為食coffee's Profile

平日都唔去食，一食就出事。入到去準備開餐，就先黎隻曱甴BB..第一時間緊係整死佢啦，叫個部長黎，佢竟然係冇反應，好似見慣見熟，就即刻清潔左個屍骸。 其實都諗住算啦，照坐底食啦。。。唔夠一分鐘又黎。。 仲要係隻好生猛既隻曱甴。由隔離張卡位行過黎。 可能係我大驚小怪啦，隔離檯見到隻曱甴竟然冇反應，只係照飲佢係雪櫃拎入黎個10幾支菊花蜜。。叫個部長黎話佢知又有曱甴，又係冇反應。只係叫我地轉檯。。。 成晒飯都冇晒胃口。。。…Read More

呢間拉麵Jo, 一直食開銅鑼灣店，一星期總會食一次。就算去唔到食，好會係朋友面前極力推薦， 仲會心思思諗下幾時再去食過。。 今次黎到圓方呢間分店，即使又好多餐廳選擇，首選都係呢間拉麵店。 點知就係伏既開始。。。。。:(坐底叫左個沾麵同湯拉麵，個沾麵實到黏實曬。跟本夾唔起。 呢蛋又切到爛。:(沾麵既汁好水汪汪，而且又咸。之前係銅鑼灣店食個陣，檯面總會放有一個辣芽菜用作 配搭拉麵一齊食用。 嚟到呢間圓方分店， 問侍應有冇辣芽菜。 侍應竟然同我講。“ 我哋呢度冇，唔知咩嚟。 我哋冇免費小食。” 佢咁樣講完當場打個突， 好似講到我要拎免費小食咁。基本上整間拉麵店嘅味道好一般。 小食其實冇什麼特別。 最神奇嘅係叫套餐 講話包飲品， 但竟然所有飲品都要加錢。 其實咁樣就已經唔算係包啦。如果想食拉麵的話可以唔需要再嚟呢一間。 如果真係去去銅鑼灣店啦。 …Read More