billyz1314's Profile

今次已經係第2次團購甜品放題。同朋友一行5人又瘋狂食食食。$78蚊可以任食1.5小時，之後要比多8蚊服務費。其實計落係好抵。之前食過都OK所以今次再encore!甜品種類都算多，有凍有熱，有中式西式，但有d款係每人限叫一次。我地差唔多試哂咁多種，好誇張, 不過open rice 最多只可upload 12 張pics就唯有介紹12款甜品啦!多士外層好脆，士多啤梨雪糕OK既，不過唔夠滑。呢款熱食，啱女仔，薑味唔太濃，"in韌"既外皮包住芝麻，食落唔會太漏。仲可以驅寒。呢款d 沙冰好幼細，有d芒果味，食落好涼。而d丸子口感好煙韌，好多咬口，d芒果啖啖肉，都幾甜呢款由薄薄既酥皮包住d芒果肉，淋上煉奶, 忌廉，酥皮內裏係空心而且好香好脆。多芒芒果布甸，呢款其實麻麻，外邊d芒果肉OK，夠甜，但個布甸就冇咩芒果味，口感似布甸而且，而入面d果肉都冇味。呢款 個窩夫就一般，口感軟身似個餅底多，味道偏啖。雪糕ok，只係唔夠滑。呢款心太軟配兩球雪糕(朱古力同雲呢拿)，可惜心太軟唔太流心，味道一般。唯有欣賞雪糕而且，不過朱古力冇咩味。雲呢拿OK既。呢款白雪雪既椰汁外皮好滑，散發出絲絲椰香，包又大又甜既芒果肉，加上上層係芒果沙冰，甜得黎又冰涼。呢款 芒果雙丸，芒果肉配上沙冰，再加上丸子和芋丸。丸子夠煙韌，可惜芋丸有d硬，可能未解凍，芒果肉都係少少甜，沙冰夠心涼。呢款奶凍有濃濃朱古力味! 口感好滑! d蕉就生左d香蕉船味道不太淡也不太濃，食雪糕+香蕉為主...冇咩特別呢款芒果西米露~芒果甜，沙冰凍，配埋啖啖爽口西米露，一絕!…Read More

同朋友去開尖沙咀，見個肚餓餓地，又唔想食太飽，諗住求其食碗麵算啦。見到呢間，反正未試過就姑且一試。上菜都算快，$28蚊，有5粒雲吞，而且都幾大粒(有乒乓波咁大粒)，d河粉就少左d。每粒雲吞都有蝦同少少豬肉。好足料。入面d蝦十分彈牙爽口。河粉夠哂幼細，係尖沙咀呢d地段，算係好抵食。不過唔好預會飽，當tea or 下午茶OK。…Read More

呢間野，其實之前食過，不過係晚餐。今日同同事就黎試下佢個午餐。食飯時間，間間都好多人。等左~5mins 終於入到。環境都唔錯，坐得幾舒服，唔知係唔係唔夠人手定間隔有問題，好耐先有staff 黎。泰式海南雞配雞油香飯 不二之選。有埋湯同埋一杯野飲。碗湯~唔錯，味道幾濃而且有少少胡椒味，胡椒味冇蓋過湯既味，倨人幾鐘意~主角海南雞飯。d飯稍為乾左d，d雞就十分正，全部去哂骨，啖啖肉，十分滑，冇痴牙。又唔會太生(見到有血)。就份量黎講，對女士係啱啱好，但男士相對會唔太夠。最後杯凍檸茶都唔錯既，唔會太甜(啱哂d飲少甜既人)最後埋單都需時頗長。…Read More

我地原本係去食亞婆豆腐.....花既，點知亞婆收檔啦，唯有搵第二間啦。行行下就搵到佢。都有5-8個人排緊隊，羊群心理下，排埋一份。諗住去探下西施，點知唔見人，心情低落就叫左碗最普通既桂花冰糖豆腐花。個人鐘意超甜，所以加左好多黃糖。豆腐花熱辣辣，而且幾滑，一啜直入喉嚨。豆腐花都"傑傑"地，但豆味偏淡。桂花冰糖唔算甜，正因為咁我加左好多黃糖。份量都大碗。ps D碗大細不一，同行友人碗豆腐花都冇我碗咁多。…Read More

