NANA2046的個人專頁

每次去完K11 都見到呢間餐廳大排長龍，一直好想試下係咪咁好食。對於有期待既餐就梗係想搵多幾個朋友一齊去試多幾款菜式啦！點知換黎既係失望，味精同一肚氣！預訂時間為7點，我地早左6點43分已到達(點解記得咁清楚因為男經理叫我地走時話我地早左入黎，要係正90分鐘好離開），同行朋友因天然熱一早已常坐低飲杯野，於是早左入去，店內好大, 我地被安排到卡位就坐，坐位舒適，見佢哋有好多大枱，但仲維持到坐枱與坐枱之間有一家距離，實屬市區難得既坐位佈置。難怪吸引咁多一大班fd黎食飯既客人訂坐。剛坐下我地已點每人1杯飲品，但他們的飲品真係幾細杯，味道賣相一般。反而叫椰青會抵啲！因意識到限時90分鐘，我地好快已決定食物，但都想按次序先點前菜同小食先，於是打算分開落主菜，但女店員話軟殼蟹咖哩麵包要等得耐著我們先落哂所有訂單，於是我地都聽聽話話咁將前菜到主菜都點左一round, 其後女店員已馬上收走哂啲menu, 好似生怕我地再點菜拖延時間咁。奇怪既係，女店員話要等得耐既軟殼蟹咖哩麵包第一時間已上枱，碟野唔熱，只係暖暖的，但麵包有少少脆度，咖哩與麵包係黃金組合，再加上索汁既軟殼蟹，雖然味道唔算出色但轉地都好快清左碟野！之後其他小食都送到，包括有蝦餅，炸春卷，米紙蝦卷，連炸野都係常溫。味道又係同一般周街郁食到既炸物無異，無突別出色。食到呢度我地都覺得有點名大於實，香港好食既泰國菜好多，可能只係輸店面空間細吧。接著小炒都到枱，終於全晚最有熱度既鐵板蠔仔炒蛋出場，請拍手！但味道又係講不出的一般，無個醬係完全無味，連蠔仔既鮮味都無。辣炒花甲算係全晚最出色既一道菜，雖然有啲辣但個汁好味，花甲都有返咁上下大隻，份量都唔少。等左好耐既木瓜沙律竟然同菠蘿炒飯同時上枱，木瓜沙律又辣又極甜，炒飯係凍既。。。呢個時候朋友話想食菜，我地再點左鴨肉生菜包同飛天通菜，其中鴨肉生菜包係另一出色既菜式。其實後加既呢2個菜已好快上枱，我地都意識到有限時，原本以為餐廳見我地未食完會俾我地按訂坐時間7點坐到8點半，但男經理就係8點零幾分走黎話我地得返幾分鐘要還枱，當時我地已差唔多食完，只係未有意識到要扣返17分鐘入座時間，其間友人講左句唔係7點起計咩，男經理馬上破口大罵我地係6點43分入座，一定要準時離開，佢好似好嬲咁講左成分鐘話佢地已經寫得好清楚有此規定，用好強硬同指責既聲調語氣去指出我地不是，遲遲未肯離開。好啦，咁我認我係西客啦！竟然想罷佔餐廳位置多17分鐘，以平均消費$278既呢餐飯黎講，個男經理好似施捨俾我食咁，以後都唔會再黎呢間咁好生意既餐廳，西客唔值得幫襯。…查看更多

知道黃店告急都會盡量去食，奈何肺炎菌見多過4個人就會埋身，苦等不果，4個人都衝去食黎食住先啦！老實，原本唔太睇好呢度既野會有幾好食，事關又新鮮海鮮又釣魚咁，玩味太濃，有懷疑係咪食物一般先攪咁多野吸引人呢？結果就係食緊第二碟已經問緊其他fd幾時再黎啦~~先來個明太子玉子燒，樣靚又出煙，唔會太甜襯返明太子係面，好味，有驚喜。再來明太子撈烏冬就更好食了！串燒都燒得岩岩好！掛住食無影太多相，不過都會再去，下次再影啦！加油撐住呀，真心推介，希望多d人食到優質美食。環境很好，坐得舒服傾得開心，只係有客唔守規矩用手夾蝦，一家大細唔好咁cheap好嗎？咁既價錢仲要揾著數，餐廳已經被疫情攪到好慘了…查看更多

