Patrick324's Profile

好少去到天后嗰邊，但「今晚阿sir請食飯」😆😆，被邀約到ASAP晩餐，竟然有驚喜。 5：30pm，因爲要先傾工事、再開餐，過程中店員冇催促，亦樂意配合先上前菜比我地慢慢傾。前菜沙律新鮮爽口😋、海鮮酥皮湯放左一陣先飲，快酥皮都仲好脆。湯好飲，飲完唔口渴，真材實料。😋👍 傾完工事，終於開餐，我揀左吉列豬扒蛋包飯，豬扒嫩滑，蛋有蛋香，飯底我揀左茄汁底，更開胃。飲品揀左焦糖牛奶，好得意，焦糖、棉花糖粒粒自己diy加落去，IGable。😆😆😋😋 全程由店員Irene招待，親切有禮，亦悉心安排上菜次序。最後店員仲送上雪糕比我地做甜品（唔知係咪期間限定🫣🫣），正！ 最後回程行返去天后MTR，原來附近係超多食肆，種類繁多，下次除咗響銅鑼灣搵食，都會search埋天后站😉👍，ASPA肯定係推介之一😆👍…Read More

小朋友中意食火鍋放題，襯小朋友生日，又吾想去太遠，就响附近食啦～🙂👍我哋晚市成8：30pm先去到，星期五晚上嚟講又真係唔算多人，好快就安排入坐。地方乾淨，地下冇黐立立👍。自取食物區亦整齊& fill得幾滿👍(因為已經8：30pm，之前試過期他任食放題，職員已經開始收嘢 or 自取食物區已經好似打完扙咁😐)職員服務態度亦好nice，會主動收走枱面吉碟，佢哋收碟嘅時候我習慣左講「唔該曬～」職員都會同我講返「唔使客氣～」，我就係中意呢啲人與人之間嘅相處🤗💛食物雖然唔算太多選擇，但樣樣質素都ok👍，雞肉嫩滑，牛肉薄得嚟都有牛味😋，小朋友最中意就係可以自製格仔餅，舖頭仲好有心思，放左個沙漏去幫手計時，啱啱一分鐘就可以整好格仔餅。最後，因為小朋友生日，餐廳仲播埋生日歌，送埋小蛋糕比小朋友，仲有份好有心思嘅小禮物添🥰🥰🥰（生日小蛋糕需要提前booking講定先有㗎😉）…Read More