Jason8008's Profile

今日同朋友嚟呢間餐廳主要都係為咗佢嘅疏乎厘厚pancake 🥞，因為即叫即整，所以要等30分鐘，但絕對值得等待。Salmon Tacos 🌮 😋😋😋😋😋Tacos 入面有三文魚，酸椰菜，青瓜，蕃茄沙沙等等材料配埋酸忌廉，好清新，做開胃前菜真係一流。Iron Grilled Flank Steak 🥩 煎牛扒配焗蔬菜😋😋😋😋😋牛排烤得恰到好處，外層微脆，內裡肉質柔軟多汁，搭配焗烤過的時蔬同炸薯條，口感層次豐富，每一口都是滿足的享受。燒春雞配沙律🥗窩夫🧇 😋😋😋😋😋燒春雞嘅火候控制得啱啱好，外皮香脆，肉質依然保持濕潤嫩滑，鎖住了肉汁。搭配新鮮沙律與脆口窩夫，意外地夾。窩夫超級脆，淋上糖漿，與鹹香燒雞形成對比。Tiramisu pancake 🥞☕️ 😋😋😋😋😋終於等到今晚嘅主角出場疏乎厘厚pancake。即叫即做，係需要耐心等候，但這份等待絕對沒有令我失望。pancake很鬆軟，質感輕盈就好似雲朵一樣。放進口中，在舌尖上溶化，十分順滑，食到濃郁的蛋香。pancake上面是Tiramisu醬，奶油加上微苦的可可粉，再倒埋咖啡糖漿上去，甜度啱啱好。呢間餐廳除咗疏乎厘厚pancake十分之出色，其他食物都好高質，同朋友聚會係個唔錯嘅選擇。🤗…Read More

近年不同派別的米線店越開越多，米線已經成為香港嘅代表食物之一，荃灣向來是米線集中地。今日我哋嚟呢間麻辣串串香本身係做串燒同石鍋飯為主，開業已經差不多10年，近年佢哋都加入米線呢個戰場。大大碗雲南米線🍜😋😋😋😋😋如果你有選擇困難症，呢個大大碗多餸系列就啱晒你。米線超大碗，配菜更是超級豐富，肉碎，酸菜，韭菜，芽菜，魚蛋，魚皮餃，豬紅，豆卜，牛腩，枝竹，墨魚丸。小朋友先要做選擇，大人食依碗大大碗雲南米線，全部餸都有齊唔使揀。我哋揀咗BB辣，湯底好濃郁，辣味同酸味配合得啱啱好，米線彈牙唔會煮得太腍。每樣配料都好入味，牛腩份量超級多而且煮到好腍。鰻魚石頭鍋飯😋😋😋😋😋照燒鰻魚好肥美，石頭鍋飯的配料也很豐富，有芽菜，泡菜等等。米飯粒粒分明，吸收了鰻魚汁，想要飯焦你就要有耐性，要等一陣才可以攪拌。飯焦果然出現了，脆卜卜。涼拌墨魚頭🐙😋😋😋😋😋涼拌墨魚頭，配上秘製醬汁，辣辣地，清爽開胃。墨魚頭口感彈牙，果然冇揀錯。尖椒皮蛋😋😋😋😋皮蛋係黃金糖心雪花皮蛋，好黏口，配埋尖椒同辣汁好惹味，辣到好刺激。鐵板牛油帶子😋😋😋😋😋鐵板上枱發出吱吱聲，香氣撲鼻，牛油帶子上面灑滿了金黃色的炸蒜，帶子好大粒，外脆內嫩，記得要趁熱食。串燒系列😋😋😋😋串燒鵪鶉蛋，鵪鶉蛋燒完都仲好彈牙。燒雞全翼，雞翼燒到好香，皮脆肉嫩。雞翼釀餃子, 去骨雞翼入面釀滿咗餃子肉餡，啖啖肉外皮脆卜卜。網民形容「荃灣米線已進入了戰國時代」，區內超過20間米線店，你又會支持邊一間呢？…Read More

