Chui646464的個人專頁

其實松露純粹係間舖個名，定真係有用松露整玉子燒？呢個係食完之後浮現嘅疑問，因為一啲松露味都冇……而如果就咁以玉子燒黎講，佢無論口感、味道、賣相都冇乜特別，而且仲要一早整好，要凍食……咁樣2舊玉子燒賣$49，我唔識欣賞喇…查看更多

星期六大約12點左右到餐廳，唔洗等位直入，大約坐滿咗半間餐廳。餐廳有大片落地玻璃窗，採光非常好，坐得好舒服（不過枱好細，2人餐食物太多，唔係好夠位擺）。叫咗2人餐，唔洗額外加錢就已經有齊沙律、餐湯、主菜、甜品、飲品正！呢個價錢（3百幾蚊連埋加一，大約4百頭）有咁多野食真係好抵！羽衣甘藍沙律、雞扒全日早餐、肉醬貓耳朵粉全部都好食！甜品叫咗原味souffle pancake同士多啤梨，好好食食過咁多間souffle pancake，得呢間係有好香濃嘅蛋香味，而唔係淨係得空氣輕盈口感，就算唔點糖漿/jam都好夠味。而且冇諗過set包嘅甜品都咁大份連男士都食到好飽～唯一美中不足係蘑菇湯太咸～同埋口感上好似爭咁啲野咁………查看更多

江南小籠包：有肉汁但皮較厚，非常一般。百步香蔥油餅：外皮酥脆，但皮底嗰層好厚粉，口感麻麻。內餡嘅蔥就ok嘅，有蔥香味。蜜汁金華火腿烤雙方：賣相精緻吸引，但難食炸腐皮淋咗，變韌。火腿唔夠咸香，淋咗桂花蜜更加遮蓋咗火腿香味。青瓜有奇怪腥味！！！未食過咁怪味嘅青瓜！！！好後悔叫咗呢碟！油淋子雞：其實姐係炸子雞再加啲蔥花同豉油。炸子雞味道唔錯，肉都算嫩。但啲蔥花冇menu顯示咁多，同埋啲蔥花冇用熱油淋過？好生。呢道菜唔算太差，可以改善得更好。食物非常一般，反而壺茶幾香，服務都唔錯，人流唔多，坐得又舒服，冇壓逼感，不過呢個價錢，如果食物唔好食，都唔會想再幫襯。…查看更多

早餐menu喺星期六日全日供應叫咗沙嗲牛肉麵配煎腸仔+火腿庵列+多士，熱奶茶沙嗲醬有微微孜然粉味（？），同帶有少少甜味👍，但花生味唔突出牛肉好大塊，未食過咁大塊牛肉嘅沙嗲牛肉麵，口感都唔錯，唔會“拿”到稔哂麵質有咬口，慢慢食，食到最後都依然未浸到稔哂，我鍾意👌湯底好正，唔知點形容。只可以話，我從來唔會飲湯麵嘅湯，今次呢個麵係我唯一一次食哂啲麵之後會飲埋啲湯，覺得幾順口，唔味精feel$36蚊嘅餐仲可以有火腿庵列👍👍👍熱奶茶好飲👍👍👍茶底濃得黎好滑！（宜家啲新興茶餐廳，奶茶茶味濃得黎好澀口，飲到個口好鞋）有個負責執枱嘅哥哥好有禮貌，帶我地入座仲主動提我地早餐menu今日全日供應，又推薦我地如果肚餓可以叫扒餐加個麵第一次喺茶記食野得到呢種服務😂👍抵讚…查看更多

天氣凍想食煲仔飯，喺openrice搵到呢間多好評，環境睇落又乾淨，星期六晚就去試下點知原來好多人去食，冇諗過要book位，餐廳又冇限時（其實係好事黎，唔洗食咁趕），所以要等好耐……我地6點9去到留電話，話7點幾左右應該到我地，但一等就等到8點都仲要等多幾張枱……一直到接近8點半先有得入座……附近又冇野行，好彩有兩張凳可以坐下……建議餐廳擺多幾張凳比等位嘅人坐入座前已經叫定廣式臘味煲仔飯（二人份），入座後等咗一陣就有得食但……等位等咁耐真係好失望！1. 侍應拎個煲仔飯上枱，一打開個蓋，竟然冇臘味香味飄出黎？！2. 臘肉臘腸臘鴨味道正常，但居然一啲油香都冇滲入飯入面!!!!!感覺上臘味還臘味，飯還飯，兩樣分開煮完之後擺埋一齊咁！煲仔飯叫臘味唔係就係想食臘味油香同飯撈埋一齊嘅感覺？味道試已經大扣分，失望！3. 啲飯生！好硬！味道唔好都算，連基本整熟都做唔到……4. 飯焦唔算多，但其中一邊嘅飯焦直頭又黑又碎到似鑊撈，唔係一塊塊，而係碎到一粒粒5. 份量少！又話二人份，但食完唔多夠飽呢到優點係乾淨企理，坐得好舒服，侍應有禮，廁所都整潔但唔好食，下次唔會再黎亦唔會推薦比朋友…查看更多

