misomisomisochan's Profile

佐敦新開的CAFÉ，貝果為主題下午茶，價錢親民~就係貪佢份量真係細细份，可以食少少唔太飽，而且有四款迷你貝果三文治，感覺好化算，可以試到多些不同口味，見佢甜點比外面都不算特別多，一款以鹹食為主打既下午茶，超級合適我這個偏愛鹹食的口味伯爵茶英式鬆餅，非常好味有質素😍~入口超級突出的茶香味道，令人印象深刻的英式鬆餅，口感偏乾身脆口，有少少像曲奇質感，個人蠻喜歡，加上伯爵茶味道真係很濃厚~配合果酱和奶油，越吃越愛這種風味，這樣一開場的英式鬆餅己經帶给人無比的驚喜(真想單點一兩個回家吃~🙈)其次，令我印象深刻的item是黑芝麻焦糖烤布蕾，第一次這樣吃到黑芝麻的甜品感覺非常新鮮，本身以為是黑芝麻湖的朋友，這種组合配合在一起真係很創新，濃厚的黑芝麻味道隱約散發甜甜的味道，兩者加在一起蠻特別，十分美味，個人非常喜歡的，有點想單點這款甜品自私吃🤣小小一杯Cocktail Prawn ，鮮蝦大小適中，入口是己調味過泰式微微辛辣香味，很香口，有點吃意大利粉會落辣椒仔的香味，個人也喜歡這種甜中帶辣的海鮮風味，唯一不足是可能沙律菜只有一小口，吃到低下醬汁太多，破壞了少少，但不失鮮蝦的魅力我第一個先試了吞拿魚貝果，香濃吞拿魚裡有洋蔥的爽口，份量十足，吞拿魚也超級突出，是我喜歡的濃厚味道，十分推薦然後試雞胸肉貝果，雞胸肉肉質结實，配合沙律味道不錯，相比吞拿魚貝果味道會較淡，取而代之吃雞胸肉的味道和沙律的新鮮感，也是美味的~然後是Parma ham貝果，正常發揮，也是很好吃，少少Parma ham配沙律味道上也較為發出，清爽得來帶少少喊香，不會過濃也不會太淡，是刚才兩個貝果的中間最後是朱古力味道的貝果，十分意外入面流心的朱古力，味道十分濃厚的朱古力甜味，整體比較甜，越吃越「流」的甜味，其實朱古力很突出的，個人認為是不錯的，值得欣賞，不過本身不太吃甜，之前也被其他甜品的甜品佔據了，所以這個也只吃了一口，如果單點吃這個的話绝對可以吃Tiramisu和芝士蛋糕就正常發揮，不難吃，就是正常味道的甜品，個人覺得Tiramisu有太甜了，都没有吃完，芝士蛋糕是好味的，普普通通，朋友說蛋糕口感好像太「溶」，入口一般，我蛮喜歡這樣不結實的口感，蠻好吃的整體而言，的確是CP值高的下午茶，食物質素都水準以上，每件單品都有特色，味道到位，份量刚好，每一件迷你貝果的味道不錯，各有得特色，沒有那種用死甜的甜品或碳水化合物的蛋糕吃飽你(最害怕這種)，三個人Share的話有空間可以再單點想其實小食，配合下午茶也有飲品一齊跟，抹茶拿鐵是典型重奶味的類型，很好渴，十分合適我的口味，朋友點的焙茶鮮奶也味道很獨特，茶香很重，入口甘香，值得推薦一試，價錢不太貴，符合理想~有興趣也值得去試試呢~記得需要打電話預约😋✨✅题外話:洗手間是和式類型(不是坐下那種)，因為第一次去有點意外嚇親，是很清潔的，但可能怕污糟的朋友要留意吧…Read More

