ChubbyBowtie's Profile

呢日喺啟德食lunch，見到呢間台灣菜門面好明亮，就入咗去食返餐 。餐廳午市時段有提供便當、麵食同小火鍋🔥總鋪師私房牛肉麵見到都幾多食客嗌呢個人氣之選，有幾款湯底可以選擇，我揀咗牛肉湯，入面嘅配料有金錢腱、牛肋條、牛筋、牛肚絲同紅蘿蔔🥕 勁鍾意佢個牛肋條，炆得入味又勁軟腍🐮 台灣本味麻辣鴨血鍋鴨血係其中一樣，我好鍾意食嘅台灣食物，所以呢個小火鍋，我揀咗鴨血鍋🙈 配安格斯牛肉片同埋新竹米粉🍜 除咗鴨血之外，小火鍋都有好多配料，包括芋頭貢丸、米血糕、蜂巢豆腐、蟹柳、魚皮餃、魚腐、響鈴、娃娃菜、番茄、金針菇、粉絲、生菜、冬菇同埋白蘿蔔，勁豐富🥰小食♦️鹽酥雞拼夜市小香腸食台式小食必食呢兩款，有少少似去咗夜市掃街😙 呢度嘅鹽酥雞做得幾出色，炸粉夠晒薄，而且入面嘅雞仲keep住有肉汁。♦️綜合滷味拼盤呢度有齊佢最signature嘅滷味，有滷豬大腸、滷豬耳同埋滷蛋，款款都滷得好入味😎飲品♦️鴨屎香狂打檸檬茶雖然呢個冇得揀選甜度，但係飲落口甜度適中，仲幾Fresh添㗎🍋♦️大甲椰椰芋香呢個飲品嘅包裝好特別，呈粉紫色，主要係椰香味較重啲。呢個lunch都真係幾豐盛，食咗好多台灣風味嘅菜式，平日午市時段都近乎坐滿㗎😌…Read More

Weekend嘅lunch hour行過天后，見到呢間拉麵店門口有人等緊位，唔想執輸嘅我又排埋一份，一於試吓呢間餐廳有咩咁厲害，可以咁有人氣🧐蠔白湯拉麵店家推介我食蠔白湯，果然係超高質👍🏻 湯底用咗三款蠔打碎成蓉，口感濃稠得嚟又唔會好膩，啖啖拉麵都掛晒湯，好滿足😌 拉麵入面亦有北海道豚肩、華味鳥雞腿、博多地雞胸同溏心蛋㗎 。熟成醬油清湯拉麵呢個係Classic嘅味道，湯底用咗日本手工木桶醬油加上鮮雞熬煮，飲落清得嚟唔油膩，味道唔會太重，有少少醬油嘅甜味😗小食我哋仲叫多咗三款小食同追加咗一份每碗麵入面都有嘅雞叉燒，配埋拉麵食更加好送麵🍜♦️醬油鮑魚♦️醬油漬蝦♦️醬油漬蠔♦️日本雞叉燒飲品喺夏天食熱辣辣嘅拉麵，一定要叫返啲凍飲降溫🧊 兩款樽裝嘅梳打飲品入面都有少少果肉㗎 。♦️晴王麝香白葡萄梳打♦️信州蘋果梳打如果大家食完個麵唔夠喉，店家係可以免費添麵嘅，不過大家當然係食得晒先好叫，唔好浪費食物吖嘛🤩 食得出呢間拉麵小店係好用心製作，而湯底嘅口味都好啱我口味，所以幾推介大家去支持吓🤩…Read More