人年紀越大，越對肉食感到無力…消化不良引起的副作用在本年度更見顯著，自然令我偏愛吃素了。跟同年紀朋友約吃飯，聊到健康問題時大家不約而同提出來吃素，意外是這裡的素食很高質！由於人數少不設訂座，我們提早六點便來到，以為旺角小店都很焗促，意外地座位間有足夠距離。服務員跟客人人數比約1:10 , 但靚姐們都是有經驗的員工，她們會集中站在可看到全店客人的位置，對應之快令人珮服！坐了一晚都有茶喝，服務我要給滿分了！雖是素食但這裡的菜式選擇很多，傳統跟新派素菜也有提供，相對款式我覺得這裡是以味道取勝了！傳統齋滷味，最出色是齋燒鵝，酸齋則不夠酸，可能因為這裡的滷味沒加味精，吃完也不會覺得口。是次最推介是塔香猴頭菇，這菜式一上枱已香氣四溢，是九層塔跟豆豉的香氣！猴頭菇炸過再炒，沒有苦味，爽口。配角的青紅椒也是十分的搶鏡，除指天椒其他都吃了。重點是不吃辣的朋友可能只能吃菇。另一招牌菜是生菜包, 是三色豆跟彷蝦, 份量足夠3人享用, 配搭跟味道也不算新鮮, 但有快樂的感覺, 也是家庭必點之一。最後是沙茶豆腐素球煲，沙茶味不太突出，雖是招牌菜但未有留下深刻印象，豆腐球很飽肚。之後跟別的朋友再去，發現這裡的pizza原來很出色，$168 必點！還試了椒鹽茶樹菇跟果醋，同樣美味。以後想吃素都會來這裡！…查看更多

好鍾意食鯖魚，味噌煮，鹽燒，漬，箱押，咩整法都岩！發現終於有專食鯖魚既店時興奮到不得了，急不及待來一試。Doraya開業多年一直保持良好質素，對姊妹店有預期很合理，事實也沒讓人失望。望内裝横跟Doraya類似，走平實路線。店内有不少以鯖鮪為主的裝飾，很有日本風味。鯖魚定食有兩款，鹽燒鯖魚跟味噌煮，而我早已決定吃味噌煮。朋友則覺得要把鯖鮪都吃過才行，所以吃醬油漬脂鯖魚併藍鯨吞拿魚飯。(即係魚生飯啦) 魚生飯先到，略有飯多餸少之感覺，醬油漬脂鯖魚跟藍鯨吞拿魚都只有各3片，還好套餐都有薯仔沙律，炸物，味噌湯跟新香，算是把整碗飯都鯨吞下去了。朋友說魚生味道是好吃的，但眼見份量少我難得沒去搶吃。過一會我的味噌煮鯖魚也上菜，沒試味已覺得好吃，濃郁味噌加整整半條的鯖魚，份量比魚生飯多很多。味噌醬偏甜，是我喜歡的味道。魚肥美但沒魚油腥味，肉的部份不會鞋口，煮得剛好！我覺得是我在香港吃過最好的！最後把飯直接倒碟内把餘下的味噌醬扒光，很爽！而家真的很飽！套餐的薯仔沙律很好吃，像吃雪糕一樣，奶油香，薯蓉滑因為仲有很多菜未吃到, 未埋單已決定再去了！…查看更多