這間位於尖沙咀~粉紅色花花世界風的餐廳，經過一兩次都很有興趣很想去試下~但我相信每個人對住以賣打卡裝修為主的餐廳，食物質素都有些擔心，害怕是「好睇唔好食又貴」~有幸有一次即興由朋友介紹了這間餐廳，並説食物都是好吃，吃了一個滿足的晚餐。這餐廳的餐單其實也蠻令人意外，以為是以西餐為主，但很驚喜居然有提供日式餐牌~就我而言，我是偏喜歡日本菜的朋友，但聚會的朋友通常很多，喜歡的東西也不同，有時有些餐廳很滿足全部人，這裡正好可以同時滿足到喜歡西式吃意粉的朋友~又滿足到愛吃海鮮日式丼飯的朋友，這一點的確很friendly~然後基乎每一個位都是打卡位，坐在那裡拍照也不會醜，隨便拍一個角度也是很美的，座位上基本上不用用害怕有中伏位，曾經試有打卡餐廳的確很隨便安排了門口位，又逼又细又坐得不舒服，重點是完全没有打卡位只是很黑暗的角落位，但這裡環境也算很闊落，座位之間也算有距離不會太近，坐位是舒服的，最緊要的打卡環節沒有影響~喜歡拍照的朋友這裡絕對滿足到關於晚餐主食的選擇，提供了兩邊不同套餐，一邊是以西餐為主，主要有牛扒，意粉，燴飯等類，也有提供素食，價錢有包前菜沙律+餐場，包飲品，可以加錢轉特飲，也能加錢有甜品，另一邊的套餐具有亞洲特色為主，提供丼飯，定食，茶泡飯之類，服務員也推薦這一邊的餐牌比較受歡迎， 味道比較吸引~最後幾個女孩點了不同的菜單Share~有點意外驚喜又吃不停口的是安格斯牛肉泡菜蕃茄意粉泡菜跟番茄的配搭意想得到地新鮮~越食越上癮， 番茄味不會太重，基本上以泡菜味為核心，但是意外驚喜地好夾又好味，咬咬下偶然有泡菜的爽脆，番茄的酸酸甜甜又中和泡菜過重調味的味道，意粉也爽口不太淋，因為泡菜的戲份太強，對牛肉的印象不太記得，但是也不錯好吃的，份量是偏多很足料，女果女仔是小鳥胃一定吃不完，味道上很出色，強烈推薦❣️❣️❣️然後單點了豆腐沙律，份量也很多，建議SHARE，正常發揮很好吃，蔬菜也很新鮮也很多，個人比較欣賞豆腐也是很大個，口感也是很滑很甘香，也是蠻滿足另外朋友點雞扒黑松露燴飯，一出餐超香，雞扒漱口多汁，肉質彈牙，不過油了少少，但整體也是香口，不會太淡，味道不錯，令我有點驚喜的燴飯也算出色，黑松露味濃厚~飯的口感也正常發揮到燴飯的質感，而且多汁濃味好Cream，份量也很多，不會太少，有興趣再二刷另外朋友多點了一個素食，忘記了名字是什麼不過由很多瓜類煮成的素食，沒有吃素食經驗，也算是正常發揮，不中伏，不會清淡無味，也沒有特別好吃，要讚酱汁方面调配得不錯，酸酸喊喊，蠻開胃。不過另一個價錢比較贵的牛扒，味道就一般般， 打卡擺位很到位， 有很多裝飾嘅花朵， 但有少少成為咗「好睇唔好食」嘅特徵， 牛肉味偏淡，太突出， 口感不夠嫩口， 要旁邊嘅醬汁粗鹽酸才稍為比較有味道， 反而佢嘅半菜 薯蓉，味道比佢更加登出， 個人覺得薯蓉好味好多😂 是有值得改善嘅空間另外朋友仲單點火炙三文魚定食， 反而 火炙三文魚味道出色很多， 三文魚很大又肥， 火炙之後出少少油非常香口， 口感都很滿足，每一啖都是香口嘅肉， 飯也不是很多，剛剛好，珍珠米再配上少量日式豉油，可能我本身比較愛吃日式食品，反而這個定食成為了今晚出色的餐牌之一本人還點了抹茶豆腐豆奶特飲， 因為主打是健康飲品點，好奇試一次， 簡單一句就叫抹茶味的豆奶😂 抹茶味是有的，是清清甜甜的那一種， 豆腐那種金香嘅味道飲品嘅主要口感， 健康嘅味道， 個人覺得不錯的， 而且這種組合都很少見，都可以試一次最後套餐可以加錢追加甜品，沒記錯好像是伯爵茶味道的 窩夫配雪糕， 另外還有蜂蜜味糖塊， 首先窩夫 本身非常好吃的， 正常發揮到外脆內嫩的口感， 然後吃得出佢本身伯爵茶香味， 甜度適中， 值得稱讚的， 然後建議雪糕和糖塊放上窩夫一齊吃， 味道都幾令人驚喜，很有層次感， 甜品方面也是不錯的整體感覺都不錯~ 不好吃的東西也沒有， 只有那個牛扒感覺有啲可惜， 有待改善， 反而幾款主食和甜品嘅發揮都係意外驚喜， 幾有創意幾特別， 至少我會想二刷再吃🤣🤣🤣…Read More

终於有幸預约到帕比安红茶書室，享用他們别居特色的下午茶~第一次來臨這裡，己經被他們三隻小貓所吸引，愛貓人士也蠻推薦來這裡，貓仔們也算很親民不太怕人，會在客人面前刷存在感，摸一下還有抱住他們不會太反抗環境彷彿進入了吉卜力電影裡的日式咖啡廳，藍色與暗花白色的牆壁，配合懷舊圖案的地版， 自然光令整個房間非常的光鲜， 正面是密集大大小小不同的茶罐還有復古的家私， 有著繁複主義的藝術感，亂中有序， 座位之間不會太接近， 也算寬敞， 擁有着濃厚嘅懷舊，復古，童話與藝術混合的風格進入主題~他們以大正和洋「春」做主题的下午餐是我目前為止吃過最滿足的下午餐，無論是外觀還是味道上值得我给五粒星星的滿意程度😎先說好的部分， 他們英式鬆餅很好吃很鬆軟~ 典型鬆餅嘅口感同香味，雖然他們放了一段時間但依然味道不受影響， 奶油味很到位，不會太膩，甜味適中，也不會太乾，偏軟身， 有種手作蛋糕嘅質感， 但也有鬆餅的乾脆感， 配合他們嘅果醬同奶油， 滿足感很高~ 另外有一款係抹茶味道，入口都有濃濃嘅綠茶香味， 比原本的鬆餅多了一份甘苦嘅獨色， 最近符合他們以「大正和洋」為主題，絕對要大讚他們的鬆餅真的很不錯~❤️喊點中 明太子薯仔沙律 是我最喜歡之一， 薯仔沙律本身就偏朋友口味， 入口濃厚嘅奶油口感， 好像有少許沙律醬味道(？)， 然後加入黑魚子和明太子多了一份清爽感， 有多種層次感沙律， 我個人是很喜歡他們的味道。百里香甜蝦他他杯，見到綠色本身有點抗拒，但入口有海鮮的清爽感，酸酸喊喊幾開胃~有些意外驚喜木魚花煎茶豆腐酱多士，多士脆口，上面木魚碎多了一分吃大板燒的風味，入口也是特別清爽，甘甘甜甜，很有日本手作味道靑酱雞肉車厘茄千層酥皮，正常發揮，個人喜歡車厘茄的酸酸甜甜跟雞肉很配搭~這款喊點偏濃味，跟豆腐酱多士剛好一淡一濃，也是不錯的組合甜點方面，個人很喜歡伯爵茶夾心餅，本身對伯爵茶口味都特別情有獨鍾，這款茶味的獨一風味有在蛋糕散發出來，不會死甜，甜度應中，是很喜歡的甜品之一，熱情果檸檬達也是味道不錯，客易入口，吃了很甜品後，加上一份酸酸甜甜的味道中和一下之前口感，樱花草莓奶凍味道偏清甜，不會太酸的，奶凍因為放得太久有點變成了水水地， 個人覺得影響不太~不過還是建議盡早享用， 口感上可能會有點可惜可麗露也是很好吃，好像是他們自家製，味道很濃厚香濃~甘甜中有點香味，也是不錯~他們還特別調了一杯叫「春雨」配合下午餐一同享用， 有茉莉茶+蘋果糖漿+薄荷， 很有特色，一邊飲一邊吃甜品也蠻合適， 薄荷的清爽口感也一點點解決了吃甜品的飽肚感， 下午茶的整體感覺都非常完整， 很愉快~ 會很期待他們下一次推出的期間限定下午茶…Read More