呢晚約咗喺荔枝角返工嘅友人，佢話同事推介佢去一間開業半年左右嘅無限時任食火鍋🔥每位只需$298起，我哋叫咗比較高級嘅尊尚極品套餐 。鴛鴦湯底♦️清甜滋補豬骨湯味道唔會太鹹，淥海鮮、蔬菜都唔會搶味。♦️台式濃厚番茄湯幾鍾意佢嘅番茄湯，用嚟淥牛肉都幾夾。肉類呢度嘅肉類選擇都幾多，而且肉類嘅質素都唔錯，豬、牛、羊、雞都有供應。有肉味濃郁嘅極上牛小排同埋嚴選封門柳，不過個人最推介係薄切牛舌同埋濃香牛胸爽🐮 牛胸爽食落口唔會太肥膩，牛舌食落口幾爽彈👅 海鮮唔使特別加錢都可以享用海鮮任食，真係做gym人士嘅福音，可以狂食低卡，但係高蛋白質嘅海鮮🫶🏻 日本帶子、海蝦、牡蠣同埋鯛魚肉片，我哋都encore咗好多次🦐 灰蜆同黃金螺都幾鮮味，餐廳仲提供兩款手打墨魚滑同蝦滑。小食除咗火鍋之外，仲有啲即叫即食嘅小食，即炸乳鴿都幾厚肉，仲有幾款串燒，包括炭燒雞肉串、燒金菇牛肉卷同埋即燒海蝦😻 另外解膩香甜嘅燒菠蘿一定係必食推介🍍炸物嗌咗幾款香口嘅炸物，勁鍾意呢個一口芝士薯波，薯蓉嘅裏面係流心芝士嚟㗎🧀 仲有吉列炸蝦、炸池魚同埋酥炸墨魚餅🦑火鍋配料呢度嘅火鍋配料選擇真係好誇張，佢有超過100款😱 而且個area成個都係好排列整齊，每款食物都有獨立嘅name tag 真係好欣賞餐廳嘅用心。除咗有一大個區域係有丸類、芝士腸、水魷、牛柏葉等等，仲有另一個大嘅區域裝唔同嘅蔬菜，真係想食咩菜呢度都有㗎，今晚竟然仲有冰菜添呀🥬 飲品有唔同嘅罐裝汽水同埋紙包飲品，比較清熱嘅竹蔗茅根同埋韓國嘅汽水都有㗎。甜品甜品區令我好有驚喜，完全滿足到我呢啲甜品控🤪 淨係雪糕同雪條都有成20款啊，有Häagen-Dazs雪糕、甜筒、韓國嘅雪條🍦 仲有另一邊有唔同嘅蛋糕同埋乳酪，真係琳瑯滿目🍰呢餐食得好舒服，價錢同其他火鍋放題差唔多，但係就無限時，可以慢慢嘆😍 我仲登記咗做佢哋嘅會員，可以享用到優惠同賺分，下次再約friend嚟食先。…Read More

呢日難得有颱風假期，就搵間火鍋放題食吓啦，嚟咗旺角呢間火鍋放題 。午市可以食4.5小時，最平只需每位$163，我同友人就揀咗中價嘅Level 3嘅西班牙伊比亞黑毛豬套餐，再額外加$40追加海鮮🤤鴛鴦鍋底♦️養生椰子雞涮涮鍋食落去有淡淡嘅椰子香味，用嚟淥蔬菜一流🥥♦️藥膳沙茶牛肉涮涮鍋味道好濃郁，食落口都幾惹味。肉類雖然呢個套餐只有三種肉類，但係肉質質素都唔錯，嗌呢個餐幾高性價比☺️♦️Prime Grade 美國安格斯牛肩胛肉帶有少少雪花，食落口唔會太肥膩，牛肉味道幾香🐮♦️西班牙伊比利亞黑毛豬係套餐嘅其中一款豬肉，黑毛豬嘅肉質幾爽彈🐷♦️西班牙無激素豬肉片呢個豬肉片比較薄身，都食得出質素有返咁上下標準🙊海鮮加$40就連精選海鮮都係任食，呢個價錢都幾抵 。如果唔加錢，本身套餐都包咗脆骨腩、鯇魚腩、白鱔等嘅海鮮🐟♦️白鱔片♦️帆立貝♦️墨魚仔♦️游水海蝦♦️花膠片♦️沙白蜆呢度有超過60款嘅火鍋配料任食，配料同其他出面嘅火鍋放題唔同，係需要落單，而唔係自助吧度夾，感覺比較衛生 。飲品同醬料就係喺自助吧自取嘅，最尾仲有一人一杯Haägen Dazs或者Mövenpick雪糕，為呢餐畫上完美嘅句號😋…Read More

