LF2342's Profile

去咗試呢間新開嘅越南餐廳，嘢食整體嚟講都幾好味，下次一定會再encore！首先叫咗個蝦米紙卷，呢個係我哋嘅開胃小菜。好多蔬菜，勁fresh，仲要脆卜卜！個花生醬係佢哋自家整嘅，好香濃，同啲蔬菜配埋一齊，口感豐富又好夾跟住叫咗佢哋個打卡位——滴滴咖啡！杯咖啡幾靚，影相一流！不過記得要小心啲，因為糖係落咗喺杯底入面，如果全部攪勻咗，可能會比較甜！飲品方面，我哋仲叫咗杯菠蘿梳打，勁大杯！而且真係用新鮮菠蘿整，飲落去酸酸甜甜，好解渴！甜品就叫咗個斑斕糕，呢個真係必食推介！不過要提一提大家，呢個糕勁搶手，最好一開始就叫定，唔係好容易賣晒！個糕好煙韌，口感一流！另外，我哋仲叫咗個焗雞翼，雞翼焗得啱啱好，上枱嗰陣仲係熱辣辣，外皮脆卜卜，肉質嫩滑，唔會乾爭爭仲有越式法包，外脆內軟，個酸味幾特別，同脆卜卜嘅外皮形成一個好強烈嘅對比，幾得意最後，不得不提嘅係佢哋嘅蟹河粉！真材實料，除咗蟹肉餅之外，仲有好多其他配料，例如蝦、芽菜等等，湯底鮮甜，蟹肉鮮味十足！簡直係一絕！總括嚟講，呢間餐廳嘅嘢食質素高，份量都幾足，價錢又合理，服務態度都幾好，員工都好nice！我哋仲叫咗好多其他嘢食，全部都好味，下次一定會再黎試吓其他菜式！強烈推薦！…Read More

見到個門口寫咗大大隻字話7:00前離座有折扣，於是就入咗去食啦 鰻魚一上枱就吸睛得來又新鮮，一個個將佢哋排好慢慢燒成金黃色，因為鰻魚肉都比較厚身，所以燒嘅時間都要返少少建議先食少少其他肉墊下底之後先至燒鰻魚燒到啲肉金黃色之後我哋另外仲消除少少佢嘅皮，然後再包住個紫菜食，少少薑絲再點埋個燒汁，真係好正。食嗰陣要注意下佢嘅骨。燒口蘑。上嚟嘅時候職員就幫我哋放咗落去燒，首先要將佢冚轉燒，燒一陣間之後將佢返番轉，蘑菇嘅水就會兜住咗，勁清甜，一定要試。我哋另外叫咗碟年糕嚟食，年糕啲煙煙韌韌，而且裏便仲有唔少嘅鵪鶉蛋，呢個組合幾得意。味道唔會太辣，所以唔需要太擔心。佢嘅烤雞柳都幾好食，雖然有少少辣，但係因為是鮮調好咗味，所以都比較入味。另外燒肉嗰陣建議大家可以再夾埋佢啲小菜食，咁樣嘅口感層次會更加豐富…Read More

呢度附近都比較多小店嘅食肆，今日揀嘅係burger🤭🤭餐廳做緊嘅lunch set都望落幾吸引，但我哋因為晚市，所以選擇咗叫咗個二人餐。我哋揀咗煙肉千島芝士熱狗，安格斯牛肉芝士漢堡，薯條配蜜糖芥末，再加個吉列炸蝦。熱狗嘅包超級軟熟，而且芝士拉晒絲，佢嘅醬汁都好多。之前我都喺其他熱狗專門店食過，但我幾鍾意依一間嘅熱狗唔會太過鹹，食落去個調味啱啱好。再加埋千島醬有少少酸酸甜甜咁，都好開胃。安格斯牛肉芝士漢堡嘅份量都唔細，但係因為我鍾意一啖咬落去就可以食晒咁多種配料，所以唔會揀啲太巨型嘅，佢呢個嘅size就啱啱好。塊牛肉又厚又爆汁，真係值得一試。因為漢堡都幾驚喜，所以我另外叫多咗個炸雞蒜香野菌芝士漢堡。佢嘅配料好豐富，外脆內軟嘅炸雞配埋啲生菜絲都幾正。炸物全部都係即刻炸出嚟，上嚟嘅時候超級熱。薯條外脆內軟，配埋個蜜糖芥末，都幾好食。佢嘅醬都幾多選擇，下次都想試吓其他味。嘢飲我哋揀咗個白桃爆爆同埋梳打水。白桃爆爆有爆爆珠，白桃味有少量糖漿，加埋啲梳打水落去，特別清爽。如果想飲冇咁甜嘅人可以唔使搞咁均勻。如果餐廳有位嘅話都建議大家可以堂食，畢竟熱辣辣整出嚟一定係最好食。…Read More

