lulu2006's Profile

行經旺角見到有不少人在排隊購買,我也忍不住買了$12/3個的波蘿包, 回家雖然隔了數小時, 但也很鬆軟, 最重要的, 是沒有棕櫚油那種怪味, 這個很難得,  下次經過,也要再買數個回家慢慢吃。…Read More

朋友帶我去試新野, 佢話係網紅餐廳,我以為係某個KOL 介紹, 原來就係叫網紅冰室,揀左個常餐, 都係啲好平常既選擇,有通粉/公仔麵/米粉之類+火腿/餐肉/蛋+麵包/多士+飲品, 我叫左餐肉炒蛋, 我想講......個炒蛋炒得太老,而且有怪味冇蛋香味, 咁基本既一個炒蛋都整得唔好食,好難想像其他食物質數,$50一個常餐, 唔該可唔可以認真少少對待食客? …Read More

今日星期五中午去買外賣,去到都幾多人,所以都要排隊,雖然店裡面有幾個座位但好迫, 我都係選擇返 office 食。買左香葉肉碎煎蛋飯, 辣辣地咸咸地, 味道唔錯,今日竟然可以食晒成個盒飯, 平時好少咁大食, 唔知係太好味還是太肚餓? 另外膠袋寫住重用可以有$2 折扣, 大家記住唔好掉啦~…Read More

我諗全個河畔花園/翠華/勵城/花園城/全輝中心要數最口臭的伙記應該係呢間,伙記態度差到爆,口臭到不得了,星期日想靜靜地食野, 都不停聽到佢地鬧人, 好趕客,當D 客係狗一樣, 而且餐廳地下污糟邋遢, 食物質數好普通,價錢一般, 午餐$4x-$5x,我估好多人只係貪佢門口可以泊車, 附近好多食肆,有大把選擇,無須要再黎幫襯。…Read More

這次真是好運氣, 嘗到一間不錯的小店, 因為距離公司比較遠的關係, 所以從來沒有幫襯過, 但這次是用外賣app 叫的外賣,估不到比想像中好得多, 價錢平得來而且份量足又好味, 絕對是性價比高,  飯盒裡還伴有不小的蔬菜及有半隻烚旦, 這次真是有意外驚喜, 不知是什麼原因, 還奉送麵鼓湯 , 真是值得推薦的小店。…Read More

中午時間, 送外賣做唔切我都明, 咁你咪唔好接咁多order囉, 接左又送唔到, 我等左1個鐘, 係足足60分鐘先打去催,接電話既大媽, 用D 唔純正既廣東話好大聲咁講" 出啦出啦 "咁就收線,平時打去叫外賣,佢都係負負氣氣 都唔係好語氣,今次真係火都黎,已經唔係第一次等一個鐘以上, 可以話係我自己蠢。反而送外賣既哥哥/阿叔都非常有禮客氣,值得讚揚。…Read More

由開業到依家, 我都幫襯過幾次食早餐同晚餐,但都覺得麻麻地, 所以都一段時間冇去, 但今日想睇下過左一段時間, 會唔會有改善,但點知都一樣,  阿姐一樣黑面, 餐具一樣有漂白水味, 好恐怖,  而且食物仲好似差左。今次早餐食餐肉麵, 個湯底係冇味既, 唔知廚房係唔係想食客食得健康D ? 所以連鹽都冇落, 可以想像到,一碗冇味既餐肉麵, 我估好少人會覺得係健康或者係好食?呢度唯一既好處, 就係有卡位坐得舒服, 如果唔介意侍應黑面, 食物質數同埋漂白水味, 我覺得你可以黎食既。  …Read More

幫趁過無數法，這裡的茶葉算不錯，點心款式也不少，馬拉糕就最好，不會太甜，夠鬆軟，但最近幫襯的次數多了，發覺超差，假日點心要等半小時以上，催侍應就推說不敢催廚房，最終等了一小時，十個點心，製作時間真的須要等那麼久嗎？以後再光顧的話，我要確保各人有足夠耐性和時間才敢再來。…Read More

首次來到柯士甸站, 由A出口出來, 真的只是2分鐘,抬頭就看到食肆的招牌。由於朋友一早已訂位,所以不用等就可以入座, 店員從主店帶我們到另一店鋪坐下, 地方不大, 坐下不久發覺如果冷氣可以再大一點就更好。我們先點了 不麻及微辣的雞煲, 這個湯底有點稀,不似其他地方那麼濃郁,但味道一點也不比下去。原來這裡的火鍋配料和飲品是要收費的 ,於是我們都很認真地選擇, 因為通常去任食的話都會亂點所以有時會浪費了食物, 又由於收費的關係, 這裡的食材應該是比較新鮮的。雖然我們只有4人,但也點了很多款式的食物, 除了丸之外,還有雲吞,魚皮餃, 肥牛,隨變粉, 米粉,菜, 豬皮,豬紅, 牛柏葉,魷魚, 米粉, 豬大腸, 鵝腸 等等…. 還好店裡的份量分別有一碟(大)和一份(小)選擇 , 所以我們才可以多試幾款食物 。食物都不錯,我們點的墨魚丸和牛筋丸, 一吃便知跟出面那些味道不一樣。但最特別的是火鍋配料中竟然有豬大腸 !! 我和朋友也從未試過用豬大腸吃火鍋的。 我覺得它的味道不會太餲,洗得剛剛好, 不過有朋友認為洗得太乾淨, 我想, 每個人對食物味覺都不一樣, 有人會喜歡有人不喜歡亦是很平常。湯底在加了幾次水之後,變得很淡, 這個時候時間也差不多。…Read More