走進尖沙咀棉登徑的幽靜角落，推開檜木大門，這間餐廳的座位不多，吧枱只有八個座位，看見壽司師傅手起刀落正在用心製作每道料理。真•鱈魚白子😋😋😋😋😋第一次食鱈魚白子，這是高級料理餐廳才有的食物。乳白色的鱈魚白子，十分飽滿，上邊灑上蔥花還有矜貴的金箔。白子是魚的生殖線，鱈魚白子口感極其細膩滑嫩，入口即溶，就好似濃郁的奶油在舌尖上瞬間融化。白子的味道是清淡的，帶有一點獨特的彈性和綿密感，係一種難以形容的感覺。白子不僅美味，營養也非常豐富，富含優質蛋白質。鱈魚白子是令你一試難忘的食物。刺身盛盒🍱😋😋😋😋😋每一款刺身都好新鮮，有油甘魚，鯛魚，三文魚，甜蝦，帶子，𩶘魚，海膽魷魚卷。油甘魚刺身，飽滿的油脂感瞬間充盈整個口腔，甘甜濃郁，滿足感爆燈。海膽魷魚卷，魷魚彈牙，海膽鮮甜，仲帶有淡淡嘅海水味。本鮪壽司盛盒🍣😋😋😋😋😋嚴選藍鰭鮪魚不同部位：赤身清爽，中腹油脂均衡，大腹豐腴甘潤。每貫壽司都展現師傅嘅功力，醋飯溫度恰到好處。霜燒魚生飯😋😋😋😋😋三文魚、左口魚，帶子經火槍輕灼鎖住鮮味。炙燒之後嘅魚生略帶焦香，配上粒粒分明的珍珠米飯。松葉蟹肉蟹籽沙律🦀🥗😋😋😋😋青瓜絲上面鋪滿了松葉蟹肉絲和蟹籽，在舌尖迸發海洋的鮮甜，沙律爽脆清新。牛油果芝士三文魚卷🥑🧀😋😋😋😋😋牛油果口感綿密與濃郁芝士好夾，上面唧咗沙律醬，酸酸哋，好好味。如果你想靜靜地舒服咁品嚐日本美食，渡邊屋係唔錯嘅選擇。👍🏻…Read More

啟德體育園區除咗睇演唱會表演同運動比賽之外，其實仲有好多美食陸續進駐。今日我哋就嚟咗一間馬拉&泰式的多國菜餐廳尋找美食。泰鹵豬手流心蛋配雞油香飯😋😋😋😋😋豬手煮到好軟腍，細細力一夾就可以夾開，滷水汁好入味。油飯粒粒分明，加上少少醬汁一齊食。簡簡單單就好滿足。無骨雞流心蛋配雞油香飯😋😋😋😋😋無骨雞超級滑，皮爽肉嫩，啖啖肉真係我嘅至愛，大推。滑滑雞肉配上秘製醬汁，同雞油香飯真係絕配。烤雞扒流心蛋摻摻😋😋😋😋😋雞扒烤到好香，雞肉唔會太乾。喇沙湯唔太辣，椰香味十足，配料仲有扎肉同豆腐卜，米粉同油麵吸收咗湯汁好惹味。泰式豬頸肉配沙律菜😋😋😋😋😋炭燒豬頸肉，表面微脆，有炭烤香味但唔乾，仲保留到肉汁。沙律菜嘅沙律醋偏酸，配埋豬頸肉一齊食清爽解膩。街頭炸粿肉角😋😋😋😋第一次食呢種小食，原來係豬肉做嘅。好香口，但唔會太過油膩，配搭甜酸汁好夾。下次嚟啟德體育園區，又可以多一個新選擇了。🤭…Read More