具有濃厚日式風格既餐廳~要預先訂座用餐，分了不同時段 ，用餐限時90分準時到預约1:00時段，安排了四人吧枱，因為吧枱不方便聊天，所以詢問了能否等四人枱，服務員都有禮貌解釋餐廳營運情況，都有可能需要等候45分鐘， 等候時間比想像中偏長， 結果大約半個鐘左右就可以入咗，服務態度都貌禮親切， 朋友查詢很多不同問題都很樂意解答， 在服務方面都先加一分現場環境比想像中空曠， 地方很大，坐位距離之間也算闊落，不會太迫， 感覺是坐得舒服閒聊自在的好地方~ 所以都能理解等候時間和座位不太多的情況， 雖然滿座但不會太嘈吵， 可能因為位置不太近，都不會聽到第二張枱嘈吵，四人枱也屬於很大的款式，食物食飲品全到了也不會覺得太迫不舒服， 在環境舒適方面令人滿意午餐時段以定食為主， 選擇不多只有三款， 甜品都是有限量供應，每日提供的款式都不一樣， 飲品反而 種類繁多，單是抹茶嘅種類都有四五款， 因為不太清楚種類是有什麼，找了服務員查詢~他們都很樂意解答同推薦哪一款比較好味和有什麼特別酸啤酒脆酱炸雞定食服務員有細心介紹今天嘅菜單， 炸雞有啤酒嘅成份，會令到口感更加脆口， 另外配上了柚子口味嘅特製醬汁能夠紓解炸雞嘅油膩感， 自家製醃製嘅小菜，今次係靑瓜同黃蘿蔔，配上北海道夢美人米先說青瓜， 爽口清脆， 朋友說味道偏酸， 個人就覺得很開胃， 是滿喜歡的， 跟在日本吃到的味道相近， 但對吃不慣渍物的人來說有可能真的味道有少少濃， 醃製黃蘿蔔非常合我味道，很可口， 口感偏硬但內裏的蘿蔔肉軟軟的， 同樣都係酸味佔重但帶有一點清新嘅口感， 稍為吃到一點蘿蔔的甘甜， 吃得出不是外面那種黃蘿蔔重點就是炸雞， 比想象中大件的，趁熱入口，外面 脆皮的確會有入口「Sa~」一聲的脆卜卜口感， 入口真的很香，雞肉多汁， 個人的確吃得出有在日本吃炸雞的獨特味道， 外脆内軟，那種油淋淋不會令人越食越厭，反而多了一種風味， 然後非常強烈建議配上獨特柚子特製醬汁， 和炸雞一同入口簡直冇得彈不能輸，柚子的酸酸甜甜，入面還有蘿蔔蓉與炸物鬆脆感很有互相調和的效果， 先清涼爽口~後漸漸有重口香濃的層次感，的確令人印象深刻， 會令人很想再吃第二次朋友點了鰻魚與鲭魚定食， 分了一小口，都簡單作出感想， 鰻魚比較細份， 薄薄的，如果喜歡吃鰻魚的人可能會覺得不太滿足， 但味道上很不錯~是有質素的，會吃到外面嘅鰻魚零捨不同的獨特口味， 可能係調味方面有少少不同，不是死喊的酱汁味， 反而多吃到鰻魚本身嘅味道鯖魚真的要大讚~因為應該是我目前吃過味道最具日本口味的鯖魚，和平常吃開的鲭魚不同嘅地方， 外面的鲭魚通常都會把魚煎到有點濃濃~ 本身嘅調味例如 日本醬油 味噌味會掩蓋了魚本身的味道，但這裡的鲭魚很吃到魚本身的味道，帶有甜甜的味道濃厚香味，酱汁也適合送飯，偏甘甜帶點醬油味，肉質實實又不會太老，嫩滑易入口，個人唯一不太滿意魚骨其實蠻多，但不是太影响整體口味，值得推薦~❤️京都 美好園 森之白 凍抹茶拿鐵屬於日本偏正宗的抹茶口味，不會苦苦的， 如果特別鍾意抹茶也值得推薦日向夏 本土蜂蜜蘇打十粒星星推薦必試飲品， 適合夏天特色飲品， 梳打的爆發感，配合水果甘甜與蜂蜜味道，有著很獨特的清涼感~入口非常清爽，大讚！價錢個人認為都算合理~ 值得比這個價錢再二刷，絕對係環境與食物都有質素有要求餐廳~要是有特別要求想坐的座位例如榻榻米， 可能早一兩分鐘到餐廳可能比較好， 因為餐廳嘅座位都係隨機安排，不會為任何人特別預留位置， 如果有特別想坐的位置~有心理準備可能都需要等候一段時間才會安排，也要視乎營運情況~ 整體而言都是一間氣氛感覺很好的餐廳~…Read More

