Ren66's Profile

之前在深圳食過一次探魚，回味無窮，估唔到依家香港都有得食去咗觀塘分店食晏，原來有午市一人餐，我哋點了兩個一人餐（套餐，包括麻煩一碗及任食冰粉)及一些配菜及小食，鮮青椒爽麻味烤魚及酸菜烤魚，(鍋內有配菜包括豆腐，娃娃菜及豆皮)及加點了至愛的薯粉及追加了豆皮。鮮青椒爽麻味烤魚，選了小麻小辣口味，一整條魚肉，口感嫩滑及冇骨，湯底香麻配上薯粉一流。酸菜烤寧波魚，鍾意食酸菜魚嘅朋友一定要點，因為酸菜醃得好入味，加上湯汁，佐飯一流，兩個湯底的配菜吸湯後都十分入味，一個字，正。另外點了兩杯飲品解解渴及解解辣，檸檬冰桔茶及酸梅湯。小食點了三款，牛肋條串，有6串，灑上了孜然粉，一啖一粒，好惹味。爽脆魚皮，連同青紅椒洋蔥一齊食，酸酸辣辣，好開胃。最後一款，一個名字好有氣勢的小食拼盤《易燃易爆小吃天團》，炸到脆卜卜熱辣辣，旁邊有辣粉可以自行添加辣度。最後一定要來一個冰粉放題，有多款不同配料可以選擇，最重要係無限添加飲食，我就鍾意用原味冰粉加入不同的珍珠及紅糖汁，一個完美總結。…Read More

間中都會去將軍澳食飯，原來Popcorn都開咗陳鵬鵬潮汕菜館，之前曾經喺深圳食過覺得不錯，今次就試吓香港分店是否同樣出色見二人套餐，就試這個有招牌菜:金獎滷鵝拼盤，有肥瘦適中鵝肉，嫩滑滷水豆腐，汕頭肉卷，滷得不會太鹹的鵝掌，鵝頸，及我至愛的糖心蛋。另一招牌菜：香煎金䱽魚，魚皮煎得香脆，而且魚肉嫩滑。其他菜式：雞汁普寧炸豆幹，我之前食過，超愛，吃時點上韭菜鹽水，外脆內嫩，一件接一件不停食。蠔仔泡飯， 10分足料，蠔仔大隻且新鮮，湯底夠香濃，我足足食咗兩碗。湯底用上豆醬及肉碎魚湯調味的潮汕七樣菜，有點像平時的雜菜煲，有多種不同的菜，份量亦都不少。香港分店亦都同樣出色，平時食飯亦都多一個地方選擇。…Read More

間中都會去將軍澳食飯，見到原來Popcorn都開咗陳鵬鵬潮汕菜館，之前曾經喺深圳食過覺得不錯，今次就試吓香港分店是否同樣出色晏晝有二人套餐可以選擇，就試這個唔使慢慢諗食乜？有招牌菜:金獎滷鵝拼盤，有肥瘦適中鵝肉，嫩滑滷水豆腐，汕頭肉卷，滷得不會太鹹的鵝掌，鵝頸，及我至愛的糖心蛋。另一招牌菜：香煎金䱽魚，魚皮煎得香脆，魚肉嫩滑。其他菜式：雞汁普寧炸豆幹，我之前食過，超愛，吃時點上韭菜鹽水，外脆內嫩，一件接一件不停食。蠔仔泡飯， 10分足料，蠔仔大隻且新鮮，湯底夠香濃，我足足食咗兩碗。湯底用上豆醬及肉碎魚湯調味的潮汕七樣菜，有點像平時的雜菜煲，有多種不同的菜，份量亦都不少。香港分店亦都同樣出色，平時食飯亦都多一個地方選擇。…Read More