沙律份量好足 調味酸酸甜甜，墨魚仔超級爽口紅蘿蔔嘅餐湯係西式嘅整法，好豐富嘅紅蘿蔔味😋麵包暖笠笠 外脆內軟 順便加咗層淡淡地嘅蒜蓉醬薯條上面鋪滿咗芝士，仲有另外一款醬汁俾我哋點啲炸物個薯條一咬落去就聽到好脆嘅聲音炸魚條都好脆口，點埋個醬，好味頭先Pizza用料好豐富，有超多嘅三文魚條，然後仲有小龍蝦，吞拿魚絲，蟹柳，芝士，海苔，同埋啲蔬菜配料。將三文魚加喺Pizza上面嘅做法唔係話好常見，但係佢咁樣整係幾好食。龍蝦麵個頭超多膏，闊條麵熟晒龍蝦嘅汁，所以相對比較重味少少我覺得整體依間餐廳嘅味道都出乎意料咁好，主要係因為通常Cafe嘅食物一嚟種類比較少，味道都可能會比較一般，但依個真心好食，仲要上枱嗰陣全部都係熱辣辣，份量又多，打破咗我對Cafe嘅傳統印象…Read More

店內空間比想像中大，有正常枱又有吧枱食餐食豪d,揀左最貴個set. 見到個menu 就覺得好吸引首先有杯仔沙律，汁酸酸甜甜，好開胃店員專登同我地講左最好順住e 個次序食粒背：清爽，有咬口，脆脆地(最右）笛鯛：半厚切油甘魚腩：食到魚油嘅甘香，厚切(最左）深海池魚：厚切，清香燒得勁香！！！本身都已經夠餓，聞就更餓。兩個人分每人嘅份量都好夠，真心正🥳 鮑魚更厚度，唔會煎到硬/老，熟度岩岩好龍蝦切左一件件，好方便食。炒龍蝦嘅醬係膏醬，鹹香鹹香。 龍蝦肉大大件，熟度又正，真係好惹味，個人鐘意e 個做法>就咁蒸鵝肝多士，邪惡之選。鵝肝外脆內嫩，同多士嘅size 好夾。多士查左牛油一啖落去：香、脆，嫩燒牛，入面包住左d 蔥牛嘅油脂融入左蔥度，幾香半飽狀態下食埋炒飯同牛油炒菜就真係勁飽🙈…Read More

今日在荃灣食晚餐，揀左之前食過既金鳳，在中染大廈既地下果層呢間裝修好新，又大間，坐得舒服晚飯時段好多人等位，我們應該用App拎飛，咁就唔駛在門口等，不過都係等左10分鐘就入得去坐。點了個特選扒餐，帶子西冷牛扒，好似係每月特選晚餐，$178帶子西冷牛扒6成熟，呢個熟成剛好，朋友揀黑椒汁。頭盤有蟹籽雜果沙律🥗餐湯要紅湯係羅宋湯位置唔太夠，野食太多，放到成枱滿哂😆😆另外一個叫了香煎雞扒餐呢度有2片大雞扒，加左$2蒜蓉，好香，呢個係淋汁前既相，我就配洋蔥汁，雞扒都好厚身。今餐仲叫咗一個白飯，拎黎送扒一齊食餐飲凍咖啡、凍奶茶，唔講真係唔知邊杯打邊杯野飲最後個特選晚餐仲配個甜品，喺意大利配方雪糕，食落是朱古力口味。今晚食了三百幾蚊，好飽好豐盛。…Read More