之前享受完下午茶決定嚟試一試佢哋嘅日常menu，預約咗七點鐘食飯，呢間餐廳晚市比較滿，有打電話問可唔可以改晏少少時間，但係都話預約好full，建議大家記得預約個人特別偏愛呢一間餐廳嘅風格，小小異國風情嘅裝修，餐單大部分都係我比較鍾意食嘅嘢，所以對呢間餐廳都特別期待， 主要都係泰國菜同西式菜單為主個人推薦佢哋嘅特色嘢飲上次叫咗嘅抹茶脆脆奶昔， 今次再N call😋， 咁重新介紹佢係抹茶奶昔，有好香嘅奶味，但係抹茶味都唔會唔見咗， 因為好多樓上cafe會出現奶味多過抹茶味嘅情況，咁呢一杯嘢飲就冇，然後飲落去會有少少脆卜卜，覺得係幾新鮮男朋友叫咗榛子朱古力奶昔飲咗一啖，味道都非常濃厚，榛子甜味之後慢慢淡出朱古力味， 上面嘅忌廉都適中，唔會過多令到成杯嘢飲嘅味道唔平均，值得推薦， 係好飲嘅小食叫泰式春卷對春卷有特別嘅情意結，所以嚟到泰式餐廳一定會叫春卷， 佢係長條形嘅形狀，落枱好香，入口外皮鬆脆，唔會太油，個人覺得佢入面嘅料唔算好足， 如果多番少少會滿足感強， 但整體感覺都算不錯， 如果係四人聚會可以食嘅小食，兩個人有啲多沙律好大份，兩個人share食還好，沙律菜非常多， 新鮮爽口食沙律， 配合埋上面嘅煙肉同埋麵包碎，個人非常鍾意佢地既沙律，醬汁都撈得好平均， 溫泉蛋都啱啱好半生熟多汁，都極力推薦大家去試下黑松露波菜雜箘卡邦尼意粉非常有香口濃沃嘅黑松露味，但卡邦尼同黑松露又唔會互相搶走左味道， 意粉份量偏多，軟硬適中，好多汁又足料，卡邦尼充滿住奶油忌廉味，唔會好似小朋友卡邦尼咁雞，然後 入面嘅雜菌好多，見到有黑松露嘅碎粒， 口感上好滿足， 平時冇食開意粉，所以都唔識得分佢算唔算高質素， 味道上真係好獨一無二好突出， 别具特色，各位可以試下海鮮龍蝦燴飯試咗一啖，非常突出濃厚嘅龍蝦味道， 呢個表現有啲意外驚喜，冇諗到佢會咁濃口感濃郁， 如果鍾意食海鮮同埋蝦嘅朋友，呢一個飯都值得推薦，因為佢嘅味道真係比想像中太突出， 唔會死鹹味，真係食到海鮮嗰種淡淡甘甜，濃沃嘅味道， 個人覺得好有質素第一次試佢嘅晚餐所有嘅菜式都比想像中嘅預期好， 可能我要求唔算特別高，都唔嘴刁，我覺得佢哋嘅菜式大部分嘅味道都獨一無二喺，出面餐廳好少會食到，都幾有特色， 覺得呢個價位有呢個質素個人係滿意亦都覺得合理…Read More

朋友推薦灣仔新開冇耐嘅低碳飲食為主打卡餐廳咁啱入座嘅時間喺正午餐同埋下午茶時間，大约2：30入座， 用餐時間90分鐘咁就好完美可以試曬兩個菜單午餐菜單佢有自選Set同已經set好咗嘅套餐套餐包 湯+ 兩款前菜+ 一件主食 + 麵/飯咁價錢大约180$ 範圍內，睇你揀邊一副主食， 另有加一餐湯 - 忌廉南瓜湯個人覺得個湯好高質，份量唔多但係好濃， 佢口感偏拮拮地好容，唔係好水個種feel，入口有好強烈新鮮 南瓜味， 但唔令人抗拒，帶出少少甘甜， 感覺好滿足前菜 青瓜茄子蛋餅 + 炒椰菜蛋餅形狀其實有啲似玉子燒，不過入口唔算好食到茄子味， 唔鍾意食茄子嘅人都可以試下呢一款，因為佢茄子味唔算好重，只係口感上多咗一嗰種淋淋地嘅口感， 少量青瓜食到有啲脆卜卜嘅口感，幾有層次， 雞蛋本身都爽口清甜，不會太鹹，有淡淡蛋味， 炒椰菜就冇乜特別，正常爽口不過凍左少少主食 蕎麥麵 + 泡菜炒豬肉因為香港好少地方有得試到蕎麥麵所以就揀咗呢一款，如果有食過日本嘅蕎麥麵做對比嘅話，不算好太特別，正常發揮， 唔算好重麥味，另一個説法可以話冇乜味， 軟硬適中，係爽口， 個人幾滿意佢嘅口感， 欣賞係佢上面見到有新鮮嘅青葵，配合埋佢嘅冷麵醬汁， 一齊食係意外驚喜地好味， 就值得加分泡菜炒豬肉分量好足，味道好夠，炒得香口，猪肉肥美不錯，食到泡菜個種又辣又酸嘅重口味， 歸類嘅話佢算係偏酸嘅泡菜味，正常發揮到泡菜炒豬肉既好味~唔算話特別印象深刻， 唯一不足有少少泡菜多過豬肉，有少少遺憾， 但唔鍾意食清淡，鍾意食重口嘅朋友都推薦試下呢一款朋友就order咗三點後嘅菜單all day breakfast我自己冇試曬咁多樣嘢，但係個人印象深刻係佢個黑松露滑蛋，梗係有料， 蛋又滑又香，入口係軟淋淋， 然後黑松露味道好香好出，啱黑松露嘅朋友一定會鍾意，相反如果唔鍾意嘅朋友應該會接受唔到😂貝果包就好軟熟，香口但有少少脆口， 但朋友就話未算係最軟熟最好美， 個人覺得單食算係唔錯~ 佢有種酸酸哋唔知係芝士定奶油嘅味道，一入口係有啲唔係幾接受到，但係如果夾埋佢嘅配菜一齊食，其實係好夾， 建議個貝果盡量就夾佢啲配料一齊食會有層次啲，好味啲然後腸仔意外地多汁juicy，入口啲芝士真係爆出嚟， 唔係講笑，有啲意外驚喜，係非常好食，唔係啲雞雞腸仔香煎南瓜有好突出蜂蜜芥末嘅味道， 同本身嘅南瓜甜味係幾夾，同埋都入口都係軟熟，淋淋地， 都幾值得欣賞如果本身鍾意食All day breakfast嘅朋友呢個都值得推薦，個人覺得都係高質同新鮮有突色焙茶味水果窩夫呢個值得推薦俾大家，因為之前食咗幾間窩夫， 大部分嘅窩夫畀我印像都係冇乜味，然後好重麵粉味， 冇乜甜味， 如果你影相影咗好耐已經攤凍曬，唔係趁熱食仲更加難食，咬得耐唔知咬緊啲乜嘢咁，所以我個人對窩夫嘅印象唔算特別好但係一個其實佢到咗差唔多十分鐘，都已經凍曬但係出黎個陣嘅時候係好香，好重嘅焙茶味， 暫時係我食過咁多間，第一間新鮮出爐嘅時候有一種香味， 以為攤凍咗會唔好食，點知入口都係軟熟，然後外面少少脆，唔會變到超级硬骨骨， 最緊要係佢入口嗰種焙茶味道非常突出，唔係死甜唔係甘苦，都唔係麵粉味，係獨有既香濃焙茶， 配合埋佢出面嘅忌廉同埋水果仲有麻薯， 口感同味道都好令人滿意， 絕對係出色令人驚喜嘅甜品加左一杯抹茶拉鐵， 味道正常，算係味道比較正宗， 奶味唔算重環境地方都闊落，坐得舒服，但位置唔多需要等位， 是但錯任何一個位都絕對係打卡嘅景點，所以都唔使太擔心坐到啲好衰嘅位， 天花板嘅乾花都好令人吸引， 同女仔朋友或者女朋友食飯都係一個幾適合嘅選擇然後服務人員都有善，禮貌而且好熱情，都會細心詳盡介紹餐廳嘅菜單， 服務人員比較主動招呼， 呢種服務質素覺得同酒店可以做比較，唔係一般普通餐廳嗰種放置你，唔理你食完就走， 服侍好周到，令到整個體驗配合嘢食都覺得好愉快， 呢個價錢再配合埋服務質素，你會覺得個加一服務費都加得值得，值得二刷…Read More