近期喺社交平台經常見到有好多人介紹呢間日本餐廳，呢晚就過咗嚟食個晚餐🤩 果然一入去就見到好多客人啊 。壽喜燒♦️牛肉盛盒一份牛肉盛盒裏面有齊三種高質素嘅牛肉，有厚身嘅檸檬之牛舌，肉味濃郁嘅安格斯牛板腱同埋入口嫩滑嘅澳洲M5和牛肩胛🐮 店員教落先加入牛油，再將牛肉輕燒，加埋少少糖同埋壽喜燒汁，好快就食得啦🥳♦️蔬菜盛盒都幾豐富㗎，食完牛肉再加入上湯淥蔬菜🥬 入面有娃娃菜、皇帝菜、甘旬、本菇、豆腐、京蔥、冬菇同埋金菇。♦️稻庭烏冬烏冬已經預先烹煮過，所以唔好滾咁耐啊。朴葉味噌燒我地揀咗宮崎米豚里脊肉，肥瘦分明，隔住朴葉燒熟呢個米豚里脊肉，更加有風味🌱 店員溫馨提示我哋開火之後要輕輕落少少上湯一齊燒，咁就唔怕啲肉太乾啦🐷 燒熟咗嘅豚肉會幾金黃，有少少朴葉嘅香氣，口感唔錯。前菜我哋揀咗以下兩款嘅前菜，特別鍾意佢嘅螢光魷魚，味道幾鹹香。♦️醬漬螢光魷魚♦️辣味帶子裙邊小食♦️南蠻炸雞呢個小食份量都幾多，炸雞嘅炸粉唔會好厚，雞肉入面有勁多肉汁🐥 加上他他醬，真係幾惹味🍗♦️招牌玉子燒有兩個口味可以選擇，我揀咗明太子，喺味道甜甜地嘅玉子燒上面加上明太子醬同埋蟹籽真係冇得輸🍳 梳打飲品♦️香甜荔枝梳打荔枝嘅味道唔會太甜，個人非常喜歡呢個梳打。♦️沖繩海鹽菠蘿梳打入面有啲菠蘿粒粒🍍海鹽嘅鹹味仲帶到菠蘿嘅香甜。朱古力鏡面蛋糕呢次係同友人慶祝生日，真係好有儀式感呀🌸 店員仲會點火將畫碟公仔呈現喺我哋面前，之後仲會同免費嘅即影即有留念。特別多謝餐廳畫咗咁可愛嘅Chiikawa俾我哋，友人同我都超級鍾意兔兔㗎🐰 店員話可以預先預訂呢個畫碟，咁就可以揀自己心水嘅圖案啦😍 朱古力鏡面蛋糕入口幾Creamy🍰呢晚見到幾多人選擇喺呢度慶祝生日，所以氣氛都好歡樂 。下次想搵啲有儀式感嘅餐廳慶生，但係又唔想成班店員圍住你跳舞再播勁大聲生日歌令到壽星超尷尬嘅話，呢個靜靜地嘅點火揭曉畫碟甜品嘅做法就幾適合啦🎂…Read More