平時lunch time 同事們都鐘意去euro go go食unch，算係快餐外既另類選擇。歐陸式菜式，帶來新鮮感。個人比較喜歡呢度既pizza 夏威夷及Super。鐘意佢個底夠薄同脆。由搵位，叫餐都需自行搞掂，唯獨送餐係由staff負責。夏威夷 - 熱辣辣，個底又夠脆，咬落卜一聲，用力一扯又有種"煙un"既口感。個人會落大量芝士粉，造出芝士味。配埋d菠蘿肉同火腿就夠爽口。芒果pancake既皮唔算薄，切落唔會咁易爛，而且好多cream，cream係凍既，芒果肉就唔算甜，而且果肉質地仍係比較實淨，唔會熟過頭蓉蓉地咁。(跟餐+9蚊)蒜蓉包好大陣蒜蓉同牛油味~十分香脆，…Read More

今日同同事到呢度食lunch，聽講呢度食小菜幾出名，但lunch要顧住時間，所以叫lunch set 算。黎到啱啱有位，即刻叫個滑蛋叉燒炒河。數分鐘後已經上菜了，極速~因為撈左d滑蛋落去，d河濕濕地，好易入口，又冇多餘既油，完全冇油膩既感覺。佢應該係炒完d河先落d滑蛋落去，所以d河既質地係外濕內乾，好味道! d滑蛋都有幾多蛋白既~嫩滑既蛋白加埋香濃既汁。而叉燒肥瘦適中，而且冇雪藏味，係稍為有少少乾姐。配埋d蔥既香味，成為左一碟色香味美既滑蛋叉燒炒河。份量都OK多，抵食既。所以真係快靚正~…Read More

例行公事同同事出去搵新餐廳試菜，黎到門口見裝修新淨，咁啱又有位，估佢應該新開冇耐，就試一試。望完menu心血來潮想食肉燥飯，就order左個肉燥雞排飯。突然傳來一陣怪味，粗略聽到隔離位問緊野，只聽到店員說係肉燥既味。等左陣我既肉燥飯黎啦~然而我聞到從我碗肉燥飯傳出一陣剛才聞到既怪味。我再聞多次，同事們都認定係我碗肉燥飯傳出果陣好肉"宿宿"地既味。我認為係肉燥壞了~但同事話冇事既。我就抱住死就死既心態把飯同肉燥都撈混。然後一啖放入口，果陣怪味，差d令我反胃，後來食食下適應左~試真d有dd辣，一粒粒細小既肉燥伴隨著濕濕的飯，好似糊狀一樣。而果d豆，居然係辣既~而且比肉燥還要辣。幸好雞排係正常既。雞排有半隻手掌大，雞肉有少少"鞋"，但塊雞皮唔錯，幾香。最後杯凍華田都係一般冇咩特別。…Read More

葵芳除左葵涌廣場多野食外，商場外亦有好多食店。今次我就跟同事們到一間韓燒食午餐。呢度地方闊落，環境舒適，仲有大電視睇添。呢度午餐既價錢分兩種學生同非學生，如果係學生會仲抵食。 無論係邊種都送甜品 - 豆腐花一客。今次叫左個雞肉石頭窩飯。呢個石頭窩飯包埋泡菜同涼伴菜。仲有冷熱飲品，不外加收費。呢個石頭窩飯十分燙手，小心進食! 呢個時候要盡快撈下佢，如果唔係好易黏底同結焦，混合後菜多肉少一啖食落，有肉既香味亦有菜既口感，雞肉有少少"鞋", 飯既質感很好，軟硬適中，只係間中食左d飯焦, 飯焦如果唔係太焦都十分正，脆脆的，不過太焦就小心咬崩牙，又或者痴牙啦石頭窩飯尤其適合冬天，熱辣辣，食左1x分鐘仍出哂煙而且熱力十足，熱力由飯經喉嚨再到肚，即時暖番哂。我喜歡食泡菜，呢度既泡菜辣度適中，送飯真係一流。敗北之處係杯凍檸檬茶係完全冇落糖，一d甜味都冇既，只有檸檬酸味同凍。食完唔夠飽記住拎埋碗熱豆腐花先好~豆腐花落埋糖漿冇得彈。不過豆腐花就唔太滑~…Read More

