Ronron123's Profile

做完workout好想去冰室食啲嘢獎勵自己～search到呢間位於荃灣既冰室。地點都算方便，喺熊貓酒店對面嗰商場。大約4pm黎到（門面大約八成滿）叫咗「瑞士汁雞脾 + 番茄湯意粉 」🎉雞脾吸收晒瑞士汁，好入味😋配埋番茄湯意粉就perfect 👻～湯底可以揀辣定唔辣。叫咗小辣，其實都真係有啲辣～至於飲品，我就叫咗「阿華田脆脆」。阿華田fans必點，脆脆份量都唔少。不過流咁多汗都係應該要杯凍檸茶哈哈 🙈…Read More

趁住父親節正日去咗tst食韓國餐。以前讀書嗰陣都成日喺學校附近既「韓國街」食野。今次黎到附近既「秀」食飯。事緣book咗app有折，所以都叫咗唔少野食👻一黎阿朱媽會先上前菜。最鍾意係薯仔，非常惹味...但係份量唔多，大概每人每款一塊～未試過大醬湯，決定今晚try try～材料主要係冬菇、豆腐、蜆肉... 偏咸😕石頭飯真係好好食，幾種材料加埋一齊好有chemistry。混埋辣醬攪拌更加惹味。真係好食到一人食一個都仲🉐️！另一個favorite係炸雞。辣味好食啲，感覺似甜酸醬，唔食辣既朋友都應該接受到。唔使怕原味太寡...因為有沙律醬點，都ok架！至於其餘兩款就唔特別推介啦，麻麻地。不過整體而言，呢間都算好食既！大家不妨支持下呢啲小店，可以encore🎉…Read More

最近疫情有啲緩和跡象，終於都可以約返朋友出黎食飯。今次試咗間居酒屋，無論環境同食物質素都非常唔錯。大家值得一試🎉。Dinner好似有2個時段：分別係6:30pm同8:30pm入座。我地揀咗後者... 建議大家book定檯先，咁就唔使黎度排隊等入喇。店面唔算好大，大概有10幾張檯。就算第二時段入都坐到滿晒... 始乎人氣幾高wor～一開始黎到既明太子雞翼已經好有驚喜！雖然有啲微辣，但係入口juicy惹味 ❤️ 接住落既雞皮同雞軟骨都唔好錯過，高質到喊出黎 🙃飯糰不過不失，可skip。但接住落黎既菰菜類串燒就不的了！我最鍾意茄子串。佢呢個唔係加好多蒜蓉燒，而係好有日本味道加咗嗰啲脆脆... 醬汁都令人想一食再食！so tasty😋😋唔夠飽既朋友仔都可以叫埋關東煮～如果大家唔鍾意放題，又想喺搵間有心既居酒屋品嚐高質日本料理，不妨過黎試下呢間良心小店。雖然人手唔多，但店員都成日加茶。十個讚👍🏻👍🏻…Read More

話說早排同屋企人去食甜品。本身食完飯錦上添花想食個甜品，點知呢間甜品鋪中晒伏出晒事！先講合桃糊。叫咗芝麻湯圓黎咗花生，都算！合桃糊仲要一啲味都無，稀到一個點。唔係講笑，真係好難食好難食！收人37蚊俾呢個水準，真係嚇親人！楊枝甘露。完全無驚喜。芒果果肉搵唔到，又唔夠甜。未試過一個咁難食既楊枝甘露... 好彩海底椰都叫做不過不失...呢間舖真心令人好失望。唔會再幫襯！！p.s.去新都會嗰間甜品鋪食好過～…Read More

見到團購有優惠，睇食評好似幾positive咁。咁就膽粗粗走去試。一坐低店員就主動埋黎問我想飲熱茶定凍茶。飲咗幾淡主菜就黎到啦。炸雞唔錯，相對韓式炸雞我個人鍾意呢款多啲。點埋醬汁就更加惹味！叉燒拉麵揀咗醬油味。重口味fans至愛！麵底質感夠硬身，不過麵既份量就唔算好多。而叉燒都好入味（不過每塊邊邊都煮濃咗少少）。整體黎講嗰拉麵都幾好食...就算無團購優惠都可以去試下。見到其他食客點既拉麵賣相唔錯架！…Read More

