jennycmy's Profile

Weekday lunch time after peak hours like 1:35pm左右經過呢間餐廳，冇帶任何想法就入咗去。一坐低揀咗個二人set lunch：前菜三選一：唔想食炸嘢，所以揀咗咖喱豬皮蘿蔔。味道平庸，算不上係好食。是日靚湯：有梨、無花果、南北杏等食材。全個餐唯一好食嘅item。不過其實出面已經有好多餐廳老火湯都好有火喉，絕對稱唔上值得encore。煲仔飯二選一：揀咗冬菇滑雞飯。睇落同食落都係用瓦煲上嘅普通蒸飯。小菜四選一：揀咗沙嗲肥牛粉絲煲。粉絲少得可憐，牛冇牛味，沙嗲冇沙嗲味，差到極點。時菜：菜心同唐生菜二選一。水份多到菜葉痴住哂，喺屋企自己白灼都好過佢。唯一值得讚嘅只係service做得比較到位，職員有禮貌。以上menu連加一收我超過$400。完全唔開胃，$200我都嫌俾得多。仲要收double。…Read More

心思思想行吓新商場，但周圍嘅餐廳都比較貴⋯（糧尾冇辦法啦係要慳少少🥲）偶然見到Crystal Jade，menu同其他分店有少少唔同，選擇比較多，決定一試💪🏻甜酸青瓜簾 有驚喜，幾開胃，食唔停😆糖醋魚柳 個人都中意😀椒鹽黃金豆腐 一上枱就淋⋯⋯seems like翻炸🫣桂花酒釀丸子 唔會太甜，煙煙韌韌，好味😚環境都幾開揚，裝修幾靚，仲有落地大玻璃！餐廳員工都好helpful，睇得出佢哋好忙，但都及時提供到service，斟茶，收碟之類的⋯⋯值得一讚👍🏻…Read More

假日晚周圍都要等位，見呢間冇人排，貪快決定一試，點知就中伏了。首先叫咗個菠蘿炒飯，飯係濕嘅，不能稱之為炒飯。入面仲有啲生菜絲，我見識少，真係從未見過菠蘿炒飯有菜絲，可能都係啲菜令到個飯濕⋯⋯其次係馬拉盞通菜，menu標明係辣，但連我呢個譚仔十小都食唔到嘅人，都覺得佢冇味⋯⋯佢似係蝦醬溝水煮通菜⋯⋯完全食唔到味道，同馬拉盞嘅香。最後係香茅椰香浸蜆⋯⋯冇椰香味，只係普通水煮。食完，唔夠飽，都唔敢叫其他餸。呢個價錢，出面一定食到起碼有味道嘅越南菜。…Read More

同朋友去搵地方食生日飯同打卡，睇中咗呢度個環境，所以book early dinner。但果然，魚與熊掌不可兼得，食咗個環境，就唔好expect嘢食有幾好喇。當晚我哋每人叫咗個set dinner，頭盤+主菜+甜品。另外仲叫咗個seafood platter。第一個上嘅蕃茄湯都ok嘅，本來都有少少期待，但之後完全係失望。Seafood platter is totally a disaster，完全冇味，連texture都怪怪的。最後係以Movenpick雪糕收尾，先勉強安撫到我發哂脾氣嘅胃同味蕾。呢間嘢係食tea set比較出名，但我唔好甜品，同埋係想睇哂日夜景色先揀食early dinner，非常後悔。…Read More

同家人去食生日飯。我地人多，又要等齊人，又要等侍應埋嚟幫手，一開始真係好肚餓，仲要start with clams，一人得幾粒⋯⋯感覺真係好少同唔夠喉。慢慢就越上越豐富，有帶子，鮑魚，蟹，龍蝦等等！新唔新鮮我唔識分，但兜調味料原封不動⋯⋯🤤最正係最後嘅海鮮粥！所有精華溶哂落去⋯⋯諗起都好回味！有機會要再食🤩不過，佢地嘅人手真係嚴重不足。全場得三至四個侍應，唔叫都唔過嚟serve。尤其一開始肚餓，同最後趕住走，咁等法真係幾唔耐煩。我覺得佢地應該要行西式servcie，每人專負責兩三枱，service可以更到位，更清楚每枱客食到邊。另外就係飲品。每次都要落order，真係好慘情。如果可以加錢free flow就好了。…Read More

