bhgytbhh's Profile

抗疫抗到傻左，悶悶地周圍行下，行到海南，未食過就try 一try , 本身都幾鍾意食海南雞飯。個餐包一碗湯，其實碗湯好水，無咩料，又無咩味，之後再配碗雞油飯，都話小小味，都ok 既。想講講碟雞，上枱見到賣相都唔錢，加埋有小小salad ,覺得都有heart ,碟雞又唔肥，點知一放入口，凍既，唔係一般既凍，係剛剛係雪櫃攞出來果隻凍。當場影響食慾，點解唔用熱水淋一淋？三個醬料都不過不失既，整體都唔算貴，亦唔難食。…Read More

快船廊老派/舊式酒店,內部木系,黃燈,西方人會鍾意既裝飾自助晚餐原先Book左另一間酒店,不過無生蠔,所以太太即日Booking有位一試,一試有驚喜😍😍地方唔算大,但大部份2人枱靠牆（卡位）有窗不過好高,要台頭或企起身先望到出面,傾偈飲酒唔錯以下為個人觀點：服務態度-5🤩🤩🤩🤩🤩（職員細心及會用溫柔語氣,對話舒服）食品款式-3🦞🦐🦀🍣🍲🍦🥧🍰🍪🍫🧁🍬☕🍺🍷🥃🍸食品質素-5🤩🤩🤩🤩🤩冷盤海鮮🦞🦀🦐有海水味,鮮甜/生蠔🦪order先上👍🏻唔洗排,即叫即開,1830-2100都可以食到,好新鮮地方環境-3價錢-4用HSBC優惠唔洗$600/位,性價比高番食指數-4總結- 食品唔多款,但有質素；地方唔算大,但坐得舒服,值得一試…Read More

抵食既尖沙咀-燒魂😍😍2月15號去食，$338加一 有海鮮同4款野飲任飲😍😍👍🏻肉類選擇多，仲係冰住上，保證唔會擺室溫太耐👍🏻海鮮唔係太新鮮😅😅，但燒完無咁覺👍🏻刺身有小小臭，清腸胃一流👍🏻我果時食既時候 個爐壞壞地😅😅 得1/2有火，但唔緊要，可以慢慢食，唔好食太急👍🏻記得換網要收錢架，建議自備燒烤網或牛油紙👍🏻真心推薦炒菜同炒豬肉👍🏻👍🏻👍🏻😍😍…Read More

今晚去左旺角天星食小店格局，員工服務友善叫左酸辣小辣，比出面既米線較辣個人認為比較酸，不過味道幾好豬腸肥膏多左d，腩肉ok另一碗叫左鴨血豬軟骨韮菜餃鴨血有驚喜👍🏼叫夠$100會送小食，揀左麻辣皮蛋個汁勁好味😋個人認為必食！會繼續幫襯呢間❤️米線 3/5 😀😀湯底 3/5 😄😄鴨血豬軟骨韮菜餃 5/5 👍🏻👍🏻麻辣皮蛋 5/5 😍😍價錢合理，重送小食，出品唔錯，可以keep住食！🥳🥳🥳…Read More

今晚決定出街食，太太話不如出大角咀食上次好食果間豬手麵，諗都唔諗荃灣踩出大角咀，第一站昌興，一坐低唔該水餃麵食爽，老闆話水餃賣剩兩隻，於是兩隻雲吞兩隻水餃，水餃真係非常非常出色，好實淨，麵質依然爽口彈牙，湯底濃郁，熱辣辣，之後追加一碗豬手麵（唔記得影相😅），臨走買多份豬手撈麵和淨鳳爪，之後細佬話想食粥，之前師兄話過高佬喺昌興隔離街，於是行過去買咗碗艇仔粥（都係唔記得影相😅），碗粥真的好滿足，粥底好麵綿又足料（有海蜇），心血來潮買多份豬手撈麵，一碗淨水餃和淨鳳爪，跟住門口位叔叔話喂試吓我哋嘅薑蔥魚腩好正呀（他好有誠意向我推薦），好啦我都要一份，外賣到手後薑蔥魚腩即刻上車食先，嘩⋯⋯薑蔥味好香噴噴，魚腩好新鮮，食完之後準備回程，突然間見到一間好耐無食的好正小菜店，立即停車，奔向店子裏面唔該要一份生炒骨攞走，位老闆竟然還認得我，你條友好耐冇黎囉，係呀，依家有大有細好少夜蒲，我話我太太好鍾意食你嘅生炒骨所以減肥都要食，一落上車班小朋友已經話好香噴噴呀，唔夠5分鐘整返幾粒留返給我（真係多謝佢哋），於是二話不說落車返轉頭買多盒（讓他們說過痛快）。跟住，回家後立即沖涼⋯⋯跟住立即享用豬手撈麵和鳳爪大對決，小弟覺得昌興的豬手和鳳爪合我口味多點，高佬的豬手和鳳爪都好正（好入味好淋），係味道比較濃味啲，昌興就味道中性一點，兩者都不太咸，適合淨食，至於高佬碗水餃就不及昌興，餡料包得不夠實淨（味道和用料兩者就叮噹馬頭），今晚真係大滿足。…Read More

