ChubbyBowtie's Profile

旺角呢間cafe門面連招牌都冇，真係好神秘啊，一於入去食個brunch試吓先😂水牛城雞翼配薯條有八隻幾飽滿嘅雞翼，醬汁帶點辛辣，都幾惹味🐥 側邊配有粗薯條🍟慢煮口水雞凱撒沙律想食得健康啲不妨可以揀呢個沙律，份量都幾多🥗 上面有香脆嘅蒜蓉包同埋煙肉碎🥓 我地仲揀咗慢煮雞扒嘅口味，雞扒都幾大件。海鮮番茄醬意大利飯配炸蟹仔用個鐵板仔上，幾有儀式感😙 炸蟹仔喺餐廳嘅新出品，配埋底下幾creamy嘅risotto相映成趣。手打牛肉及原隻大蘑菇漢堡配薯條整個漢堡包勁高身，每件配料都係好厚身🍔 漢堡扒勁Juicy，係個唔錯嘅主食。自家製邪惡芝士醬日式疏乎厘班戟配煙肉店員拎過嚟嘅時候已經見到疏乎厘pancake勁有空氣感，入口都幾順滑。芝士醬同煙肉碎略帶鹹味，配搭埋甜甜地又帶有蛋香嘅疏乎厘pancake，呢個鹹甜配搭，勁有風味🥞蘋果金寶法式千層酥配香草雪糕千層酥真係勁香脆，幾香滑嘅吉士醬，真係每一啖都係幸福感🍎 另外面頭仲有蘋果粒粒配埋肉桂，令到成個甜品都唔會太膩。Nutella Baileys呢度嘅Cocktail都好多選擇，我哋試咗呢杯望落似朱古力特飲嘅飲品。入面嘅材料有椰子水、濃縮咖啡 、自家製Nutella忌廉同埋百利甜酒😍 勁鍾意呢個配搭，更能帶出Baileys嘅香味。泡沫黑咖啡鍾意飲齋啡嘅朋友，又有一個新嘅選擇，Blackccino底層都係黑咖啡，但係面頭有入口幾綿密嘅泡泡🫧桂花菠蘿咖啡有清雅脫俗嘅桂花味道，加埋酸酸甜甜嘅菠蘿，創新嘅配搭令到咖啡更有特色☕️呢間Cafe嘅甜品同咖啡真係好有驚喜，嚟食嘅話一定要叫甜品同咖啡啊😎…Read More

呢晚約咗幾個朋友嚟食泰菜，人多最好就係叫套餐啦，我哋一行六人叫咗個四人餐同額外嘅燒魷魚同燒牛肉，真係夠晒豐富啊😙泰式明爐酸辣魚 叫四人餐嘅話，$1就可以加配呢個酸辣魚 。有別於其他泰國餐廳，用上肉質較實淨嘅鱸魚🐟 入口唔會太肥膩，配上泰式嘅酸辣嘅醬汁非常開胃🥰 椰子雞湯椰子雞湯椰奶嘅味道好重，入面嘅雞肉都幾嫩滑😎 去埋香茅、草菇、番茄等嘅配料。除咗椰子雞湯，仲可以揀冬陰功湯㗎。泰式青木瓜沙律呢個份量相當多，青木瓜絲非常爽脆，另外調味偏辣，都係個幾開胃嘅前菜🥗黃咖喱雞咖喱項目有相當多嘅選擇，可以揀黃咖喱或者青咖喱，仲可以喺豬、牛同埋雞當中揀一款🐥 我哋揀咗黃咖喱雞，黃咖喱嘅味道唔會太辣，雞肉係啖啖肉嘅雞髀肉🍗泰式燒豬頸肉呢個燒得好乾身，入口唔會肥膩，點埋側邊嘅醬汁就更美味🐷小食拼盤造型精緻，一份有齊炸雞翼、泰式手打炸蝦餅、乾蔥蒜蓉豬肉條同埋炸雲吞福袋😙 幾鍾意佢嘅炸蝦餅同埋蒜蓉豬肉條，相當有泰國特色。泰式燒牛肉呢個係餐廳嘅招牌菜之一，勁推介多人分享必叫😎 燒牛肉呈半生熟，勁juicy又有濃郁嘅牛肉味，牛魔王最愛😻燒魷魚原條嘅燒魷魚幾爽彈🦑 特別中意佢幾厚身，食落幾有質感，仲有點少少醬汁吊翻魷魚嘅鮮味。菠蘿炒飯份量充足，炒飯炒到粒粒分明，唔會太油膩，入面有提子乾、菠蘿粒、腰果、煙肉粒等嘅配料，配埋面頭嘅肉鬆係超正🤩芒果糯米飯糯米飯煙煙韌韌，加埋芒果同椰奶真係食泰菜必備🥭飲品套餐包括泰式飲品，例如泰式奶茶同青檸梳打，更加加錢轉特飲如沙冰同椰青，椰青勁大個，入面嘅椰水都幾甜🥥 菠蘿沙冰入口幾fresh🍍臨走仲可以參加遊戲，擲中一個6就有9折，越多6折扣就越多，擲中6個一樣嘅數字更加可以免單啊🎲…Read More