呢日過咗嚟牛気嘅新分店食個豐富lunch，揀咗任飲任食120分鐘嘅Lv4套餐，主打澳洲穀飼黑安格斯牛、SRF美國極黑牛同埋海鮮放題🥳 餐廳定期推出唔同嘅主題，呢期”泰Happi”有多款泰式嘅推介菜式💛鍋底我地嗌咗鴛鴦鍋，有帶點辣辣地泰式船麵湯，真係同泰國食船麵好相似🫢 入面主要有芽菜同埋香脆豬皮，我哋用佢嚟煮泰式麵真係好夾。另一款我地嗌咗日式牛骨濃湯，帶少少微辣，攞嚟落牛肉真係一流🍲肉類呢個套餐主打SRF美國極黑牛同埋澳洲穀飼黑安格斯牛，兩款嘅肉味都好濃郁又美味，令人好滿足🐮 另外雞腿肉好厚身，入口幾juicy，係gym buddy嘅天堂🐥 海鮮海鮮都係任食，真係回本之選🫶🏻 有即食嘅三文魚刺身，今期特別推介有泰式生蝦刺身，蝦肉好爽口🦐 其他火鍋用嘅海鮮包括日本帆立貝、爽脆水魷、大海蝦、青口、花膠同埋墨魚滑，選擇都好多元化㗎🥰火鍋配料自助吧嘅食物排列整齊，有多款新鮮嘅本地水耕菜🥬 自助區仲有丸類，個人幾鍾意爆濃芝士丸🧀 仲可以用QR code落部份火鍋配料，手打黃金蝦丸係蝦仁包裹住鹹蛋黃，一啖大滿足🍤 甜品有多款榴槤主題嘅甜品，D24榴槤雪米糍呢個真係大推，一客包括咗一粒D24榴槤雪米糍同埋D24榴槤果肉，真係令人好滿足呀💛 另外自助包仲可以攞到榴槤巴斯克、榴槤芝士蛋撻、榴槤大福同埋榴槤炸彈，真係梗有一款啱你心意。另外仲有鮮柚楊枝甘露、開心果泡芙、同埋店舖限定嘅十勝紅豆豆乳冰豆花😗 呢日有開心果口味嘅唧軟雪糕🍦飲品飲品方面主要有無糖茶、汽水 、韓國飲品都有供應🥤呢餐食足120分鐘真係好飽，食咗好多靚牛靚海鮮，特別鍾意呢度嘅環境好光猛舒適，食得更加起勁，泰happi啦😍…Read More

呢日喺屯門站呢個商場發現到呢間日式嘅意粉pizza專門店😦 喺門口嘅玻璃窗望入廚房，見到廚師喺度搓麵團同放入爐烤，就吸引咗我入去試試😎煙肉奶油蛋黃意粉呢個係餐廳其中一個招牌菜式，意粉非常熱辣辣，上碟時仲可以睇到佢滾起嘅氣泡🍝 呢個食落口幾有咬口，雖然唔算太過掛汁，但係每一啖都食到忌廉同意粉嘅蛋香🤤 店員仲會即場打隻日本生雞蛋落意粉度，令到意粉更加豐富。番茄瑪格麗特薄餅見到呢度嘅薄餅係由廚師搓餅底開始製作，可以見到麵團嘅韌性，整個體驗都非常特別🤪 餅底整到勁薄，焗完之後好似餅乾咁香脆，加埋有茄汁同埋芝士喺面，令人食唔停口🍕套餐追加套餐仲包括一個小食同埋一杯飲品🥤♦️長法包焗得幾香脆，上面仲有蒜蓉牛油，一上碟已經俾佢嘅香味吸引咗🧈♦️沙律呢份沙律份量都幾多，除咗有幾清新嘅沙律菜之外，仲有清甜嘅粟米粒🥗 特別鍾意餐廳嘅醬汁調味係分開另上，咁就更加貼合個人口味啦。♦️飲品我哋兩個都揀咗無糖可樂，不過餐廳仲提供更加貼合小朋友嘅Qoo飲品😗呢間意式餐廳環境都幾衛生，價錢又合理，經過坐低食餐飯都唔錯😌…Read More