之前幾次主題cafe都有去過呢間餐廳食個人覺得呢間餐廳既意粉係最有保證如果第一次食， 又怕中伏，個人日常晚飯套餐， 個人推薦佢嘅卡邦尼意粉， 佢唔單纯只係正常發揮，個人覺得甚至係好好味， 如果要分類嘅話，佢係有少少 小朋友口味嗰種甜甜地嘅卡邦尼， 然後入面有最基本嘅煙肉同洋蔥， 煙肉煎燶個少少保衛香，洋蔥都炒過，會食到少少甜味， 所以第一次食呢間cafe嘅卡邦尼意粉，係意外地覺得好味然後今次美少女主題就試咗另一款黑松露忌廉蝴蝶粉整體好味，佢嘅忌廉其實好濃沃， 又正常白汁嘅濃度，唔會太水， 黑松露唔會太重口， 如果以唔係好食到黑松露嘅朋友嚟講，可以試下呢一個， 因為佢個黑松露味真係好溫柔，意思意思下有陣味喺度，但係又唔會太過出🤣， 覺唔覺得呢個意粉既發揮唔太伏，而且都幾好味， 雖然唔會係好專業出面嗰啲黑松露白汁意粉嘅質素咁高， 但因為呢個餐廳嘅主題係打卡為主， 反而喺冇期望之下有啲意外地覺得好食~另外仲點咗美少女主題嘅迷你笆菲個人覺得，本身佢上面係cremia雪糕其實已經冇得輸😂😂 因為呢個日本牌子嘅雪糕真係好香，好重牛奶味而且好濃沃，食落去唔會好水，好似有啲棉花糖口感好鬆化， 我驚佢係佢嗰三粒啫喱都幾好食， 有啲似小朋友糖，有水果甜但係又唔會係冇味嗰隻啫喱， 中間嗰層係曲奇碎同埋奶油忌廉， 個人鍾意佢啲曲奇碎落得好多， 好厚咁有一層， 雪糕加曲奇碎間接地變咗曲奇雪糕咁😋 但係下面嗰層忌廉就真係好流，死甜，係食兩啖唔會想食嗰種蛋糕忌廉嘅味道😂 而且都好多，有少少破壞咗 本來上面食cremia雪糕嘅體感， 水果再夾埋嗰D忌廉覺得有啲唔加麻麻地， 所以我食都淨係食上半部份最後仲叫咗個便當窩夫打卡食完可以拎埋個便當走， 窩夫係喊食，入面有芝士同埋Ham， 正常兩樣嘢夾埋就應該好食， 但係個窩夫整得有D硬， 食得有啲痛苦，而且冇乜味道， 可能佢怕冇乜味，隔離都配合左焦糖香蕉， 側邊又多咗杯完全冇味白烚嘅粟米， 唔係牛油粟米又唔係有落少少鹽， 白烚水嘅味道，呢三樣野唔係一齊食， 其實就算一齊食都應該冇乜影響，窩夫嘅無味配合甜甜既焦糖香蕉但加白烚嘅粟米， 其實係有少少九唔搭八😂 而且呢個價錢有啲小貴， 同之前個芭菲做對比，滿足感差好多， 都唔建議order， 打卡嘅話我覺得選擇仲有好多地方都算闊落，枱都大， 環境都舒適， 整體感覺都尚算可以， 不過偶然係食一次佢啲主題menu打卡就夠😂 個人建議食意粉類會開心D😋…Read More

