cheap_ching's Profile

今日放假，同老公同仔仔去咗一間好舒服嘅餐廳食lunch，環境又靚又乾淨，坐得舒服，大人細路都食得好開心！ 首先講吓個BBQ醬手撕豬肉菠蘿奶油漢堡，真係好正！手撕豬肉夠晒入味，BBQ醬甜甜哋，加埋菠蘿嘅清新同奶油嘅香滑，個包又鬆軟，食落juicy得嚟又唔膩。配埋脆卜卜嘅薯條，仔仔食到舔舔脷，仲搶住食我哋嗰份！ 老公叫咗個英式早午餐，份量十足！有炒蛋、煙肉、香腸、烤蕃茄同多士，樣樣都煮得啱啱好，炒蛋滑溜，煙肉香脆，老公大讚夠晒經典，食得好滿足。 我自己就揀咗個牛油果香芒烤雞沙律配日式胡麻醬，健康得嚟又好味！烤雞嫩滑，牛油果同芒果夠晒fresh，加埋爽脆嘅沙律菜同香濃嘅胡麻醬，開胃又唔會太heavy，啱晒想食得輕盈啲嘅我。 飲品方面，老公嘅熱奶泡咖啡香濃順滑，我就試咗杯**冰梨無花果白桃烏龍芝士奶蓋**，個名已經好吸引！飲落有淡淡嘅白桃同烏龍茶香，芝士奶蓋濃郁但唔會太膩，仲有少少梨同無花果嘅清甜，好有層次，大推！ 總括嚟講，今餐真係食得好滿足，食物質素高，環境又舒服，服務都唔錯。仔仔話下次仲要再嚟食漢堡，老公就睇中咗其他主菜想試，睇嚟好快會再encore！ …Read More

朋友住黃埔，話說佢屋企附近開左間韓式海鮮火鍋專門店，主打多層海鮮塔😝而且最正既係佢有半自助餐，除左可以自選海鮮塔外，仲可以任食多款韓式料理，包括炸雞、醬油蝦、海鮮泡菜煎餅、魚糕串及韓式炒年糕等等最鍾意食佢呢個炸雞，外脆內軟😋由於係即炸，所以一出爐會响鐘先，咁啲人就可以出去排隊攞啦！另外甜品同飲品都係任食任飲，岩晒我呢啲有選擇恐懼症既人😂咩都可以食啲咩我地今次揀咗十重海鮮塔😌先嚟有泡菜煎餅，即叫即煎，上枱時仲係熱辣辣，咬落入面勁多泡菜，正食完前菜就戲肉啦😽每一層都放左唔同既食物，而且佢包含既海鮮非常多😌有龍躉指天翅、龍蝦、鮑魚、海蝦、象拔蚌、元貝、肥牛等！全部即蒸，鮮味十足😎我地食得好滿足！後記：其實餐廳另外仲有韓服可以試穿，如果有興趣既，可以玩埋！ …Read More

荃灣又有新餐廳啦❗️今次呢間係走日系muji風路線，簡潔得嚟，又好有家既感覺😆而且佢最正係榻榻米房❤️可以除埋鞋食，感覺勁free😌同埋餐廳既員工個個都好nice, 好好笑容，加分👍🏻我就叫咗呢個鰻魚滑蛋定食，有齊麵豉湯、沙律、飯、同埋主角鰻魚滑蛋，都幾多野食🥳鰻魚肥美得嚟，仲要無激素，夠健康😆配埋用日本蛋做出嚟既滑蛋，送飯一流👍🏻如果唔想食飯，呢到仲有All Day Breakfast 揀😌分左#和式 #洋式 #素食 三款，都幾貼心❤️今次我就揀咗洋式，最鍾意佢個#黑松露芝士味噌炒蛋 😍一上枱已經聞到濃濃既黑松露味，而且蛋入面混咗啲芝士同味噌，食起嚟口感層次都更加豐富，配埋我最鍾意既#酸種包 ❤️正另外，呢到既咖啡好好飲！叫左一杯Mocha 同 一杯Green Tea Latte, 兩杯都無令人失望而且足到仲有身童餐，啱晒一家大細過嚟食呀❤️…Read More