呢日喺尖沙咀同班同事搵餐廳食個late lunch，我哋嚟咗呢個台式便當嘅專門店，叫咗啲便當同台灣小食share嚟食🍱台灣鐵路大排骨滷肉便當呢個係餐廳嘅其中一款招牌菜，面頭有超大塊嘅酥脆大排骨🐷 入面仲有半肥瘦嘅滷肉，超好餸飯，真係好有台式風味。麻辣鴨血滷肉湯寬粉個人幾鍾意食鴨血，呢度嘅鴨血絕對冇令我失望，入口嫩滑，而且麻辣嘅味道同寬粉好夾，入口都幾爽彈🍜台南花枝卷滷肉便當係期間限定嘅新品，面頭有台南嘅花枝卷，中間嘅花枝餡幾彈牙。側邊同樣係有滷肉同埋滷蛋🥚小食♦️鹽酥炸大腸每一件炸大腸都非常厚身，而且外層好酥脆，入口唔會太肥膩，重點係佢完全冇內臟味，清洗得好乾淨🥰♦️小食拼盤入面有四款小食，包括九層塔雞翼、夜市鹽酥雞、鹽蒜四季豆同埋梅香脆地瓜😙 啱晒三心兩意嘅我哋。♦️芋泥肉鬆蛋餅呢個係餐廳另一款招牌菜，蛋餅入面有好綿密嘅芋泥同埋幾惹味嘅肉鬆🍳 芋泥略帶點甜味，同帶鹹味嘅肉鬆相映成趣。飲品呢度有幾款台式飲品，款款都好吸引。我哋嗌咗招牌嘅珍珠奶茶，珍珠煙煙韌韌🧋 另外仲有冷泡茶，鳳梨綠茶有淡淡嘅鳳梨後勁🍵呢間餐廳真係幾抵食，每碟嘅份量都好大，一定會夠飽，仲可以食啖啖經典嘅台灣滋味 。喺尖沙咀返工嘅朋友好值得嚟食吓😄…Read More

