cw.foodie.hk's Profile

今日去試咗間喺福佬村道嘅泰國菜館，誇張到同一條街有兩間舖！我想講呢度真係抵食！一睇個Menu，大部分菜式都喺 $100 以下，喺香港地食飯真係好難得有咁高嘅性價比，真係好啱一大班朋友嚟開心Share！ 泰式生蝦刺身生蝦超級新鮮爽甜，配埋個秘製嘅辣汁，嗰種又辣又酸又蒜嘅味道，勁刺激，食完即刻開胃晒 泰式鳳翼釀珍珠呢個菜式好花功夫！成隻雞全翼入面釀滿咗糯米飯！外層燒到雞皮脆卜卜，一咬落去有糯米飯嘅煙韌同香氣，飽肚得嚟又好有泰國特色，小朋友同大朋友都會鍾意 皮蛋蝦餅佢哋唔係普通蝦餅呀，係將原隻皮蛋釀咗入去再炸！蝦餅本身彈牙，配上皮蛋獨有嘅甘香，口感層次超豐富 泰式老虎笑其實就係燒三角牛肩肉，燒到啱啱好，有炭火香，記得要點埋佢個酸辣醬汁 冬蔭功鍋 (小)雖然叫「小」，但個份量真係超級大方，我哋四個人都夠飲！湯底酸辣平衡得好好，香茅、南薑、檸檬葉嘅味道超濃郁，真係飲到停唔到口 泰式椰青焗飯飯粒吸收晒椰漿既味道，入面仲有唔同既海鮮，仲有椰青肉可以刮嚟食，好巨型既飯，好似食唔完咁 泰式馬拉盞椰菜苗鑊氣十足呀！椰菜苗炒到爽脆，馬拉盞蝦醬嗰種鹹香惹味，真係勁送飯 今次試咗幾味招牌菜，朋友們都好滿意，出面仲好少見到有得食， 一定會再幫襯！…Read More

最近發掘到一間超隱世日式小店，專做海膽同海鮮丼，最驚喜係價錢勁貼地！平時一講到海膽丼，閒閒地都兩三百蚊起跳，荷包即刻痛！但呢間嘢，真係做到「平民價，高質素」！我同朋友試咗兩款定食丼，真係冇得輸，仲包埋沙律同麵豉湯海膽海鮮丼：你睇個樣就知，舖頭真係冇手軟！個丼面鋪滿晒赤蝦、帶子、同鮮甜嘅蟹肉，仲有主角海膽！雖然唔係鋪到座山咁高，但份量對得住個價錢，海膽入口即溶，帶子好厚身又鮮甜，撈埋飯同醬油食，超滿足！性價比高到我真係想原地尖叫！海膽魚籽拖羅蓉丼：一啖食晒幼滑嘅拖羅蓉、啵啵聲嘅魚籽，加埋海膽嘅甘甜，口感層次超豐富！用料新鮮係基本，係會食到飯都唔想剩低嗰種！除咗丼飯，佢哋嘅小食都好有驚喜，絕對唔係求其貨色～麵豉蠔肉窩：秋冬天食超啱！麵豉湯底夠哂濃郁，入面嘅蠔肉粒粒飽滿，食落好暖胃又鮮甜。吉列蝦蟹籽卷：吉列蝦外脆內彈牙，蟹籽多到好似唔使錢咁，咬落去嗰種卜卜聲，食得好過癮！如果你同我一樣，想食好西但又唔想荷包大出血，一定要嚟試下新蒲崗呢間「海膽仔」，真係食一次賺一次！下次放假一定要帶多幾個朋友嚟幫襯！…Read More