呢晚喺荃灣嚟咗呢間抵食嘅串燒店，有好多款$10嘅串燒，而其他串燒都好抵食，呢晚嚟到超多人幫襯，要等一陣位先入到座㗎🤩牛肉串♦️鹽燒牛舌呢個牛舌勁軟腍，油香充足👅♦️蒜蔥封門柳封門柳面頭加上香蒜同埋香蔥，底下嘅封門柳咬開仲有好多肉汁，而且肉味香濃🐮雞肉串♦️燒雞胸軟骨雞胸軟骨食落去，更有口感，真係會食到卜卜聲。♦️燒雞軟骨呢一個只係$10咋，我哋都encore咗多次🐥♦️月見免治雞肉軟骨棒免治雞肉軟骨棒入面都幾有口感，因為有啲雞軟骨粒粒喺入面，點埋日本蛋食真係一流。♦️燒芝士雞肉丸雞肉丸質地實淨，面頭仲有車打芝士🍡♦️明太子芝士雞肉串呢個係比較邪惡嘅選擇，上面有芝士同埋明太子醬，一啖食落去，都幾有層次感👍🏻♦️燒火雞子第一次喺串燒店見到有得食雞子，都幾有驚喜😮♦️燒雞肝呢個又係一個幾邪惡嘅選擇，雞肝食落口唔會好粉，而且味道唔係太腥。♦️燒雞腎雞腎咬落口幾爽口，配埋啤酒一流☺️豬肉串♦️鹽燒豬頸肉豬頸肉肉質爽彈，幾有口感。♦️焦糖骰仔豬手用上切成正正方方嘅豬手粒，燒得夠晒乾身，連層邪惡嘅豬皮都係好好味🐷 卷物串呢度都有好多選擇，個人幾鍾意雪梨牛肉卷，一咬開仲食到雪梨嘅爽口🍐♦️豚肉露荀卷♦️豚肉雞蛋卷♦️豬肉荔枝卷♦️雪梨牛肉卷海鮮串♦️燒白鱔白鱔都幾厚身，燒香咗之後外皮香脆，食落口仲冇泥味。♦️燒扇貝我哋嗌咗兩隻，芝士同埋蒜蓉口味各一🐚 個人就比較鍾意芝士口味多啲，仲有拉絲🧀♦️燒多春魚燒多春魚非常考師傅嘅功架，因為好容易就黐住咗個外皮或者係燶咗，呢度整得啱啱好，一咬開魚生就有好多脆卜卜嘅魚子🐟♦️焗蝦全部都係開邊嘅海蝦🦐 size唔算好大隻，但份量好多，面頭仲有滿滿嘅蒜蓉。丸類串餐廳仲提供唔少嘅丸類食物做串燒，加埋蜜糖嚟燒，真係好有BBQ嘅風味🍯♦️燒芝士腸♦️燒花枝丸其他食物♦️芝士流心蛋大啡菇呢個大啡菇一切開就有勁多蛋汁 入面仲有洋蔥做調味。♦️牛油焗雜菌我哋仲額外加咗蒜蓉，配埋牛油真係勁香🍄‍🟫♦️脆片炸雞炸粉唔會好厚，仲加咗啲脆脆一齊炸，令外層更加香脆😮 呢個價錢都幾抵食🍗甜品♦️焦糖菠蘿係勁Juicy嘅菠蘿，加埋面頭嘅脆脆焦糖幾正🍍♦️焦糖芝士蛋糕上層係勁香脆嘅焦糖面，底下嘅芝士蛋糕好綿密🍰♦️雲呢拿千層蛋糕呢個Crepe cake層次分明，食落口唔會太甜。飲品我地嗌咗兩枝麒麟啤酒，餐廳仲好貼心提供冰杯，咁就包保第一啖嘅啤酒係夠晒凍啦🍻呢間餐廳真係好有人氣，keep住都好多客，餐廳免加一，仲開到凌晨十二點，揸車過嚟食宵夜都好方便啊😎…Read More

喺觀塘返工嘅友人最近搵咗呢間樓上嘅台式餐廳，佢話呢間嘅味道幾正宗，呢日lunch就嚟試吓🤭花甲鮮蝦粉絲呢個花甲粉有勁多配料🙈 有好多新鮮嘅花甲，真係好鮮甜。另外大蝦都幾彈牙🦐 底下我揀咗粉絲，真係勁索汁，湯底幾惹味，有海鮮嘅鮮味，又帶少少辣🥰紅燒牛肚牛肉麵牛肚同牛肉都幾厚身，牛肉炆得好入味，牛肚都幾軟腍🐮 湯底好濃郁，麵質幾有咬口🍜 份量都幾足，真係幾飽肚。避風塘系列小食餐廳新推出咗避風塘系列小食，宵夜時段過嚟仲可以有半價優惠😮 ♦️避風塘超甜粟米超級惹味，粟米粒粒飽滿🌽♦️避風塘豆腐每件豆腐都好滑，配埋香脆嘅避風塘脆脆，兩種口感相映成趣。♦️避風塘單骨雞翼每枝單骨雞翼都炸得好香脆🐥 夠晒乾身。肉鬆雙重起司蛋餅呢個勁足料，外層幾香口，入面嘅餡料好飽滿，有勁多肉鬆同埋兩種芝士🥰 芝士鹽酥雞有大量芝士淋喺鹽酥雞嘅表面，係個少少邪惡，但令人食唔停口嘅小食🐥 鹽酥雞嘅雞肉都幾嫩滑。飲品午市套餐仲可以用半價加配飲品，台灣特飲或者係新出品都可以有優惠🤑♦️黑糖珍珠奶茶雖然幾多黑糖掛杯，但係味道唔會太甜，而且佢嘅珍珠好彈牙🧋♦️奶蓋生椰拿鐵呢個係餐廳嘅新出品，生椰拿鐵嘅椰子味幾香，同咖啡嘅味道幾平衡，面頭有芝士奶蓋🥥呢間台式餐廳都幾正，見到佢仲有煲仔飯系列都好吸引，等我下次過嚟食吓先 。如果喺呢頭返工嘅朋友一定要嚟試吓 呢間餐廳😎…Read More