呢間撈海鮮嘅火鍋放題真係好出名，原來而家旺角都有分店啦😉 呢間分店真係好大間，聽講係全港最大嘅分店嚟㗎 。鍋底我哋揀咗芫荽皮蛋豆腐鍋同埋秘製麻辣鍋，想清清地食吓蔬菜，又想過下口癮食辣，鴛鴦鍋就滿足到我哋兩個嘅要求啦😝即撈海鮮有一個好大嘅區域即撈海鮮，我哋呢日試咗大頭蝦、鮑魚、藍花蟹、沙白等。呢度啲海鮮好多都好生猛，夾佢哋上嚟佢哋仲扎扎跳㗎😚 撈好之後就可以交俾店員清洗。撈嘅過程已經覺得好好玩，仲可以食自己親手撈嘅新鮮海鮮，真係好正🥳肉類呢個套餐包括咗豬、牛同埋羊，有特上牛小排、澳洲M5和牛、美國牛肩胛片、澳洲羊肉片及美國豬梅肉片。每份肉類都係三至四片，方便預算份量🥩 咁就唔怕做成浪費啦。小食除咗肉類係用QR code落單之外，都有多款炸物、炸物同精選推介可以嗌㗎。鐵板鵝肝多士、皇牌燒乳鴿王、川味鮮燒蠔同埋芝麻雞翼我地都encore左好多次🙈 多款食物都係即叫即製，所以上碟時熱辣辣🫢 我地仲嗌咗西京燒比目魚、蒲燒鰻魚同埋鹽燒牛舌👅自助區自助區嘅範圍都好大，除咗海鮮區，其他食物都排列整齊👍🏻 多款丸類同蔬菜都有供應，另外有啲開胃前菜、烤榴槤、粉絲大蝦等等都有得揀。烤榴槤勁受歡迎，齒頰留香🥰飲品區有汽水、無糖茶、啤酒等嘅飲品任飲🍻 連日本嘅水果汽酒同埋生啤都有，適合同朋友過嚟飲返兩杯。甜品區呢日有四款Häagen-Dazs雪糕，仲有期間限定嘅推介，真係夠晒特別🍦 榴槤雪條同埋韓國品牌嘅雪條都有㗎。鍾意食甜品嘅，千祈唔好錯過佢嘅甜品櫃，朱古力布朗尼味道幾濃郁🍫大家嚟食放題記得食得晒先好嗌，食唔晒啲食物都唔可以拎走㗎😂…Read More

之前已經好想食呢一間西班牙私房菜，成間餐廳都好有神秘感，位置雖然隱蔽，但係非常近上環站㗎😙 餐廳嘅設計好似入咗防空洞穴用餐，非常有時代感😍 Chicken liver pâté第一道菜就係呢一個雞肝醬，加埋用砵酒煮嘅紫洋蔥同埋蔥花，好似牛油咁樣搽上麵包上食，味道略帶點鹹香🥪Pardon pepper呢種係西班牙嘅甜椒，加埋海鹽同埋巴馬臣芝士🧀 炸到透晒，成隻由頭到尾都食得🫑 Grilled cuttlefish with allioli espuma呢碟好似分子料理咁非常有驚喜，首先有用海鹽同埋黑椒炒過嘅墨魚粒，店員唧上好似cream嘅醬，係用蒜蓉同埋蛋黃醬調味，墨魚粒點埋呢個咁有空氣咁嘅醬真係超正🦑Garlic shrimp 呢個菜式一上碟就勁香，用上砵仔裝住彈牙嘅蝦仁，配上橄欖油，蒜香十足🦐 Roasted apricot flower chicken 呢隻杏花雞係我最期待嘅菜式，先淋上威士忌再焗，真係睇得又食得，更加有風味🥃 雞胸都係超嫩滑㗎，再食埋側邊有皮有骨嘅雞鎚雞翼，都係好Juicy🐥 Crispy chicken skin oil杏花雞嘅另一碟主菜就係呢一個飯，超級香雞油味，仲有炸香咗嘅雞皮同埋好嫩滑嘅雞肉🍗 每一粒米都俾雞油同埋餐廳秘製嘅醬汁包裹住，味道略帶甜甜地，所以唔會太油膩💛Catalonia cream 係加泰隆尼亞傳統嘅甜品，有少少似cream brûlée，但係質地比較稀，同埋味道主要有蛋香同清新嘅檸檬味🍋 仲有西班牙油條，可以點朱古力醬食🥰Sangria 我地嗌咗兩杯西班牙水果酒，餐廳用咗傳統浸制方法，足足兩日先製成，可以高興吓🍹餐廳每道菜都好有特色，招牌杏花雞真係呢餐嘅一大亮點，加上環境氛圍超特別，真係好難忘嘅一餐😙…Read More