每個人對lunch的定議也不同，勞動工作的人可能是為補充體力，吃不滋味的人只為填飽個肚，日日呻今日唔知食乜好既選擇困難症同事是苦差，對我是好好休息嘆返餐既一小時。同事話呢度既野好好食，但打從佢地係又一城第一間店開業時，見到那條人龍，已不感興趣。剛好外出回公司見到不用排隊，加已吃多天飯盒趕功課，天時地利想黎嘆個靚lunch是日lunch有過十款選擇，飯類意粉扒餐沙律都有，而且價錢均一，難怪吸引一眾上班人士排隊。我點的是香煎鱸魚焗薯加炒雜菜。主菜份量有點不似預期，但加個沙律同超大麵包好總算係飽的。冰茶名不虛傳的好喝！鱸魚香煎，本來鱸魚就是"鞋"口，呢度整得唔錯。配菜有點少，薯仔得兩舊。食物味道好吃，飲品也好麵包有好，但我實在接受不了店内lunch時間的繁忙感，讓人吃飽也不能釋懷工作壓力。坐下短短十分鐘見門外人潮擠湧，上菜後粉粉吃完也不好意思閒坐了，二十多分鐘百多元lunch…不敢再挑戰……查看更多

荃灣咁多shopping mall又個個有返咁上下大，人流又多，行到攰想揾個位坐下都唔易。行出商場少少就揾到呢間出名食pancake既鋪頭仔，係正賣布街市既對面得佢特別靚仔好易就揾到下午茶時間唔洗等位，lucky其實飲完茶唔係好耐，完全唔肚餓，但見到menu吸引既甜品都忍唔住一人叫返個試下！士多啤梨藍莓拿破崙伴雲尼拿雪糕賣相靚，拿破崙餅好好食，唔比royalxx酒店差wo! 如果用吉士醬代cream更正我估。敗筆，個雪糕球硬到食唔到，仲要唔好食…因為同食pat冰無咩分別…個樣又係同menu一樣無走樣，但覺得件pancake粉味有點重，無咩蛋味，不過煎得唔錯的，火喉很重要。鬆軟但未去到フワフワ既感覺。個雪糕球…又係…點解…整體感覺係非常好的，值得推介！…查看更多

以鰹魚湯底做招來個想法係唔錯的，但講到咁專既時候就對佢期望有點高了，可能咁就覺得湯底沒有想像中的好。店位置係近太子與深水埗之間，真係得閒無野做先行去揾黎食。鋪面都幾pro咁。第一次一定要試左原湯底先的！太餓就揀左最貴有4塊叉燒的豚肉鰹之一滴。湯底個色同我想像的清湯有點出入，睇落好似好多渣咁。食落係香鰹魚味但同時又有點鰹魚獨特干味(唔係好味個邊), 加埋醬油，個湯好似有點酸酸的！可能想配合鰹魚，叉燒係薄同瘦肉，幾特別但不是我杯茶。麵條應該係我最欣賞佢既地方，彈牙粗幼適中。整體不過不失，未吸引到專登再去食。…查看更多

1700在佐敦，有好多店都落場了，剛好想要吃的泰菜餐廳也關門，緣份驅使下就來了隔壁的這家越南餐館。餐館地地不大，坐滿也只能容納20人，這時間就暫時沒客人了，坐得很舒服。提早吃晚餐，朋友的午餐還未消化，所以點小吃為主力。海防生牛肉河$42湯底清甜，吃完沒口渴感，牛肉跟河粉也量多，男士也夠飽牛油雞翼$48牛油雞翼新鮮炸好，肉嫩，但牛油味不太夠，但以炸雞翼的角度吃就好吃了！海鮮米紙卷$52因為在越南吃過好好吃的，所以覺得這裡的較普通。米紙有點太厚讓口感覺得沒怎麼吃到材料，變成味道重點靠魚露帶出。滴滴咖啡$22底部有練奶，如習慣喝手沖咖啡的人記得要走練奶，不然攪拌後會覺得甜，不攪拌也不會覺得咖啡苦，好喝也香！會為了這咖啡再來啊！整體食物飲品環境也不錯！看見之後來的食客的食物好想下次來吃，哈哈！已打算下次要吃二人餐，實在抵吃！埋單時老闆幫我把咖啡跟河粉變成套餐，省了$10, 真貼心要再來吃！…查看更多

