Chung_gor's Profile

係荔枝角D2 Plaza有間食酸菜魚既餐廳，位置易搵，而且座位寬敞舒適，中意食酸菜魚既朋友一定唔可以錯過廚十三，味道非常正宗香酥雞翼 $70單骨雞翼食落方便，香脆可口，仲有辣椒粉可以加不開心的黑木耳 $40菜名都精心設計過，不開心的黑木耳係因為係黑蚊蚊所以唔開心？黑木耳用左泡椒同醋醃製，酸爽清甜老壇酸菜魚(小份) $300配菜追加每份 $28酸菜魚厚度岩岩好，魚質夠嫩夠滑，湯底鮮甜且酸酸辣辣。另外追加左土豆、蓮藕、金針菇，土豆同蓮藕薄身爽口整體食物質素：4 / 5…Read More

今次上網搵左好多資料，最後揀左黎間餐廳同佢慶祝生日。同網上講既一模一樣，真係好似秘密花園一樣，牆上放滿花草，燈光偏暗，非常有情調店員要先上餐包，可以配搭油醋沾包黎食，麵包好鬆軟Hokkaido Scallop with Black Truffle Risotto北海道帶子黑松露意大利飯 $278意大利飯係佢既最愛，當然一定要點啦。帶子熟成度岩岩好，介乎係熟同唔熟之間，口感有層次感，外層微微煎過，但內裡就好似刺身甘嫩。黑松露味好濃，意大利飯軟硬適中，忌廉汁唔太膩，兩者配搭得黎簡直天衣無縫Prosciutto Pizza 帕馬火腿薄餅 $268當然唔少得我最愛既Parma Ham，每一塊pizza都平均分配到一塊，火腿薰制既年期應該都唔少，有一陣咸香味道，同芝士真係好夾，薄餅仲要係薄身個隻，所以好香脆整體得分: 5 / 5…Read More

朋友介紹黎間火鍋店做緊7折優惠，聽講d野食都唔錯，餐廳環境好乾淨，火鍋醬料好整齊黑松露野菌鍋 $168不得不介紹湯底，店員介紹左黎個黑松露野菌鍋，黑松露味好重好香，加上d野菌，成個湯底都提升左刺身拼盤(竹) $188話明中日火鍋甘一定有d日式野食，就係黎個刺身拼盤，食火鍋前先食個刺身做前菜，有甜蝦、鮑魚、北寄貝、帶子同墨魚，相當新鮮鮮甜老友鬼鬼 $78老友鬼鬼其實係油炸鬼釀蝦膠，聽落已經覺得好吸引，係甘食就脆脆地，如果吸埋湯汁軟綿綿口感更加豐富火薈牛肉塔 $369食火鍋點少得牛肉，黎個牛肉塔有齊唔同部位既牛肉，有安格斯牛肉、牛柳粒、牛舌、牛同牛胸爽。牛肉好新鮮，每一塊油脂分佈好平均其他火鍋配料我地仲嗌左午餐肉、餃子等等，基本上全部野食都好新鮮，加上7折優惠，好抵食今次食得太飽未有機會試埋個甜品，但個雪芭都好吸引，下次一定會留肚食整體得分: 4 / 5…Read More

聽朋友講係顯徑邨冬菇亭出左海鮮蒸汽火鍋，天氣又轉涼，見近近地就去左嚐鮮平時火鍋店既醬料區通常都好亂，但黎度都算好企理龍蝦餐、海蟹餐(各一)6款海鮮拼盤二人份量海鮮拼盤，兩個人食真係岩岩好，適合每樣都可以試d。有聖子皇、貴妃蚌、多寶魚、黃金蜆、海蝦同時令貝。樣樣都夠晒新鮮安格斯牛肩肉牛肉肥瘦均勻，好靚既雪花紋，入口軟腍，肉味濃郁火鍋配料配料可任選8款，我地揀左滋補花膠、自家制墨魚滑、蝦滑、自家制墨魚丸、貢丸、牛根丸、肥牛同菜。自家制真係自家制，用料的確足料新鮮，相比起貢丸同牛丸就比較遜色。竹庶水及汽水任飲值得一提既係竹庶水，一d都唔會死甜，係岩岩好既竹庶甜粥底將栗米粒、芋頭粒、南瓜粒同米飯加入充滿海鮮鮮甜既湯底煮成海鮮粥，味道又點會差。煮到粥底軟綿，連鹽都唔洗落整體得分：4 / 5…Read More