小弟鍾意食辣，麻辣火鍋小菜涼拌都ok。話說尋日行開銅鑼灣，記得有朋友講過「麻辣派對」好正... 擇日不如撞日，一於去試下先。星期五九點零鐘上去，唔使等就有員工安排入座。一坐低已經揀到食乜嘢：口水雞、水果茶、銅盤烤桂魚、炸雞軟骨。水果茶ok，份量足料，唔會一尾死甜。口水雞嗰汁最適合送飯～ 重點當然係烤魚啦！淨係叫咗bb辣，但係到最後熄火果陣已經辣到食唔到... 下次都係將辣椒放出黎先等佢繼續煮。如果你係想專食魚，其實可以考慮食水煮魚果啲。始終銅盤烤魚會有好多其他配料，可能因為咁魚既份量相對較少。總括而言，呢度dinner都抵既，喺銅鑼灣食飯平均每人200零蚊埋單，仲想點lol…Read More

好耐無食過美心中餐，約左friend試下潮庭。平日唔使等好耐就已經有檯。坐低就俾一小碟前菜你，都叫做有少少特色，唔會淨係得花生～order咗兩道主菜。感覺略為重口味。好辣的我本身預「川椒雞」會有四川果種味道，但係辣味不足，有少少失望。不過「方魚肉碎粥」好有驚喜wor！真心覺得好食。一路食一路有好多肉碎同方魚，唔使驚食到尾無晒材料！「潮州魚蛋河」都算足料，如果湯底濃返少少就perfect啦！其實每一次食美心中菜都好期待甜品環節。只要見到「楊枝甘露雪糕」就一定會點。不過分量唔夠，一個人起碼食到兩個，哈哈！…Read More

This is a western restaurant situated in The Elements. Once figured out Fire Zone, it is easy to find.Restaurant was half full at 1830. Nice place with friendly staff. A table of two ordered five dishes.Pizza is a must-try item. The thin slices are tentalizing and really tasty (especially the cheese) ; Calamari Fritti is nice as well, don’t forget to try with the sauce!Other three dishes are so-so. Can try but definitely not a must. Worthwhile if you use the credit card discount.…Read More

隔左好耐再次重遊舊地。今晚同朋友試下呢間德國餐廳。呢度氣氛唔錯，都有少少酒吧氣氛架！一坐低即刻叫左野飲先。我試咗all day happy hour嗰隻啤酒🍻。好大杯，入口唔會太苦，推介！朋友果杯Hula Hoop都話ok～海鮮意大利飯令人失望。除咗海鮮份量唔多，仲要淨係得🦐；黑松露薯條唔夠熱，食咗一兩條已經夠晒皮；Nurnberger  Sausage就不過不失... 薯蓉同埋酸菜好match！反而甜品好有驚喜wor！芝士蛋糕配上cream好正，如果多番啲醬就更加perfect啦！趁住有信用卡優惠，我會黎多幾次。酒、小食同甜品非常推介... 而主菜方面，個人值得佢仲有進步空間。不過約埋三五知己啤啤佢既話，呢度係一個不錯既選擇！…Read More

自從出咗張新既信用卡，出街食飯好多時候傾向揀中菜館。呢日同兩個朋友黎到旺角新世紀廣場既「翠園」。交通便利，一出火車站上幾層就到。1. 沙溪黑豚扣肉煲送飯一流。唔會好似梅菜扣肉煲咁鹹。除咗扣肉，仲有少少葛。齋食呢道菜就中規中矩啦！2. 瑤柱花膠浸翡翠苗十分推介，瑤柱同花膠既份量唔少。配埋杞子同翡翠苗一齊食，感覺好正！每次黎到叫菜都唔少🉐️佢...3. 貴妃脆蝦球出乎意料之外咁好食。芒果汁好醒胃，甜甜地。蝦球食落去好爽，唔會好腥！份量多返啲就更加正！4. 四季荷葉飯夏天應節點樣都要食下荷葉飯掛！都幾足料大碟，配料就無佢display果幅相咁豐富。不過呢個價錢其實都幾好架啦。可以再試！5. 楊枝甘露每次黎到美心中菜館，都會以一個甜品作結。而家出去食甜品已經無咩feel。份量少得黎又會好快趕你走。不妨考慮下喺呢度食埋先走。楊枝甘露真係十分正，甜入心既感覺一試難忘！…Read More

