cow333's Profile

星期五接老公放工，係灣仔搵食。見到間，同我係韓國見到既漫畫風好似既餐廳，於是就入去試下。呢間漫風餐廳，由門口開始就已經好吸睛！！！慢慢行上去，入到餐廳，我覺得靚過韓國個間，狂影相叫左兩個set 加黑松露薯條🍟。擺碟好靚，餐具都印有logo,好精緻。叫左個軟殼蟹飯 ，蟹好新鮮，炸得岩岩好。老公叫左牛排，medium. 剪得岩岩好，肉質唔錯重頭戲係薯條，由於本人好鐘意食薯仔，所以要求比較高。呢間黑松露薯條，真係好正！！！唔油膩，個黑松露醬好香，值得推介…Read More

每次同班朋友去來聚，都係我搵餐廳，因為我比較識搵新野同正野！今次我搵到財記火鍋，不得不推介！真係正到爆！店面都幾大，好彩個日我地早去，如果唔係就要排，證明係實力火鍋店！呢間火鍋有好多野食，多到我咩都想叫！哈哈！我地叫左兩款小食，椒鹽豆腐同雞軟骨！無諗過火鍋店既炸物同大排擋有得揮！好味！真心一定要叫跟住就到主角出場！醉雞火鍋！成隻醉雞，湯底好又香酒味，一流我打邊爐一定唔少得靚牛，而財記呢個美國牛真係肥瘦岩岩好！口感好好！值得…Read More

去旺角同男友搞裝修野，無意中發現呢間日本小店，個名幾得意就入左去食！入面唔多位，有個open kitchen.野食都幾多下兩個人叫左幾件壽司，炸物同一個牛肉鍋烏冬。炸雞炸得岩岩好，唔油天婦羅蝦好彈牙軟売蟹壽司，正！大小岩岩好…Read More

文青生日飯，梗係要揀間文青餐廳啦！平時文青多數去cafe,今次揀左間西餐廳！好靚，淨係食個環境都已經夠晒！除左環境，食物樣貌同味道都係高質既！份糧就好岩女仔食，男仔可能就要叫多少少😂餐前麵包好用心，連埋原粒蒜，好好味！pasta n risotto 都唔錯！個薯仔好正，差唔多都係俾我食晒😌Pizza 係正宗薄底既做法，配合濃郁既芝士，口感非常好！酒加甜品係唔少得既！個tiramisu 好味到震左😂😂…Read More

食韓國烤雞，我除左Goobne都我係Goobne!!!!多口味之餘，仲要好juicy!!!!今次去左銅鑼灣既分店，多過荃灣好多。見到有出左新野，cheese in the city!!! 係cheese ar!!!!一定要試！見唔見到有拉絲！！好味到爆跟住仲叫左我每次去都要食既咖哩蜜糖烤雞，銅鑼灣呢間都好好食。除左雞，我都好健康咁叫左沙律，fresh~~食韓國野當然唔少得年糕拉麵，辣得過癮。我地朋友每次都會飲酒，韓國野都唔例外。我地叫左燒酒，配雞，一流。…Read More

因為男友大食加超愛食日本野，今年佢生日我又搵左間日式放題，仲要有埋磯燒！！！！地方都算幾大，起碼可以坐得舒服d!!坐好就開始叫野食啦刺身，天婦羅，炸物！！！勁多選擇！但今次主食磯燒。哈哈首先，食個辣硯先，真係好鬼辣！！！不過好正跟住刺身燒烤同時進行，真係好多海鮮！！！我同男友都勁心心眼！樣樣野都大大隻！正太多正野不能盡錄，不過最後有個不得不提，就係野飲，好多特色既飲，日本果酒，韓國啤酒，岩晒我，係咁不停飲，哈哈哈。試左好多味！…Read More