呢日下晝嚟咗觀塘呢個商場食lunch，呢間西餐廳以白色為主色，俾人感覺幾舒服😌招牌香草杏仁脆焗豬肉眼伴乾蔥紅酒汁呢個豬肉眼份量都好大塊，又夠厚身。面頭有杏仁碎增加口感，一切開見到個豬扒有好多肉汁，入口幾爽口🐷 係件幾推介大家試嘅豬扒，一啲都唔柴㗎。芝士牛肉漢堡牛肉漢堡嘅包都輕輕煎過，入面嘅配料除咗有Juicy嘅漢堡扒之外，仲有芝士、生菜同埋番茄等，一啖咬落去口感都幾豐富㗎。Burger仲包咗沙律同埋粗薯條，唔使二擇其一，啱晒選擇困難症嘅我🍔套餐加$18可以升級做套餐，有湯或者沙律同埋一杯飲品 。我哋揀咗忌廉蘑菇湯，入面都食到有蘑菇碎，入口幾Creamy🍲焦糖脆脆鮮奶咖啡有杯超級熱辣辣嘅Espresso淋上去鮮奶同埋焦糖脆脆嘅面，令到焦糖脆脆半溶化，有口感得來甜味又可以落到去杯latte度😙海鹽開心果美式咖啡呢個咖啡非常特別，底層係Americano ，面頭係一層厚厚嘅海鹽開心果奶蓋，超級綿密☕️呢日lunch都見到唔少人嚟幫襯，呢度嘅食物精緻，大家都可以一試 😎…Read More

秋風起，到咗食大閘蟹嘅季節，就連酒店下午茶都用大閘蟹做主題，推出「秋日蟹逅」下午茶，鹹點同埋甜品都各有特色🫖鹹點♦️原隻鎮江薑醋蒸大閘蟹勁開心可以食到原隻大閘蟹，一人一隻，入面都有幾多鮮甜嘅蟹膏🦀 側邊仲有手套，拆蟹嘅工具，咁就唔怕食得好狼狽啦🥰♦️大閘蟹蟹粉小籠包皮薄餡靚，入面嘅餡全部都係大閘蟹嘅蟹粉😍♦️蟹肉竹笙魚翅羹呢個幾鮮味嘅魚翅羹入面見到絲絲蟹肉。♦️蟹粉拌麵呢個面嘅質地幾爽口，因為蟹粉一齊食，真係超正🍜♦️大閘蟹蟹粉芋角個人最鍾意呢一個芋角，外層酥脆包裹住軟綿綿嘅芋泥，入面就係滿滿嘅蟹粉✌🏻 非常有特色。甜點♦️螃蟹造型朱古力外層係朱古力包裹住酥皮絲、花生醬、鹹蛋黃同煉奶🤣 螃蟹造型真係勁cute啊。♦️桂花香梨慕斯蛋糕呢個係香梨造型嘅蛋糕，外層係朱古力，入面就有桂花口味嘅mousse，同埋蜜餞過嘅梨肉🍐♦️佛手柑法式千層酥呢個法式千層酥幾酥脆，入面仲有佛手柑嘅味道，都幾fresh㗎🍊♦️陳皮曲奇中間有4件曲奇，味道好特別，用上陳皮同埋薑調味🍪♦️紅豆湯係一碗幾足料，有百合同埋蓮子等嘅配料。自助小食區除咗套餐嘅鹹點同埋甜點之外，仲有自助區，無限供應甜品 。♦️黑芝麻雞蛋仔有即叫即製嘅雞蛋仔，外脆內軟都幾正🥚♦️限定雪糕今日有六款口味，我就揀咗黑芝麻同埋花生醬味，仲有八款配料可以自己加添喺雪糕嚟食呀🍦氣泡酒呢個下午茶餐有兩杯嘅氣泡酒，如果唔想飲酒嘅朋友亦都可以揀茶或者咖啡類嘅飲品🥂呢餐望住個海景食得好愉快，食物有特色又好啱打卡，店員會主動問我哋要唔要同個tea set合照，非常服務殷勤啊😎…Read More

