Fa Fa Sydney's Profile

有多間米芝蓮，食完之後，只係覺得比其他酒樓好味少少，擺盤靚少少，但係香宮就唔同啦。佢嘅焗蟹蓋，真材實料，超多蟹肉，食完之後就覺得，去第二度食，簡直係嘥錢。佢個兩粒薑味啫喱，都好好食㗎。另外佢個牛腩，睇落去普普通通，但係當你一啖食落去之後，就覺得呢個世界上，都唔知係其他地方有冇再可以食到咁好味嘅牛腩。仲有佢嗰天鵡薈萃甜品，個酥皮又係唔知喺第二度會唔會再食得到。另外佢個三蔥龍蝦，超香蔥味，龍蝦又煮到啱啱好火候，真係好好味。另外我哋加咗，蟹黃蟹肉炒鮮奶，係大閘蟹季節嘅特別菜式，雖然我唔覺得特別多蟹我，但係就超多蟹肉。我個人唔係特別鍾意食大閘蟹，所以冇失望，仲覺得好好食。魚湯海鮮雜菜煲，又係一個驚喜。本來諗住求其有啲菜食，冇乜特別期望，但係佢又好好味喎。同埋餐廳啲人係有幫你諗埋幾時上你加嘅菜係最適合，炒鮮奶佢就同埋蟹蓋一齊上，而雜菜煲就跟牛腩一齊上。剛剛好，真係一間貼心嘅餐廳。另外嚟香宮食嘢，香格里拉酒店有待客泊車，服務一流。雖然一個一人套餐$1688，真係好貴，而且唔係度度菜都難忘，我未必會再食套餐，但係蟹蓋，牛腩，同甜品，係一定會返嚟再食。😋…Read More

米芝蓮必比登推介酒家經濟下午茶 有孖寶 同其他特價點心鵪鶉蛋燒賣百花釀魚肚上湯煎粉果灌湯餃芋角都好好味。芋角其實有三個，不過食咗一個先至記得影相 😅雖然要搭枱，但係食物好味，所以都唔緊要啦 😋咖喱魷魚就麻麻哋啦我哋叫咗六個點心之後，佢就嗌話有新鮮乳豬出爐，不過我哋都食唔落啦，或者下次去試吓啦！…Read More

$10 四條腸粉，加$10 六粒魚肉燒賣多多醬加芝蔴非常好味個個人都一隻碟，幾枝竹籤，揸住就企喺條街度食，超有香港街頭小食嘅風味雖然唔係同一間舖頭，但係就會記得自己中學時期，放學之後或者返學之前，就會食腸粉，兒時回憶 😋…Read More

每一次返香港，就會去佐敦朝聖 😬熱燉奶，加蛋治雖然單點會貴一啲，不過去第二度食唔到嘅味道蛋治超有蛋味，加上厚厚軟軟嘅麵包，簡直一流燉奶超滑，微微一點甜係我嘅至愛溫馨提示：逢星期四休息只收現金…Read More

一間快靚正的荳品店乾淨企理服務快煎釀豆腐 $24 +凍豆花 $16成為 $40坐下來吃了十多分鐘，就見到不停有人買外買，煎釀豆腐，豆花，豆漿，炒麵係四種大熱門產品下次肚餓的，就會試下食炒麵。…Read More

筲箕灣總店成日都要排隊，銅鑼灣就唔會，而且有枱又有冷氣，夏天去食舒服很多。我叫咗格仔餅，加晒數有醬，一份$26。不過食物就感覺總店好味多，因為真係做到外脆內軟。銅鑼灣而家覺得比較有啲冧唔知係咪因為有冷氣，又掛住影相整冧咗。我可能下次都係等天氣冇咁熱去總店食。…Read More

$38 有一碗魚蛋粉麵送一杯熱飲我轉左凍檸茶，就要加$3另外加小食，只係要$10 魚蛋魚片都好味，好過其他喺北角食嘅魚蛋，我叫咗粗麵正常。另外蘿蔔大大件好好味，不過冇影相…Read More

落機通常係下午六點左右，返到西灣河就會經過太安樓，如果見到一條排隊嘅人龍，就知道魚蛋佬今日有開門，Yeah! 😍如果見唔到條人龍，就即係你唔好彩，佢冇開門 😩我好好彩唔使排好耐就有得食。當我食物到手之後，條隊又有十個八個啦。真好彩，唔使哂太多時間排隊。魚蛋 $7 有5粒，軟硬適中，唔係超彈牙嗰種魚蛋。牛丸 $11 有3大粒，鍾意食晏啲質地嘅呢個就啱晒。齋 $7 一串加埋啲沙嗲汁，超好味。最低消費少過 $10，就可以品嚐嘅 平價美食。…Read More

去左兩次，都在十點前小小，每次都見到一大班人齊齊等開門。腸粉好吃過同在太子的所謂 "第一腸粉"亞媽仲意煎釀茄子我就仲意流沙包一行四人，吃了六碟點心，都唔使 $150 蚊，真係又抵食又好味…Read More

這些街頭小吃，澳洲可以講話冇得吃。所以次次返香港，都會去泉昌吃餐飽 。咖哩魷魚夠辣臭豆腐加甜醬辣醬，好味今次去到見佢剛剛在炸鯪魚球，買左十蚊有五粒，幾旦牙，又抵食 開心下午茶。…Read More

本來以為粵已經算高尚，應該唔會吃晚飯也不能安安靜靜。去到碰到另一枱人，十幾個，大聲到不得了。我地要求坐另一邊，都聽到佢地。到我地結數時，佢地連粗口也有。其他幾枱人，加事應生，都搖搖頭。其實部長應不應該插手？或者十幾人枱搬去"貴賓"室，就大家都可以安安樂樂吃餐飯。…Read More

我特別仲意吃腸粉。見到這間有米芝連的腸粉店，特地去試試。十一點去到，唔多人，都要好等一會，才有得吃。可惜腸粉，料冇特別之處，豉油唔好味，比起在澳洲普通飲茶吃的還差一點。除了抵食之外，冇好野可以講。我相信米芝連評級人一定不是多吃腸粉之人…Read More