「山下見」相信好多人都有食過特色真係平民價錢食到滿足質素不錯既日本野每次黎到必叫菜式~🥗蟹子沙律🥗個人好鍾意呢度嘅蟹子沙律~首先分量十足，一定夠兩個食，佢嘅醬汁撈得好勻循， 啖啖都有醬汁，唔會乾爭爭好juicy，青瓜同蟹聊肉都好平均好足料，你唔會覺得淨係食青瓜， 最中我心係佢入面加左芝麻， 芝麻嘅香口感再加蟹子鮮口感， 覺得比起出面同樣都係平價壽司嘅蟹子沙律，呢一度嘅滿足感高好多另外個人推薦都係一定要叫就係🍳玉子燒🍳呢度既玉子燒真係算係係香港食過最好味咁68蚊有鰻魚玉子燒同埋明太子玉子燒，今次試下明太子玉子燒玉子燒方面係我食過最軟熟又軟淋淋嘅口感， 入面望落有啲似滑蛋， 但食落又有啲似梳乎里咁樣，又軟又香， 新鮮整好熱辣辣，入口有蛋味濃郁~高湯和風味道慢慢散發~之後有甜味~再配合足料濃沃明太子， 又鹹又辣，真係每次食都好滿足😋另外點左🐟~京蔥油甘魚卷~🐟味道正常但冇乜好特別， 京蔥同油甘魚其實係夾，油甘魚味道一般， 唔算特別鮮，男朋友覺得京蔥味太濃， 食唔到油甘魚味， 個人覺得飯同魚比例差少少，入口就食到一嚿飯多過卷物， 但味道上都係好好味，但因為感覺飯多左少少就冇咁滿足， 但我好鍾意佢有啲芝麻喺外面，多咗一份好有層次既口感本人叫咗🍚角切粒粒刺身丼🍚其實以佢呢個平民價錢食海鮮丼飯係好吸引而且好滿足， 唯一嘅缺點係飯多過海鲜， 比例上都唔算太過份， 阿細食嘅女仔會真係食唔曬啲飯，而且係變左食飯而飽肚， 同埋啲飯好黏， 一舊舊咁， 個人就唔鍾意啲咁黏嘅壽司飯但係講返海鲜方面，其實佢非常之足料， 三文魚好大粒而且食落都肥美， 上面混合咗兩種唔同嘅蟹仔，都好新鮮， 層次感好高~每一啖食到唔同嘅魚類， 食得出都係高質嘅魚生， 同埋中意佢玉子燒同埋青瓜唔會好大粒， 唔會搶咗啲魚生嘅味道， 呢個價錢嚟講其實都食得好滿足，又飽肚同埋好好味缺點就係舖頭都係比較細， 枱都唔係好大，一叫太多嘢就要快啲食曬啲嘢， 如果太多人一齊聚會就唔係太方便，兩個人普通食下嘢其實都可以， 整體而言，以平民價壽司講滿足好高😘…Read More

✨櫻花主題嘅下午茶😋個餐牌真係要值得一讚難得餐牌上嘅嘢大部分我都中意食而且啱食以前一直麻麻地下午茶， 因為咁貴嘅價錢~多數啲嘢食我都唔啱食，我又偏食~ 所以好難得今次望到呢個下午茶上面嘅嘢我全部都鍾意食，而且可以另外加錢飲其他嘢，飲品選擇好多😙❤️ 我自己就加咗錢要咗杯抹茶脆脆特飲， 呢杯嘢真心好飲~中槍肥仔奶~口感有啲卜卜脆， 而且比較甜~奶香好重 好濃沃🐮絕對可以二刷喊點完全好味，唔中伏👍份量適中~個人比較中意食帶子同火焰吞拿魚一口多士煙三文魚迷你三文治都不錯不錯不過有海膽雞胸青瓜卷~我一般般，雞肉冇乜味，口感奇奇怪怪，然後海膽唔係幾接受到甜品整體而言都好理想，各有特色，比較甜， 份量較多，澱粉類比較多所以好快就飽肚，我自己就食唔曬個人最鍾意就係抹茶芝士蛋糕， 櫻花瑪德蓮蛋糕就有啲意外驚喜有少少椰子嘅甜味， 玄米蛋糕味道唔太出，但係本身唔係啲好甜嘅甜品，但上面嘅cream 就好鬼甜咁就啱啱好， 不過口感我覺得太乾身，我就一般般，但都唔難食， 蛋糕嚟講其實係正常鬆餅其實應該係好食~ 而且抹茶味我覺得係值得推薦俾大家去試下，因為其實係真係有抹茶味，不過我哋掛住影相所以就已經硬曬🤣 咁就有啲可惜整體而言，其實個下午茶唔算話特別好好食，但係整個主題同包裝我都覺得好有心機， 佢仲有 整咗機票樣嘅入場， 想影相就將個機票畀工作人員， 而且食材都圍繞著櫻花呢個主題~我覺得配合得唔錯， 大部分都係好食，而且冇乜嘢係中伏， 可能唯一缺點就係好多都係蛋糕~感覺都係啲成本比較低嘅食材，個價錢都算OK其實最重點~呢一個tea set仲包埋有和服提供~可以影即影即有，其實多咗好多服務， 所以某程度上個tea set 雖然唔係話非常之好食， 但係因為多咗可以影相打卡呢個賣點我就已經完全唔care佢啲嘢食係點😂 而且現場嘅服務員態度都有禮貌都講返如果想影相其實可以周圍行嘅， 又會主動安排我哋去影即影即有， 可能因為上次上嗰啲樓上cafe態度都好差，自己又係做呢一行， 真係覺得啲工作人員主唔主動呢件事真係好重要所以我整體感覺都好滿足😎👍❤️另外~佢都有打卡嘅活動，完成咗後會送一支櫻花味嘅洗頭水， 又有嘢食~又有相影~又有衫換~仲有埋即影已經冇得輸！臨尾仲有禮物送🤣 真係滿足感100分~返到屋企都仲回味緊👍👍👍…Read More