喺銅鑼灣搵到呢間街坊人氣店，餐廳食物份量多，大件夾抵食嘅餐廳，主打各式炒粉麵飯，幾有鑊氣㗎😋古法焦糖炒牛河呢個係餐廳呢招牌菜之一，餐牌上面特別註明用咗李錦記特選生抽 。牛河唔算太油膩，比起坊間嘅炒牛河係偏甜少少，呢種焦香令到個牛河更加有特色🐮 牛肉唔會過分醃製，面頭仲附上一隻燶邊蘭王太陽蛋，蛋汁撈埋牛河更加正😗厚切牛脷咖喱焗飯焗飯嘅主菜都有幾個種類可以選擇，我哋嗌咗厚切牛脷，每片牛脷都整得好軟腍，配埋咖喱汁真係一流👅 底下嘅飯當然係餐廳嘅拿手，炒飯底，夠晒粒粒分明。整個飯焗完出嚟，唔會太燶，面頭嘅芝士輕鬆做到拉絲效果🧀慢煮瑞士雞翼一份有五隻雞翼，每隻都非常飽滿，而且咬開入面仲有好多肉汁🐥 入口都唔會覺得太肥膩。飲品各式嘅樽裝飲品都係統一價錢，我哋嗌咗一枝津路烏龍茶同埋懷舊玻璃樽裝嘅可口可樂🥤 比起平日飲嘅可樂更加有風味。如果唔想嗌飲品嘅話餐廳仲提供自助斟水區🫖呢度嘅食物份量真係大，我估計三個人叫兩碟都會夠飽，兩碟入面必定要叫一碟炒飯或者焗飯，佢嘅炒飯真係十分出色👍🏻…Read More

呢間嚟自台灣嘅仙草甜品店最近推出咗新品，八時紅心芭樂系列 。呢日下午茶時段嚟咗食啲清涼嘅甜品降吓溫😋米麻糬紅心芭樂甘露盛盤呢個係期間限定嘅新品，用上紅心芭樂整成嘅甘露，酸酸甜甜幾開胃。另外中心仲有米麻糬，除咗煙韌嘅口感，入面仲食到有軟化咗嘅米粒，都幾特別🍚 抹茶雙重奏雪花盛盤呢個係餐廳招牌甜品之一，用上仙草絲製成嘅雪花冰❄️ 雪花冰整得好綿密，配埋頂頭嘅抹茶同埋焙茶奶蓋真係好正✌🏻 最頂頭仲有球抹茶雪糕🍦每份甜品都有一個盛盤，有芋圓、薯圓、珍珠、紫米同埋紅豆，芋圓同埋薯圓兩款都非常煙韌🥰芒椰椰絲原味蕨餅餐廳仲推出咗加配優惠，惠顧任何甜品/刨冰，加5蚊就可以換購一份八時手工蕨餅，仲有兩種口味可以選擇。我哋就試咗幾開胃嘅芒果味，仲有椰絲包裹住蕨餅🥥 底下仲有好多芒果粒粒，$5真係幾抵。仙草凍奶茶另外呢度飲品嘅選擇都幾多，我哋揀咗呢一個奶茶，入面已經有仙草凍，仲可以免費加配白珍珠，一啖可以飲到兩個口感真係唔錯🧋呢間嘅甜品幾消暑，趁而家有期間限定嘅$5蕨餅優惠，優惠去到31/10咋，得閒過嚟食返個tea就啱晒🥰…Read More

喺觀塘返工嘅友人話佢最近食咗間隱世餃子店，雖然叫隱世，但係舖面就十分高調，用鮮紅色做主題，由外到內打造紅色嘅世界❤️ 特賞六味手工餃子拉麵餐廳提供六種自家製嘅餃子，有京蔥黑椒豚肉餃、虎蝦豚肉餃、香菇豚肉餃、芝士粟米豚肉餃、白菜豚肉餃同埋韭菜豚肉餃🥟 每隻餃子都皮薄餡靚，餃子係老闆親手包嘅嚟🥰湯底我哋揀咗番茄豚骨湯，味道幾清甜，配埋爽彈嘅拉麵都幾夾🍅特賞六味手工煎餃子配湯除咗湯餃之外，我哋仲試埋呢度嘅煎餃，煎餃仲keep住入面有肉汁🤤 同樣係試晒餐廳有嘅六款餃子。個人就最鍾意虎蝦豚肉餃，真係食到彈牙嘅蝦肉㗎🦐 另外仲會配一款湯，食煎餃都唔會太dry✌🏻 呢個我哋揀咗招牌胡椒湯，見到餐廳有介紹寫話佢用咗72個鐘嚟熬製，味道真係好濃郁，而且胡椒嘅味道唔會太嗆喉，飲完好暖胃🥰甜品♦️黃皮燉桃膠酸酸甜甜幾開胃。♦️3.6牛乳燉桃膠滋補養顏之選😍♦️手工水磨合桃露合桃露非常稠杰，飲得出非常真材實料。♦️手工水磨花生露花生露味道都唔錯🥜餐廳而家仲推出限時優惠，即日至10月12號，只要追蹤餐廳嘅社交平台帳戶，就可以獲得一款一口小食。有時會係非常養生嘅甜品、紅糖糍粑、芝士年糕、雪糕泡芙等等，每日唔同㗎😗😗 快啲把握機會過嚟支持呢間小店啦…Read More

