Kafayy's Profile

行過新蒲崗諗住搵啲嘢食，見到呢間一團餃子，就入去坐低食啲嘢，係menu見到佢有呢個藥膳雞卷麵，就叫咗嚟試下，記憶大概50蚊左右， 嘢飲要另外叫。嚟到之後見到佢個賣相都不俗，佢個雞卷 個皮可以整到好薄，去除曬d雞油，食落去有淡淡嘅藥膳湯味，至於個面就似係一啲雲吞麵嗰種幼麵，而個藥膳湯底，飲一啖，非常濃郁嘅藥膳味，有紅棗同埋杞子嘅味同埋有啲花雕酒加埋落去煮既湯，感覺都幾特別，配呢個雞卷同埋感覺佢係唔油膩，係比較健康嘅一個選擇。👍🏻👍🏻…Read More

講起茶軒，其實都有好多年冇食，記得以前佢有好多分店，間中都會去食個下午茶 但近年可能太多其他台式嘅餐廳競爭，發現原來茶軒淨返一兩間，嗰日見到諗起好耐冇食就入去試下。呢間茶軒位於灣仔，佢個裝修都好光猛，用左落地玻璃，好多自然光可以透到入去，同埋個格局亦都唔會覺得好逼，坐得好舒服，個樓底好高感覺好寬敞，唔會覺得好逼夾。order咗佢呢一個糖醋雞件拼滷肉飯，除咗主菜，佢仲配搭咗其他青瓜、雲耳、花生嘅前菜，仲有一個貢丸湯，同埋佢個滷肉飯配咗半隻鹵蛋，成個餐擺出嚟都覺得好有誠意， 同埋佢個主菜份量都好多。佢個雞件入面好滑，表面都炸得好脆，同埋佢個滷肉飯，唔係好似台灣嗰種好多肥肉嘅滷肉，佢地個肥肉嘅比例係比較少，好迎合到香港人追求健康嘅口味。👍🏻👍🏻👍🏻晚餐 送一杯嘢飲，我揀咗蜜桃烏龍，佢係一個冷泡茶，無糖，飲落呢又淡淡嘅桃香， 清清地 ，完呢個糖醋雞件飲返個茶就解咗啲油膩嘅感覺咁。👍🏻👍🏻…Read More

呢間喺灣仔莊士敦道嘅露面手工拌麵嫩雞白布湯闊麵， $72，之前見好多kol都有介紹，今次就嚟試下。嚟到之後佢個感覺就好似上海嗰啲燶雞煨麵咁樣，有一啲嘅小棠菜，有啲雞件同埋就係佢個闊麵，開頭未食之前仲諗佢啲麵咁闊會唔會食完好滯，好彩佢個份量都有相應咁減少，食完都覺得啱啱好，唔會滯住好似食咗好多澱粉咁，個湯底都好清，平時唔鍾意食啲油膩嘢，想食清啲呢呢個係推薦👍🏻晏晝lunch嘅時間呢間舖其實都好多人排隊，咁啱我嗰日過去呢其實就過咗lunch hour大概兩點幾左右，所以就唔使排隊咁啱有位，有興趣試可以留意返😎…Read More

呢間有幾間分店嘅元朗合隆潮州粉麵， 強烈推薦去食佢個胡椒湯，尤其是如果去冬天去食，食完成個人都會暖曬。今次我都係叫一個自選三餸胡椒湯湯飯， 佢個胡椒湯除咗濃之外，會加咗一啲芹菜粒係上面其實我本身唔鍾意食芹菜，不過佢切到碎曬配落去嗰個胡椒湯又好夾，都好好食，就算送湯飯或者湯麵其實都好夾。其實佢仲有其他菜式，例如醉雞，豆乳湯等等，不過我每次去到淨係想食佢個胡椒湯， 至於喺揀餸方面，佢有一個叫做潮式嘅牛肉餅，初頭唔知係乜嘢，叫咗嚟試咗知道原來係好似黑椒牛丸咁嘅味，不過佢係切咗做一片片就係潮式牛肉餅， 仲有羊肉 同埋蠔仔都推薦可以試下。👍🏻👍🏻…Read More

個人都鍾意食壽司郎，因為佢啲壽司款式比較多，同埋個質素亦都比較好。但每次去好多時都好多人排隊，所以通常都係三四點嗰啲時間去就可以唔使排， 佢啲壽司一嚟比較新鮮，價錢亦都好貼地， 食物質素亦都好過其他集團式嘅壽司店， 至少未見過佢哋件壽司送到嚟嗰陣件魚生同舊飯係分開。😳😳今次就點咗赤蝦、油甘魚、三文魚，仲有佢地好多時期間限定嘅三文魚籽茶碗蒸，赤蝦都好新鮮，唔會食到有腥味同埋肉質都唔係黴。另一個原因好鍾意食壽司郎就係除咗佢哋壽司新鮮，佢哋做嘅甜品都好好食，好高質，同埋好多時都會有新款推出，呢個抹茶巴菲都好好食，有抹茶蕨餅同埋紅豆蓉喺上面， 之後中間有啲綠茶嘅mousse同埋有啲cereal脆脆，仲有呢個被封為係壽司郎名物嘅奶茶味catalana，好香濃嘅奶茶味，而件catalana texture亦都好rich，同埋有一樣嘢比較好就係佢細細件食咗都唔覺得好漏。👍🏻👍🏻👍🏻…Read More