有個隨性既朋友有時真令你唔知好嬲定好笑, 嬲係佢次次都好鍾意即日先話你知佢得閒食飯, 對於我呢D最憎等位鍾意幾星期前BK定一到就入得去坐既人, 真係非常唔好既習慣。好處係令你平淡既生活有點不平淡, 怎至會為你帶黎驚喜! 朋友又再次突然話得閒食飯, 初相識時真係唔想理佢, 覺得佢成日搵我ZIP時間咩! 既感覺。直到有次去旅行先發現原來真係有堆人係好無PLAN, 佢唔係搵你ZIP而係佢覺得個下有時間又想見你，咪即刻搵你囉! 咁多年我終於明白, 所以老左都好珍惜佢每次打黎約我見面, 畢竟人越大朋友越少...離哂題TIM! 不過事源亦係呢個朋友無啦啦約食飯, 仲要5點幾, 即係BK唔切位啦! 原來佢想約TST, 但而家TST食飯搵間好少少既餐廳無BK位都等到傻, 又要限時, 唔鍾意。提意去佐敦搵下有無好野!剛好路過澳牛對面, 經過呢棟商業大廈門口就有位親切的靚姐問我地係咪食飯呀? 我好奇, 呢棟野點睇都唔似有野食, 忍唔住望下MEUN食咩, 下, 日本野, 咪攪, 唔想痾, 就係個心諗緊呢一刻隨性朋友已經大聲說好並跟阿靚姐行入大堂, 當下我真係未黎得切反應心入面N句粗口! 靚姐無辜的, 係我FD 衰, 於是靚姐幫我地襟埋電梯上1樓。服務咁好如果後多兩條街我真係會拖住我FD走的, 哈哈。時間早客人唔算多, 好彩店內雖然唔算大但座位寬敞，不會聽到隔離枱數哂全公司D人做野唔掂得佢最醒!侍應大方地叫我地揀想坐的位置, 因為次次都傾好耐, 所以就揀左比較入面的位置。鋪仔細細有個房仔5-6人坐, 想同朋友慶生唔錯! 仲要無最低消費! 點解我問咁多係因為食完第一碟已經想公司TEAM LUNCH黎呢度食了!環境舒適, 唔洗人迫人。至於食物質素真係好令我驚艷, 又要多謝隨性朋友一坐低就叫2碟海膽軍艦先, 因為佢大叫$45 / 2件咁鬼抵既!! 我又一頭汗, 你見咁平仲叫......唔驚死架wo....生野我真係驚, 因為中伏太多, 佢點完我已經周圍望下廁所係邊先.....黎度個樣又未算強差人意但唔係算非常吸引。不過份量係十足的, 好食既話真係幾抵既感覺。既然叫左都要試, 食完同朋友一齊對望, 好味wo!! 海膽咸香味濃, 完全無腥味, 好肯定係新鮮的, 再睇返個價, 唔通今次真係錯有錯著食到間好野!? 於是我開始放心勁食~~愛吃的人就是簡單, 好食咪食囉!蟹子沙律, 不過不失的味道 $38, 份量足夠2人食其實呢度大部份野都唔洗睇價錢, 全部野都平街鋪幾十蚊, 特別係壽司魚生等於連鎖鋪既8折。