星期六跟團去東莞, 見時間尚早, 距離集合時間還有半小時, 於是就過馬路看看對面說是港式茶餐廳有什麼可以食 , 還一邊問服務員有什麼是最快不用等的早餐。餐牌上的早餐款色也頗多, 有粉麵/菠蘿油/西多/奶油多, 跟香港的差不多, 為了節省時間於是選了菠蘿油和凍咖啡。估不到真的很快, 食物就來了, 麵包雖然不是熱的但很鬆軟 ; 牛油側是雪櫃剛拿出來的, 味道比我在某些麵包店買的還要好味 ,咖啡只是一般, 真是想不到在深圳也吃到不錯的港式早餐。由於時間逼切及太肚餓的關係, 忘記拍照, 只好用餐牌上的照片代替。…Read More

自從永和以炒價兼賣小熊x奇/曲奇四重x/德x號旦卷之後,食物的質數越來越差, 我幫襯了7年有多, 以前還算不俗, 我也常跟同事一起來吃午餐, 但是近2年食物每況愈下,雖然價錢還算是平, 但食材不應拿來浪費的吧!!!今天叫的外賣是泰式乾炒牛河($36), 賣相普通, 河粉都算是炒得乾身,牛肉炒得太韌都算了, 但整個炒河太辣了,辣得不能入口, 如果譚仔米線叫小辣的話 ,這個乾炒牛河應是大辣 !!!最後我只吃了幾口就掉了, 味道不好都還可以吞下去, 但是辣味真的不能勉強。…Read More

第一次黎呢條街食飯, 見到門面都算乾淨企理,而又算係最少人等位既一間,於是就入去試下, 午餐選擇唔多, 大約5個餐包飲品 $40, 以上環來講價錢唔算貴,反而牆上餐牌都係茶餐多,唔知呢間係咪專做茶餐。我點左豬扒炒烏冬, 朋友點左勝瓜豬柳飯, 我食第一啖已經覺得瀨野,乜依家仲有餐廳整得咁咸既咩?! 好多舊式茶餐廳都唔會啦,原來朋友個飯都好咸。除左炒烏冬好咸之外, 豬扒亦好韌好乾,如果比我爸媽食,佢地一定食唔落,因為佢地年紀大冇牙,呢度連飲品都好差,檸茶好淡, 冇檸檬味,不過$40 唔可以要求咁多, 最度最岩對食冇要求,只求食飽個肚就算既人。…Read More

朋友說這裡的自助餐好食,雖然不是什麼五星級酒店,但也值得一試, 於是我便跟朋友來先試它們的tea buffet, 大堂環境不算十分大,坐位與坐位之間也不算狹窄, 可能這天的客人很少, 全場應該不夠10枱客人, 但客人少也是好事, 因為不用排隊。這裡很多食物也很好吃, 麵包和大蝦沙律好, 還有壽司, 熱食有火鍋配料和麵, 還有炒飯, 魚旦之類。通常buffet 中的自助咖啡很普通,但這裡的咖啡很不錯,還有多款甜品, 最最最開心和驚喜的是有 dryer's 。 這個價錢已經有dryers 我覺得好超值 。…Read More

每年入冬之後, 我們一班人最少會來一次, 因為這個燒烤場地方算交通方便, 巴士小巴站就在對面,場地又比較寬敞, 而且也不會被提醒夠鐘要離場。場地方面,一邊是大爐即傳統的燒烤爐,一邊是細爐即街邊賣串燒的炭爐, 還有一處地方好像是包場專用。食物方面, 是自助的, 有丸類,雞翼,腸仔, 燒賣, 番薯, 牛肉串,麵包,金姑瓜菜類都有,   如果用大爐的話, 就比較麻煩,因為大多數食物都已經用長籤叉叉好, 要自行除出食物才可叉在以燒烤叉上, 用細爐的話就簡單得多,直接放在爐上就可以。至於味道方面,我覺得某些丸類很重味精, 腸仔亦太咸, 吃幾口已經口渴, 黑椒雞翼就較入味, 每圍附送的那一煲蜆, 我覺得很有海水味 , 因為夠咸, 但今次我們放得太久,蜆全都縮細了。 入場費已包每人一罐飲品, 就算再買也不貴, 枝裝飲品也是$10, 罐裝$7, 價錢不貴, 不用偷偷帶飲品來。這裡越夜越多人, 我們在中午入場至傍晚離開時已差不多滿座, 建議不想迫人的話,最好在日間來。…Read More

約左朋友星期六晚再黎食, 已經係第2次幫襯,因為雞煲會令人食上癮, 所以又再來過,我地未NR36:30pm 到, 當時好少人, 但一過左8pm已經坐滿人,所以想係8點後黎既話最好book位先。講返食物真係唔錯, 雞煲未到之前, 我地先出去拎自助食物同飲品, 最好食估唔到會係栗米, 咖喱魚旦都好食, 另外甜品每人只限一份,又係估唔到都OK 好食,我地叫左小辣雞煲,味道岩岩好,唔會太辣又唔會唔夠辣。火鍋料都OK, 起碼暫時都冇遇到有變味既情形。但係等個雞煲滾,都要15分鐘, 食完加水打邊爐又要大約等多10分鐘, 咁就等左25分鐘, 我唔知係咪個電磁爐慢, 咁樣等等等………, 到最後食得好急,火鍋都只係夠時間叫一轉,想叫第2轉肯定唔夠時間,甜品同雪糕要好快爬入口。總括來講,我都會再黎,不過下次會食快D, 講少D ,咁應該可以食多D …Read More