土瓜灣真係臥虎藏龍！呢間菜館主打嗰種香港快要失傳嘅傳統手工菜，聽到都覺得係時候去尋吓寶啦！ 今次我哋就去試咗佢哋個招牌套餐—「喜滿樓超筍懷舊宴」成個套餐有八道菜，真係食到你捧住個肚走！ 爵士燉湯 (包燉湯版限定)： 未飲已經聞到陣陣香味。用料非常特别，竟然係用日本蜜瓜去燉煮，仲有雞腳、螺頭、金華火腿同豬展，味道十分清甜 客家蓮藕煎肉餅： 肉餅煎得香口，加埋蓮藕粒增加咗脆口嘅口感 黑松露蝦多士 / 鳳尾鮮蝦球 ： 我哋揀咗每樣兩件！餡料真係好飽滿，食到粒粒蝦仁，多士夠哂脆口，仲有淡淡嘅黑松露香，邪惡但係值回票價！ 鎮店芝麻雞： 招牌菜！雞皮用芝麻包住，燒到脆卜卜，咬落去有爆芝麻香，雞肉嫩滑，點埋芝麻醬更惹味 西蘭花炒龍躉： 呢個夠哂鑊氣！龍躉肉厚又滑，西蘭花爽脆，有傳統酒樓小炒嘅水準 錦鹵雲吞： 呢個真係好懷舊！酸酸甜甜嘅醬汁，入面仲有鮮魷、豬潤、蝦仁等配料，撈埋炸到脹卜卜嘅雲吞，酸甜開胃 農家臘味炒飯： 炒飯粒粒分明，臘味香氣十足，夠晒地道風味 家鄉糯米糍： 口感煙煙韌韌，有紅豆同芝麻口味，甜度剛剛好 用 $200 零蚊 就可以食到八道咁有心機、有傳統風味嘅手工菜，真係超值！成餐飯都感受到菜館對傳統風味嘅堅持，絕對唔會令你失望！ $198/位 (唔包燉湯) 或者 $248/位 (包燉湯)，四位起，係星期一至四限定…Read More

🎄 聖誕節想找一個高質又有氣氛的日式餐廳？呢間日式餐廳就啱哂喇，佢哋新推出聖誕雙人午市套餐，有前菜、燒物、壽司、湯品同甜品，絕對是節日慶祝的理想選擇！餐廳坐落於酒店頂層，可以係開揚河景下細味匠心日式料理。簡約日式設計配合柔和燈光，確實係一個高雅又不失溫馨的地方，啱哂各種聚會。✅牛油果沙律清新爽口，為整餐打開味蕾✅海膽天婦羅紫菜脆脆有種外酥內嫩嘅感覺，海膽香氣濃郁，紫菜口感酥脆✅油甘魚鮫魚皮燒得香脆，油香滋味，肉質細嫩。✅德島阿波尾雞燒鳥三重奏分別係肩肉、頸肉、雞腎：雞肩肉鮮嫩多汁，雞頸肉，雞腎夠哂爽口，炭燒香氣撲鼻✅熊本A4黑毛和牛壽司用火炙形式將和牛燒到半熟，入口即化，油脂分佈均勻，和牛仲成隻碟咁大塊，簡直係極致享受✅吞拿魚蓉手卷海苔脆口，魚蓉細滑，食到底都係滿滿嘅料✅鮮蜆味噌湯蜆肉清甜肥美，湯品暖心收尾✅節日精選甜品外觀精緻，口感清新，為整餐畫上完美句號我哋額外加購咗日本生蠔六隻：$108，海水鮮味滿分，口感Creamy，強烈推薦！‘…Read More

坐落喺新落成屋苑樓下，小店為舊區增添咗一份文青氣息店內設計溫馨，大片玻璃窗令自然光灑滿室內，座位舒適，無論同朋友聚會或者自己放空，都係一個好選擇泰式炒豬肉酸種多士：呢個組合真係第一次見，酸種麵包香脆，配上微辣泰式炒豬肉，口感層次豐富。明太子意粉：濃郁明太子醬，鹹香味道同意粉完美融合香辣蜜糖雞翼：外脆內嫩，甜辣交織，令人一試難忘熱泡沫咖啡：咖啡香濃，泡沫細膩，拉花都好靚，打卡必備凍椰子水咖啡：椰香同咖啡結合，清爽又有驚喜甜品有自家製嘅Tiramisu，口感似雪糕，十分Creamy…Read More

