黃金大餅>>外酥脆內鬆軟, 食到淡淡嘅蔥味.<<窩蛋牛肉生滾粥>>大大窩, 白雪雪. 撈起見到牛肉片, 同好靚嘅流心蛋.<<奶皇包>>熱辣辣軟綿綿, 好食. …Read More

其實嚟過好幾次, 包括十個八個嘅舊同學聚會, 三五知己, 兩個傾密偈都試過.有三個重點: 1. 無限時2. 任飲任食3. 抵今晚同個小學同學兩條友嚟傾密偈, 有時間邊食邊影相.吹水最緊要可以任飲, 仲要汽水涼茶都有得揀.ROUND 1 小食包括1. 炸瘋薯條2. 甜蕃薯條3. 唐揚脆炸雞4. 蟹籽沙律5. 酸甜炸大腸6. 鮑汁雞腳雞腳味濃夠腍, 每次都會encore. 大腸熱辣辣, 入囗脆卜卜; 出邊又難揾到好食, 亦係必定encore. ROUND 2 三點刺身包括三文魚, 北寄貝同牡丹蝦.ROUND 3 雞煲好多雞肉, 仲有豬皮, 魷魚, 牛栢葉等材料可加入.味濃夠香, 自己睇火.最重要係, 可以encore, 同再encore. ROUND 4 火鍋是日海鮮拼盤五款包括1. 鮮蝦2. 蠔3. 蜆4. 元貝5. 鱔片未食肉之前, 湯底夠清至食到海鮮嘅鮮甜.牛肉拼盤包括1. 手切牛頸脊2. 潮汕吊龍伴3. 黃喉4. SRF和牛肩胛肉眼芯5. 熊本雪花一口牛仲有其他豬, 牛, 羊肉可以揀.蔬菜bar有一份份少份量嘅樣樣齊, 同時有單一大份可以揀.呢幾粒丸唔好睇小, 每次最多只可以order 10粒.食下呢樣, 食下嗰樣; 抖下又傾下, 飲下又食下.四五個鐘好快過. …Read More

3月份無紅日, 返工咁辛苦, 到星期日一定要好好安排節目.倆口子先響天后食個豐富靚lunch, 再過維園睇花展. 六個前菜包括1. 櫻桃番茄仔水牛芝士沙律配牛油果醬2. 巴馬火腿蜜瓜配火箭菜沙律3. 凱撒沙律配煙肉4. 炸魷魚配墨汁蛋黃醬5. 煙三文魚他他配青瓜6. 是日西湯 - 椰菜花湯炸魷魚熱辣辣, 外脆口內彈牙. 沙律大大碗, 幾新鮮.香脆嘅多士同煙肉，口感一流. 三文魚他他配多士仔一齊食, 椰菜花湯，好飲清新!話哂有三個鐘, 食咗第一輪, 可以先傾吓講吓再encore前菜. 主菜有豬,牛,羊,雞,魚五個選擇.美國安格斯肉眼扒, 份量十足, 可以配齊三款醬.我哋叫咗5成熟,  肉心粉紅, 入口嫩滑有炭香. 紐西蘭羊仔扒燒得好靚, 肉嫩多汁, 有羊味但唔算太羶. …Read More

開關之後, 朋友二人由英返港, 問佢哋想食乜.佢話: 我有三年無食過燒味啦!! 英國唔係無,不過貴都未必好食囉. 最後, 近近哋帶咗佢哋落炯記.<<煙燻燒鵝飯>>皮脆有光澤, 份量OK. 入口肉嫩入味, 食得到名符其實嘅煙燻味!<<脆皮燒腩仔撈麵>>燒腩仔同撈麵分開上枱.撈麵賣相靚仔, 油光滿麵, 有鵝油香味, 麵質彈牙.燒腩仔份量足有一個例.皮脆口, 入口卜卜聲. <<冬菇豬手撈麵>>豬手夠腍味濃, 滿滿膠質口感! 佢哋唔夠喉, 要叫多兩隻食. <鹽焗手撕雞腸粉>>香港街頭FUSION菜, 原來都幾夾.份量都幾大碟, 腸粉淋上甜醬及麻醬, 伴以芝麻.手撕雞有鹹香, 雞絲帶皮伴芝麻.…Read More