今日老闆請食飯啊，萬歲🥳🥳好彩事前有book位，今晚先食得成😎今晚食咗以下嘅東西😙伊佐木刺身，三種食法1. 卷葉食2. 卷蔥食3. 輕點豉油魚一啲都唔腥，唔怕連葉食，葉無草青味，多左份清新感😆若魚咬落去充滿醬汁，可以連骨一齊食。酸甜酸甜的，夾埋墊底嘅洋蔥、蘿蔔好開胃三文魚魚籽高腳杯裝嘅"爆爆珠"，勁開心🙈 有少少搞柚子皮係上面，底有蘿蔔絲，夏日的感覺廚師話魚籽係佢地自家拆出黎的，調味後唔會好似出面個d 咁鹹，又係我鐘意嘅一道菜。佢建議可以撈均蘿蔔一齊食八爪魚🐙係熟的！好軟糯❤️❤️ 味道真係調得好好，依間餐廳唔會太重手又唔會淡而無味，可以食到熟又唔韌的真係好難得即場手握壽司🍣金目鯛：有勁度，薄切北海道帆立貝配黑鹽：厚身既scallops ，爽+鮮深海池魚：網切帶左下面嘅油脂出黎，食落有煙燻嘅味，香味十足鰤魚：唔多機會食到，估唔到鮨石有得食鯖魚：好肥美，好有營養，常見的高蛋白質海產，含豐富Omega3秋刀魚：蔥香同魚好夾。而且秋刀魚唔腥赤鯥：白身魚王，脂肪充足，帶有甜味咁多種類既海產&壽司係要在佢地呢d檔次既餐廳先食到，希望老闆快快再萬歲啦😄😄…Read More

今晚去了樂富的Pyeong Chang 平昌食燒肉，門口有佢地韓國式既招牌。呢餐揀左佢地既世子放題，既有燒既食，又有熟食。餐廳都唔細間，環境空氣都算是燒肉餐廳處理得比較好，每個爐上面都有個抽氣的，而牆上都有大大幅既公仔畫。我們的都怕食完個袋好多油煙味，餐廳既餐廳嘅凳可以揭起，放個袋入邊，咁樣食嗰陣時個袋就唔會吸到太多既油煙，食完成陣味。同其他韓國餐廳一樣，有泡菜同芽菜可以任添，都幾好食仲提供左生菜可以包住燒肉黎食。餐廳飲品櫃放左不同種類既飲品，都算頗多選擇。食物有好多選擇，呢餐當然我們冇可能掂得晒啦，有海鮮、炸物、冷麵、石鍋飯、醃咗嘅鵪鶉蛋、燉過嘅豬軟骨、沙律…..仲有佢哋嘅無限添加既爐邊蛋今餐值得一提既係，我們order了一塊西冷牛扒，都幾大塊，差唔多燒熟果時，才攞鉸剪剪開一條片片，非常有牛既香味。總體今餐味道幾好，希望下次再過嚟可以叫多啲朋友，咁又可以試多啲唔同嘅食物啦😉…Read More

將軍澳中心好多餐廳可以選擇我哋今日揀咗十二味，試下大陸食飯嘅風味，唔止餸菜，在餐廳用餐嘅人都係講普通話😆😆雖然我哋電話訂咗位，但係去到餐廳都係照樣攞飛等位，無計啦，餐廳唔大，又多人食，返唔切枱，等咗15分鐘入得去坐。利用手機落單我們點了這些值得一提嘅係佢哋份量都幾大而霸王辣子雞就做得差咗啲，呢個係令我們較為失望因為炸既雞又細粒又有骨，好難咬到肉，所以呢一餐敗筆於辣子雞🥲自選經典香辣鍋就比較推薦，點呢個好餸得飯靚仔$12碗乾煸四季豆做得唔錯蔥油拌麵就唔辣，但係比較多油， $38算抵食，都係可以一叫嘅我哋四個人都比較大食，叫咁多其實都勉勉強強先食得晒😂今餐對於我哋黎講都太辣，所以都叫咗幾杯嘢飲，印象深刻嘅係慾望酸梅，好大杯，但係味道真係一般般，朋友話唔駛encore。😂最後甜品叫咗紅糖糍粑，炸粉比較多，比較厚，但勝在熱辣辣，咬落都好脆。餐廳主要霸王辣子雞有待改善👀👀今餐埋單$707…Read More