呢間喺鑽石山荷里活廣場嘅小玉台味， 佢嘅前身都係一間台式餐廳。今次再去， 見到佢個menu冇轉到， 呢個係lunch set， 可以跟一杯飲品，試咗佢嗰個五香牛筋牛肉麵， 反而個份量就少咗，牛筋牛肉份量只係眼見相入面既兩三舊，再跟呢個台灣拌麵同一個藥膳嘅湯底。其實個質素嚟講都係一般，唔係特別好食，以為轉左手會做得好啲，點知個份量好似少過之前，但個食物質素亦都冇改善， 賣相亦都唔係特別吸引， 以呢啲價錢，可以有其他更好嘅選擇，所以都係試過一次就都唔會返轉頭。😥😥…Read More

呢間係土瓜灣江西街嘅上海麵館，係最近轉咗手，前身都係上海菜餐廳，轉左手之後 第一次食，見到舖入面keep住上手原有嘅裝修。今次嗌咗一個嫩雞煨麵同埋小籠包，餐牌寫下晝兩點至五點半order，可送豆漿一杯。首先呢個嫩雞煨麵有啲小棠菜、雞粒同冬菇，雞粒份量比較少，另外個麵就比較淋同漲咗d，食個陣唔係好洗咬就可以吞，食唔到麵原有既質感，至於個湯就比較杰身，同埋有少少漿住既感覺，似係平時淥麵同個湯一齊煮時冇過冷河個種texture。另外呢個小籠包，叫嘅時候係即刻蒸完送上枱，個皮都夠實，唔會一夾即刻穿，小籠包入面都有湯汁，但入口覺得啲肉比較鞋，變左成個包口感好似爭少少唔係好夾咁。仲有個蒸籠旁邊有塊唔知係咪皮嘅嘢，唔知佢之前洗唔乾淨定點，感覺有啲嘔心😥…Read More

位於灣仔莊士敦道嘅呢間薔紅， 之前都有好多youtuber介紹佢呢度嘅脆皮燒雞，係佢哋呢度嘅招牌菜式，佢menu寫半隻係有一斤半重嘅，而且佢燒好之後原隻上枱。燒好咗上枱嘅半隻燒雞，點餐嘅時候可以跟飯、意粉、薯條或者沙律，如果叫野飲就加10蚊。呢個燒雞個雞皮係有啲脆嘅，因為啱啱燒起，不過雞皮就鹹咗啲，但入面啲雞脾肉係ok正常味，類似平時酒樓食個d炸子雞， 但個雞胸呢就整得有少少鞋。整體黎講我覺得不過係一隻普通燒雞， 少少gimmick嘢，未食過可以嚟食一次，但我覺得唔係好食到會特登再嚟第二次。之後仲嗌咗呢個咖哩雞飯，下午茶嘅價錢50蚊，但個味道都係偏鹹，而且冇乜咖哩嘅香味，啲雞食落好嚡同埋好韌，下午茶黎講價錢叫做合理，但係講味道就真係麻麻地。。。…Read More

以前去會展經過條橋，望落下面經常都見到有個好大嘅招牌寫住三六九飯店，不過就未有機會試，今次附近做完嘢，咁啱經過呢間餐廳，就同朋友入去試下呢度嘅上海菜。其實就咁喺門面睇佢個招牌，已經覺得好 有傳統嘅上海菜館感覺，入到鋪入面無論 裝修、枱櫈、以至侍應嘅制服，都有一種好懷舊嘅感覺，同埋呢度只收現金。💵💵點左一 碗嫩雞煨麵，個湯都好夠味，而且啲麵亦都唔會太淋好似漿糊咁，食落仲有少少彈牙，另外有啲小白菜雞粒同埋菇。👍🏻另外就係呢個小籠包，佢個皮食得出係新鮮包嘅，同埋唔會一夾就散，而且佢唔係特別大粒，可以一啖一個，唔怕驚啲湯汁會彈到自己。👍🏻👍🏻…Read More

喺灣仔近金鐘嘅呢一間發達叉燒，之前都聽過係幾出名嘅叉燒飯，今次嚟試下佢呢個 叉燒難蘭蛋飯，下晝兩點幾，嚟到門口要排隊，排咗大概20分鐘左右。。 入到去食嗰陣時食到大概三點鐘，條人龍已經清咗喇， 所以如果唔想排隊可以選擇三點後嚟食。order咗佢呢一個叉燒蘭黃蛋飯，份量亦都非常多，叉燒亦都好大件，亦都好夠腍， 同埋個叉燒邊亦都燒到有啲焦香，火喉控制得好，但我order嘅時候係remarks咗分汁， 但佢最後冇分到畀我仲畀左多汁我，食佢個蘭王蛋俾嗰啲叉燒飯嘅汁蓋過咗，所以唔係好食到蛋黃嘅蛋香味，同埋因為佢俾錯左多汁我，搞到兜飯有d偏咸，但整體質素都唔錯。👍🏻…Read More

