sunflower1007's Profile

食物就冇咩好講，茶餐廳質素不過不失冇乜驚喜。叫杯凍奶茶少甜就甜到飛起，水吧完全無視顧客要求。餐廳面積好大，不少卡位亦都有好多張細雙人枱，但明明有吉枱都係要人搭枱，張枱又細，又冇嘢隔住，同對面一個陌生人咁近距離食嘢真係唔係咁Ok囉。最後我都堅持坐去張吉嘅雙人枱。果個著黑衫嘅女員工（應該係高級啲）仲忿忿不平黑起塊面咁講咗幾次：「我哋好好生意架喎，呢度係要搭枱架喇，係呀我哋好好生意！」咁我就真係祝你生意興隆，我就一定唔會再幫襯。香港飲食業同的士司機服務一樣…Read More

從開張到而家服務態度都係好一般，都俾咗好幾次機會佢，始終係改唔到。呢間餐廳啲呀姐叫人搭枱叫上癮，明明大把位，叫我搭去張兩人枱，佢張兩人枱鬼死咁細，即係叫我同對面呀叔兜口兜面親密食飯。河粉賣晒一句得埋嚟：河粉賣晒，冇！跟住轉身就走咗去😳嘩，使唔使咁呀，一啲都唔客氣。仲有佢入面近水吧位勁重油煙味，食完返到屋企都係成身味，屋企人問我去咗邊度🤦🏻‍♂️佢啲嘢食係唔差嘅，但咁嘅環境同服務，唔值得再俾機會，觀塘大把茶餐廳唔係得你一間，寧願行遠少少唔洗受氣坐得舒舒服服。…Read More

樓面對啲熟客就有講有笑嘅，生客就一般啦，男經理鞋口鞋面，講嘢冇尾音；舉手舉到手軟先有人見到你，亦冇主動加水。定位係比鴻星高級，但連紙巾都冇供應要走落樓下7仔買。叫咗乳鴿，手套又要問先肯俾，大佬呀，唔係同我講因為環保吓嘛。食物方面就中規中矩無咩驚喜，鳳爪夠淋入味，炒米粉乾身但冇咩鑊氣，果碟普普通通灼菜心要$68十條都唔知有冇，賺到盡。點心逐件計價錢，有好有唔好啦。食少少嘢人均都要200幾，總括嚟講- 冇下次。…Read More

睇到咁多好評，又見到佢個花膠雞湯幾吸引，就趁老婆生日一家四口去試吓。舖頭好細，十五張枱左右一眼睇哂，都幾逼夾。好耐都冇見過張枱上面鋪咗幾十張膠枱布然後用四個大夾夾住枱角，一台客走咗枱都唔洗抹呢種大排檔setting。一坐低即刻叫咗個招牌花膠雞湯底（大）先，湯係幾夠濃幾好飲嘅，冇咩味精味，花膠大塊夠腍，雞肉亦都幾滑，呢個湯係幾好飲！到火鍋配料，叫咗炸魚皮、響鈴、爆汁牛丸、炸魚角、桶蠔、澳洲牛肉、冰豆腐、生菜等等；可以講除咗貴之外，質素係非常普通。響鈴竟然係腍嘅，所謂爆汁牛丸一食就知係振興牛丸，一模一樣，澳洲M8-M9牛冇咩油花，食開牛嘅我可講呢碟一定唔係M8-M9，吉之島一pack pack果啲都好食過佢。出得去打邊爐預咗貴，但你都要俾返有啲質素嘅食材啲客先收得起果個價㗎⋯⋯見隔離枱叫咗3隻花竹蝦，蝦頭到尾差唔多一隻手板咁長手指咁粗，就點咗四隻(時價)，服務員後尾出來問要邊款，$168，$238，$298，我地最初以為係4隻價錢，佢話唔係呀，係一隻呀，嚇到我即刻縮話唔要喇，心諗就算最平果隻🦐，加埋一咪成200蚊隻？睇返以前食評同價目表，呢間餐廳都加咗好多次價，明嘅，成本上升，加上疫情後所有食店都你加我又加，報復式收費總括而言，環境好一般，坐得唔舒服、係個花膠雞湯唔錯，其他食物貴得有啲唔合理（白飯要$20，一丁面要$28，憑什麼？），似劏遊客多啲囉。收咁嘅價錢大把其他選擇，肯定冇下次，完。…Read More