呢晚嚟咗我好少嚟嘅大坑，友人話要帶我食浪漫嘅西餐廳，呢間餐廳門面係黑色型格嘅路線，但係入面都幾有情調㗎😎Heirloom Tomatoes Salad開胃嘅沙律用上復古番茄，味道幾鮮甜🍅 面頭仲有一個mozzarella cheese ball🧀 加埋黑醋同埋橄欖油做調味就啱啱好，夠晒清新。Char-Grilled Octopus炭烤八爪魚勁有驚喜😍 係原條嘅八爪魚鬚，八爪魚嘅質地非常軟腍，配上特製嘅醬汁同埋炸過嘅羽衣甘藍，整個配搭都幾豐富🐙 Beef Tartare & Bone Marrow呢個菜式雖然幾邪惡，但係佢嗰種口感同油香真係令人一再回味🥰 原條嘅牛骨髓略帶少少鹹香，而且入口即溶🦴 生牛肉他他用上酸瓜粒調味，味道酸酸地幾開胃🤤 配埋餐廳嘅酸種麵包一齊食，真係超級有層次🫢Beef Short Rib係餐廳嘅得意之作，一上枱已經聞到勁香濃嘅牛肉味🐮 牛肉油脂感豐富，肉質軟腍，一入口就有幸福嘅感覺🙈 Apple Crumble即叫即製嘅Apple crumble，焗出黎勁熱辣辣🍎 仲好香肉桂嘅味道，同蘋果好夾。配埋雲尼拿雪糕一齊食更正🍦Style No.8 Sauvignon Blanc食西餐都想飲返杯酒，雖然今餐主打食牛肉，但個人比較喜歡白酒，所以店員推介咗呢款比我🍾 入口幾順喉，而且同朋友一人一杯，真係有滿滿嘅儀式感🎉呢餐高級西餐真係食得好滿足，我最鍾意就係佢嘅牛肋骨，而家諗返起都回味無窮啊🤤…Read More

呢晚過咗嚟西灣河試吓呢間打邊爐，主打一人一鍋同埋和牛海鮮嘅放題☺️ 我哋揀咗嘅B餐，仲可以加一蚊要一碟A5嘅日本黑毛和牛🥰鍋底呢度係一人一鍋，所以可以揀兩種湯底，我同朋友揀咗日式海草美顏鍋同埋芝士湯番茄鍋🍅 用番茄鍋嚟淥牛肉真係好夾。肉類呢個套餐主打食A3嘅日本黑毛和牛同埋日本米豚肉，兩款肉類都幾嫩滑🥩 A3嘅日本黑毛和牛油花十足，望到已經知道佢可以入口即溶。另外日本嘅米豚肉夠晒薄身，所以就算佢唔算好多脂肪都唔會好韌🐷 食得呢個套餐，一定要加埋一蚊要一碟A5嘅日本黑毛和牛，比起A3嘅日本黑毛和牛，當然質素更加好啦，過嚟過下口癮都唔錯。海鮮生蠔、虎蝦、蟶子、蜆同埋帆立貝整成嘅拼盤都好豐富🦐 特別鍾意佢嘅蟶子，口感幾爽口。火鍋配料其他配料都可以係自助吧自己拎，多款丸類蔬菜都有提供🥬 一定要食呢度嘅炸魚皮，大塊又夠脆口，自助吧嘅食物睇到我地都花多眼亂🤪飲品呢度嘅飲品種類都算幾多，特別鍾意佢自家製嘅無糖涼茶🍵嚟得呢度打邊爐一定要食佢哋嘅海鮮，呢度嘅海鮮真係好正🤔…Read More