嚟緊10月有德國啤酒節，飛唔到去德國就梗係要搵返間德國餐廳，感受吓節日暢飲嘅氣氛啦🤪 呢間德國餐廳推出咗期間限定嘅慕尼黑盛宴menu，我哋就食咗佢哋嘅三款菜式 。威靈頓牛柳半價！$118就食到高質素嘅威靈頓牛柳啦🤩 上碟時已經切開咗，見到牛柳都幾粉嫩，咬落口質地實淨，亦都有好多肉汁🐮 香脆嘅酥皮包裹住蘑菇醬同埋牛柳，一啖食落口勁滿足🙈 德國啤酒節慕尼黑盛宴Platter勁豐富，啱晒飲住啤酒，同朋友share😋 最矚目嘅當然係原隻嘅德國鹹豬手啦，師傅已經幫我哋將香脆嘅豬手起骨再加切件，勁方便食啊🐷 紐倫堡蛇餅腸都係個人比較喜歡嘅德國食物，紐倫堡腸味道唔會太鹹。德式芥末籽香腸鹼水麵包棒 ，入面嘅脆皮腸配埋麵包味道唔錯，最有特色就係麵包嘅內層有一層芥末籽，更有風味🌭 另外有兩件德國傳統扭結包，麥味好香濃㗎🌾 拼盤仲有巴馬臣芝士粒、酸菜及薯仔沙律、酸瓜及橄欖🫒 2L德國生啤塔話明係德國啤酒節，梗係要嗌返啲生啤嚟慶祝啦🍻 呢個生啤塔有成2L，最特別嘅係裝啤酒嘅容器，係用碗裝㗎，有德國傳統文化特色🥣呢個份量夠晒3-4個人食，飲住啤酒大吃大喝就啱晒 。一齊投入德國啤酒節嘅狂歡氣氛啦🥳…Read More