睇完恐龍展, 行返過金馬倫道揾食, 見到呢個牌.好彩時間未到七點, walk-in都有位.先叫咗兩杯嘢飲.<<葡萄檸冰>>望見就知解渴, 入口亦清新. 唔錯唔錯!<<北海道士多啤梨牛乳乳酸>>造型唔錯, 材料亦相當豐富.當造嘅日本士多啤梨, 加上口感一流嘅牛乳. 又夾又順滑! <<帶子海膽青瓜卷>>賣相唔錯, 一共有六件.火灸帶子大大隻,  日本海膽亦鮮甜,  青瓜爽脆.<<天婦羅茄子田樂燒>>賣相唔錯, 天婦羅醬汁已經直接搽咗響茄子面.茄子炸到外層酥脆, 肉身軟腍. <<石板A5宮崎和牛厚切>>切片和牛厚身, 以一塊石板上枱, 伴以炸蒜及黃芥末.另外仲有蜜糖牛油同燒汁. 上枱時仲有乾冰嘅白煙, 陣容強勁.和牛油脂分布均勻, 入口即溶, 牛味濃郁. 仲要特價中.<<鐵板照燒三文魚頭>>魚頭好滑, 好夠味.大大件煮得夠腍但又唔會散哂.蘿蔔冬菇入味夠腍, 吸收哂d精華.…Read More

上網睇到呢間餐廳好多人上來打卡食飯, 當然要book枱親身上來試下.一入餐廳就好似入咗藝術館, 環境同擺設都好有藝術氣息，連餐墊都好似幅畫咁! 睇下menu, 又唔算貴喎. 倆口子就叫咗兩個餐share食.行政套餐頭盤: 煙肉沙律沙律菜夠新鮮，食落清新開胃。餐湯:  98%野菌忌廉湯口感順滑, 有濃郁嘅蘑菇香氣襯埋夠熱嘅餐包主菜: 莫蕯里拉芝士焗龍蝦意大利粉 伴車厘茄忌廉汁龍蝦半隻, 外層香脆, 蝦肉爽彈. 意粉吸收哂龍蝦汁同忌廉汁嘅精華.是日甜品: 士多啤梨慕絲香滑細綿,  連隻碟都靚d.仲有餐飲精選午餐餐湯:  羅宋湯入口酸甜, 足料夠味.同樣跟有熱辣辣嘅餐包.主菜: 西冷牛扒沙律牛扒有炭燒味, 沙律加上柚子醋後無哂油膩感.牛扒色澤粉紅, 口感一流.同樣有是日甜品及餐飲.呢間餐廳唔單止食物有水準, 仲有好多少有嘅影相位, 包括真係坐得嘅鞦韆, 同真係打得嘅美式桌球枱.店員態度好好, 不時為我哋加水外, 仲幫我哋兩個影相.…Read More

同個老友食飯就佢, 約響佢公司樓下食.由佢隨心揀咗"隨心".Lunchtime當然勁爆, 晚市仲有一家大細, OT客, 連佢D鬼佬上司都經常落嚟食.<<貴州酸湯魚>>一上枱, 酸微微嘅香氣已經令人流口水.份量十足, 除咗魚片, 仲有蕃茄, 青瓜, 菇同寬薯粉.上面仲有D蔥花.湯底鮮香濃郁.因為有蕃茄, 酸辣而帶甜, 唔係死辣. 大大片魚仍能保持嫩滑兼食到鮮味, 沒有被酸湯淹蓋.寬薯粉煙煙韌韌, 仲好掛湯.<<荔枝灣咕嚕肉>>咕嚕肉配以菠蘿, 洋蔥, 三色椒同荔枝.酸酸甜甜好開胃! 咕嚕肉炸得脆卜卜, 外酥內軟.每件梅頭肉都掛滿醬汁! <<福建炒米粉>>炒得夠乾身, 香噴噴.材料豐富, 即炒熱辣辣.食飽仲可以沿鰂魚涌公園行路返屋企, 當消化下. …Read More