今日係打完五年一遇嘅十號風球，打完之後行左去瑞和街街市，諗住視察一下，預料之內冇餸買，行咗出嚟就去咗位於裕民Square嘅水門雞飯，見到呢間餐廳新開，一於就試下。餐廳的價錢我覺得都幾親民最尾決定叫e d 食物鳳尾蝦炒金邊粉雖然我地冇走辣，但個辣度都係可以接受，加上整身少少酸甜，食落好開胃水門雞飯 轉雞髀 多飯雞肉果然係好滑嫩，幾好味。個醬都有別於平時其他餐廳食個d我幾鐘意。但如果下次再食，會選擇直接叫半隻雞再加飯，一定好正馬拉盞西蘭花炒魷魚鬚魷魚嘅份量比想像中多，夾埋西蘭花炒，成碟好惹味。火候控制得唔錯，魷魚炒到韌飲品椰青勁大個。椰水份量好多。最緊要係飲完之後可以食椰肉，超嫩，好正夏日炎炎，大家都不坊一試。而且泰國菜本身都重口味一啲，有個椰青解渴都唔錯。…Read More

今晚同朋友一齊在新蒲崗買野，買完之後要祭一下五臟廟😆😆，我哋就附近搵咗間食Pizza既餐廳食嘢。餐廳：Pizza Monster去到餐廳門口，見到有人喺度等緊叫外賣，我們等了一下就入得去👍🏻餐廳裡面一目了然餐牌上食物選擇唔少，無乜所謂既朋友因為咁有選擇困難😂😂我就發板叫左一系列既野食先上既有四隻檸檬蜜糖雞翼雞翼賣相非常吸引，檸檬蜜糖醬甜甜酸酸，非常開胃，雞翼外皮金黃脆嫩，雞肉咬落juicy焗啡菇既size雖然唔係好大，但黑松露味好香好濃，配芝士焗啡菇好夾，呢個小貴但我們都點左，因為朋友喜歡黑松露，黑松露呢啲高貴食材。我哋點一個細size既吞拿魚Pizza $73外皮比較脆，批底自家製，好食唔錯，上面鋪左既材料除咗吞拿魚之外，仲有粟米、芝士、煙肉。焗肉醬闊條麵熱辣辣，手機落單仲可以叫多麵，正😆😆跟餐有兩杯野飲，分別係熱檸茶，熱檸水。成張單唔駛$300，兩個人食咁多食得好飽，哈哈原來講漏左一個，仲有個炸脾😆😆…Read More

喜歡食左野，記錄一下，好開心同朋友星期六食的午餐。佢哋星期一至五中午好多人食，要排隊，星期六今日我哋就相對嚟講比較好彩，唔使等位，我哋兩個人一齊食，每人叫咗一個lunch set，選擇都好多我叫咗呢個巴馬臣芝士茄醬焗雞扒配大啡菇雞扒係香煎過，有一個大啡菇，雖然size唔係好大，但係食落口感就好爽， feel到係好新鮮嘅，醬汁都唔會好鹹，我叫咗配白飯，其實可以配薯菜或者意粉。其實仲配咗杯嘢飲，我點咗檸檬蜜，要加$3。我哋由一點坐到三點幾，佢地都無趕我地，真好☺️…Read More

