shirleytam1314's Profile

很久以前幫襯過，但因以前樓面態度惡劣，故有一段時間無再來，今次見佢地店外啲相吸引，故同老公再試一次。我們大約九點半左右到，可能閒日關係，故唔洗點等位。今次佢地啲樓面比起以前好得多，起碼叫做有禮貌咗。因為時間都晏，所以肚仔不停打鼓，我地先叫咗一啲sashimi同sushi roll食。Sashimi有三文魚腩、立魚同赤貝，魚食落口都感到鮮甜及彈牙，赤貝亦都爽口無話mui mui地。之後嚟埋個彩虹卷，入面4個卷中各有不同的sashimi，因為顏色配搭比較悅目，故齋睇個賣相都幾吸引，而師傅亦好有心思切得好靚，食落亦很好食。之後再叫了一個鰻魚石鍋飯同一個pizza。鰻魚石鍋飯上配料都有不少，仲有泡菜，加上啲汁醬有小小辣，食落有啲似食韓式石鍋飯，不過味道都唔錯。平時食開的日本餐廳比較小見有pizza食，故今次特地叫了一個試試。之前無食過酥皮pizza，今次第一次食，感覺很特別，而且pizza上配上芝士帆立貝，出奇地配合，令人感到另有一番風味。今次見佢地有食物同服務都OK，故下次會再幫襯。…Read More

以往幫襯開大埔間御八築地，上月尾見佢地門外搭棚，最初以為裝修，後來知道佢地改了名及轉了老板，不過壽司及廚房班底聽講話不變，但當然要親身試試先知。因為怕等位，所以大概6:30己去到，一入到去己見有幾枱客食緊，入面格局同以往一樣，所以感覺同無乜分別。同行友人早己餓透，所以急不及待叫嘢食。嚟到呢度，當然會叫佢地的三文魚壽司，因為貪佢大大條好好食；講開份量，其實佢地啲份量不嬲都好大份，不論壽司、刺身、飯、麵、小食等都好鬼抵食。入反正題，除了三文魚壽司外，我地另叫了一個壽司拼盤及致愛的甜蝦和鰻魚壽司，海胆夠新鮮, 三文魚籽鮮甜, 赤貝亦夠彈牙, 值得推介, 另外甜蝦食落爽口新鮮, 鰻魚大大件好抵食, 這兩個都是我每次必叫的心水食品。另我們亦又叫了一口雞及雞翼, 2樣都係熱氣嘢, 但男友鍾意食, 無法, 嚟到時香噴噴, 搞到我都忍唔到口食咗2件, 食落口夠外脆內嫩, 肉裡頭還有肉汁滲出, 值得推介。我們最後還來了蝦天婦羅及天婦羅拉麵, 蝦天婦羅炸得剛好, 食落香口鮮甜, 拉麵這個還不錯, 湯底夠濃, 而且啲麵唔會太霖, 整體都幾好食。總結今次食評, 改了名的御八仍保留到以往食物質素及種類選擇多, 故期望下次再來光顧:)。…Read More

去年來過2次，早幾日有朋友從外地返港，於是乎book咗呢間餐廳食晚飯聚舊，因為貪佢環境舒適同食物質素有番咁上下。Anyway，朋友難得從外地返港，緊係叫啲好嘢比佢食，於是乎揾個waitress過嚟問問，個waitress都幾nice，佢介紹咗幾款飛機貨比我地，朋友無乜意見，咁我地索性比佢發板。首先來咗2款前菜，有炸河蝦同炸三文魚皮，呢2樣嘢要嚟送酒真係一流，不過食河蝦時唔小心比佢拮到口腔，搞到個口痛痛地，好彩無影響到我(口既)食欲。跟住開始就來刺身，刺身有原條池魚、牡丹蝦、Toro、吞拿魚、三文魚、帶子、金目鯛、立魚等，佢地連個蝦頭都幫我地炸埋，真係細心。池魚我朋友第一次食，佢食完一啖後已深深愛上了池魚，外邊大多見到會點酸汁，但呢度師傳用咗薑蔥去調味，食時將佢點wasabi同醬油來食，感覺別有一番風味。牡丹蝦肉質爽甜，蝦頭經炸過後好香口，啲蝦膏更是不得了，蝦膏啲香味食後久經不散，依家諗起又想再食。Toro夠新鮮甜，但啲脂肪就真係超高... 唉！食完再算啦！其他魚都新鮮好食，隻帶子佢地加咗黑松露，真係矜貴，但啲味道又幾配合喎。之後再來了2隻赤貝，由於個人十分鍾意食貝殼類食品，所以呢2隻赤貝係我自已點的，貝殼食品新唔新鮮，其實一食入口就知道，第一口咬入去如果爽口彈牙，已經pass咗一大半，食埋入口如果鮮甜，咁就pass埋另外一半，呢2隻赤貝就完全乎合上述2種要求，故值得推介。食完赤貝後到2個卷物，當中牛油果軟殼蟹卷比較特別鐘意，因為啲牛油果好鬼多，同隻軟殼蟹一齊食唔覺油膩，而且啲味都夾，朋友都鍾意食。最後到串燒，有黑豚肉荔枝、牛舌、牛柳同雞軟骨，佢地啲燒嘢都OK好食，唔會太過火，啲肉仲保留到啲肉汁响度，總括嚟講都唔錯，下次有機會會再來。 …Read More