之前上網見過人哋介紹, 亦曾經想walk-in不過失敗, 今次訂定位終於食到.二話不說叫咗杯<<蜜桃烏龍熊茶>>真係好可愛呀!!熊仔造型嘅烏龍茶冰粒, 響烏龍茶面浮浮沉沉.入口有烏龍茶嘅清新純和, 加少少花嘅幽香.另外叫咗杯<<北海道士多啤梨牛乳乳酸>>造型都唔錯, 材料亦相當豐富.當造嘅日本士多啤梨, 加上口感一流嘅牛乳.仲食到細細粒嘅棉花糖, 同切細嘅士多啤梨肉.  層次唔錯!!<<海產細味六杯蠔>>新鮮嘅廣島蠔分別配上雞尾酒醬汁, 泰式醬汁同日式酸汁.幻彩閃燈不斷閃呀閃, 非常吸引!一杯一隻生蠔，入口清新鮮甜.<<廚師發辦壽司(八貫)>>新鮮魚生配上細細粒壽司飯, 鮮甜美味!!連魚籽都好清甜.串燒整體燒得恰到好處, 香口得來唔會太燶.<<厚切豬頸肉>>口感十分軟腍，配埋醬汁真係好惹味!<<雞股>>甘香酥脆, 無騷味.<<豚肉包雞髀菇>>肉質肥厚, 口感彈牙.<<明太子雞腿肉>>雞髀肉嫩滑多汁.<<免治雞肉棒>>沾埋日本生雞蛋同日式醬汁食, 口感更加嫩滑!…Read More

響灣仔揾飯食, 見到樓下嘅廣告介紹, 打個電話上去即場有位, 就上去睇下!雖然無訂位, 被安排嘅枱都舒適.仲好好服務, 畀多張櫈我哋放嘢. <<招牌杏汁燉白肺湯>>凍凍哋先飲返碗靚湯.顏色好似樣, 入口香濃幼滑!<特式冰鎮鮑魚配燒汁芥辣醬>>   只叫兩隻都可以, 啱哂我哋兩口子想食多款餸! 伴碟嘅係混有wasabi, 日本醬油同鮑魚汁!裙邊粗而且肉夠肥厚!!<<鑲鑽黃金蝦>> 擺碟靚之餘, 兩隻蝦勁大隻!炸到脆卜卜!! 一邊食到鹹香嘅蛋黃粒，一邊食到啖啖肉嘅蝦球.<<蜜餞藕盞煎金蠔>>   金蠔兩面都煎到金黃色, 好香口.金蠔肥美多汁啖啖肉!<<蝦子扣柚皮>>出面愈來愈難揾到嘅功夫菜.湯汁清香夠竭身. 柚皮煮到好似海綿質感, 入口不但無苦澀味, 仲食到蝦子嘅鹹香味!! <<生炒臘味糯米飯>>呢個係我響冬天好鍾意食嘅另一款麻煩心機菜式. 材料非常豐富, 我食到起碼有臘腸, 臘肉,蝦米, 瑤柱, 冬菇, 蛋絲, 蔥粒等等!惹味又飽肚!! <<紅豆粥>>送嘅甜品, 材料豐富, 仲多過八寶粥.…Read More

上網見到FB訂位有半價, 又BOOK到位, 當然要試下.我哋揀咗個"雨餐"嘅放題餐: 120分鐘內, 有一塊A5和牛西冷, 加上可以任飲任食放題MENU(包括雪, 雲 ,霞套餐)內所有飲品食品!!最先上枱嘅係A4嘅岩手和牛三角腩, 肩胛肉, 肉眼蓋肉, 五花腩燒肉同香蔥薄切和牛.齋睇已經好吸引! 色澤嫩紅, 雪花分佈好靚好均勻!!快快手燒好肩胛肉, 沾上少少生熟蒜.一入口, 不但夠香口, 而且牛味好濃郁!!薄切和牛基本上一放上爐就可以轉.可以食多幾塊!!試下最令人期待嘅A5和牛西冷.油花好靚, 肉質柔軟, 入口即時食到油脂香!! 除咗有和牛, 仲有包括鮑魚!! 另外仲有味淋魚干, 比目魚西京燒等等.鮑魚幾大隻, 幾飽滿!魚干煙煙韌韌; 比目魚有鮮味.最後, 甜品仲有Haagen daz 任食!!超級滿足!!…Read More