男朋友生日，揀左間日式放題，等鍾意食日本嘢嘅男朋友食個夠本。呢間日本野好大，有個開放式廚房，呢度只係其中一部份，真係好鬼大，坐得好舒服。跟住見到兩大本menu, 簡直係開心都傻左。平時放題都係得d普通料，普通壽司魚生，呢度就有好多特色壽司，牛油果壽司呀，火炙芝士三文魚呀，和牛壽司呀，真係良心的表現！我地每樣叫少少，試左好多唔同既野，壽司，魚生，小食，甜品。樣樣都好好食！！！我真係好鐘意呢間既特色壽司，卷物，夠新鮮又好味，真係每款都好驚喜。魚生係放題必食既，呢間既魚生厚肉地，都好鮮，正！呢個生日飯我好滿意。…Read More

到月尾無錢但有約左班姐妹食飯，我有個好推介，就係green waffle la!!!我地約在銅鑼灣行街，隨便就係個度食！我地幾個姐妹都覺得green waffle真係好抵食，好多款，又好味。 我地四個女仔，睇到個menu,真係揀左好耐！！最後揀左五個dishes。第一個就係必食芝士薯仔牛柳鍋，每次來都一定會叫。好味到爆。第二個就係雞翼，事關有個fd好鐘意食雞，呢個都係飯局必叫既小食，真心內脆外軟！第三係溫泉蛋沙律，最岩女仔味。 第四就係fish n chip!!!!!!呢個真係無叫錯，勁大碟，薯條仲要係厚身個隻，好好味！！！ 最後，我地仲叫左個carbonara，呢個價錢食到呢個級數既carbonara,我真係除左食，都係食！仲有溫泉蛋係內面！！！加分！ …Read More

同男朋友係銅鑼灣行完街，就去搵食啦。男朋友不嬲都鐘意食泰國野，今日就去食泰國野啦！之前聽朋友講有間叫拳王既都唔錯，今次一於去試下！去到，個環境真係好岩佢個名，真係好似個拳館咁，牆上面有金腰帶，又有電視播拳賽，仲有沙包添，好有特色。 食泰國野梗係唔可以唔叫冬蔭公啦，因為冬蔭公好味既泰菜館先係一間成功既泰菜館。拳王既冬蔭公有分大同小，我地兩個人就叫左個小既，夠晒。先講味道，好好味，同我去泰國食既一樣味，正宗，好香，夠酸夠辣！入面仲有兩隻大蝦！！！！食完個湯已經好滿足。 差d唔記得，我地叫左野食，就送左個蝦片俾我地，好好味呀！！！ 好，繼續講其他菜。另外叫左個青咖喱雞加蒜蓉包！蒜蓉包真係好香，外脆內軟，點咖喱食簡直一流！！！ 跟住仲叫左半打串燒，豬牛羊都有，燒到岩岩好！配埋沙嗲醬，好好味！ …Read More

今次搵食搵到黎工廠區，唔黎唔知，原來工廠大廈開左好多正野！我同男朋友揀左間靚靚餐廳撐枱腳，就係 I's Land la! 入到去，不禁哇左一聲！因為好大，好靚，好少係香港搵到間坐得舒服又大又靚既餐廳。有種好似去左台灣既感覺。 一睇菜單，好多野食，揀左三個字先決定好食咩！ 我地兩個人叫左一個生蠔，一份牛排同一份德國豬手。好，等我遂個話你地知好無味啦！生蠔一份四個，份量岩岩好！食落都新鮮既，肥美多少少就更好！ 牛排同德國豬手係set dinner，所以有跟湯，係羅宋湯，個湯好好味，好濃味，足料，正！送埋個包，簡單無得彈，絕配。好，到牛排啦，好大份，根本上我淨係食到一半，別外個半就夠男朋友幫我KO! 成餐飯我最為滿意係個豬手，好大隻，真係外脆內軟！平時食豬手好怕的皮好硬，今次呢個好有口感。而入面個肉，哇，juicy 到呢~~~~~~大滿足。 最後叫左個洋甘菊花茶同雪糕嘆下，無敵 …Read More