呢晚約咗一大班friend食飯，多人聚會最啱就係打邊爐，所以嚟咗旺角呢間無限時火鍋放題，叫咗個海鮮盛宴😋極尚時令刺身拼盤入面有三文魚、油甘魚 、八爪魚同埋赤蝦🍣切得夠晒厚身😻 每款刺身都係一人一件，唔怕勁快已經飽咗啦🤣豪華時令海鮮盛宴呢個海鮮拼盤有生蠔、鮑魚、勁生猛嘅海蝦同埋兩款蜆🐚 生蠔同鮑魚都超級大隻啊 。卜卜蜆鍋店員推介呢個係比較多人嗌嘅鍋，呢個鍋本來帶點微辣，令到每隻蜆都夠晒惹味🌶️ 如果想食雞煲嘅朋友，都可以額外加錢先食雞煲再打邊爐🍲安格斯牛肉盛宴圈我哋仲額外嗌咗呢一個超豐盛嘅牛肉盛宴圈，放喺個爐側邊，真係好正🙌🏻 上面有多種靚肉，包括有安格斯牛頸脊、安格斯牛肉粒、崩沙腩、薄切牛舌、頂級封門柳、金錢𦟌，我同朋友都食唔停口🥰任食肉類呢個套餐包括咗四款肉類任食，美國精選肥牛、頂級牛板腱、美國黑豚肉同埋黑豚豬腩片🐷 個人幾鍾意佢嘅黑豚肉，淥完之後幾爽彈。肥牛同埋牛板腱兩款都各有特色🐮任食海鮮除咗一次性嘅海鮮拼盤，套餐仲可以任食海蝦、脆鯇片、脆鯇骨腩同埋白鱔片 。任食海鮮當中就可以encore三文魚刺身🐟 今次朋友生日，我哋特意叫餐廳預備一個三文魚蛋糕，用嚟打卡一流🎂 炸物我哋試咗吉列蝦、香酥單骨雞翼、天婦羅雞塊、流心奶黃芋球 。火鍋配料大部份嘅火鍋配料都係喺外面嘅自助吧夾。基本嘅丸類、蔬菜、麵食都有供應。款式夠快齊備，而且排列得幾整齊。當中我就最鍾意金牛丸同埋芥末貢丸，兩款我哋都encore咗好多次😎飲品除咗常見嘅罐裝飲品同紙包飲品之外，呢度嘅生啤都係無限暢飲架🍻 可以自己喺出邊斟鍾意嘅生啤、清酒或者係白酒🍶 鍾意飲邊款飲幾多全部自己決定，啱晒一大班朋友一齊過嚟飲返杯。甜品餐廳提供咗勁多款雪糕雪條，當中仲有好幾款係韓國嘅品牌嚟㗎🍦 推介朱古力脆皮配雲呢拿雪糕🍫餐廳仲有提供烤魚同雞煲，真係好多元化，無論係想食刺身、海鮮、靚牛定打邊爐都可以嚟呢度啊😎…Read More

呢日喺啟德食lunch，見到呢間台灣菜門面好明亮，就入咗去食返餐 。餐廳午市時段有提供便當、麵食同小火鍋🔥總鋪師私房牛肉麵見到都幾多食客嗌呢個人氣之選，有幾款湯底可以選擇，我揀咗牛肉湯，入面嘅配料有金錢腱、牛肋條、牛筋、牛肚絲同紅蘿蔔🥕 勁鍾意佢個牛肋條，炆得入味又勁軟腍🐮 台灣本味麻辣鴨血鍋鴨血係其中一樣，我好鍾意食嘅台灣食物，所以呢個小火鍋，我揀咗鴨血鍋🙈 配安格斯牛肉片同埋新竹米粉🍜 除咗鴨血之外，小火鍋都有好多配料，包括芋頭貢丸、米血糕、蜂巢豆腐、蟹柳、魚皮餃、魚腐、響鈴、娃娃菜、番茄、金針菇、粉絲、生菜、冬菇同埋白蘿蔔，勁豐富🥰小食♦️鹽酥雞拼夜市小香腸食台式小食必食呢兩款，有少少似去咗夜市掃街😙 呢度嘅鹽酥雞做得幾出色，炸粉夠晒薄，而且入面嘅雞仲keep住有肉汁。♦️綜合滷味拼盤呢度有齊佢最signature嘅滷味，有滷豬大腸、滷豬耳同埋滷蛋，款款都滷得好入味😎飲品♦️鴨屎香狂打檸檬茶雖然呢個冇得揀選甜度，但係飲落口甜度適中，仲幾Fresh添㗎🍋♦️大甲椰椰芋香呢個飲品嘅包裝好特別，呈粉紫色，主要係椰香味較重啲。呢個lunch都真係幾豐盛，食咗好多台灣風味嘅菜式，平日午市時段都近乎坐滿㗎😌…Read More