巴東牛肉椰漿飯：牛肉半肥瘦，有牛油香參巴醬冇乜辣味，偏咸花生魚仔好香口椰漿飯普通完全冇椰香隨飯附上一大塊炸蝦片牛車水豉油雞飯（配肉骨茶）：飯好香！！雞就係正常豉油雞肉骨茶超重胡椒味，冇乜藥材味，湯入面有兩舊大排骨，好嫩好好食咖央多士：好食到想encore!!!!!!!厚身牛油，牛油濃得黎唔會蓋過咖央味，好match雪糕薄荷咖啡：薄荷味出，咖啡味都好出，飲完濃味咖啡再食一啖雲呢拿雪糕，perfect match!份量：好大份，食到好飽…查看更多

星期六接近12點黎到，已經有4組人排緊隊不過cafe冇準時12點開門，等咗一陣先放人入去叫咗意大利烘蛋（蝦）、檸檬吉士伯爵茶醬窩夫、熱flat white食物好快到齊哂，唔洗點等意大利烘蛋：一上枱就聞到好香蛋味，邊位微微焦脆，入面嘅蛋好嫩滑，好似蒸水蛋咁～餡料主要有蝦、車厘茄、菠菜，如果可以再多啲芝士會更香更好食。蝦有少許雪藏味，扣咗啲分檸檬吉士伯爵茶醬窩夫：好大份😯有四塊，每塊都好厚好脆😋😋每塊入面都夾咗伯爵茶醬，伯爵茶醬好濃～有少少澀味～旁邊有檸檬吉士、cream同一杯仔奶茶😯😯檸檬吉士幾清香，檸檬酸味幾出，杯奶茶仔好香濃好好味😆仲正過主角伯爵茶醬同檸檬吉士～近年好興咩都加麻糬，雖然我都好鍾意，但窩夫黎講都係脆身最好食！！好耐冇食咁脆口嘅窩夫，好滿足！Flat white：又係好香濃👍👍食到1點左右，見門口都唔係好多人排隊，下次可以唔洗咁早黎～結論：值得encore！…查看更多

食物：第一叉：不愧係招牌！豬肉好嫩，而且真係有豬味。陳皮醬甜而不膩，唔會蓋過豬肉香味。一碟只有5舊，但每舊都好厚身，食落好滿足，就算咁厚啲肉都依然咁嫩，正！薄荷蒙古羊肉：唔錯，羊肉冇乜羊騷味，不過咸咗少少，建議配飯食。本身以為佢係落薄荷醬，原來直頭係成塊薄荷葉一齊炒，薄荷味好清新。牛骨髓鍋：呢鍋入面有牛骨髓、魷魚同蝦，味道都ok，點埋佢嘅辣醬會更惹味（呢到嘅辣醬好辣🥵）山葵海蜇頭：好爽脆，仲同山葵味好夾，唔錯冰花蛋球（沙翁）：非常失望……估唔到衰收尾……齋睇個樣，已經覺得佢入面唔夠鬆化。食落口，直頭似馬拉糕咁實……我家長者話傳統沙翁唔應該係咁嘅口感都未擺入口，淨係擺近個鼻都已經聞到有陣亞摩尼亞味，應該係膨脹劑嗰類野落得太多（？）食落口就冇亞摩尼亞味嘅，但除咗表面嘅砂糖之後，成舊糕係一啲味都冇……麵粉味/蛋味係零，唔知自己食緊乜桃膠蓮子紅棗糖水（送嘅）：質素仲好過$58一份嘅沙翁服務：親切有禮環境：呢個價錢黎講，坐得有啲逼價錢：9百幾希望下次可以試下飲茶食點心，但希望啲點心唔會似個沙翁咁…查看更多

臨近新年，夜晚條街周圍都好多人，好彩電話book咗19：30，冇限時。一坐低就落單，野食都好快送上。🍴真露焗蜆 $118 👍啲蜆都幾多下，食落都算新鮮、冇沙。粉絲充滿牛油同蒜蓉味，勁香。如果想要食到真露味，就要直接飲汁先會食到😂🍴韓川菜包五花腩（唔辣） $128 👍👍三大條五花腩！！睇落已經勾起食慾！調味唔知係咪有孜然粉，好香好好食。生菜都好新鮮，加埋生蒜片同生洋蔥粒，食得幾過癮但個口好臭😂我覺得送黎嗰兩個醬都幾普通，反而枱面有枝韓式甜辣醬，配五花腩仲好食。🍴三味山炸雞 $158 全部係單骨雞翼，食落幾方便，但感覺上就唔夠啖啖肉。雖然熱辣辣夠香口，但淨係食到糖粉同辣醬味，食唔到芥末醬味，可惜。下次再黎會encore五花腩～另外想試燒蠔/串燒/鍋飯😛…查看更多