第一次試鮨一，之前上網見到好多人評價係平價又高水準既日本野，所以一直都好有興趣去試Lunch時段都比較多人去食，門口位空間比較少，我哋係排第二GP己經有少少逼，門口裝飾都好有日本居酒屋，第一印象唔錯。等左大约5~7分鐘安排座位，都比較快，唔係等左好耐，入面環境不算太大，有少少昏暗，座位不多，但座位之間都幾闊落，都坐得舒服，入座後都安排左熱茶，餐具， 都有問我哋要唔要紙袋放口罩。Lunch set選擇都好多， 丼飯同熟食都有， 魚生飯定食就比想像中定價有平，入面材料都有魚生魚子，大概感覺材料都算高級，都唔洗$100 (未計加一)，set有沙律，湯， 茶碗蒸，前菜， 以呢個價錢有咁幾多嘢感覺都幾抵男朋友叫咗三文魚魚子魚生飯， 佢哋嘅壽司飯係深啡色嘅，聽聞係用咗唔同嘅醋去整， 味道上其實同普通壽司飯分別不大， 男朋友就話整體口感就立黐黐啲，濕啲， 可能係有少少分別嘅， 但我就唔係好食得出。 丼飯嘅份量都幾多， 唔算好細碗，三文魚好厚， 纹理好靚， 食入口啖啖肥肉又甘香， 食得出特別新鮮， 同平價三文魚比較係會食得出味道上係有唔同， 唔會有嗰陣雪藏嘅怪味， 所以有理由相信佢嘅材料真係幾新鮮， 然後三文魚魚子都唔孤寒，比預想中嘅多，所以覺得好驚喜， 呢個位值得一讚， 所以整體味道上嘅享受~滿意度都好高分👍👍👍然後我order咗特上八貫配烏冬，$128呢個價錢絕對 值回票價，絶對係高水準壽司💖第一件带子已經又肥美又好厚身~有新鮮，入口新鮮得嚟又有陣甘甜， 然後最令我印象深刻係佢嘅火炙碟魚邊， 出面食開嘅碟魚壽司都好細粒，肉身得好少， 但呢一個入口好滿足，又厚身又大舊， 鹽燒過嘅香口味夾埋醬汁簡直一流， 真係值得一讚。 赤蝦壽司我本身麻麻地， 但係食落都新鮮， 同出面嘅平價赤蝦嚟講，呢一個真係好味好多，冇咩奇怪嘅味，而且都係好厚身又大條， 我一口都食唔曬成條， 最欣賞嘅係佢冇蝦尾，已經剝好咗， 呢個位值得加分。 然後油甘魚都好正，又大條又好味又香口， 甘香嘅味道好突出， 食得出個肉質比出面高汁好多然後佢入面有海膽壽司，其實我本人好怕食海膽，因為好怕佢好大陣腥味， 不過呢一個就意冇嗰種好難頂嘅腥味， 第一啖海膽嘅苦澀味都係會有，但唔算太突出，海膽嘅鮮味比較濃郁啲， 對於唔鍾意食海膽既我嚟講，呢個係一個幾好味嘅海膽， 如果鍾意食海膽嘅朋友應該會中槍。然後佢另外仲有烏冬， 高登比想像中大碗，個烏冬係高質嘅，食落好彈牙都好爽口， 簡簡單單一碗烏冬但係實係幾好食既咁整體而言，呢八件壽司嘅滿意程度都好高， 件件都獨一無二但又唔會搶咗味道，最緊要係每一嚿海鮮都好大件而且好新鮮~好高質，呢一個價錢又有帶子又有海膽，其實真係算唔錯~ 壽司嚟講都幾推薦大家去試試~ 尤其午餐呢個價錢真係幾抵👍所有嘢都咁有質素~下次會想試下佢嘅晚市💖💖…Read More

一直特別中意試熊拉麵推出既期間限定今期新推出係呢個香魚湯拉麵一望到個名就已經覺得好吸引， 材料有五種唔同既魚係入面，咁出於好奇同期待既心情去試本人一試就直接落坑， 大力推薦呢款日本拉麵❣️本身我個人係鍾意重口味既拉麵，但我又唔係嗰啲鍾意死喊重油既類型，而係鍾意有濃沃嘅味道同口感個一種重口味首先我覺得呢款拉麵嘅最大特色就係佢個魚湯真係非常之有層次感， 香濃得黎又好獨一無二，第二度應該都冇呢一隻味， 可能因為有五種魚既材料係入面，係會幾種層次嘅味道散發出嚟， 啱啱入口，會有種好似木魚碎既濃厚， 之後會有種魚介既風味走出黎， 食多幾啖個種香烤海鮮嘅風味越來越強烈， 係會越食越上癮， 而且佢呢個湯拮拮地， 唔會太水有少少似沾麵， 平時會係幼身直條嘅麵條，但今次拉麵佢特定咗係好似公仔麵圈嗰隻， 粗身少少， 本身食拉麵我係唔鍾意食呢一款麵嘅，但亦都因為咁啲湯都特別沾上左係麵， 同呢個湯真係好夾， 令人有種好似食沾麵嘅感覺， 同埋佢上面有啲洋蔥絲都增加咗呢一個拉麵嘅特色， 洋蔥個種甜甜地又鹹鹹地同佢個魚湯嘅風味配搭得好好~ 肥肥地既叉燒 再配合埋多汁美味嘅糖心蛋， 令成個拉麵都更加口感更完整， 真係食完冇得彈，一定會想食第二次😋😋😋今次呢個期間限定完全係我嘅最愛！推薦各位去試一次❣️…Read More