這次同事farewell, 揀左間日本野食，一開心都擔心會破產，因為日本野通常都好貴！不過今次呢間真係好抵食，每人二百，食到不行了。 一去到見到細細間野，又幾靚Wor!好有日本feel...以為自己去左日本。 見到個餐牌就仲吸引，好多野食呀！！！魚生，壽司，壽喜燒我來啦！！ 我地五個女仔叫左個四人餐，另外再叫左其他小食(其實都唔係小架啦)! 四人餐都好多野食，有香芒蟹肉蟹子沙律！係我最鐘意食既沙律之一。真係好好食，醬夠曬多，正！ 跟住仲有二款壽司，賣相吸引，重點係，都好好味，尤其係海膽壽司，好新鮮！！！之後黎⼀定會再叫。 最為惊喜既係個刺身，因為跟set既通常都唔係話太新鮮，但呢次食既好新鮮Wor!!!有三文魚，海膽，都係我至愛。 跟住就到燒物，我地有鯖魚同原隻燒魷魚！！個魷魚真係不得了，好好食！！！燒得岩岩好，夠juicy,彈牙，果然係必食之選。 當然，我地唔少得主食啦！我地有鰻魚飯同牛肉鍋。個鰻魚飯係石頭鍋既，我鐘意食有溫度既食物，而且有飯焦，脆口野，我最愛！ 最後最後，到甜品啦！！！！牛乳布丁！好滑，牛奶同夠香濃，都係我最愛。 …Read More

今日係出完trip翻工既第一日，去食想食左好耐既ASAP! lunch 都幾多野食。 揀左個咖喱牛腩蛋包飯餐！個樣都唔錯，有七八分啦。份量好大份，對於女仔黎講。個餐有個湯，好濃既蕃茄味，正！不過個正餐就一般般啦，正常無惊喜！個咖喱好咸，一定要配飯食，個蛋包飯就唔錯，牛肉都幾冧！不過不失啦。 …Read More

今日突然間，兩個朋友過左來公司同我慶祝生日，問我想食咩，我就揀左間近公司又好好味既西餐！Green Waffel 三個人叫左三樣野食，例牌會叫薯仔牛粒，另外仲叫左三重芝士意粉同burger!點解例牌叫薯仔牛粒？因為本人係薯仔愛好者，而呢味菜既薯仔粒真係無得頂！好香，又脆，加上少少芝士，真係好正！最鐘意就係呢種口感！！！三重芝士意粉，果然芝士味好濃，正呀！！！不過好肥個burger就普通貨啦，無咩特別！但個薯條唔錯，夠曬肥美！講到底最正都係薯仔牛粒！ …Read More

因為男朋友好鐘意食炸雞，所以我地就揀左近排好hit既韓國炸雞。來到Goobne門口已經企滿晒人，我地等左半個鐘左右，終於入到！一坐底就叫野食，必食蜜糖炸雞同扮健康既炸雞沙律。另外叫左兩杯somersby,成日見到人影相，今次仲唔輪到我？!哈哈。。 先講蜜糖炸雞，食左第一啖男朋友就好浮誇咁講好好食，眼神光曬光！心諗有無咁誇張。跟住到我食啦！哇！真係好好味，唔係講笑，好juicy,一點都唔會油膩！d蜜糖岩岩好，唔會好甜。係我食過最好味既炸雞！ 另外，個炸雞沙律就。。。。麻麻地。。個雞好干，點解兩個炸雞差咁遠！下次唔會叫。。…Read More

講左咁耐終於食到榮式雞扒啦！今次都係同四位女同事，lunch time去搵食。去到榮式一定要叫雞扒同章魚藕餅，所以我就叫左個"雞藕天成"，既係雙拼。 今次去呢間北角間，令我有少少失望，個飯麻麻地！雞扒重點係個薑葱，但個薑葱唔係好夠味。 個藕餅就基本上係肉餅，無咩章魚同藕粒，不過就煎得幾香口，如果鐘意食香口肉餅既都不失為一個好選擇！ 總括，北角呢間分店就麻麻，下次都係去屯門食，好味d!…Read More