西九龍中心八樓既food court 向來都好多野食，大約有2X間不同既食店，你想食既基本上都可以係到搵到。而且價錢親民，但遇上午飯時間，真係一位難求。繞場一周後，見到呢間鐵板餐好多人排隊，望一望個價錢，好抵喎鐵板餐3X蚊，基於羊群心理就姑且一試。望落幾似某間鐵板餐廳。e~份量呢好似唔係好夠一個男子食喎!雞排有半隻手掌咁大~d雞肉有少少"鞋"，但塊皮幾香, 都OK既!而d肥牛就因為係鐵板燒既原因，好乾，牛肉應該用緊吉野家果種。粟米都幾多，但唔甜，志在有d爽口既口感。飯既質感比較粒粒，食落時迎面有股熱氣~杯凍朱古力就比較淡，因為落得太多冰啦~連野飲$38 真係好抵，但味道係一般姐~…Read More

自細開始已經好鐘意食腸粉，每次陪家人飲茶都例牌叫腸粉，但我覺得最好食都係係大陸果d大排檔食果d，自己嗌料然後即整。 今日行過西九龍中心附近，見到有間專食腸粉既舖，心思思拖埋朋友走去試。係門口見到個呀叔即場整腸粉，心中抱有期望。內進後~叫左個叉燒腸。腸粉外表十分滑，食得出係用米漿蒸出來的，口感黏黏的，唔會太稀亦唔會太"傑"。薄薄的外皮包住叉燒，叉燒冇雪藏味，肥瘦適中，而且十分足料，唯味道一般，而且唔太熱。一碟三條，好過一般酒樓果d。…Read More

手作之店對我黎講一d都唔陌生，細細個就幫襯順便欣賞下班"姐姐"，今日同朋友經過西九龍中心既手作之店，當然要回味一番。至今仍然係叫一個大單球芒果雪糕，我喜歡那芒果味，是真芒果味而不是慣常食到的人工色素。雪糕質地幼滑，不會有小冰粒等雜質，而且好結實，食落有d黏口，一啖放入口，凍凍的然後慢慢溶化，過程中感到有絲絲的甜味。我喜歡用杯裝，因為唔會因為溶而流到成手或者周身都係~可以慢慢品嚐。…Read More

呢幾日天氣急速下降，日日凍得騰騰震，午餐決定去打邊爐，暖暖個胃。由於冇得電話預約，所以聽天由命，12點啱啱開始營業，d員工仲執緊野。係門口等左15分鐘左右。午市有2種，一種60分鐘冇得refill肉。另一種90分鐘任食(雞牛豬肉)我地揀90分鐘果種因為我地黎食肉補身既~叫左兩個鍋，一個辣另一個鴛鴦湯底。Refill速度有d慢，建議落哂d肉就即刻refill啦豬肉同牛肉都切得好薄，牛肉就OK啦，有dd過肥，而且有d"鞋" 但好有肉感雞肉同豬肉比牛肉好食，雞肉就滑d，豬肉冇咁油膩同有口感d。火鍋配料有菜：菠菜，生菜，油麥菜，娃娃菜，滑豆腐(推介 好滑又唔易散) 蕃茄(推介 新鮮好甜，生食一流)瓜果類：翠玉瓜，紅蘿蔔，白蘿蔔，洋蔥，大蔥，粟米丸類:魚丸，龍蝦丸，芝士丸(推介，好流心芝士，不過小心熱)等其他:芋絲，年糕，日本餃子，脆皮腸。殿粉類:烏冬，拉麵，炒飯飲品有橙汁，蘋果汁，提子汁同汽水(無限refill)臨走記得食埋杯雪糕~有得自己配料，個人推薦曲奇。…Read More