想慢慢傾梗係叫D唔飽既串燒先啦! 厚燒牛舌芯$38 / 1本 - 十分大件, 厚肉唔UN, 不油膩, 一咬就斷開, 但唔係燉牛舌既軟熟, 而係爽口既軟熟, 火喉掌握得好過好多地方, 真心推介好正!再黎係鹽燒雞軟骨$32 / 2本 & 鹽燒多春魚$42 呢兩味都普通, 雞軟骨有D乾, 但味道剛好, 可能佢用左比較少肥膏既雞所以比外面的無油, 就有乾感多春魚多左鹽, 有點咸, 事後有反應俾經理知, 但唔係投訴, 只係傾計時講下意見, 佢亦非常樂意去聽我地意見, 呢度之後再講!講返野食, 呢個免治雞肉串$35/2本真係令我地好意外, 朋友原本唔想食, 因為第度食過D肉好梅, 免治肉係有危險的, 因為唔知佢加左咩落去, 但呢度係有加雞軟骨, 就令成件事好完美啦~~~加佢唔知點解好有心機咁係串細細既野上面界左好多刀, 令到食落好爽口, 肉又彈性再加雞軟骨口感, 好好食! 日本居酒屋會比較多醬汁同加隻鵪鶉蛋, 但呢兩樣野我都唔需要, 所以覺得好完美呀! 食完串燒個胃仲有好多位繼續努力, 先點了清酒煮蜆$78, 又平過出面, 仲要好多蜆, 未去到大大隻但隻隻都食到鮮味, 唔似大排檔炒完出黎3分1都係殼跌哂D肉。但清酒未唔突出, 可能煮耐左蒸發左酒精, 但個湯好甜我地差不多飲哂。最後當然係要再叫多ROUND抵食海膽! 同時叫左三文魚 $18/2件, 蔥拖羅軍艦$45 /2件, 再加個金龍蝦卷$68海膽第2round都係好味! 三文魚唔係叫腩位都肥到好似腩位, $18/2件又係好抵呀! 蔥拖羅軍艦見到呢個粉紅都知係新鮮材料啦, 拖羅肥美但唔會食到成口油唔知自己食既咩, 赤肉同肥比例好先做到, 又一可ENCORE 之作。金龍蝦卷既蝦好大隻, 仲有8件, 味道好難突出因為一有沙律醬既我覺得都差唔多味, 勝在點夾都唔散, 事關之前去元氣食類似物體未夾到去點豉油已經空中解體。呢度既卷就卷得好好了~最後又係讚客服既時候, 經理在忙完一輪後見我地9點幾仲唔捨得走, 盲走黎問下我地野食如果, 結果知道呢度只係開左幾個月, 而且樓上店所以價錢商宜來吸引客人, 但商業大廈規範太多難以宣傳。我地都開心見誠講出食物好同唔好既地方, 大家交換左好多意見, 經理專心吸納我地既意見又不忘招呼其他客人。真的好窩心, 埋單時我已經諗好同朋友再黎食! 聽講有空調魚但要提早問定同預約, 好期待! 特別加影酒MEUN好抵飲, 介紹返俾鍾意飲既朋友, 但我係唔飲酒的, 可惜。…查看更多