一間很有特色既餐廳，去到門口已經比佢吸引住。裝修很簡單，不花巧，環境很舒適，很溫暖既感覺。一入去就已經比佢個大鞦韆吸引住，四周仲有植物既裝飾，比人既感覺好舒服。之後係中間仲有著好大既檯，放滿左好多唔同既遊戲，可以拎黎玩，岩哂我地呢d鐘意玩既人，簡直係心心眼😍😍芝士焗薯條 $78薯條芝士好多，薯條仲熱辣辣先至好食，又有好多既BBQ粉😋😋，真係十個正😍😍鵝肝多士配柚子莎莎(無花果黑醋汁) $118本身唔食鵝肝既都試左少少，真係好好味，個多士仲好脆添，點埋黑醋黎食仲好味，下次一定要再食呀😋😋😋巴馬火腿辣肉腸意大利飯 $128意大利飯d飯好有口感，唔會太淋，又唔太硬，仲好重忌廉芝士，真係岩哂我呢d芝士控既人呀😍😍😍美國安格斯肉眼扒12安士配燒蒜頭薯仔(賓尼吏汁) $288個肉眼扒都好正😋😋d肉都好軟，嗌左7成岩岩好一d都唔老😝😝😝仲有炸薯角焦糖燉蛋 $48朱古力蒙布朗 $48柚子芝士蛋糕 $48最後緊係要有甜品啦，我地叫左3個甜品😋😋😋全部都好好味，至愛焦糖燉蛋同柚子芝士蛋糕，個蛋糕好清新d味😍😍最正係Kiss $62(Apple Juice, Cranberry Juice, Soda)除左酒精飲品，仲有mocktail😆Kiss甜甜地有莓味。飲品做緊買一送一優惠，傾計傾到口乾都唔驚啦😂😂😂真心呢間餐廳超正，下次一定會再黎呀👍👍👍推薦指數 (5/5)…Read More

今次同朋友黎食粥底火鍋 我地4個人嗌左“發哥豪華海鮮套餐” 點左兩份龍蝦餐(每位$288)兩份海蟹餐(每位$248)(海蟹係可以提升粥底甜味香味) 套餐入面跟配涼菜 燉湯 蒜蓉泰醬青口 仲有其他海鮮 牛肩肉 可以揀8種配料 同飲品任飲 甘既價錢食到甘多野而且好新鮮好高質仲唔係物超所值蒜蓉泰醬青口(冷盤)估唔到蒜蓉同泰式甜辣醬係甘夾 青口惹味 甜甜辣辣好開胃燉湯黎個燉湯真係真材實料好足料用左螺頭 豬肉 雞肉好多種配料去燉 好鮮甜濃郁 好滋補海鮮盤好豐盛 足足用左兩個盤先裝得晒 有龍蝦 海蝦 聖子皇 貴妃蚌 多寶魚 黃金蜆 海蝦 時令貝 全部都好新鮮鮮甜 真係無得輸最後店員幫手用個湯底煮埋個粥 集合晒所有海鮮精華之後 粥好鮮甜綿滑推薦指數: 5/5…Read More

糖沁甜品聽個名會覺得係一間甜品糖水餐廳 但其實仲有其他主食 由店主們親自打理 雖然都係一d簡單既台式麵食同飯食 但私房菜感覺十足 餐廳都好乾淨企理雞翼撈麵套餐 $35由於朋友加班岩岩收工 飯都未食就俾我拉左去食甜品 所以岩岩好黎間鋪頭有賣主食 朋友就點左滷水雞翼套餐 雞翼滷得好入味 撈麵就係印尼撈麵 份量岩岩好 唔多唔少 仲可以食多個糖水榴槤飄香 $36估唔到店主甘足料 落左好多榴槤肉 中意食榴槤既朋友一定會好中意 而糖水底係椰汁西椰露 店主既糖水都係低糖 甜度岩岩好蜂蜜綜合芋圓仙草凍 $36好多配料有薏米 小丸子 紅豆 仙草 芋圓 珍珠 甜品都係岩岩好 值得一提既係 店主自創既火龍果芋圓 好吸引下整體得分 (4/5)…Read More

筲箕灣既東大街出左名多美食 今次又俾我發現左一間餐廳 裝修風格簡單加埋d懷舊經典配搭 令到人一入餐廳就覺得好有feel 再望真d連餐牌設計都好用心 好多懷舊既特色食物日本沖繩海鹽雪糕白牛 $30 （右）係人都知白牛係雪糕加雪碧 但從一杯普通既飲品都睇得出老闆做野好有誠意一d都唔馬虎 因為上面既雪糕竟然係棉棉冰 香濃椰子雪榚威龍紅豆冰 $32 （左）連紅豆冰都有驚喜 紅豆冰都唔係一般既紅豆冰 係港式奶茶溝出黎既威龍紅豆冰雞軟骨 $25雞軟骨新鮮炸起熱辣辣 又唔會太鹹 如果啤酒配就一流啦扒子 $32呢個叫扒子既名好特別 但其實即係火腿芝士烘底 面包脆卜卜 黑松露炒蛋菠蘿包 $38老闆介紹黎個黑松露炒蛋菠蘿包係每日限量既甘一場黎到當然要試下啦 老闆用料絕不吝嗇 炒蛋面鋪滿好多黑松露 炒蛋又非常滑 黑松露將炒蛋提升到去另一個層次 又不減菠蘿包面既鬆化炸雞脾 $28好欣賞佢隻雞脾唔用炸粉 炸得岩岩好唔太乾肉質好滑咬開仲非常juice整體評分: 4/5…Read More