咁多間美心中菜館，我都好鍾意翠園。呢日行開九龍灣就過黎食飯。脆皮燒腩仔每件細細粒，唔會太油膩。迷你桶仔飯同擔擔麵不過不失。要推介「珍菌手搣豆腐」。夠晒足料（有蝦米、菜心、菌類等等）。好開心豆腐唔係滑果種...唯一挑剔就係湯底可以多返少少～甜品都幾多選擇。我叫左最愛既楊枝甘露，為呢餐飯畫上完美既句號！…Read More

見到團購做優惠，買咗幾張coupon同嗰朋友過黎試下。黎到先知原來係米芝蓮餐廳，仲有唔止一年榮獲呢個殊榮。堅過堅Lee呀！坐低即刻叫椰汁三色冰止渴先。見到杯野飲都幾足料！小休一會兒先開始叫嘢食。都係以比較大路既菜式為主。一定要推介墨魚餅！生菜包、菠蘿炒飯都係一貫既好味。咖哩就麻麻地...甜品都OK架。芒果糯米飯都好有誠意。芒果故之然甜啦，糯米飯上菜嗰陣仲係熱辣辣～ 呢間餐廳都算良心小店、用心製作！店員都好有禮貌，服務周到！希望香港可以有多啲呢類型既餐廳。成日食快餐食到好悶呀！…Read More

好多時候想簡單食一餐都會諗起米線🍜以前淨係會去譚仔/三哥...食得太多偶爾會想試下啲新野。今日黎到葵芳舊區既「雲桂香」食小鍋米線。叫咗一個餸（豬軟骨），肉質非常淋身入晒味！呢度有樣嘢好，米線、芽菜酸菜可以叫多啲。湯底又可以濃啲... 啱晒果啲重口味人士～～咁大碗米線加埋飲野，40蚊都唔使。呢個價錢而家越來越難搵。講真食快餐都唔得啦，起碼都四五十蚊！所以對於一般打工仔黎講...雲桂香都係一個經濟實惠既選擇！…Read More

九龍灣都有唔少東南亞野食。今晚約咗個friend食呢間幾出名既「錦麗」。平日夜晚唔算太多人，唔使等位就獲安排入座。餐牌選擇分3大類:牛肉粉、小食、飲品。我地叫左生牛肉河粉、錦麗綜合河粉。好鍾意飲佢個湯，多幾淡都唔會覺得口渴。配料（如：芽菜、辣椒、青檸）另外用一個小碗裝載，要吾要自己有得揀！ 啲粉既份量幾多，大胃王實like！略嫌牛肉唔夠多，食起黎唔夠個引～小食方面，我地order 咗春卷同埋大蝦扎肉米紙卷。OK wor，2個人2款小食剛剛好！而飲品就叫左特飲（唔記得嗰名），好爽好清涼，係甜咗少少姐。喺呢個商場食飯價錢中上。難得搵到滄海遺珠，無論價錢、味道、服務都令人滿意。如果俾錢加埋信用卡payment就更加方便。會再幫襯！…Read More

好多人食泰菜都會第一時間諗起九龍城，特別係「小曼谷」呢一間。其實城中都有好多幾正既泰菜館。今日黎到呢間喺油麻地一棟酒店入面。餐廳位於一樓，五樓打上屬於luxury hotel。一行四人叫咗以下幾道菜。1. 泰式炸蝦餅新鮮炸既蝦餅，食落去仲係熱既！點少少醬就更加perfect喇...如果想點小食，呢個一定唔可以錯過 🎃2. 泰式炒通菜呢道通菜唔會好似出面果啲一味死鹹。不過份量唔多，每人都係分到少少咋。3. 豬肉生菜包生菜差唔多有10塊，夠晒fresh💦豬肉唔算好辣，份量多啲就更加好。唔想食豬肉仲可以點雞肉、牛肉。4. 椰青海鮮焗飯賣相幾正，上到檯仲聞到陣陣椰青味。唔好睇落好大個，其實三趴兩勃就ko晒😌OK啦呢個，我會 prefer菠蘿海鮮炒飯多啲。不得不提，冬陰功海鮮湯真係無得輸。出面果啲好多都孤寒，淨係得湯無咩料。但係呢度既冬陰功超多料。兩隻青口、🍤、菇類⋯⋯下次試下其他湯，睇下係咩感覺先！餐廳環境舒服，幾有Thai feel。店員主動幫手加水，好貼心！…Read More