平日中午waik-in去食，坐樓上，大約7-8成滿。餐廳環境真係好靚好典雅，waitress都好親切有禮，但係…一行上條樓梯就聞到有陣羶臭味，坐喺樓上都隱約聞到，我估應該係樓梯隔離個廚房入面啲生肉/內臟氣味，好raw好似喺牧場咁(?)Lunch set前菜叫咗一個Smoked mackerel pate、一個Beetroot soup。Smoked mackerel pate好味，有魚香但唔腥，可惜麵包得兩小片實在太少!!淨返好多肉醬冇麵包送…Beetroot soup係素湯，酸酸地幾開胃，仲有啲連皮嘅薯仔粒，煮到好稔~Main揀咗新出嘅Duck Leg，係將鴨脾撕碎再砌成一個厚圓餅咁整，下面墊咗好多紅菜頭碎。鴨脾調味剛剛好，配埋紅菜頭碎+去油膩嘅柑橘味醬汁，係幾有趣嘅一道菜~另一道main dish揀咗招牌Schnitzel a la Holstein (+$80) ，呢個真係必食!!! 好好食!!!首先塊炸豬扒打扁咗後好大塊，差唔多有我兩隻手掌咁大，上面配咗隻大陽蛋同一條細魚仔(好咸) ，賣相令人食指大動~塊炸豬扒一定要趁熱食，皮脆、肉又香又juicy，正! 😋佢另外會比一小壺olive oil淋上豬扒到食，雖然佢嘅olive oil好香，但淋咗去豬扒到又唔覺有咩火花出現，冇加乘作用。但值得一提嘅係，壺olive oil最底有好多olive，我平時唔鍾意食olive，但呢到嘅olive冇平時有嘅怪味，淨係酸酸地咁幾過癮。今次lunch set嘅甜品係Red wine poached pear。個梨燉到好稔好入味，呢個係正常操作啦，值得讚嘅係紅酒唔會太澀，易入口。最好食嘅反而係配燉梨嘅cream!!!! 好香濃嘅牛奶味!! 好滑，texture都幾濃厚，好似食緊特濃牛奶雪糕咁😋最後係餐茶，揀咗熱咖啡，杯咖啡好濃好苦😂落哂奶同成包糖都覺得好苦，但苦得黎好有咖啡香味👍唔酸，好適合鍾意濃味嘅咖啡友~我宜家打緊食評回想返杯啡，都想再飲多次😋…查看更多

牛肉大醬湯咸到飛起，已經唔可以叫做湯，係醬汁，似平時食牛肉飯啲餸汁咁咸！湯入面有好大舊豆腐，成舊都凍嘅！根本冇煮過，只係加熱啲湯就將舊凍豆腐放入去就算！呢啲唔叫煮，叫將啲食物放埋一齊就上碟比客。…查看更多

平日中午大約1點黎到，都要等30幾張飛😂不過好彩好多人拎咗飛就走咗，一路跳飛，好快就到我張飛喇～前後應該只係等咗15分鐘一打開menu就想搵下海苔明太子天婦羅，因為最想試呢樣。點知侍應話lunch hour只得lunch menu, 而lunch menu係冇海苔明太子天婦羅、蕃薯天婦羅配雪糕、水雲醋、沖繩苦瓜、牛肉天婦羅等等嘅食物😓而呢啲食物正正就係最近大部分網媒介紹呢間餐廳時必推嘅餐點😅😅（睇網媒介紹，lunch hour都幾長，由12:00去到17:00）不過唔緊要，佢仲有好多天婦羅定食，全部大大份，食到勁飽架今次冇影低menu，所以唔記得order咗嘅定食叫咩名我叫咗個定食，大約$148左右，包埋湯同小菜，個餐有天婦羅虎蝦、海鰻、竹筴魚(?)、法國長邊豆、舞茸、南瓜、茄子，另外我再加$18要隻炸日本蛋～虎蝦同海鰻都啖啖肉，口感豐富，但海鰻就冇乜味竹筴魚好滑，淡淡魚香味長邊豆食落有草青味…舞茸好食，一大簇咁炸，口感好有層次南瓜正常發揮，茄子好大塊又好嫩天婦羅丼飯本身冇調味嘅，所以定食餐盤入面會跟一碗天婦羅汁另外男友叫咗另一款定食，佢有嘅天婦羅同我大致一樣，不過佢個定食係有飯又有蕎麥麵～佢呢款天婦羅丼飯本身就有醬汁，所以唔似我個定食咁另外有一碗天婦羅汁點我覺得食物係好食嘅，又勁大份，但有個缺點……碗天婦羅丼飯唔夠熱……😐我唔係要求佢熱辣辣出哂煙，但佢直頭似微暖/室溫咁……？明明咁多客，啲餐出得咁密……但都唔夠熱……？暫時喺香港食過三間日本過江龍天婦羅專賣店，呢間嘅食物係最唔熱😂但唔可以否認佢啲食材都算新鮮同大份，又唔算太差嘅…查看更多