西湖的動人之處，不只在那片如詩似畫的湖山，更在一縷茶香與一味江南食事之間。綠茶餐廳特邀米芝蓮星級主廚俞斌以創新嘅手法演繹傳統嘅菜式，以茶入饌，將西湖的千年風雅融入創意菜餚，重現一段「龍井問茶」的味覺詩篇，融合美食與藝術的極致風雅。龍井烤雞 😋😋😋😋😋職員先將成隻雞上枱比客人過目之後再斬件。烤雞好香，雞皮好薄，外脆內嫩，好juicy，帶有淡淡嘅茶香味。粉絲裹蝦😋😋😋😋😋開火煮幾分鐘，聽到計時器響起之後打開蓋，職員會在客人面前將粉絲和大蝦拌勻，即時香氣撲鼻。蝦肉鮮嫩彈牙，粉絲吸滿了湯汁和精華，十分惹味。筆墨香酥（香港限定）😋😋😋😋😋毛筆造型好特別，外層酥脆，入面是豆沙蓉，用朱古力醬扮墨汁。打卡一流，玩味十足。西湖雷峰塔(香港限定)😋😋😋😋😋白娘子被鎮在雷峰塔的傳說，在此化作絕美甜品。古塔造型的奶凍，配以翠綠色的龍井茶糖漿。奶香味濃郁，唔會太甜。酸木瓜黃皮檸檬茶🍹😋😋😋😋龍井茶茶味清新甘醇，香水檸檬🍋好香，加埋酸木瓜同黃皮，酸酸甜甜，飲落好清新。茶煙起，詩意長。何須遠赴西湖？嚟綠茶餐廳就可以品嚐到呢一席「龍井問茶🍵」🥰…Read More

今日去四季·悅食放題，主打任食廣島蠔🦪。估唔到金鐘寫字樓區會有咁抵食嘅放題，我哋6點幾去到都已經坐滿八成客人。廣島蠔🦪放題😋😋😋😋😋各種煮法嘅廣島蠔任君選擇，隻隻都好飽滿。日式吉列廣島蠔 - 粉漿好薄但超級酥脆。芝士焗生蠔 - 好香芝士味，好creamy 。酸汁啫喱煮廣島蠔 - 酸汁啫喱好特別，食到柚子味，同蠔一齊食，好fresh 。燒汁香煎廣島蠔 - 廣島蠔煎到好香，配燒汁好惹味。刺身🍣😋😋😋😋😋刺身嘅種類選擇好多，樣樣都好新鮮。三文魚腩油脂豐腴入口即溶。帶子刺身鮮甜柔軟彈牙。吞拿魚，劍魚腩同樣油香滿滿。天婦羅 & 燒物😋😋😋😋炸蝦🍤同軟殼蟹🦀天婦羅炸到好脆，炸粉唔會太厚。串燒種類選擇也很多，叫咗魷魚，炸大腸，雞軟骨串，雞翼，味道稍為偏淡，可以自己加七味粉。燒鰻魚同燒鯖魚都好好味，好香口。呢啲燒物送酒一流，今晚嘅放題🍶梅酒清酒都係任飲㗎。雪糕甜品🍦🍧😋😋😋😋😋全部都係日本牌子嘅雪糕，任君選擇。估唔到竟然有 crème Brûlée 🍮🤭表面嘅焦糖好脆，配雲呢拿雪糕，好香好甜。忍唔住食咗兩杯，為放題畫上了完美的句號。…Read More

今日去大橋街市買燈籠，跟住就嚟咗附近呢間馬來西亞餐廳食下午茶。呢度嘅下午茶款式選擇好多，而且價錢都好抵，四五十蚊仲包埋飲品。巴生肉骨茶湯米粉，肉骨茶唔算好濃味，清清地，唔會太鹹。有幾件大排骨，仲有冬菇，豆卜，腐竹配料好足。海南雞清湯米粉，海南雞係無骨海南雞，都幾滑，配料有雞蛋，豆卜同蔬菜，都係清清地。跟餐飲品🥤揀咗桔仔話梅水，香茅橙茶。我覺得桔仔話梅水都幾好飲，鹹鹹哋酸酸哋😋。…Read More

