Hearthsoul's Profile

上網搵左一段時間，亦都去一些實體店問有沒無蛋（蛋糕），之後搵到大西洋餅店。好耐無食蛋糕關係（小弟對蛋，奶過敏），而有機會試無蛋奶傳統港式蛋糕，晚上打過去訂蛋糕，店員好有心機咁解釋做法，訂左個黑森林雜果無蛋奶cake，豆味香濃，唔知是味有豆味襯托，顯得cream十分香，水果也很FRESH，過了一個很感動亦很美味的生日。謝謝。…Read More

今日睇戲路過荃灣，見場戲就上又餓餓地咁就響荃豐呢幾個商場搵下野食，之後荃豐再過幾個商場見到呢間小店，其實都唔係第一次黎食，不過唔同既係今次食下午茶。下午茶唔想食太飽叫左個兩餸車仔麵，五香肉丁，腐皮卷河粉，用手寫單方式，唔洗聽唔咸唔淡廣東話，老闆友善。腐皮卷一d都唔腐皮，店主採用舊式茶記五香肉丁，加埋自家制腩汁，淡淡都好滿足。仲有個自家制辣椒油，不過個人偏向只接受微辣，無放太多。裝修格局唔似一般米線店，比較偏向日式格調配上港式車仔麵，成個感覺唔同晒，而且會有輕量既音樂，對坐都方便傾計又唔怕太嘈！總結：26蚊兩餸車仔麵，下午茶送豆漿，都算抵食，份量足夠，想食小d就叫幼麵，食飽點就叫粗麵。睇到呢個位可能你會諗除左裝修之外仲有咩特別？ 而且荃灣咁多米線車仔麵店？答案咪就係食「自家制」同有「人情味」。…Read More

晚上九點同朋友路過女人街，見到寫住創意料理，潦潦地既英文名，加埋裝修好似幾特別咁就無睇食評就入去等，望一望響收銀部侍應A沒反應，明明不是在收錢（？），咁就主動同響比較入既侍應B打手勢，之後坐低侍應B放低餐牌然後行開，當我想囉起餐牌既時候聽到左邊又突然侍應A用比較大聲同粗獷既女人聲加上用"命令式口音"話：你2個人，食2人餐啦。 果一刻我朋友答: 我地睇下先(心諗我連餐牌都未睇）（黑人問號上身），之後佢又走番去收銀。睇完餐牌就同侍應B點左晚市套餐"炸雞讚岐湯烏冬，而朋友就點左牛肉讚岐湯烏冬，因為我地坐比較入近廚房（八至十步之遙）之後聽到叮一聲，侍應B行過去囉餐，忽然聽到廚房有把男人聲爆粗，唔知係埋怨定點一句說話夾雜左三次問候別人娘親，心諗間餐廳咁靜好多客都聽得清楚（？）之後上完野飲再上烏冬，份量比較偏少，不過大讚湯底唔差，烏冬唔太硬，又唔會煮軟左，剩係呢到已經優勝過好多連鎖日式麵店，炸雞有四件，鬆軟而不太油膩。進食期間聽到另一對食客西人夫婦（鬼佬）想去toilet, 咁我望一望侍應A好有耐性同細細聲咁用英文同矩講解turn right and go straight。食左大半個餐，我朋友食野比較快，而我就用筷子夾埋最後一舊炸雞（細雞翼連尖），忽然間左邊又出現一把女聲講左句"食完啦麻"，侍應A就一次過收晒我朋友既餐，連埋我個炸雞碗，我心諗（我同朋友都未答你食完未）又自把自為？  之後awkward位就出現，筷子夾住一件雞翼，碗入面仲有1/3烏冬，如果食完件雞都唔知放邊好（？）之後當我食完，侍應A又黎啦，極速收埋我個餐走去廳房，我呆左望住佢，佢仲對住個廚房講： 無錢食完快D埋單送你走sin。我望一望其他食客，望一望個錶，晚上九時35分，入座率只有5-6成，有必要這樣做嗎？侍應A咁多出位行為，又要單單打打話人無錢，無錢買樓我成日聽，無錢食飯都有？九十年代？響呢個位things go bad, 但又唔想咁ugly,咁就拿拿淋行出去埋單（太急無影單） 2個套餐連野飲加一$117, 咁岩頭先果對西人夫婦又埋緊單，見侍應A好好態度咁遞個找續比佢又用溫柔聲講：Thank you so much。 然後我打開銀包，諗都無諗抽張$500連單遞比佢。總結：今次無睇食評walk-in, 優點食物唔差，猶其是湯底，價錢亦可以接受，缺點份量比較少，有加一，不過如果接受唔到worse than澳牛既服務態度真係要三思。P.s 二人餐不是這樣sell的#茶記服務#金玉其外敗絮其中…Read More

眼見98%人都係比好評同ok, 小弟去左試呢間野， 星期六既晚上路過入去試食，入面無咩客， 咁抱住試新餐廳心態。整間店好似takeaway shop咁， 但比較亂，椅子隨便放， 之後簡左面牆（其實還有中間一小桌，但是對正出入口和兩部冷氣）既位坐， 發覺桌子下面塞滿貨， 掃視一下發覺整間店面牆位塞滿貨）雙腿無法申至桌子下，加上呢間店只有高倚子，彎著腰吃飯，響我望住三個店員聽完有人點餐都沒什麼反應，用電話再等四分鐘左右（出餐突然幾快）之後聽到店員叫餐號（因為間店開好大聲歌，咁我望一望佢， 再confirm個餐號係咪我手上果張， 之後店員好大聲講左句：係你呀。 咁我心諗點解要叫餐號？之後呢間店細細地，裝修唔錯， 但有兩部大冷氣，基本上吹住整個用餐範圍，避無可避，而且這店是開放式廚房，咁諗住快手食完就走， 叫左個雞批飯同三串滷味，雞批味道同口質唔錯，但即使有滷水汗覆蓋情況下飯有點涼，響一口雞批一口飯既時間下， 我再試下3串滷味，但滷味從我在店員手上暖的時間拿開，到我第一口放進口已吹漸涼，味道欠奉。Ps 響咁樣既情況下吃飯我只知道我在吃較涼/漸涼既雞批飯和三串滷味。每一口味道不同，而且我只能彎著腰或手持整盒飯吃。Conclusion總結： 開放式廚房，夏天開大冷氣直吹用餐位置。播歌大聲，店內溝通困難，店員禮貌欠奉。店內食飯桌下塞滿貨物，基本上在雙腳不能申到桌子下的情況下，彎著腰或手持飯盒吃飯。人流不足時店家處理食物較隨意。長用電話。第一次寫劣評，已盡量解釋店鋪情況，多多包涵。…Read More