大家有無食過omakase?就在跑馬地木球會旁邊的寿々乃 食omakase 好難忘，集合了人生的第一次睇住廚師現場整壽司由切魚生到包飯都是親自主理，呢餐是食氣氛、環境、廚師處理食材既功力、一個人安排同場6位客人的份量、放盤、仲可以同客人之間戶動、閒話家常之餘還可以好專業咁介意每一道菜，今晚仲係知識既增長，唔講唔知 關鯖魚是唯一一種鯖魚可以生食同魚既水質環境有關；甘海老原來是北海道大甜蝦；白見貝原來是我們所講的象拔蚌睇住師傅為我們準備食材都是一種享受，店員Keep 住幫手refill 熱茶為左保留少少神秘感,我今次就唔將所有食物都介紹曬啦, 等大家去到都可以期待下。晚餐個set包左: 前菜有:沖繩海藻：微酸甜，海藻好新鮮千葉懸蜆：大而無沙，有略略炮製的味道但仍帶有海水的喊鮮味。青瓜味道稍重，可以同蜆一齊食， 中和番~饅魚百花卷：饅魚卷住牛蒡岩手縣蟹仔: 成隻都係食得, 炸到可以連殼食。雖然蟹仔細細但入面又幾多肉下XD鱸魚(配有酸汁，酸汁內有有蘿蔔蓉)好似青檸的那片其實是日本柚子mix 檸檬的產品, 輕輕點下就得，唔洗榨汁，如果唔係會太酸就咁食: 清爽，微糯，唔腥點日本柚子mix 檸檬: 的確點下就已經有檸樂柚子的香味點酸汁: 味道會重少少, 另一種風味，一樣好食兩片厚切 縞鰺魚刺身 墊了紫鬚葉：油香+爽身 白身魚，油脂甘香。連紫蘇食的話香味好正中間仲有好多其他高質刺身食品岩手縣紫海膽: 師傅話不同海膽有不同味道，同海膽的生長環境 與食既海藻與海草有關。所以每隻都唔同味，可以交換試下。每位客人都有一隻原隻海膽。之後仲會有手卷。真係好幸福!炸目光魚: 全身都食得。師傅話佢在生個陣隻眼有光🙈魚如其眼，隻眼特別大😂外面脆脆地，魚肉juicy! 完全唔會炸到乾曬其實食到依度已經有D飽,但仲有好多壽司會一件件上。最後則有甜品 收尾: 紅豆水羊羹 + 靜岡 赤肉瓜今日依一餐就好似發左場夢咁。餐廳內氣氛好輕鬆，食完一踏出店面就好似又回到現實 明天又要番工 …Read More

行尖沙咀總係聞到一啲甜甜香香嘅味道，次次都好想響度食嘢，尤其想食甜食😋K11既6樓中間有個平台，可以一覽維港嘅景色我哋食之前傍晚時分睇了個維港日景，食完之後睇埋個夜景，平日既夜晚唔會人迫人，點影同點睇夜景都得。😉呢層旁邊有幾間餐廳，我們揀左間幾受年青人歡迎既Ukiyo呢間餐廳燈光光光猛猛，入去感覺比較有活力同年青餐廳行文青休閒路線，木枱木凳木色系裝修，開放式廚房。睇左佢地Menu先點了 黑松露炒蛋慢煮雞胸All day Breakfast炒蛋加咗黑松露好香，配烤過麵包片👍🏻旁邊有沙律菜、有煮過嘅菇，整碟All day Breakfast都好豐富。小食有 明太子雞翼佢係去咗骨嘅雞翼，入邊夾咗明太子，煎香咗雞翼外皮好香脆和風煙燻辣茄汁配慢煮澳洲和牛面頰手工意大利闊條麵呢個闊條麵小辣，牛肉煎得medium rare，上面仲灑左芝士碎。既然我們今晚咁想食甜品，最後就order咗個 熱情果烏龍茶麻糬窩夫，第一次食呢種麻糬好似醬汁咁淋在窩夫面，另外有一個雪糕球呢個窩夫份量夠四個人分，我們食埋呢個窩夫加埋出去平台睇埋個夜景，感覺好飽好滿足😆😆…Read More

今晚同朋友去咗長沙灣葉公館食晚飯，食左佢哋嘅撚手中菜（餐廳內佢哋有個霓虹燈字寫咗呢四個大字）今晚食的是有冷氣嘅鑊氣大排檔小菜朋友仲提左無乜記性既我，類似嘅餐廳我哋原來食過旺角嘅妹記😲😲餐牌好多選擇：點菜嘅過程當中，我們在炸雞同雞煲中間掙扎咗一輪，蒜蓉開邊蒸蝦同蒜蓉粉絲蒸扇貝又爭持咗一下。😂😂我地揀咗成10分鐘🤣🤣🤣 最後扑錘決定叫個鮑魚雞煲，呢個味道有d似啫啫雞煲，另外要咗個蒜蓉粉絲開邊蒸蝦， 好餸得飯😋 所以我地仲叫咗兩個白飯。雞煲入面鮑魚有六隻，雞係炸過，配三色椒、蒜頭爆香。蒜蓉粉絲開邊蒸蝦有成十隻，佢地切得幾一致，仲排得靚靚仔仔。我們叫咗一盅花膠雞響螺燉湯，$38同朋友share飲總體食物佢哋份量都唔細，最後食唔晒仲打包走。PS: 今晚晚飯佢哋送咗兩碗紅豆沙俾我哋, 起沙唔錯…Read More