如果話要食豆腐花 豆漿 豆類制品既話一定會諗起公和 今日係深水埗附近食完晚飯 行去搭車途中經話公和 突然間想食豆腐花 甘雖然晚飯食飽 但飯後應該有個甜品 所以有入左去叫左豆漿 同豆腐花 黎個鐘數唔係太多人實有位 公和老字號公和既豆制品係公認好食豆腐花公和既豆腐花好滑 好有豆既味道 其實唔加黃糖都已經好好食 加左又係另一種感覺豆漿公和既豆漿可以顧客到唔同客人既需要同口味 依定既豆漿除左冷熱 仲有正常 少甜 無糖 三種選擇除左豆類制品之外 公和仲出左小食 好似咖哩豬皮 雞翼尖之類…Read More

以前既ikea都可以選係平民美食 但依家質素真係愈黎愈差 價錢同質素開始唔成正比 加上除左香港人仲有好多自由行都黎食 成個環境同清潔程度欠佳 有d食客食野唔清走d盤 食到成枱都係又唔執個日就嗌左兩款野食 因為其他真係揀唔落手 賣相真係好唔得 睇得出好求其是但整豬仔脾首先個賣相真係唔得 燒到黑蚊蚊甘 外面仲燒到乾晒 食落去好似食緊豬肉乾甘個凍蝦雖然比起個豬仔脾好好多 不過大部分蝦頭都係黑色 但佢差唔多隻隻都有蝦籽 食落都算甜既 不過不失整體黎講 ikea真算愈黎愈差 已經可以講係難食 完全係劣食…Read More

唔知食譚仔係咪會上癮 成日都想食譚仔 沙田廣場黎間譚仔成日都好多人 係門口拎左飛先 今次一個人食 所以好快就已經安排到座位 但黎間鋪好多自由行 本身譚仔d位都已經算迫 加埋d喼就更太迫墨丸豬潤米線 (蕃茄湯2小辣)我覺得譚仔既蕃茄辣湯 係我既favor 湯底好甜 雖然係蕃茄湯底 但一d都唔酸 再配上2小辣 個湯底另外食譚仔一定必食墨丸 你明既 仲嗌左豬潤 豬潤煮得岩岩好唔太生唔太老 但細食既女仔食譚仔記得嗌少米線 減1蚊凍檸茶(走糖)食米線必配既凍檸茶…Read More

係沙田黎間既海南雞飯算出名 有時夜晚7，8點已經賣晒 今日專登黎試下佢個無骨海南雞飯脫骨海南雞飯 $57黎個海南雞飯賣相唔錯 跟餐入面仲有例湯同菜蜜送 海南雞比較鹹 不過雞皮好爽 d肉好滑身 至如個油飯就麻麻地 唔知係咪太夜擺得太耐 d飯冧晒一pat pat甘 色就夠 不過味道無油飯個種香味 而海南雞飯無配到海南雞醬 反而配沙薑同蔥油 整體黎講偏鹹紫菜湯 跟餐跟餐配紫菜湯 岩岩上枱熱辣辣個時都幾好飲 但攤左陣之後飲返 個湯太甜有d怪菜蜜 跟餐黎個菜蜜值得一讚 甜度適中 真係飲到蜜糖味…Read More

今日OT 又落大雨 放工攰到都唔知食咩好 就求求其其甘入畫太興甘落雨當然想食返d暖野 一打開menu就俾黎個吸引住胡椒湯魚肚雞鍋(跟爐) 套餐 $93落雨天 一見到胡椒湯就心心眼 黎d天氣真係想暖下腸胃 仲有好補既雞 成個鍋睇落就好吸引 賣相都好靚不過一切都俾佢呃左 係地獄級劣食 成個湯既味道同平時合x道個杯麵既湯底一樣 以甘既價錢食d甘既質素 真係但d雞係滑既 不過全部料都係無咩味 好淡鹹檸水(跟餐) $0雖然俾左半個鹹檸 但成杯野得個鹹字 最多叫做鹽水…Read More

無論平日跟假日 基本上咩時間黎薩莉亞都係勁多人等位 但薩莉亞既性價比真係好貴 每碟份量都ok唔多唔少 價錢又唔係貴 最岩就係可以試多幾款唔同既選擇但我今日要推介俾大家既係我最中意既兩款頭盤 每次必點水牛芝士伴蕃茄 $17黎個係一個意大利既前菜 通常都唔見有人點 但想話俾大家聽黎個係非常開胃既前菜 水牛芝士一d都唔臭 蕃茄仔又好新鮮 食落酸酸甜甜甘 好開胃甜蝦沙律 $24甜蝦好甜 沙律好清新 個沙律醬都好好味 成個配搭都好正 係十分推介其實薩莉亞真係平民的美食天堂 所以食物都平靚正…Read More