原來旺角麥花臣店是茲曼尼的旗艦店裏面有本地著名咖啡品牌ideaology主理的G．Life Café 客人可以一邊體驗梳化，一邊品嚐優質的手沖咖啡，更有打破傳統窩夫甜食派的概念，擁有甜食派及鹹食派窩夫，6款即製新鮮窩夫。7月份更有全新焦糖爆谷抹茶窩夫及抹茶椰奶咖啡。我今次點了，風乾火腿芝士無花果窩夫，風乾火腿配上無花果，鹹鹹甜甜再配上合桃碎，口感不錯。及健康人士必選、營養豐富的三文魚牛油果溏心蛋窩夫，份量適中，如果當午餐都是不錯的選擇。另外焦糖香蕉朱古力窩夫：加上朱古力雪糕、手打忌廉、多重口感 ，朱古力迷必定要試…Read More

名古屋百年老店<山本屋>第二間分店已於尖沙咀LCX開幕了🥳以人手製作的味噌烏冬為招徠的<山本屋>現已傳承至第五代傳人~青木裕典及青木晃佑每天新鮮製造烏冬用上日本生產小麥粉及過濾水，並加入獨特湯底及使用獨創伊賀燒砂鍋燉煮方法烹調烏冬，令食客一嚐代代傳承的獨特美味😋新店推出三款LCX分店限定的菜式 🥳<吉列蝦明太子忌廉平烏冬>香滑忌廉及吉列蝦並配上形狀平整且寬度較大的手打平烏冬，忌廉汁掛滿麵條上，食用時口感豐富🤤<名古屋黑赤雞翼山>採用肉質鮮嫩的日本雞翼，炸得外脆內軟，加上「山本屋」獨創的芝麻和辣椒，一黑一紅的雞翼互相交疊，打造出「黑、赤」相互映襯的搶眼造型。<四日市赤味噌手抓豚>日本䐁西冷厚切成棒球手套的形狀，低溫慢煮，搭配微酸的多蜜赤味噌醬，微微帶酸，肉質厚實且嫩滑。…Read More

🥳太二酸菜魚🐟終於係香港開了分店，隨時隨地都食到🤩必點《酸菜比魚好食》的酸菜魚🐟，一上台已聞到香噴噴，份量都多，酸辣度個人覺得剛剛好，食魚前先喝一啖湯，再食件嫩滑鱸魚，再把掛滿湯的酸菜酸菜配白飯，加上湯，真的可以食完一碗飯😋小菜：亂刀雙椒炒牛肉，鑊氣十足，送飯一流小食拼盤：共四炸物，蝦片，雞翼，小酥肉及薯粒，配上兩種醬料可沾。甜品：喜翻翻番沙紅糖冰粉及西瓜椰椰冰粉，甜度剛剛好，可用作解辣。…Read More

早前去了上環和朋友們去了～和緣Wa-En Kappo晚餐，餐廳以割烹料理為主的Omakase，選用頂級食材設計餐單，，每上一道菜式，侍應會細心講解，加上望着維港晚餐，簡直視覺味覺一流享受。前菜: 新鮮蕃茄及芋頭伴入水雲，加上醋汁，味道酸酸地，用作前菜，好清新開胃。刺身：首先分別有三款：蜜柑鯛，岩手縣石坦貝及梭子魚，配上洋蔥汁，原來好夾，令到鮮味更突出。另外一個刺身，絕對吸睛，必須要先打卡，才品嚐。底層是炸紫菜，中間加上肥美拖羅，富山灣小白蝦及北海道海膽，及少量wasabi，頂層紅菜頭泡泡作點綴，每一啖均層次感豐富。湯：北海道象拔蚌，竹笙冬瓜蓉湯，口感清甜。蒸物：北海道蠔慢煮2個鐘再輕輕煎香，蠔味濃，蒸蛋用85度蒸，好香滑，內裏加入百合及雲耳，整個組合頗新鮮特別。天婦羅：關東遼參釀蝦，粉漿透薄包住爽滑遼參和彈牙蝦肉，滋味無窮，旁邊的新鮮蝦殼亦炸得香脆，碟上有柚子鹽，七味鹽，梅子鹽，可沾上別有一番風味。炸地蛤蜊 ：蜆肉肥大，配上紫蘇葉，及綠茶鹽口感清新。燒物：黑松露片配鹿兒島A4和牛(松露黑醋醬及黑椒鹽) 配菜有芝麻醬菠菜 。和牛油脂豐富加上松露香，入口後，兩者完全融入口中。壽司：分別有醬油漬三文魚子加青柚子皮及江戶前玉子北海道海膽手卷，分量好多的海膽上鋪上了天然海鹽，海膽入口即溶，啖啖滿足。味噌湯，不會過鹹，暖一暖胃。甜品：Wasabi雪糕配朱古力杏仁餅，Wasabi味沒有想像中濃及辣，第一次食，覺得幾特別。和果子，綠茶皮內加入十勝紅豆，完美的配搭抹茶，茶味香濃，為一頓豐富的晚餐畫上一個完美的句號。…Read More