友人呢晚帶咗我嚟銅鑼灣食放題，呢間提供120分鐘嘅涮涮鍋加燒肉放題😮 呢晚叫嘅係樂天澳洲和牛肋肉B餐，有啲後悔冇嗌高一級嘅套餐，因為原來高一級除咗啲牛肉再靚啲之外，仲係無限時㗎，咁就唔使兩個鐘頭裏面咁忙啦😂肉類一入座先有一份排列得好整齊嘅樂天澳洲和牛拼盤，啱晒打卡，又可以先試咗邊款肉類好食再落單。套餐基本嘅豬、牛、雞都有供應，而且肉類有分開涮涮鍋同埋燒肉嘅肉類🥩 呢個套餐嘅肉類供應都幾多選擇，大部份都係半肥瘦咁雪花分明😛 ♦️燒肉肉類全部都係有調味嘅，另外都較為厚身，唔會咁輕易燒到一嚿炭咁😗 淨係澳洲和牛都有幾種選擇，我就特別鍾意佢嘅和牛肋肉，肉質較實淨，肉味香濃。除咗肉類，餐廳仲有提供內臟都，雞肝、雞腎同埋牛舌味道都唔錯👅♦️涮涮鍋湯底有三款可以選擇，我地今次試咗黑松露牛骨湯，入面仲有啲秀珍菇，湯底清清地更能食到肉嘅香味🍄‍🟫火鍋嘅肉類比較大片同埋薄身，真係淥幾秒就食得，入口比較嫩滑。炸響鈴同埋炸魚皮都係QR code可以落單。海鮮種類都有好多，虎蝦有好多蝦膏、蒜香牛油帆立貝、香草芝士燒生蠔、蒜蓉牛油燒生蠔，隻隻都好飽滿🦪 墨魚仔同埋鹽燒多春魚，兩款都係必食嘅推介🐟串燒燒肉嘅部份仲有串燒可以選擇，都幾特別😮 雞軟骨串、雞尾串、雞橫隔膜串同埋豚肉芫荽卷串四款都各具特色，我就最鍾意燒雞軟骨串啦🥰炸物自助包有幾款雜物可以選擇，另外可以用QR code即叫即炸嘅炸水牛芝士條、榴蓮炸彈、朱古力流心炸彈、菠菜芝士薯餅同埋日式炸蝦天婦羅🍤蔬菜餐廳提供蒜蓉牛油雜菌、牛油粟米同埋燒菠蘿🍍最鍾意就係佢嘅燒菠蘿，菠蘿非常多汁。自助吧仲有得夾沙律，輕鬆可以整一份日式嘅粟米沙律🥬溫泉蛋和牛肉醬飯雖然食放題好少食主食，但係呢一個溫泉和牛蛋飯真係好吸引，嗌咗一份嚟試吓🐮 牛肉嘅味道好濃郁啊🍳呢一餐可以滿足兩個願望，又可以燒肉，又可以打邊爐，啱晒一大班朋友過嚟各有各嘅喜好😉…Read More

呢晚想食韓國風味嘅雞，不過又唔想食炸雞咁heavy，友人就帶咗我嚟呢間主打健康非油炸嘅韓式烤雞店🐥自選半半烤雞烤雞有兩個選擇，可以選擇有骨同埋無骨🐥 我哋就揀咗無骨嘅烤雞，貪佢啖啖肉，亦都好方便進食。半半烤雞可以揀兩個口味，蜜糖香滑烤雞，係用上honey muster做調味，烤雞嘅外皮幾香脆，入面嘅雞肉非常嫩滑。三重芝士烤雞，面頭有勁厚嘅芝士粉，芝士同雞嘅味道好夾🧀馬蘇里拉芝士球呢個芝士球係餐廳嘅新出品，外層用上馬鈴薯製作，入面就係mozzarella cheese🫕 啱啱上碟嘅時候搣開芝士球，入面嘅拉絲非常吸引🤩 整啖都係幸福嘅口感。Hoegaarden餐廳做緊promotion ，生啤買二送一，可惜友人唔係好飲得，所以買二送一份量會太多🍻 唯有叫一支支裝，過吓口癮🤣 烤雞同啤酒真係好夾啊 。芒果沙冰烤雞配芒果沙冰都唔錯，芒果沙冰唔會太甜，而且芒果嘅味道好香🥭 餐廳仲有多款沙冰嘅口味可以選擇，下次想試吓草莓沙冰。呢間烤雞真係打破咗我嘅認知，以前覺得烤雞一定好油膩，肉質又柴，但係呢間嘅出品就冇呢個問題啦👍🏻…Read More