當日3個人去食，叫咗Buffalo chicken wings 6pcs, Chef salad, Moster burger, Rainbow cake~Waiter好細心咁提我moster burger本身都配有沙律同薯條，問我係咪仲要另外再叫chef salad, 我好自信咁話係，結果……真係食唔哂😂一坐低就送咗兩碟小菜，有3條醃小黃瓜（原條）同一小碟酸菜兩款都好酸😂就咁食唔係好慣，但後尾食到好飽嘅時候，用黎消濟就幾啱用～然後就開始上菜喇，首先係Buffalo Chicken Wings個醬汁又係偏酸…伴菜又有一小碟酸菜，同幾條原味蔬菜條，好清新😂Chef Salad好…大…兜…有烤雞胸肉、烤牛肉、芝士、牛油果、雜菜等等，仲有兩款dressing啲烤肉有幾塊幾嫩，但有幾塊又幾鞋，睇彩數～而其他材料就好新鮮主角Moster burger真係勁量級呀，成個炒餸鑊咁大！Waiter又係好細心，比我地影下相先，影完相之後，佢會拎返去廚房幫我地切件切完件之後，由側面睇更加清楚見到佢唔止多餡，連塊包都特別厚，淨係一塊包本身都好似普通蛋糕切餅咁高身了餡料就有安格斯牛肉、煙肉、炒洋蔥、煎蛋、牛油果、蘑菇、生菜、蕃茄、醃青瓜雖然牛肉都有少少鞋，但冇其他comment講得咁差，反而塊牛肉真係好香好濃味，唔錯！仲有炒洋蔥勁甜好好味！其他餡料都落得好足，個包我地切開咗6件，每件都有齊哂以上餡料，唔會因為餡料鋪得唔勻面有幾塊少咗料架個包真係超大，我以為每人食2件可以食得哂，點知每人食咗1件已經飽哂停哂手😂其實佢1件嘅份量已經等於一個m記包😂所以最後我地要打包最後因為同行有人生日所以叫咗件rainbow cake，蛋糕又係好高身😂味道冇乜特別，偏甜，但彩虹色嘅賣相幾啱打卡～呢間餐廳兩位waiters都好有禮同好友善～食得都幾開心😊…查看更多

平日下午2：30去到，人流較少，可以靜靜地歎個tea~熱tiramisu latte今次黎到主要想試呢樣～但感覺一般……味道好似唔多夾，唔知點形容凍芝麻latte芝麻味幾香，奶味都算濃，比想像中好飲～莓莓牛角窩夫呢個好食！牛角窩夫食落唔知點解有陣燕麥味😮😮我覺得好香好好食！雜莓都幾新鮮，唔會太酸。啲醬我以為係cream, 但食落似係雲呢拿雪糕😮😮同雜莓一齊食，正～呢碟真係好食，食完想再食多件🤣如果可以大塊啲就好了🤣p.s.見佢新出咗牛油果牛角窩夫，下次有機會想試下另外，今日見佢menu飲品選擇好多～比起openrice其他人分享嘅menu多～主食都比openrice個menu多，可惜我食咗正餐先上黎，冇機會試…查看更多

星期六下午大約2點去到，見到等候區好多人以為要等好耐，結果等十幾分鐘就有位～二人枱唔算好逼，都坐得舒服嘅。叫咗大啡菇炒蛋漢堡、慢煮豬腩肉漢堡、Dirty同latte。欣賞佢可以揀nutty/fruity，我地兩款咖啡都揀nutty。大啡菇好厚肉好多汁，炒蛋滑嫩，蕃薯條同個包都好好食。不過個醬係類似sour cream咁，同蕃薯條好唔夾，會蓋過蕃薯嘅甜味。豬腩肉有兩大條，肥而不膩。隻蛋雖然冇乜蛋香，但有燶邊，都幾香口。配料有醃過嘅洋蔥，酸咗啲。蕃薯片唔好食，好似擺得耐硬咗咁，蕃薯條好食好多。Dirty一黎到已經撈埋哂，見唔到分層，但好好飲～奶味同咖啡味都好出，真係有堅果香～Latte好大杯但味道一般，冇dirty咁令人驚艷。神奇嘅係，飲咗啖latte後再試dirty, 杯dirty入口會酸啲😯😯冇咗堅果香😮😮…查看更多