🍕當然要成班朋友一齊食🥳點多兩款一齊開心share於murray 露天花園<Pizzeria at Cotton Tree Terrace >chill住嘆😚即叫即製🍕焗至酥脆批邊加上鬆軟餅底鋪滿各種餡料🤤吃下每一口都好滿足😋另外，推介小食<蟹餅>外層炸得薄身，內裡啖啖蟹肉😋…Read More

好耐無去食放題啦！前幾日約朋友去tst燒魂食日式燒肉放題，座位寛敞舒適，上菜速度快，食足2個鐘大吃特吃😋食物種類都幾多，種類多元化，有胡麻冷豆腐、泰式生蝦等前菜、剌身、壽司、炸物、鍋物、野菜••。我最鐘意佢地既日式燒肉(有牛、雞、豬），特別係牛😍 除咗原味，仲有以西柚汁、蕃茄味醬料醃製，有霜降和牛、牛裡肌、牛舌、安格斯骰子粒、壺漬牛粒，肉夠嫩牛味夠濃郁😋講真食幾碟肉都回本~甜品方面有Movenpick雪糕🍦呢間可以encore 👍🏻👍🏻…Read More

Omakase 最近差唔多兩個星期都食一次，早幾日放工就去了公司附近的cubes裡的鮨金和食料理，試試佢Omakase😋首先來前菜，有梅貝，水晶魷魚，天婦羅蠶豆蟹肉蒸蛋，熱辣辣的蒸蛋，鋪滿了蟹肉，好足料。壽司🍣：最深得我心的，分別是<銀鱈魚>配上柚子胡椒，配搭新鮮。另外<左口魚裙邊>油脂的香味，充斥整個口腔，<大拖羅>油脂豐富，入口即溶，<海膽>鮮甜無比，且份量多。其餘包括肉厚<深海池魚腩>，<油甘魚>，<金目鯛>及<黑鯥魚>而<新鮮鯖魚>配上靈魂所在的薑蔥蓉，<瀨尿蝦>配上鰻魚汁，甜甜地燒吞拿魚下巴，第一次食，魚質好滑，可點上檸檬汁減輕肥膩感。奶白色的魚湯，魚香味濃。最後雪糕做甜品及時令生果。整體來說，性價比高，分量剛剛好。…Read More