最近旺角開咗間新泰國餐廳，一入去就覺得好有曼谷街頭feel，裝修走泰式大排檔路線，燈光、木桌椅同牆上彩繪，影相打卡一流！聽講廚師背景勁強，做過好多泰國酒店，仲去過藍帶學廚，食物質素真係有保證。套餐推介：冬蔭功湯：酸酸辣辣，香茅味超香，蝦好鮮甜，湯底濃郁但唔會死鹹，好入味蟹肉炒飯：粒粒分明，蟹肉夠晒多，炒得香口，配冬蔭功湯簡直絕配飲品：龍眼冰清甜又解渴，泰式粉紅奶茶奶香濃郁，甜度啱啱好，打卡必點仲叫咗幾款小食都幾正：泰式豬肉碎沙律：酸辣夠勁，生菜包住肉碎，口感豐富，食落超開胃泰式肉醬炒蜆：蜆肉鮮甜，肉醬鹹香微辣，好送飯豬肉串燒：外層微焦，肉質嫩滑，醬汁甜中帶鹹，香到不得了環境有特色，食物水準高，套餐價錢超抵，啱晒同朋友聚餐或者拍拖。唯一係座位有啲逼，但氣氛夠熱鬧，完全可以接受。…Read More

天氣凍就開始要打邊爐喇！佐敦呢間火鍋午巿勁抵 4.5小時任飲任食，最平level 1每位$163就已經有交易，有20款唔同湯底同超過60款火鍋配料，雪櫃入面嘅啤酒、冷泡茶同飲品、雪糕都係自取。我哋就揀左Lv 2嘅牛肩胛肉，呢一款牛脂肪比例唔會太多，所以牛味比較濃郁，食多啲都唔怕肥呀！如果想食好少少就可以揀牛頸脊或者牛小排。另外加$40仲可以升級海鮮，有花膠、海蝦、鱔片同黑毛肚等等，姬松茸養生湯底加上花膠簡直養顏必選，呢度嘅養生湯底冇出面火鍋咁油膩。我比較推介食呢度嘅手打丸類，比平時嘅丸類細粒，咁就可以留肚食多幾款，真係全部都好彈牙，麻辣牛丸係我嘅至愛，另外墨魚滑都好正，加左黑松露調味，味道即刻升級。另一個亮點就喺呢度仲有台式小食，鹽酥雞、台灣腸、炸花枝丸同麻辣鴨血都應有盡有，作為餐前小食都十分開胃。依家追蹤佢哋社交媒體，仲會每人送一杯台式飲品，真係冇諗過佢咁巨型呀，超爽！4.5小時呢一個任食套餐真係太抵喇，包保你食到捧住個肚走！…Read More

最近係銅鑼灣發現一間健康餐廳，主打夏威夷波奇飯，絕對是健身一族的福音！份量超大，食材選擇超多元，無論你係想減脂、增肌，定係單純想食得健康，呢度都滿足到你 試左兩款推介嘅組合： I am Greedy三文魚、呑拿魚、鮮蝦、蟹柳沙律、蟹籽、蛋絲、青瓜、枝豆、芝麻，配自家製醬油，滿滿海味超豐富！ Thai Good Day香煎雞扒＋鮮蝦＋新鮮菠蘿，中華沙律、甘荀絲、花生碎，配泰式沙律醬，酸甜開胃，超適合減脂餐。我另外仲加左牛腱肉、雜菌同豆腐，真係大滿足除左壽司飯，還可以選糙米飯、沙律菜、蕎麥麵雙拼，自由搭配，完全客製化。亦可自選食材，呢度有好多高蛋白嘅營養新鮮食材：三文魚、呑拿魚、鮮蝦、雞扒等，組合最岩自己口味嘅配搭 另外呢度嘅佈置都好有心機，仲有打卡位，氣氛都好好！…Read More

土瓜灣呢間新派酒樓近排做緊阿拉斯加蟹推廣，原來除左蟹，仲有其他優惠都勁抵！今日人小小就試下其他野先😚 古法雙冬羊腩煲呢個羊腩煲用上等黑草羊，肥瘦均勻，入口軟嫩，羊味濃郁但唔羶，湯底滲出冬菇同冬筍嘅香氣，啖啖暖胃，仲配上生菜，冬天食真係幸福感爆棚，記得都要點埋咸香腐乳醬，味道更加提升！ 仲有驚喜優惠：星期一至五 $1燒味，可以揀脆皮燒乳鴿、清遠走地雞、茶皇殿燒鵝皇 我哋揀咗一人一隻乳鴿，我地揀左原隻上，撕開時肉汁會滿溢湧現，皮脆到出聲，肉質幼嫩，油而不膩，完全係必食之選！ 呢度環境典雅，服務細心，啱哂同屋企聚餐，價錢合理，食物質素同創意都好有水準，下次真係要黎試下帝皇蟹先得！…Read More