糧尾的時候被迫要出外揾食，係食碗米線一餸都要$32既環境，錯有錯著黎到牛頭角街市揾食時遇到這糧尾恩店！雖未至平靚正，平靚係有的，味道一般，但價錢真係平到以為自己睇錯艇仔粥$12 蝦米腸$10食到飽一飽先$22, 同埋用料一d都唔求奇，艇仔粥料多過粥，粥底好綿。食完有少少口喝。蝦米腸就比粥品差一點，好淋，醬油可能有調整過，顏色深但食落唔咸，仲可以加甜醬麻醬黎食。跟住發現大家都叫炒米粉，唔知係咪會好食d呢~如果為味道就唔太吸引既，加上環境係街市，唔講都知唔會太整潔同舒服，但快食餐肚又平，出品亦有心，好食過個d十幾廿蚊碗既雲吞麵，呢度絕對係糧尾精選！…查看更多

如果要我揀2017年食過覺得滿意既餐廳，呢間一定係其中一間，地點方便，環境合格，食物有改善空間但已經唔錯，再加上貼心服務，點可以唔俾返個like呢度！今次黎呢度係慶祝朋友生日，朋友自己揀自己bk位，事前無調查過係咁好更覺驚喜。朋友們愛杯中物，揀餐廳主要睇飲品資素，而的確呢度既飲品資素係幾高的，因為成個月前，價錢已經全部唔記得了，但仲記得係好飲。同場加左支香檳，因為特價，亦不錯食物方面就好壞參半了，事關係得呢棟開餐廳d 租咁貴食物都不能太平，標準亦相對提高啦。頭盤小食都唔差的，有個炸薯條無影到，另外叫左classic凱撒沙律，醬汁調得好好味仲有蕃茄水牛芝士，呢味無特別，用料唔錯，蕃茄新鮮最推介係個人喜好，覺得好好食既卜卜蜆！蜆超大隻，鮮味，但最愛係個汁，雖然偏咸但我一向重口味，好食到要留低黎點包食！相反主菜就有點輸蝕，唔達標，主菜平圴都收二百幾(除左燒雞), 但份量少味道普通，有點失望，有改善空間希望下次去會讚返！真心細件，一個人都食得哂，何況我地5個人分，好彩味道唔錯，不過唔係我食過最好食既燒雞(最好食係一間私房菜既燒法國黃雞)原本最期待的豬手真係有點失望，未食過咁細隻！雖皮脆但肉係無味的，配角酸菜同酸醬汁卻有水準，呢個size收二百幾覺得略貴了，大隻返少少，再好食返少少會開心d最後最想讚下店員(可能係老闆們), service做得唔錯，由入到餐廳帶位介紹食物，送上枱，到我打爛野(唔係因為我打爛佢野先讚), 再到春雞燒濃左要我地等多半個鐘，無R就識做地送返兩個小食俾我地，都令我覺得你地班後生仔真係好有heart想做好間餐廳，唔係玩玩吓，如果係打工仔老細請到佢地應該執到！反而有d老牌貴價餐廳完全無左初心，唔優做既感覺令人失望。香港需要更多好餐廳，請加油！！…查看更多

係未開到周圍都係韓國餐廳前, 金巴利街一直都係搵韓食既聖地。但自從韓流湧至, 周圍都係韓國有名餐廳, 相對下呢度既餐廳資素就下降了。很久沒來過呢條街搵食既我, 今天被朋友引到黎食個快飯。因趕時間睇戲, 我們就揀了這餐廳因不需要等位。入坐時伏確實有點濃, 眼看整間餐廳都是外籍人士就有種食fusion菜既感覺。鋪面很細, 我們行李多真的坐得好辛苦, 店員為出入方便想要我們坐門口位置, 但冷風不停zip入, 剛病好的我實在受不了, 堅持坐最入面的位置。如有揹大袋又唔想放袋落地既朋友, 見人多就唔好入黎了。睇睇menu都幾多選擇但都係周圍都食到既菜式, 為免中伏我們都偏向選最簡單的菜式。結果點了3個菜, set 的紫菜卷+炒年糕$105做得比較差，飯有點硬似隔夜，紫菜軟哂唔脆，陷料亦味道欠奉，勁似細個阿媽學人整壽司俾我帶去學校旅行食個隻，但無左愛(誤) set仲有年糕，好過紫菜卷既，但味道十分唔突出，mk街邊檔仲好食還有就是甜醬炸雞$95呢味有點意外，睇相以為係類似kfc既炸雞粒，出黎有返咁上下大件雞肉，仲無骨，食得好方便。肉厚得黎雖然唔juicy, 但唔鞋，亦食到雞肉有調味過，加上份量唔少二人分享都絕對足夠過足口癮。比起名店價錢真係唔貴，可以算係過口癮之算，服務員亦唔錯，就算食哂都keep幫我地加水無俾面色我地睇(雖然無人等位，但好多餐廳唔知咩事見你食完就一定要你即走)所以我覺得係可以接受再去的！…查看更多