黃埔鮨竜「OMAKASE」性比價高早前同老婆去開黃埔, 見到有間 Omakase 好似唔錯，就同老婆入去試下先！omakase係由廚師發辦，咁我地揀左一個龍餐同埋一個十二件壽司定食餐！我就好鍾意呢個竜餐 $680 喇！個時令御料理1品真係好正！和風清酒煮東風螺，用清酒煮更能帶出東風螺嘅鮮味！肉質鮮嫰,好有咬口！而個鮨竜迷里丼都唔錯！大大隻鮮蝦刺身好新鮮，肉質嫩滑 ！魚子仲要粒粒都好大好圓，咬入口卜卜脆！日本拖羅蓉仲正，一d都唔腥！刺身4件吞拿魚，䲞魚，舊舊都好肥美！壽司6件最鍾意珍寶帶子壽司，好大粒嘅帶子，軟林嘅肉好鮮啊！柚子皮醬令帶子增添一份酸甜味！而日本馬糞海膽壽司嘅海膽份量多，好濃味好正呀！大拖羅中拖羅壽司好肥美！老婆就食十二件壽司定食$480同樣有海膽，帶子，大中拖黑，仲有曼魚，象拔蚌刺身壽司真鯛壽司，間八魚壽司！每一款都好新鮮好足料！兩個餐都係由廚師發辦，最欣賞廚師為我地挑選最優質，最時令嘅食材俾我地！…Read More

同姐姐一齊食晏，我倆都是好辣及酸菜魚的粉絲，所以除了主打菜<姚姚酸菜魚>是必點之外，其次就是<辣子雞軟骨肥腸>，雖然好邪惡，但十分惹味，用來送走一流🍻而<香辣豬扒串串>用竹籤穿成一串串，孜然粉香氣撲鼻，就算豬扒厚切，也不會鞋身，啖啖肉食飽飽，當然一定要叫甜品，必定要點<彩虹烏龍冰粉>，據說，是非常熱賣的甜品，一向對甜品不太有興趣的我，都一整碗吃掉，不太甜，可以減輕剛才的油膩感，如果夏天食，定必透心涼…Read More

位於灣仔及金鐘交界的一間樓上泰式私房菜，已經開業多年，每次帶朋友來，他們都讚不絕口，說有一些菜式，是第一次見，例如臭草煎蛋，其實臭草不是如芫荽那樣重味的，配上他們的特別醬汁，別有一番風味。生蝦刺身及咖喱蟹都需要提前預訂，因為試過臨時想吃，點知沒有海南雞及燒豬仔肉，也是餐廳的招牌菜，兩個菜式，均有特別的醬料去配搭，鹹蛋黃炸魚皮，用來送啤酒一流。必定要試他們的甜品，椰汁糕是用上新鮮椰青製成的，每日新鮮製作。…Read More

<鮨燐>之前午餐及晚餐都試過，覺得不錯，近日推出了Early Dinner ~<時令精選廚師發辦おまかせ>套餐，當然也要試試🤩套餐包括前菜，刺身，壽司，和食，湯物及甜品😋剌身令我最深得我喜愛-九洲白象拔蚌配竹炭鹽-當中鹿兒島間八魚加上三星漬(辣辣地麵豉)，幾惹味-鰆魚（鮫魚）加上麵豉醋後，酸酸甜甜其他:中拖羅，吞拿魚魚鮫，富山灣螢光魷魚🦑壽司🍣亦沒有失望，有6款，深海池魚，北寄貝，白烏賊🦑加上烏魚子，針魚，及我愛的海膽及車海老。當日的和食: 紅酒和牛面頰..座位有限，記得要訂座…Read More

原來係公司附近最近新開了一間打卡靚，食物質素高的泰國餐廳<Chang >鍾意食泰國菜的我，又咁近，當然一定要去試。個人推介<四色小食拼盤>，用上旋轉韆鞦的擺盤方法，一上枱已經急不及待想影相，分別放了青木瓜沙律，生蝦，泰式鳳爪及肉丸串。<黃咖喱軟殼蟹配農夫包>，軟殼蟹好大隻黃咖喱充滿椰香味，農夫包比較硬身，用刀切會比較好麵包吸了咖喱汁，十分惹味，如果配搭白飯更加正<招牌泰式青芒魚>先把魚肉切片，再把魚肉及魚骨炸至香脆，在於魚肉上鋪滿了青芒果絲，花生腰果等撈成的泰式沙律，酸酸辣辣配上魚肉，減輕了油膩感<酸辣魷魚>，爽口彈牙的魷魚沾上酸辣醬汁，感覺清新。…Read More