呢晚約咗喺荔枝角返工嘅友人，佢話同事推介佢去一間開業半年左右嘅無限時任食火鍋🔥每位只需$298起，我哋叫咗比較高級嘅尊尚極品套餐 。鴛鴦湯底♦️清甜滋補豬骨湯味道唔會太鹹，淥海鮮、蔬菜都唔會搶味。♦️台式濃厚番茄湯幾鍾意佢嘅番茄湯，用嚟淥牛肉都幾夾。肉類呢度嘅肉類選擇都幾多，而且肉類嘅質素都唔錯，豬、牛、羊、雞都有供應。有肉味濃郁嘅極上牛小排同埋嚴選封門柳，不過個人最推介係薄切牛舌同埋濃香牛胸爽🐮 牛胸爽食落口唔會太肥膩，牛舌食落口幾爽彈👅 海鮮唔使特別加錢都可以享用海鮮任食，真係做gym人士嘅福音，可以狂食低卡，但係高蛋白質嘅海鮮🫶🏻 日本帶子、海蝦、牡蠣同埋鯛魚肉片，我哋都encore咗好多次🦐 灰蜆同黃金螺都幾鮮味，餐廳仲提供兩款手打墨魚滑同蝦滑。小食除咗火鍋之外，仲有啲即叫即食嘅小食，即炸乳鴿都幾厚肉，仲有幾款串燒，包括炭燒雞肉串、燒金菇牛肉卷同埋即燒海蝦😻 另外解膩香甜嘅燒菠蘿一定係必食推介🍍炸物嗌咗幾款香口嘅炸物，勁鍾意呢個一口芝士薯波，薯蓉嘅裏面係流心芝士嚟㗎🧀 仲有吉列炸蝦、炸池魚同埋酥炸墨魚餅🦑火鍋配料呢度嘅火鍋配料選擇真係好誇張，佢有超過100款😱 而且個area成個都係好排列整齊，每款食物都有獨立嘅name tag 真係好欣賞餐廳嘅用心。除咗有一大個區域係有丸類、芝士腸、水魷、牛柏葉等等，仲有另一個大嘅區域裝唔同嘅蔬菜，真係想食咩菜呢度都有㗎，今晚竟然仲有冰菜添呀🥬 飲品有唔同嘅罐裝汽水同埋紙包飲品，比較清熱嘅竹蔗茅根同埋韓國嘅汽水都有㗎。甜品甜品區令我好有驚喜，完全滿足到我呢啲甜品控🤪 淨係雪糕同雪條都有成20款啊，有Häagen-Dazs雪糕、甜筒、韓國嘅雪條🍦 仲有另一邊有唔同嘅蛋糕同埋乳酪，真係琳瑯滿目🍰呢餐食得好舒服，價錢同其他火鍋放題差唔多，但係就無限時，可以慢慢嘆😍 我仲登記咗做佢哋嘅會員，可以享用到優惠同賺分，下次再約friend嚟食先。…Read More

呢日難得有颱風假期，就搵間火鍋放題食吓啦，嚟咗旺角呢間火鍋放題 。午市可以食4.5小時，最平只需每位$163，我同友人就揀咗中價嘅Level 3嘅西班牙伊比亞黑毛豬套餐，再額外加$40追加海鮮🤤鴛鴦鍋底♦️養生椰子雞涮涮鍋食落去有淡淡嘅椰子香味，用嚟淥蔬菜一流🥥♦️藥膳沙茶牛肉涮涮鍋味道好濃郁，食落口都幾惹味。肉類雖然呢個套餐只有三種肉類，但係肉質質素都唔錯，嗌呢個餐幾高性價比☺️♦️Prime Grade 美國安格斯牛肩胛肉帶有少少雪花，食落口唔會太肥膩，牛肉味道幾香🐮♦️西班牙伊比利亞黑毛豬係套餐嘅其中一款豬肉，黑毛豬嘅肉質幾爽彈🐷♦️西班牙無激素豬肉片呢個豬肉片比較薄身，都食得出質素有返咁上下標準🙊海鮮加$40就連精選海鮮都係任食，呢個價錢都幾抵 。如果唔加錢，本身套餐都包咗脆骨腩、鯇魚腩、白鱔等嘅海鮮🐟♦️白鱔片♦️帆立貝♦️墨魚仔♦️游水海蝦♦️花膠片♦️沙白蜆呢度有超過60款嘅火鍋配料任食，配料同其他出面嘅火鍋放題唔同，係需要落單，而唔係自助吧度夾，感覺比較衛生 。飲品同醬料就係喺自助吧自取嘅，最尾仲有一人一杯Haägen Dazs或者Mövenpick雪糕，為呢餐畫上完美嘅句號😋…Read More