見人上網介紹呢間芝麻卷好好味，今日就嚟一試究竟。門口有個石磨機系度磨緊芝麻，果然係真材實料。芝麻豆漿，流心黑芝麻布甸，花生黑芝麻丸，黑芝麻菲林卷。黑芝麻卷一盒有六件，好香芝麻味，唔係好甜，口感好Q彈。下次要試下流心黑芝麻布甸🍮😋。…Read More

距離熱鬧的大馬路不遠處就是這家裝潢簡約的西餐廳，步進店內店員即刻熱情招呼。晚餐的選擇有很多，我哋決定食海鮮🦐同乳豬🐷，店員還向我們推介了生蠔🦪。生蠔🦪😊😊😊😊日之雪花(日本🇯🇵)十分飽滿，口感creamy, 咸度適中，輕輕一咬彷彿奶油在舌尖上化開，細膩柔滑。銀堡壘(西班牙🇪🇸）同樣是十分飽滿，口感較爽口結實，海水味較重，餘韻韻比較有金屬味。個人比較喜歡日本日之雪花，清甜順滑，餘韻回味悠長👍🏻。香煎星斑柳併虎蝦配柚子醬油😊😊😊😊😊虎蝦煎到好香，一啲都唔會覺得乾，食落好彈牙。星斑好大塊，魚皮煎到金黃香脆，星斑肉質緊實。再配埋自家製柚子醬油，酸酸地，好有柚子味，同海鮮一齊食好夾。西班牙乳豬配肉桂蘋果蓉😊😊😊😊😊乳豬外皮超脆，肉質柔軟嫩滑多汁。肉桂蘋果蓉，很清爽，搭配乳豬一齊食，蘋果蓉清新解膩，將整道菜的味道昇華到另一個層次。食食吓飯聽到播生日歌，原來有兩台食客都係嚟慶祝生日，店員熱情地送上生日小蛋糕和拍照，氣氛很溫馨有愛😊。…Read More

見到餐廳推出同悅和醬園聯乘的二人餐，特登嚟試吓😂。悅和米酒糟漬車厘茄配蕃茄凍😋😋😋😋😋底層係蕃茄凍，中間有牛油果，上層是用米酒醃製過的去皮車厘茄，仲有一些白色嘅酒糟。因為車厘茄去咗皮，所以就更加能夠吸收米酒的味道，入口超爆汁。對於平時唔飲酒嘅我嚟講酒味都算幾濃，但又不會覺得太烈。你仲可以加少少豉油去調味，又鹹又甜，感覺幾特別。炸雞可樂餅配極品甜醋😋😋😋😋估唔到極品甜醋同炸雞可樂餅竟然可以咁夾。可樂餅外層炸至金黃香脆，入面嘅雞肉仍然可以保留到肉汁，配上甜醋可以解膩。慢煮雞卷配悅和甜麵豉柚子沙茶醬😋😋😋😋😋雞卷用低溫慢煮方法烹調，保留到肉汁，口感柔軟。甜麵豉醬與柚子沙茶醬，碰撞出鹹甜交織的層次感。烤悅和混醬日本豚飯配蒜香醋紅椰菜蘆筍😋😋😋😋😋日本豚肉超級厚，肉質緊實，脂肪比較少，配埋秘製混醬，好惹味。米飯係日本珍珠米，粒粒都均勻地沾滿了醬汁，粒粒分明有口感。加埋流心蛋同紅椰菜一齊食，軟硬適中。盤鹽梅子咖啡☕️😋😋😋😋😋咖啡味道好特別，咖啡味唔算好濃，盤鹽同梅子令咖啡嘅味道提升到另一層次。話梅的酸味都幾突出，再加上少少鹹味，味道實在令人難以形容。大推👍🏻開心果意大利芝士杯😋😋😋😋芝士杯唔止表面灑上了大量開心果碎，一路食落去中間都充滿着開心果碎，所以開心果味超級濃。開心果芝士忌廉同咖啡蛋糕層層相間，忌廉充滿空氣感，食落唔會太甜太膩🥰。呢個咁有特色嘅悅和二人餐係期間限定，如果你都想試吓就快啲嚟啦。👍🏻🥰 #How To Live Well #荃灣廣場 #悅和醬園 #香港原味道…Read More