又一個HAPPY SUNDAY, 發現自己每次星期日搵食都瀨野, 唔係間野休息就係執左, 再唔係就唔好食OR 無啖好食, 今次就到邊食海鮮邊吃黑面。先講野食再發洩, 這餐廳出面水產, 當然要全部食哂海鮮先過癮。原先想點原隻海膽可惜星期日下午無貨, NICE而正常既眼鏡男店員介紹我們轉吃刺身併盤, $480 咩都有齊, 最為抵食! 最令人滿意係帶子，無諗過咁大隻同厚身，味亦鮮甜，切開有6大件。大吞拿好肥，食到成口油，自己鍾意食中吞拿多d。海膽當日一般，無乜海膽獨有咸香味，加上無紫菜包d海膽又唔係一塊塊夾得起，攪到食得有點麻煩。甜蝦同三文魚好食但唔特別，因為出面易食到好吃的。最後池魚同劍魚認真麻麻，酒店buffet食到的更好。貪得意點，未食過沖繩既無得比較好定唔好，但係無味，無彈性，唔點果醋唔知有無放野落口既感覺，仲要成8十幾90蚊，超唔抵呢度既酒非常難飲，我懷疑杯野似咸檸水多過sawa, 賣$48好心落多少少，美食展試飲個杯應該份量仲真材實料過佢食完刺身加飲咸檸水已經半飽，但黎到梗係要食招牌燒蟹蓋。未攪前個樣好靚，店員會幫手燒，燒既時候就會將所有料攪混，變左蟹膏色。朋友鍾意食膏覺得好香，而我就覺得太强勁蟹膏，食2啖就塞埋俾朋友食了。成餐最推介一定係蜆，好好好鮮甜，唔好睇佢又大又細咁，大既口感好肉厚，細既勁甜，燒到開蓋後店員會吱清酒落去燒，但唔明點解要倒哂最甜d汁先上碟。多春魚睇相都知非常地一般，勁少春，留返d錢double點蜆好過。最後真係好想彈呢度既服務，由入面口被黑面，埋單亦多謝都無，雖然係個別人士問題(其實另一個女店員都唔好態度，可能間野佢有份) ，但絕對會令我唔想再黎。成左1千蚊，最後最記得就係紅頭髮條女個張黑面！何必唔拎d錢去間更好既餐廳or酒店食buffet!? …查看更多

突然好想食醉雞，原本想去就腳既X太瘋食，但被反對說咁細碟唔夠食，下旨再搵搵。嬲嬲地揀間唔就腳既等朋友放棄轉餐廳，點知竟然贊成要試試…幸運地真係好食！尋日先bk位，6點個輪已full係意料中事，第二輪要8半才可入座。阿姐教路留定半隻片皮鴨穩陣實有得食。8點已餓到不行，搏一搏早d行去睇下俾唔俾入，去到見到起碼10人等緊已心知不妙，因有食力奇經驗bk左都要拎飛，所以問下阿姐bk左位洗唔洗拎飛，阿姐見有bk又有枱執緊竟然放我地早15mins入去食！so nice! 有時客仔就係咁簡單，少少著數已超滿足！拿拿臨order一早諗定既菜式拍黄瓜$42味道非常普通，唔係浸得好入味，唔夠酸。醉雞$68上枱已覺得好大碟，仲要成係隻雞脾，由於本人比較奇怪鍾意食鞋雞肉，對於唔係雞胸好失望但d雞肉真係好滑，加上啖啖酒香食到唔停口！四季豆$66入去時見到每枱都有點，本身都鍾意食呢味菜，可惜不算驚豔，只屬中等之作，勝在無目測咁咸，因為所以咸味都係由肉碎而來，而家好在唔會好似出面有d餐廳咁碟底成兜油。半隻片皮鴨$158呢味真係好抵好抵食，係晏晝一個燒鴨飯都5,6十蚊既時候，呢碟野只係百幾蚊！仲有有姿勢有實際，當然唔係打正旗號賣鴨既店做得咁好，當普通一味菜咁食就非常滿足了！皮係自己整比外面的厚好多，鴨肉片得好厚，啖啖肉小朋友應該會食得好開心。成個環境非常非常嘈，而家坐到好迫，基本上同隔離係痴住坐，只為食就好！BTW, 無加一而朋友無留意竟然無俾貼士，我真係覺得好內疚呀~~~唯有再去食時補返啦！等下次多幾個試多幾味！雖然呢度唔算有親切服務, 但阿姐們比起西面的90後還是要親切得多了, 吃完西面餐廳黎呢度即刻明自己已經係姨姨, 唔想貼錢買難受囉, 下篇打返西面lunch 經驗!…查看更多