荃灣香車街街市- 老闆娘米線我自己食過3次以上啦！😋每一次都要排隊等45分鐘左右，坐低座位，再等25分鐘左右🤦🏻‍♀️無1.5小時，都食唔到嘅米線！唔等得真係唔好去食呀🤣 可能因為係星期六日lunch hour 去食啦次次都大排長龍呀 試過一次想捕佢開門啦，以為會無人啦但結果佢開12:00，我地12:01去到都已經大排長龍啦🥺 講返食後感：炸餸：雞球就一定每次都必食啦！響鈴都唔錯 米線：一碗麻辣、一碗酸辣 試過食bb辣、小辣 食小辣會辣到不停流鼻水，好過癮酸辣：好夠酸，又夠辣，正麻辣：夠辣，亦名副其實好夠麻。花椒嘅麻，麻到你嘴唇麻痹呀，得呢間先做到😍 總之佢嘅味道，就好食到我心甘情願咁等啦🤤暫時我心目中米線第一名。…Read More

今日特登令到薄扶林道，去gathering，食嘢，因為想支持下黃店💛💛💛。佢飯嘅選擇唔係好多，得七款，我就食咗個最大路嘅豬扒煎雙蛋飯，本身都冇乜期望，諗住大路野，正正常常就OK。點知有驚喜喎💖💖，豬扒醃得都幾林，嗰醬汁好好味呀👍🏻👍🏻，唔似平時嗰啲黑椒汁啊，肉汁啊咁樣。仲要配兩隻太陽蛋，篤爛個蛋黃，等啲蛋黃汁漏落個飯度，連埋原本嘅醬汁，撈埋啲飯一齊食，好正呀😍😍👍🏻👍🏻。…Read More

好耐冇食上海野啦，呢排唔想食飯，想食餃子，所以去咗上海美味一品香菜館。餃子脹卜卜，餡唔夠多，皮好厚啊。食皮都飽啦，但我唔想食咁多皮呀，想食餡料多啲！碟粗炒唔錯呀，好家庭式經營，料好多啊，豬肉片好大塊，椰菜片都好大塊，個醬汁唔錯，整體幾好食，好有鑊氣。啲米線，花生碎重多過米線，咬到啲口感，都幾好呀， 啲肉碎都煮得好入味，肥肉比例唔算高，好驚大啖食落去全是肥膏嘅感覺，充滿罪惡咁，享受唔到囉，呢個不錯👌👍🏻！…Read More

呢間可能係我最愛食既一間，之前佢係大坑渠做外賣頂手後，以為以無機會食，好彩面書上見返佢，味道一樣感覺良好，實在太好啦👍保持到原有嘅水準，我嘅飯堂又出現了，今晚同屋企人一人一個餐，一個食螺絲粉，一個食白汁意粉，睇相都睇到佢啲芝士落到好似落雪咁，白濛濛一片厚厚咁舖係意粉上面，見到都好開胃！湯好足料呀，料多過湯，好滿足，不過食意粉配中湯，都幾唔夾。久別重逢，感覺好好呀，失而復得，要多多支持小店，唔食就會消失啦！…Read More

阿波羅係好多人都食過嘅舖頭，佢啲小食相信係好多學生放學必食嘅，其他零食雪糕就冇特別，其中最令我百吃不厭既就係 自選配料既乳酪雪糕🍦啦！試過好多種配搭啦，哈密瓜Oreo，菠蘿Oreo，士多啤梨芒果，麥提沙西瓜，菠蘿蜜睇晒，西瓜朱古力粒，士多啤梨西瓜味，基本上都是圴了，我發現生果溝生個，Max埋一齊，兩隻生果都食唔出味，好似有d浪費！我好鍾意生果配麥提沙，因為麥提沙攪碎之後有一粒一粒嘅口感，而且唔會掩蓋生果嘅味道。而今晚食嘅就係士多啤梨麥提沙，好食㗎，大家可以試吓。…Read More

一個人唔知食咩好，又唔想Hea食喎，三月係辛苦月，因為冇紅日，所以想慰勞吓自己辛苦的工作，就一個人去咗Grand Hyatt食海南雞飯啦！呢個海南雞飯，都唔錯呀，睇相都睇到呀！碟雞雞肉嫩滑，又唔會太生有血水，仲有幾條菜心添，好開心呀！個飯就普通啦，唔夠雞油，唔夠香。好彩佢個醬汁好好，三個醬汁都不過不失，本人就最鍾意食薑蔥嗰個醬汁，唔辣㗎，而且仲好香添，同隻雞好襯！呢個餐仲送埋一碗湯，其實真係食唔晒，不過好滿足的一餐！…Read More

一早約咗朋友食呢間，因為大家都住港島，咁都就腳，不過銅鑼灣好似又有大廈封阻，好麻煩囉。不過無捐我哋食自助餐嘅心情嘅，呢間自助餐種類都算多，有長腳蟹啦，生蠔啦，東風攞啦，龍蝦啦，我講啦，話我啦，林林總總，貴價材料都有！鵝肝剪得太乾啦，多士又硬骨骨，唔好食，雖然好大嚿，不過質素唔得。龍蝦係凍盤，都有高呀，雖然唔係10分大隻，不過就不過不失啦，都幾鮮甜。牆腳蟹唔收貨啦，好細隻呀，死鹹，明顯係唔新鮮。生蠔就排晒喺度，睇住佢開，都算新鮮，不過種類就一般囉。…Read More