最近同朋友去咗呢間美國菜餐廳，裝修超有美式風格，仲有DJ打碟區，氣氛滿分，而且佢哋啱啱攞咗美國菜餐廳金獎，真係要試下有幾正 我哋嗌咗個二人晚餐套餐 前菜：• 周打蜆湯配芝士法包 🥖個湯好濃郁又夠creamy，芝士法包脆卜卜• 牛油煮大蜆，蜆肉超鮮甜，粒粒都勁飽滿，牛油香氣完全滲入• 主菜（可揀兩款）：• 120日穀飼阿根廷安格斯肉眼牛扒 ，肉質超嫩，一切開勁多汁，真係忍唔住一口接一口咁食，唔使特別加調味已經好夠正• 香煎三文魚扒配辣龍舌蘭忌廉汁 ，魚皮煎到香脆，魚肉仲保留嫩滑感，醬汁微辣帶酒香，好有層次甜品：• 芝士蛋糕或者焦糖燉蛋，兩款都係甜到啱啱好，完全唔膩仲包兩杯飲品，真係超抵食！ 🔥 我哋仲加咗黑松露薯條，份量超級多，香到食唔停口，食到最後真係飽到行唔郁！ 環境一流、食物質素高、價錢合理，難怪攞獎！如果你鐘意美式餐廳＋音樂氛圍，呢度一定要試…Read More

平時北上先見到商場有轉轉火鍋，估唔到香港都食到！呢間火鍋店位於油麻地站附近，地點非常方便，任飲任食90分鐘，每位只係 $158，性價比爆燈！午餐時段更抵只係$98，不過就唔包海鮮湯底有五款揀：麻辣、酸辣金湯、蕃茄、菌皇、豬骨，每人一鍋。最大亮點係食材轉盤，肉類、丸類、蔬菜、麵類、小食、水果等款式超多，想食咩都都係自己夾，仲唔洗行出行入，因爲啲食材已經喺你面前，真係勁方便！晩餐時段仲包每人一盤海鮮，有蠔、海蝦、大蜆、青口，啖啖鮮味環境乾淨，座位設計方便打卡，肉片厚薄適中，麻辣湯底夠香夠辣，冬天食一流！雖然食材唔係特別高級，但勝在夠新鮮，平民價嘅任食火鍋，以呢個價錢，真係抵到笑，下次一定再去！…Read More

喺中環捐窿捐罅搵好嘢食真係我哋嘅強項！今次朋友搵到間位於荷李活道嘅泰國餐廳，價錢喺中環嚟講都幾抵食，就決定試下先牛肉串燒用上USDA優質牛肉，肉質軟嫩多汁！牛肉燒得剛好，仲保持住嫩滑口感。最正係佢哋嘅醬汁，甜甜地帶少少鹹香泰式炒金邊粉呢碟真係驚艷！金邊粉煙煙韌韌，炒得剛好唔會碎濕濕，口感一流。豆乾吸滿醬汁，花生香脆，蝦乾鮮味濃郁，每樣配料都炒到好惹味。調味酸甜適中，好有層次，食唔停口冬蔭功湯真材實料嘅湯！入面有三大隻虎蝦，蝦肉爽彈鮮甜。香茅、南薑、青檸葉嘅香味好濃郁，菇類爽脆，辣椒帶嚟適中嘅辣度。呢個湯酸辣平衡得好好，開胃又暖胃芒果椰子沙冰芒果香甜，椰子味清香，打成沙冰後口感順滑。最重要係唔會太甜，用嚟解辣就啱哂成餐飯體驗都好好，泰籍侍應好友善，會推介菜式，仲會問你要幾辣，好專業。環境都幾舒適，裝修有泰式大排檔風情…Read More