如果要係將軍澳區食台式野，我覺得呢間桂花小幸都算食得過🙈🦀地獄三盛牛肉麵$71一碗有齊牛腱、牛腩同牛丸，個麵唔錯，軟硬度適中，而且佢都真係幾辣🔥唔食得辣既要留意啦🦀鹽酥雞扒滷肉飯$58滷肉入面肥肉唔算太多，啱我😎雞扒炸得香脆，整體合格最後再叫咗個手拍青瓜同炸花枝丸，前者味道清新，食落爽脆，作為前菜唔錯！之於後者，花枝丸不嬲都係我最愛大大粒之餘，食落外脆內軟，送飯送麵都唔錯，難怪咁多人會落嚟呢到食🥰…Read More

餐廳係聯和墟嚟講，都算幾大，成日都有好多街坊客棒場，生意唔錯，我地平日6點幾去，都坐爆左7-8成！今次我叫左個胡椒豬肚雞米線$43！湯底胡椒味好出，食落微辣得嚟，仲超級暖胃🔥之於豬肚就非常爽口，唔錯！另外仲叫咗個招牌三寶$35，沙薑雞腳 都幾抵讚，軟腍入味☺️仲有雞潤同雞腎其實都唔錯，以現場所見，都幾多人叫！最後想健康啲，所以再叫多個生菜，哈哈！新鮮得嚟，份量都幾大，總括嚟講，呢間餐廳性價比高，值得再嚟…Read More

朋友介紹話呢度燒肉係好高質，所以一於嚟試吓座位都算闊落，裝修簡潔得嚟又帶有日式嘅感覺，唔錯❤️呢到係直接用iPad落單，除咗環保之外，仲可以圖文並茂而且唔知係咪因為咁，所以上菜速度我都覺得比平時嘅燒肉店快好多 朋友鍾意佢個任食刺身，重點係質素唔錯呀嘛😆肉嘅種類都超級多，肉味濃之餘又唔會韌，堅好食唔鍾意食咁多肉嘅，呢到仲有帶子呀，甲羅燒呢啲海鮮，真係唔怕無野食最後係佢仲有一大堆熟食，好似雞翼壽司等等，以呢個價錢嚟價，性價比超高…Read More

唔係朋友介紹，都唔知道呢度有間有咁多嘢食嘅餐廳餐廳嘅食客有接近一半都係印度人，證明呢啲印度菜應該都幾正宗😌首先我哋叫咗個peproni pizza $138，餡料份量夠晒多，而且芝士濃郁，口感唔錯👍🏻另外仲叫左個tandoori chicken $140，最鍾意佢哋個鐵板，上枱嘅時間仲係滋滋聲架😂食起嚟熱辣辣咁，正😎另外加埋少少檸檬汁飲一齊食，更加帶出佢哋嘅鮮味埋單嘅時候，侍應仲送左呢杯甜甜地嘅酒我地飲，夠晒窩心…Read More

比起炸雞，我更加鍾意烤雞嚟左好幾次， 每次都冇令我失望，係香港都算難得今次叫咗個蜜糖咖喱烤雞$198，識落外脆內軟之餘，仲好有雞味而且蜜糖同咖喱嘅味道好夾，惹味得來又帶啲甜味，好開胃如果嫌唔夠重口味佢另外仲會比多個醬你，都幾甜心！另外齋食雞可能會比較單調，所以我哋仲叫咗個凱撒沙律$108，沙律菜夠新鮮，食落清新健康，唔錯最後點少得我每次嚟都必叫嘅AppleCider沙冰飲落真係透心涼，而且佢仲加咗啲檸檬喺入邊，飲起嚟有淡淡的檸檬香味，係烤雞嘅最佳配搭…Read More

早係三個月前，我已經想來呢度食㗎啦！但當前一日打嚟訂枱時，話成晚都Full Booking，所以嗰次就無去到...今次醒啦！早幾日打定電話嚟訂枱，終於可以食到啦餐廳裝修以大自然風格為主，好有森林嘅感覺雖然地方唔大但環境舒適，唔錯食物以西餐為主，最有趣嘅係老闆會幫啲菜式改啲好有趣嘅名好似我呢款主菜就叫「慢落豬」，其實就係慢煮西班牙黑毛豬串燒配甜番薯條$268創意度十足番薯條即叫即炸，食落香脆又可口，點埋少少番茄醬一齊食，正之於豬肉串，不愧係黑毛豬，食落肉味濃郁兼且唔會韌配埋三色椒一齊食，除咗賣相靚之外，口感亦都更加豐富之後係黑松露野菌扁意粉$138 ，意粉軟硬度適中，而且黑松露超級多，每一啖都食到濃濃嘅黑松露味，我同朋友都好滿意之後再叫咗個甜品，西西里檸檬向日葵$118！食落清新唔太甜，而且賣相超級靚為成餐飯畫咗個完美嘅句號…Read More