之前上網見人介紹過呢一間新式燒味外賣店，今日喺屯門睇完戲，順路就嚟試吓。除咗平時燒味店會有的燒肉，叉燒同燒雞之外，仲有燒豬手，鴨胸，鯖魚等等。我今日揀咗燒豬手飯配蒜蓉汁。豬手唔會燒到太乾，蒜蓉汁好香，價錢只係$40性價比高。店內還有麻辣系列和醉酒系列的涼拌食品，豬手，鴨舌，雞卷等等。下次要試吓先。😋…Read More

就算係最炎熱嘅夏天都阻止唔到香港人打邊爐，今次嚟阿爺八鮮鍋食雞煲海鮮放題。一入餐廳幾個大魚缸放滿咗各種生猛海鮮，上一秒仲喺魚缸暢泳嘅魚蝦蟹，下一秒已經鮮甜上枱，我忍唔住要食晒你哋啦。特色🐔雞煲十分惹味😋😋😋😋烚吓烚吓之前整返個特色雞煲，雞煲有幾個口味可以選擇: 四川麻辣，泰式雞煲，芝士雞煲，我哋揀咗花膠雞煲。雞煲份量細細地，食完係可以再加嘅，因為要留肚食海鮮火鍋，我哋就冇再refill雞煲。花膠好彈牙有咬口，吸收咗雞肉同醬汁，煮到好入味。時令燉湯🫖滋補養生😋😋😋😋石斛麥冬湯，盛載燉湯嘅容器好特別，係一個銅茶壺同茶碗。燉湯望落好清，一啲都唔油膩，飲落好清甜好養生。海鮮🦞🦀🐟🦐🦪火鍋隆重登場😋😋😋😋😋正式進入今晚嘅重頭戲海鮮火鍋，為咗唔破壞海鮮嘅原汁原味，我哋揀咗比較清嘅椰子🥥雞湯底。✅ **原隻龍蝦🦞**——肉質飽滿，鮮甜無比 ✅ **鮮鮑魚**——鮑魚超新鮮，仲識郁㗎，肉質爽口彈牙✅ **大虎蝦🦐**——巨型Size，啖啖肉 ，好鮮甜✅ **珍珠蠔🦪**——粒粒都好飽滿，嫩滑爆汁，無腥味 ✅ **膏蟹🦀**——肥美鮮甜，超級爆膏全部即叫即撈，保證夠晒新鮮。各款火鍋配料及手打丸😋😋😋😋招牌手打蝦滑同墨魚滑都好爽口。潮汕牛筋丸，超級爆汁有牛味。A4豆腐紙,第一次食，好特別。蔬菜嘅選擇亦很多。刺身拼盤🍣 😋😋😋😋吞拿魚腩，赤蝦，北寄貝，魷魚，全部都好新鮮。全部海鮮都好新鮮，我哋食到捧住個肚走啊。🤤…Read More