大閘蟹季又嚟喇！今次去咗銅鑼灣莆田試佢哋嘅大閘蟹套餐，真係好滿足！呢間福建菜餐廳提供唔同套餐選擇，可以揀清蒸或熟醉口味，公蟹定乸蟹都任你揀🍽️ 二人餐菜式豐富 令人驚喜精美雙拼 紫菜拼竹荀紫菜酸甜，竹荀爽脆好適合配大閘蟹前嚟清清個口清蒸大閘蟹（5両公）今餐嘅主角！5両公蟹真係好有份量，蒸得剛好，蟹肉鮮甜結實，蟹膏濃郁，白膏黏口。配埋薑醋蓉，去腥提鮮，每一啖都勁正莆田荔枝肉絕對係招牌菜之一！外層炸得酥脆金黃，肉質嫩滑多汁，調味唔會太甜，平衡得好好。荔枝清香解膩，酸甜開胃芥蘭豆皮芥蘭爽脆帶微苦，豆皮吸滿汁液，口感豐富。呢道菜清淡健康，平衡咗成餐比較豐腴嘅菜式經典菜包飯福建風味濃厚！飯粒吸滿菜汁精華，每粒米都好有味道。配菜豐富，有臘肉、蝦米、椰菜等配料，食落好香好滿足薑汁紅棗燉雪燕薑汁溫暖暖胃，紅棗甜香，雪燕滑嫩，仲可長驅寒添…Read More

喺尖沙咀發現咗間隱藏喺家具店入面嘅cafe以木系為主題 環境好chill🏠☕ ✓ 炸蟹肉球拼薯餅 蟹肉球炸得金黃酥脆，入面蟹肉飽滿鮮甜，配埋香脆薯餅，一啖一個好滿足✓ 照燒三文魚三文魚煎得剛好，外層微焦內裡嫩滑，照燒汁甜鹹適中，魚肉油脂豐富，入口即化。配菜搭配得好好，整體賣都好靚 ✓ Teriyaki Chicken Pizza呢個真係有創意！好似大板燒咁嘅雞肉pizza，雞肉夠香口，照燒醬滲透pizza底，cheese拉絲效果一流。日式風味同西式pizza嘅fusion好夾✓ 開心果巴斯克芝士蛋糕蛋糕烤得表面焦糖色，質感creamy 夠smooth，開心果香味濃郁，甜度適中唔會膩✓ Wonderland椰青水配抹茶奶蓋，創意滿分椰青水清甜 抹茶奶蓋creamy帶微苦兩種口感層次分明，賣相都好靚 ✓ Great Things Take Rhythm青檸口味Gin base嘅Cocktail口感清新帶酸甜，酒精感唔會太重，女仔都容易接受，岩哂影相打卡…Read More

喺銅鑼灣搵到一間抵食扒房！佢哋推出半自助午餐，主菜再加$98就可以任食前菜、沙律同甜品，真係豐富到嘩嘩聲！🎉 ✨ 自助區選擇多到眼花繚亂：🍟 薯條 - 炸得金黃香脆🍗 炸雞塊 - 外酥內嫩，一啖一個停唔到口🥩 烤牛肉多士 - 牛肉香濃配搭完美🥗 多款沙律 - 新鮮爽脆，健康之選 甜品區同樣吸引：🧁 可麗露 - 法式經典，外脆內軟🍰 是日精選蛋糕 - 每日不同款式，驚喜滿滿 主菜我哋試咗： 🥩 10安士紐西蘭肉眼 - 份量十足！肉質軟嫩多汁，燒得剛好，每一啖都係享受。配菜搭配得宜，整體presentation都好靚 👍 🍗 燒脆皮春雞配薯蓉西蘭花苗 - 春雞皮脆肉嫩，薯蓉creamy順滑，西蘭花苗爽脆，營養均衡又美味 呢個半自助真係好正！可以食到飽又有質素保證，加$98絕對超值！想同朋友嚟個豐富午餐嘅話，呢間真係唔錯嘅選擇 💪 環境舒適，服務態度都好好，值得推介俾鍾意食扒嘅朋友仔！🌟…Read More