同朋友剛巧來到D2Place，正為晚餐而煩惱時，我地發現到有一間西式餐廳做緊晚市優惠，所有食品六點後都會有半價既優惠。既然我地對晚餐毫無頭緒，而驟眼睇呢到既環境都唔錯，所以我地就決定到呢到醫肚。一入到去就發現到有一部好似舊式火車咁既機，應該就係呢間餐廳既打卡位。再向前行就見到有雪糕櫃，五顏六色既雪糕呈現係我地既眼前，真係好邪惡又好吸引啊!仲有得自助為雪糕加配料，不過理知令我地把持住左，都係食左咸點先。坐定定就望望個menu，半價後真係幾吸引!好多唔同既菜式都想一試，但基於今次只有我同朋友兩把口，為免做大晒鬼，都係要量力以為，所以我地就叫左沙律、小食、小菜各一份，一齊share。 先講講個蟹肉牛油果沙律，呢個沙律會比較少見，係蟹肉既旁邊圍滿左西式香料既菜葉，味道都配合既。牛油果同蟹肉係混合埋一齊而份量都幾多，整道菜都不俗，為我地既晚餐開左個靚頭。然後就試一試小食，我地叫左烤波特菇，岩岩好有兩粒，我同朋友可以平均分配。烤菇上面係有芝士同埋煙肉碎，經過燒烤既芝士以半溶化既既狀態鋪係菇上面，而經過燒烤既菇將菇汁既精華鎖緊晒，口感豐富而且味道濃郁，推介!!接下落黎就係主菜，就係大蝦帶子露筍墨汁意粉。大蝦係煎過既，比較香口。而佢所用既唔係平時幼身既意粉，而加比平時肩意粉更粗身既，有少少似河粉咁，佢既掛汁程度會比較好。意粉比較乾身，醬汁係掛滿晒係每條意粉，但就冇多餘既留係碟上。BTW次次食完墨汁意粉都一定要嗽嗽口，否則就會變烏嘴貓。總結既係呢個食物既質素不錯，而環境寬敞既呢一點絕對係加分位，同朋友飯聚一流。…Read More

今天來到將軍澳寶林的榕記吃晚飯，因為想不到吃什麼最好就是來車仔麵店了。想吃什麼就點什麼。雖然這裡地方細細，但裝潢擺設特別有心思，也有無障礙的通道，對輪椅人士親切。燈光亦很有格調。一入去被釣在牆上的單車嚇了一下，然後座下來發現收銀處也是一架手推車仔的樣子。這裡地方也算舒服，沒有很迫的那種感覺。食物方面都是那些東西吧信大家也吃很多了，不過也有些特別的東西例如仿鮑片、貓耳和陳皮魚蛋等。這裡的價錢算是OK的。付比起付近的食市算是很不錯的價錢了。送到上來賣相也不錯，份量還算可以我還試了些小吃有辣味魷魚、車仔麵叫了魚肉春卷, 陳皮魚蛋, 大腸和豬紅配姫松茸蟲草花養生湯。大腸豬紅分開上, 認真細心。湯味道不是很濃很味精那種，剛剛好沒有太濃。辣魷魚我自己覺得不夠辣，不吃得辣的朋友也可以試一下。…Read More

想不到忙碌的深水埗也有可以讓人忙裡偷閒的空間。。。今天和朋友行經北河街那邊，發現有間裝飾簡約的西餐廳，午市有九折送甜點兼免加一，我們都覺得可以一試。餐廳環境很舒適，空間感亦十足。午市套餐亦有不少選擇。先講前菜，忌廉湯幼滑濃郁，我個人很喜歡配搭餐包之類，口感更佳。而餐廳則選用薄餅皮，煙煙韌韌，都頗有特色。而另一款前菜則為凱撒沙律，蔬菜新鮮爽甜，味道清新，用作開胃前菜絕對一流。至於主菜，一份是「香煎鱸魚扒配檸檬杏片沙律油醋汁」，名字真是「夠晒長」，味道又如何呢？我就直接將檸檬汁灑上。鱸魚肉鮮甜嫩滑，雖然是煎魚，但完全沒有油膩感。加上檸汁及油醋汁的酸味，將味道提升至另一層次。而沙律配上杏皮口感也很豐富。而另一份則是「美國肉眼扒配柚子醬」，肉眼扒配上雜菜，賣相不俗。並且剛剛五成熟，不會過熟，無論是筋部份還是肉部份，肉味都很出很濃郁。而柚子醬與肉眼扒這個配搭也很有驚喜，除了味道層次豐富外，還可減低飽滯感。伴碟配菜還有蘿蔔、蕃薯、紫薯、西蘭花等，爽脆香甜，還有柚子皮，極具特色。再來就是甜品，兩款圓圈麵包，看似「冬甩」。一款鋪滿玉桂粉，而另一個就用上朱古力，麵包入口鬆軟，應該是新鮮出爐，而我個人則較喜歡朱古力味。最後兩杯餐飲， MOCHA & LATTE，大滿足。…Read More