難得平日休息，有咩好玩得過去等人氣餐廳？就係等要等極度耐既人氣餐廳啦！有人話等咁耐食第d啦，要呃like都要付出既, 12:13分去到, 見出到3號飛以為好快, 點知都等左1個鐘先有位, 食過既人就明白點解要咁耐, 因為係真真正正既即點即整。入內已知道出去會成日油煙味, 千奇唔好著吸味衫去食。餐廳內裝修無咩特別, 每張枱都有私人鐵板玩大阪燒, 所以唔識得既人好難搭枱, 呢個亦係點解要等咁耐既原因之一吧, 唔同譚仔有位就要你ZIP入去嘛。大阪燒揀左海鮮而廣島燒就揀左最基本的, 上年係廣島車站入面食左みっちゃん既廣島燒、個度係整好先上枱。初時以為同大阪燒只係有麵同無麵既分店, 但食落成個感覺都唔一樣, 大阪燒就好似食緊壓扁左既章魚燒, 只係將章魚變左豬肉, 但廣島燒就係麵燒到脆脆的, 唔會成口粉漿, 亦食到大量椰菜, 最後隻蛋係畫龍點睛令成個餅口感更豐富, 所以我係比較鍾意廣島燒。今次呢度既好玩之處係要自己制作, 好彩平時都有煮下野食, 整親黎無變左唔食得既野首先上海鮮大阪燒$98, 原材料咁上枱, 只係需要將佢攪混, 落油倒落去, SIZE大約係一個10CM直徑既圓形。之後就係每邊等佢燒5MIN, 最後加醬汁, 沙律醬紫菜粉同樫魚粉就攪掂! 今次我落太多醬所以太咸, 要撥開D汁先食平面就係一PAT粉咁, 味道同日本食到既差不多吧, 個汁好濃味唔好太重手。跟住係廣島燒 $98成個畫面比大阪燒豐富好多! 但整既過程亦多好多!先落一殼粉醬做好個餅底, 放上個兜咩都有D既材料, 跟住放椰菜後好似要加粉醬, 豬肉佢張圖係圍住菜我就鋪左係上面, 跟住要將呢齊舊野反轉煎熟豬肉。呢個步驟要D菜唔好飛出黎我覺得係要補粉後壓一壓D菜等佢俾粉醬痴埋, 反既時候就無咁易飛菜出黎了。反好後由佢煎, 同時炒麵, 有店員見我落錯左大阪燒汁黎炒麵走過黎話我知, 但我記得上菜個位完全無講解過係咩汁同咩汁。不過佢同事幫佢補返講就算啦。麵係超粗麵, 我已經炒左好耐都仲覺得好硬, 不過驚豬肉會燒焦就決定攪完再返炒了。將第一個餅放上炒麵後, 可以係隔離煎蛋, 跟住就將成舊野放上蛋後再反轉, 最後又後加汁完全。呢度我有個疑問, 點解又係同一個汁既? 我以為2款野會唔同汁TIM。成件事最失敗係唔記得壓下佢等成個餅位為一體, 所以整完出黎似漢堡多D。而且味道變得同大阪燒無咩分別, 只係有麵同無麵, 同我食過既唔一樣。不過呢個真係好飽肚。成個燒既過程我玩得好開心, 但食就覺得一般了, 雖然價錢唔貴都明白點解要等, 不過下下要等1, 2個鐘我就真係唔會揀食佢了, ENJOY過程既話我買個煎爐自己返屋企燒好過~~~~起碼返屋企唔洗俾人HEA先, 呢度既SERVICE真係忍真麻麻, 店員唔會主動問下你攪唔攪得掂, 唔掂記得舉手叫佢地幫, 呢度唔係日本唔會有人走埋你幫你架!…查看更多