同朋友食韓燒放題，簡直係大胃王挑戰賽。因為大家都好肚餓，大家以最快速度點餐。上菜嘅速度都好快，眨吓眼成枱已經放滿食物。食放題嘅好處就係食物種類選擇多，任點任食毫無壓力。肉類🥩 😋😋😋😋😋呢度簡直係食肉獸嘅天堂，肉類嘅款式超多選擇。嚴選美國安格斯牛肩胛，澳洲黑安格斯牛肉，油花均勻入口即溶。牛板腱肉味好濃。韓燒又點少得五花腩，五花腩肥瘦相間，燒完焦脆爆汁。韓式豬皮，十分Q彈，豬皮燒到微微焦香，用生菜包住嚟食真係一流。晚市訂枱優惠，每四人送原塊安格斯西冷牛扒。牛扒味道超驚喜，肉味濃郁，一啲都唔韌，燒完之後灑上一點岩鹽就已經好好味。海鮮🦐 😋😋😋😋海虎蝦，翡翠螺，大蜆，多春魚，帆立貝，青口，每種海鮮都好新鮮。虎蝦好大隻，唔使點醬汁就已經好鮮甜，肉質爽口。松葉蟹腳，味道鮮甜，大推。刺身🍣 😋😋😋😋😋刺身嘅種類好多，而且望落好新鮮。厚切三文魚腩好肥美，無筋，油香十足。吞拿魚刺身色澤油亮。帶子刺身，赤蝦刺身爽口彈牙，好鮮甜。仲有希靈魚，北寄貝，赤貝，任君選擇。醬油蟹🦀 😋😋😋😋加1蚊換購韓式醬油蟹，雖然唔算好大隻但味道鹹鮮，蟹肉入口即溶好似食緊棉花糖咁。醬油蟹不愧為白飯小偷，送飯🍚一流。飲品🍸甜品🍧😋😋😋😋各款韓國燒酒，啤酒，自製一杯韓式燒啤又得。唔飲酒，都有好多款汽水，檸檬茶，柚子茶可以選擇。🤣 乾杯🍻餐廳設有自助雪糕機，窩夫機，旁邊仲有好多配料可以DIY。我覺得雪糕🍦🍿加爆谷真係Perfect match。呢度食物嘅種類真係超多，真係花多眼亂，有選擇困難症的你要做好心理準備。無論係小鳥胃定係大胃王，燒烤大叔放題都係一個唔錯嘅選擇👍🏻。…Read More

高質漢堡包🍔大優惠，全部漢堡包套餐都係30蚊咋😱你無聽錯丫，真係30蚊乍。我哋今日揀左夏日風情菠蘿🍍牛堡套餐同招牌蛋🐣牛堡套餐，跟餐有粗薯條同汽水。粗薯條🍟超級美味，外脆內軟。漢堡包🍔入面嘅牛肉漢堡份量十足， 好juciy，入口爆汁 ，加埋原片菠蘿🍍，酸酸甜甜，十分解膩。優惠期去到8月31號，大家都快啲去試吓啦🤤。…Read More

屯門出名多美食，不過我哋今次唔去市中心，試吓呢間屯門友介紹嘅隱世西餐廳。餐廳嘅裝修係田園風，環境舒適，仲有室外座位，不過今日落雨我哋就坐返室內啦。脆皮德國鹹豬手配蜜糖黑椒汁😍😍😍😍😍豬手都好大份，豬手外皮金黃酥脆，做到皮脆，但係肉質又唔會乾，仲可以保留到肉汁。配上蜜糖黑椒汁，甜甜地，層次豐富。酸椰菜同豬手一齊食，解膩又清爽。龍蝦🦞汁意大利飯配香蒜牛油焗龍蝦尾😍😍😍😍😍呢個係晚市套餐，已經包咗頭盤，同餐湯。龍蝦汁意大利飯，香氣濃郁，每粒飯都吸收咗龍蝦湯汁，意大利飯口感偏硬，好有正宗意大利風味。香蒜牛油龍蝦尾，牛油味好香，龍蝦尾肉質緊實，好彈牙，輕輕一剝就可以成舊取出，啖啖肉。甜品: 心太軟配雲呢拿雪糕🍧😍😍😍😍😍跟餐可以加配甜品，我就揀咗心太軟。外層蛋糕鬆軟，切開之後中間朱古力醬超流心，搭配雲呢拿雪糕一齊食，冷熱交融。而且呢個心太軟，得到了甜品界最高評價，就係唔太甜🤣。心太軟為今晚嘅晚餐畫上了圓滿的句號。…Read More