hoverdamn's Profile

行過元州街，肚餓想食下午茶，見到呢間麻辣湯、重慶食品麵店，呢個時勢，入面仲有7成滿座，感覺吾會錯，一定有好嘢食。因為喜歡食辣，所以餐牌上所有嘢都想食，最後點左個黃金皮蛋、麻辣豬大腸麵。上餐時間都算快，皮蛋顏色好金黃，好爽、甜，配上麻辣汁，好味。豬大腸麵，麵質好彈牙，口感好好，有種手拉蘭州拉麵既感覺。配上麻辣湯係堅好味，而且辣度剛剛好。豬大腸都算好味，但比起啲車仔麵檔嘅大腸，略嫌浸得未夠火候。最後老細見我食到成身汗，送咗碗甜品比我解下辣。臨走見到有個肥佬叫左碗麻辣豬手麵，啲豬手樣貌身材都好吸晴，應該好好味，下次試完再寫。…Read More

啲食評講到好正宗，山長水遠去食，佢黃吾黃吾關我事，因為我都微黃，但內部裝飾就令人吾太開胃，食品水平真係好差，我點左個肉骨茶，辣死你阿媽，肉骨茶湯無味又吾熱，肉就更加吾好提，霉骨梅菜，辣死你媽無椰香味，根本同白飯無分別，我食左一半就放棄，老實講，同捌哥真係差好遠，我只能夠講呢間店，吾識馬拉菜既人，都可能話佢ok啦，好似我呢啲識少少既，都只能夠用一個字-伏，或中伏。盲撐已成習慣，但真係吾好咁過份，我建議如果真心想食馬啦菜，切勿來。如果想盲撐，值得一來。…Read More