近排天氣轉凍，加上又臨近農曆新年，聚會唔係打邊爐就係火鍋。朋友介紹呢間陸陸雞煲，由於知道好多人所以預先打電話book位。黎到都要等差唔多20分鐘先入到，其實真係幾多人。我地一行七人叫左兩個陸陸雞煲(例)，一個BB辣另一個中辣。店員會親自幫你搞埋雞煲，認真識做，我地剩係負責食BB辣係有少少辣既，啱哂d唔食得辣既人(呢度冇唔辣既雞煲)。d雞其實份量都幾少，而且d肉都幾"鞋"但幾入味。而中辣都唔算辣，不過係麻多，成條脷係麻痺，佢放左d花椒，不過幾惹味，味覺一大刺激，不過都係雞既份量好少。食完雞，仲係好肚餓，即刻叫店員加湯，真正既戰鬥馬上要開始，手切肥牛，望落幾大碟，食落好細碟，但切得好薄，"陸"幾"陸"就食得牛柏葉就爽口，響玲又係好正，浸5-6秒就食得唔太"淋"，粟米就爽甜，金菇冇果陣泥味，洗得好乾淨炸魚皮就大大塊，唔會大碎，就咁食亦得~羊肉薄薄的~有陣so味 都OK六寶丸幾好味，手打既所以爽口彈牙。芝士腸，午餐肉，菜就一般 唔需要特別提及個人特別喜愛香蕉冰，成杯都幾重手，好重奶香同香蕉味，d冰又幻細~解麻一流…Read More

放假通常都係小弟外出搵食既時候，今次係荃灣搵到呢間，地理位置黎講，幾唔顯眼。小弟抱著一試冇妨既心態姑且一試。地方唔大~佈置冇咩特別~奇怪地四周都坐滿人~一個人係最易搵位既!冇有怕望左一陣menu~湯底有四種:香芹蕃茄湯，黑胡椒蕃茄湯，風味辣蕃茄湯，酸菜蕃茄湯就嗌左個黑椒煙鴨胸湯麵(香芹湯)等左陣~就黎啦~望落都幾足料。第一樣梗係飲番啖頭啖湯。酸酸甜甜的，有蕃茄味，仲有一大陣香芹味，香芹味較重，個人唔係咁鐘意。撈幾撈有幾舊茄肉，我唔客氣就一啖一舊，d茄肉溶哂入口，酸溜溜的。即刻挾住麵試下先~d麵都唔錯，幾爽口，又冇梘水味。最後試埋d鴨胸。估唔到咁大塊，咬落去好有肉感又唔油膩杯熱菜蜜唔錯~甜度適中~飲落去喉嚨好潤。…Read More

當知道葵芳新都會廣場開左Pepper Lunch 後一直都想試，但冇奈每次都大排長龍。今日終於係food court 外都食到Pepper lunch。係門口已經聞到好大陣鐵板燒味。等左20分鐘先入到去，估唔到Pepepr Lunch 都有雪糕食，梗係要一試啦。必食鐵板黑椒牛肉飯，落左單後，店員會把鐵板送到枱上，熱辣辣既鐵板，周圍都感受到佢既熱力，同果陣"芝芝"聲，令人急不及待要撈混佢。望住d牛似由生變熟，口水都流哂。撈完一輪終於食得，熱辣辣咁放入口，成口都充滿熱力，可惜黑椒味欠奉，唯有人手加。有少少辣，乾身既牛肉 加上爽甜既粟米粒，仲有少少飯焦，真好味。粟米粒份量ok唯牛肉就少左d。食完就試埋個朱古力雪糕~第一眼以為係M記個雪糕新地，啱啱食完熱辣辣既鐵板就轉食凍冰冰既雪糕，都驚會唔會肚痾，個雪糕就一般~d朱古力醬唔甜，有d粒粒楱子增加口感~雪糕個質感唔錯，好實但就唔係咁滑。…Read More