環境裝飾同食物打卡绝封100分💯💯💯由門口到入場到坐低等餐~ 無限個打卡位畀你影相Keep住影相無停過😂少女心既我地見到連餐具都咁Fantasy都好滿足♥️個Tea黎到~我哋都忍唔住話好可愛上面啲甜品造型真係太得意~差唔多影相影成20分先開始收手😂😂😂...食物方面中規中矩~大部份都好食，無乜野難食， 不過食多幾件就會覺得太甜 ~可能佢整到咁D甜品detail咁多裝飾，用左好多糖霜所以味道真係無乜特別， 例如馬卡龍同布甸就唔算太特別但有一兩件甜品同鹹點幾令人印象深刻，啲食材有部分都高級，好味又意外~最值得欣賞所有甜品都真係好符合個tea Set主题~ 其中一個甜品整左啤牌人出嚟我哋好驚喜♥️🃏 睇得出佢哋嘅用心~呢部分真係要讚一讚雖然我唔鍾意食甜品但係奶茶蛋糕同迷你cheese cake都好讚😋 開頭以為會甜唔到漏但又唔會， 奶茶蛋糕愈食愈中意，然後個cheesecake應該係青檸味，中間有啲白色mousse夾咗底下啲抹茶， 酸酸甜甜個味道好特別，幾開胃~ 仲有一個白色茶壺形狀嘅甜品， 除咗佢外面啲糖霜太甜，佢白色嗰舊嘢口感幾特別， 甜甜地幾有趣 ~都係其中一個鍾意食既甜品鹹點就鍾意食佢個煙肉燒帶子同埋黑松露撻，兩個大小都算中型size，唔會细细舊咁，味道香濃，足料有個迷你個芒果腸仔包(？)， 芒果覺得太酸，而且個包都冇乜特別最想讚就係佢啲鬆餅😍 其實服務員有同我哋講鬆餅要趁熱食，不過我哋都係影相影咗好耐~到食個陣己經一段時間，點知佢都係依然好鬆軟，唔乾同埋好有奶油味~ 冇諗到會咁好食🍰 值得推薦大家去試下可能己經3月先食，個主題己經過左一段時間，所以平日少人，差唔多包場式享受，其他人明顯Office落嚟食lunch😂整體而言， 影相打卡聚會唔錯都值得試一試~ 食物水準都唔差，服務質素都好好，佢哋有好好介紹餐牌食物內容同埋推薦咩野食，有禮貌聽說佢呢個主题做到6月，仲未打卡一推薦大家去一去， 淨係愛麗絲迷同影相都值得去~ 但book位前都提我地可以去問一問先…Read More

好開心佐敦開咗13姨， 星期日十二點鐘開門就去咗食， 可能啱啱開門無耐少人，直入有位，地方幾闊落， 比旺角坐得舒服啲，D枱大啲然後食佢個午餐， 有包嘢飲~選擇都幾多， 主要茶類為主( 鐵觀音，烏龍茶，菊花茶， 蜂蜜柚子等等) ， 可以加錢轉其他特飲， 見到有個係朱古力黑牛好吸引咁，不過無試食麵可以轉唔同麵， 有款翠玉瓜面就要加18蚊(好似係)， 就咁望menu都好多元化，好多選擇， 價錢都係under $100， 晏晝嚟食午飯感覺都唔錯叫手撕雞飯， 店員會貼心提醒你可以落佢哋嘅特製豉油撈飯， 配一隻糖心蛋同四塊迷你叉燒出餐等咗10分鐘左右，個飯一落枱有好香嘅炸洋蔥絲味， 感覺上比較多飯，我冇食曬D飯， 但手撕雞係好味， 份量都多，同埋好香口， 撈佢底下有少少雞油( 應該係)， 重口得黎唔太過火， 食完個口都唔會有油林林， 有加佢嘅辣椒，就多幾分風味， 不過叉燒就比較乾身， 食落一般冇乜口感， 唔算難食但係冇乜特別， 溏心蛋都合格， 而且新鮮， 半生熟得嚟都多汁，不過佢冇醃製過，我覺得冇乜味。另外加咗個小食魷魚鬚， 魷魚鬚都大條足料， 我覺得份量啱啱好， 可能其他人會嫌佢太少，但佢新鮮炸起熱辣辣， 香口脆卜卜， 冇乜嘢投訴~值得推介！比較唔滿意係烏龍茶太多冰😂 拎走曬啲冰個烏龍茶得半杯， 冇飲曬侍應服務態度好好都有禮貌， 而且我朋友冇嗌到嘢飲，之後提醒番個set送埋杯嘢飲 ， 服務態度都可以既~ 整體感覺都唔錯…Read More

甜品有料，特別中意食馬卡龍同迷你開心果 mousse cake馬卡龍應該係開心果同埋檸檬開心果味真係冇得輸, 甜得嚟唔算好流，有少少果仁苦味， 中和咗個甜度， 忍唔住食咗兩次個迷你開心果 mousse cake 配合埋入面酸酸甜甜嘅果酱，好夾~ 甜品嚟講真係唔錯牛扒都有料， 新鮮燒好畀你，又唔會過熟，香口又多汁，肉質有口感串燒雞軟骨有香口蜜糖口味~唔係淨係得雞味， 熱辣辣， 而且有個熱爐熱住唔會凍曬，比想像中意外不錯刺身三文魚同油甘魚，唔會有冰， 出面好多自助餐通常都未解得切凍，好冰， 但今日就冇呢個問題， 都砌得幾厚有口感玉子都幾好食， 但係吞拿魚就有少少唔新鮮，唔係咁好食但整體啲嘢食質素都唔錯以前食啲自助餐~好多都選擇多但冇樣好食但呢間意外地，選擇冇出面咁多但起碼每一樣都有質素！ 職員服務態度都好好， 好有禮貌，不停咁fill水， 時間就到都冇吹我哋走， 好有禮貌咁解釋要準備晚市， 所以差唔多都時間差唔多， 感覺在場嘅職員服務都好有善，值得二刷👏👏👏…Read More

地方很大，門口裝飾很搶眼，裝修也很給力，很有女僕氣氛，場内比想中整潔又沒什麼雜物~坐位很多，坐位之間不算太逼，個人覺得幾舒服飲品~絕對領域外觀很值得打卡，長身杯寶藍色有點漸變~味道像荔枝乳酸另外朋友點小確幸，個人推介點這杯特飲(可惜沒有拍照)，粉紅色牛奶特飲，很可愛的外觀~用了香蕉和草莓混合了牛奶，味道有新鮮水果香味，帶點草莓酸味~再有香蕉甜味，感覺不錯餐牌上的主食只有蛋包飯比較一般，入面炒飯是普通茄汁炒飯，如果多點料就更好，雞蛋是好味的~但份量不算多個人幾滿意女僕在每次上菜有好好帶领客人做魔法~這一點值得讚賞甜品，朋友點了特色蛋糕，味道可以個人點了草莓芭菲，雪糕非常好味， 混合了士多啤梨醬很甜，個人很喜歡入面配搭了粟米片…Read More