好耐冇行過嚟荃灣啦朋友話呢度開咗間上海野都幾好食，所以今日就過嚟試吓啦環境唔錯，樓底比較高，空間感都幾大一坐低，侍應就比咗一盤茶葉我，入面有普洱、鐵觀音、菊花等等！一人一包茶葉，可以各自各揀自己鍾意嘅茶，都幾好另外佢仲一人一茶壺同茶杯，濃淡自己調教，呢下我幾鍾意一打開menu, 已經見到呢個魔鬼天使小籠包$58 好吸引所以就叫嚟試吓啦一籠有四件，兩件魔鬼，兩件天使！魔鬼嗰款就用咗墨魚汁、黑蒜肉、豬肉同埋海膽造成，口感豐富又多汁至於天使就係用咗帶子、豬肉、同埋魚子醬造成，食落矜貴又好味另外我哋仲叫咗個蟲草花醉雞$78 ，雞肉嫩滑，酒味又唔會太濃，味道啱啱好跟住係鍋塔豆腐$72，識落外脆內軟，配埋個味道帶甜嘅醬汁一齊食，開胃有惹味最後我哋再叫咗個山東一口牛肉包$48，一客有5粒，外層金香鬆脆，入面嘅牛肉餡就惹味多叶，加上嘅鐵板上，所以上枱時仲係熱辣辣食咁多埋單都只係$301，抵食又好味！…Read More

[上水] 升級鮮製版🍜醉香雞湯麵————台灣出嘅花雕雞杯麵，我諗好多人都食過😌佢嗰陣酒香，真係會食上癮的😂不過估唔到，係上水呢啲大西北地方，竟然會搵到呢個升級鮮製版嘅#花雕雞麵😚.其實我本來一心諗住食佢隔離間#珍苑麵家 嘅，但點諗到我會咁黑仔...去嗰日，竟然撞埋佢無開...嗰下真係萬念俱灰😞就係呢個時候，無意間見到呢間餐廳晏就三點幾仲好多人食，而且門口又痴咗啲報導介紹，好似唔錯咁😌所以就衝入去試下啦，點知..真心充滿驚喜👍🏻先講個湯底，飲落微甜帶酒香，味道同台灣個花雕雞麵有8成似😂不過呢到唔同嘅，係真係有新鮮雞肉食😌（我嗰碗仲有雞脾同雞翼食添🤭）份量唔少之餘，肉質仲要幾嫩滑！配菜方面就有紅棗同黑木耳，真係補身一流😂埋單$48/碗，以呢個質素嚟講，我覺得真心唔算貴！值得encore 👍🏻————#兩個90後開嘅#辣豉油好食#好快可以成為北區名物#雖然有人話佢喇沙好食#但我覺得佢個醉雞麵更出色#識食一定係食米粉#同元朗爽爽有得揮#粉嶺#上水#北區#醉雞麵#鳳鳴居…Read More

見呢間餐廳成日都鬼咁多人等，今次晚飯時間，咁啱見到有個二人位，可以直入唔駛等所以就即刻衝入去啦！餐廳唔算好大，但就乾淨企理！見到有我最愛嘅柚子沙律$68即刻二話不說，落左單先！唔好講笑，份量都幾多蝦大大隻，食落鮮甜又爽口，配埋啲酸酸甜甜嘅醬汁一齊食，開胃又惹味!之後再叫咗個燒豬頸肉，同樣係大大份！食落爽口，加埋啲辣汁一齊食，正！最後再叫咗份沙嗲串燒$78，一半雞一半牛，沙嗲醬惹味得嚟，又唔會辣！大人細路都啱食食泰國菜又點少得椰青$35哩清甜又多汁，超解渴價錢唔算貴之餘，份量仲要多！抵食！…Read More