呢間台式火鍋店，最近推出咗新嘅半自助午市定食menu，套餐$78起，除咗有一人一鍋嘅火鍋之外，更推出咗小菜粉麵嘅套餐😗 咁樣lunch可以嘆到高質食物之餘，又唔會太花時間，啱晒打工仔🤣1️⃣一品海皇大閘蟹粉麵呢份係乾拌麵，蟹粉用上四隻大閘蟹嘅份量，有彈牙嘅海蝦同埋鮑魚🦐 麵條都幾有口感🍜2️⃣基隆熱炒野味白鱔煲仔菜呢個白鱔嘅煲仔菜幾惹味，鱔片夠晒厚身，底下有粉絲、豆腐、腐皮、冬菇同埋節瓜等嘅配料，味道主要有蒜蓉嘅香味，所以食落口都幾惹味㗎，送飯一流🍚 3️⃣套餐仲包括湯品同埋蔬菜🥬 湯品係貢丸清湯，而喺蔬菜嘅面就有半隻雞蛋同埋肉燥。結尾仲有個乳酸沙冰做甜品，味道酸酸甜甜🥳4️⃣自助吧惠顧午市套餐，就可以享用外面嘅自助吧，有兩款精選前菜，爽脆魚皮同埋蒜香菇菌🙊 更有兩款時令水果，西瓜同埋芭樂，啱晒夏天食用🍉5️⃣飲品可以用半價加配台式飲品🧋♦️冰大紅袍燕麥奶茶入面有粒粒燕麥，可以增加口感🌾♦️冰貴妃烏龍珍珠奶茶烏龍奶茶嘅味道好甘香，呢度嘅珍珠做得好出色，口感煙煙韌韌🥰臨走見到呢度嘅台灣夜市下午茶/宵夜自助任飲任食只需$128，下次嚟刷餐勁先 🤩…Read More

之前已經好想食呢間漢堡扒店，呢晚友人一早攞定飛，放工即刻有得食真係好開心🤤 記住要先攞飛，排到之後先用自助點餐機買餐，再由職員安排入座🤣 我哋兩個都係嗌咗三件漢堡扒嘅餐，漢堡扒用咗日本和牛同美國牛製作，主要分咗三個口味。套餐包括白飯、西蘭花同埋番茄蜆肉湯都係任食，另外仲有一隻生蛋可以撈飯食🍳 原味漢堡扒店員先將預先煎至八成熟嘅漢堡扒放上鐵板上面，我哋可以根據自己喜愛嘅生熟程度再烹調漢堡扒🐮 漢堡扒Juicy，勁多肉汁，真係好好送飯😍 芝士漢堡扒喺漢堡扒嘅上層加咗一片車打芝士，再由店員即席刨芝士碎，真係勁有觀賞性🧀 點埋奧羅拉醬，味道好似食漢堡包咁，幾有風味。牛油果漢堡扒呢個係餐廳嘅新出品，用上鐵兜裝住漢堡扒、他他醬同埋牛油果🥑 店員喺上餐嘅時候會先淋上照燒汁，等照燒汁滾起就可以食漢堡扒㗎啦😮 呢個口味嘅漢堡扒食落係幾Fresh嘅。呢間餐廳真係食得好飽，店員服務唔錯，會好留意你嘅菜食晒未，再主動詢問需唔需要加😙 整體用餐體驗都唔錯👍🏻…Read More