話說之前同朋友慶祝生日，想搵間靚靚仔仔，座位好嘅餐廳，事前打電話去訂枱。點知去到，要同人搭枱。我就話：「其實下次可唔可以訂枱嘅時候講一聲，等我有個心理準備同預算」本來只係想交代一下意見，點知個經理話：「我地嘅客人預左架喎」我嗰下即刻有啲嬲，我反問「咁我第一次嚟，你係咪都expect我會知呀。如果我有搭枱嘅準備，我做咩要預早book，我可能甚至唔會嚟食啦」但個經理冇理我，只係叫我用QR code落住單先。完全冇少少要安撫客人嘅態度。我scan完個QR，發現佢direct我去app store download一個app先可以落單。其實我就唔多中意download一啲唔太實用嘅app，如果只係為左一間餐廳就更加唔值。於是我再問同一個經理，除左app，我仲可以點落單。佢話「微信」我問：「冇微信呢」佢話：「咁我幫你唔到，你要下載app」我好不滿咁話：「你唔應該expect所有客人都用wechat or download specific app，你要環保，OK，俾個tablet我」佢話冇，跟住仲補左句：「依家出面全部都係咁做」我即時反駁佢話人地scan QR code係去一個網頁落單，唔係好似你咁逼人download app，同埋人地一定會有另一個more customer oriented option而唔係你口中嘅微信囉。但佢都只係話：「我幫你唔到」客人投訴，俾意見你，你嘅反應就係「幫你唔到」，真係拍爛手掌。呢間野，未食都已經受哂氣，一定唔再去兼同其他人講唔好去之後即刻轉左去另一間放題，收到嘅都係傳統落單紙。哈，咩叫「依家出面全部都係咁」唔好自以為領導緊個巿場啦！就算你快人一步改用e service，你都唔配囉~…Read More

冇令我失望！吞拿魚好新鮮，唔係嗰啲連鎖壽司店咁多筋冇味又好粉（我食赤身，冇試腩）。三文魚都好肥美，池魚刺身好驚喜！海鰻壽司又好正⋯⋯總之，兩個字：新鮮！連wasabi都係新鮮架唔係用粉搓嘅哇卡卡~不過熟食就麻麻地啦，佢話係燒三文魚，但睇同食落似煎同炸，唔係咁討好囉。價錢方面其實唔係平過人，不過咁好質素，性價比真係幾高！一分錢一分貨，貴但好滿足🤤環境都幾唔錯，闊落，整體色調令人好舒服😚我地坐角落好夠私隱，唯一有點可惜嘅係茶杯又細，又成日搵唔到waiter斟茶🤦🏻‍♀️btw佢用抹茶粉泡茶⋯⋯都好正🤣…Read More

話說我之前寫左封A4紙咁長嘅投訴信，仲未有回覆，諗住上嚟睇下有冇management嘅聯絡方法，點知睇到其他有關服務嘅投訴，所以寫埋一份😌我唔係幾明點解可以空左半個場，都唔收walk in。openrice book唔到，電話冇人聽，諗住walk in，結果被拒諸門外。跟住同我講只收openrice訂枱，但我相信冇乜人知。資訊透明度極度不足。山長水遠嚟睇小櫻結果咩都冇得食，冇得買，仲一肚氣。不到黃河心不死，小櫻始終都係要睇，結果訂左一個月後去食😤野食唔多評價了，主題Cafe志在打卡🤪不過個櫻花樹蛋糕幾有驚喜，好好味。商品賣哂唔補貨，仲派限購紙做咩，攞景定贈慶。At the end，我仲等緊management嘅回覆😊…Read More