呢間合成糖水喺九龍城好出名，呢日經過九龍城所以去食，佢喺九龍城已經好多年，應該冇咩人唔識，最出名係佢哋嘅清心丸，今次我去都係食佢嗰個腐竹薏米清心丸。睇下個餐牌，原來已經唔經唔覺加到四五十蚊一碗糖水，雖然唔係特別平，但係都仲有好多人嚟幫襯，夜晚都好多人排隊。呢個係熱嘅腐竹薏米清心丸，佢啲腐竹好滑 同埋好綿，食得出去新鮮嘅腐竹，同埋佢唔會全部煲到溶曬，會留返啲一塊塊食到嘅腐竹，至於清心丸就好煙韌彈牙， 成碗糖水 有一個形容詞好適合形容就係「唔係太甜」， 呢個係糖水嘅最高境界😂…Read More

lunch嚟咗呢間喺荷裡活廣場嘅bugis@叻沙。海南雞飯餐廳食試呢個海南雞飯，大概下晝兩點幾嗰啲時間，已經過咗lunch hour， 所以亦都唔係好逼好多人，亦都唔使等位。呢個set lunch海南雞跟三種醬汁同埋一個湯，個人比較喜歡海南雞豉油，佢有少少杰身，同埋唔係齋鹹，有少少帶甜味，可以帶返個雞嘅味出嚟，另外兩款就係類似嗰隻雞醬同埋薑蓉，同平時食開嗰啲醬差唔多冇乜特別。試咗佢個雞，雞既味係有而且都出， 唔係一啲雪藏雞嘅味，亦都唔係冇味既雞肉，有幾件雞脾搭兩件雞胸，仲有個湯，應該係冬瓜蘿蔔煲豬骨，都幾濃而且都唔係太重味精。👍🏻👍🏻…Read More

呢間品川米線，間中食lunch都會過嚟呢度食佢嘅米線，平時食lunch時間佢哋都好多人幫襯，有時仲會多人到截埋單。佢嘅米線係有唔同嘅湯底有麻辣酸辣沙嗲湯同埋清湯，但係佢個清湯其實唔係一般嘅清湯，係好似沙嗲湯咁樣既色，所以如果叫清湯唔好期望佢個湯真係好清。今次我叫呢個就係，沙嗲湯墨丸豆卜米線， 佢呢度嘅豆卜好食，而且好索湯，加埋個沙嗲湯一齊👍🏻👍🏻唯一想提下就係佢哋人手唔係好夠咁，經常出餐都會比較耐，有時出一碗米線可能要15分鐘，所以如果趕時間嘅就考慮下叫外賣或者提早打嚟落單。🙄🙄…Read More

呢間餐廳係新蒲崗，其實之前已經食過一次，感覺係唔好食，佢個鹵水鵝個汁係冇味嘅，叫個鹵水鵝，就畀曬啲骨人食，係冇乜肉嘅，成個飯好似齋食白飯咁。諗住睇下會唔會係咁啱，今次試第二樣，點知都係咁難食，今次食lunch叫咗個五香牛展飯加一杯嘢飲，首先個牛展係十分之咁鹹，又乾有d硬，好似醃咗幾日幾夜嘅牛展，拎出嚟畀人食咁，同埋個牛展側邊唔知點解用咩醃可以醃到佢係紅色，賣相已經好唔吸引，同埋個牛展太咸，食白飯都溝淡唔到。。😓😓😓…Read More

呢間燒味餐廳喺灣仔，下晝兩點零鐘下午茶時間，同朋友點咗一個陳皮燒鵝叉燒雙拼飯， 開頭見佢寫陳皮燒鵝，以為佢啲燒鵝係用陳皮嚟醃，所以有陳皮味，但係食落發現其實係個醬汁有陳皮味，淋上碗飯度所以食嘅時候都食到有陳皮既香味，而啲燒鵝都好新鮮，啲皮都好香同脆，肉都係滑。👍🏻👍🏻因為個燒鵝汁其實林落啲飯度都己經夠味，所以個酸梅醬其實都可以唔使點。另外啲叉燒睇係瘦叉燒，未食之前以為係好鞋同好硬個種，但原來其實都好夠林，因為佢係瘦叉燒，所以感覺都冇咁肥，同埋健康啲。環境方面就比較嘈，因為啲枱 set得好密，同埋間舖長期都要開住個門，搞到出面啲熱氣走曬入間舖度，同埋個燒爐唔知係唔係喺廚房入面，所以成間舖都感覺好似冇冷氣咁，食到有d熱。🥵…Read More