Foodiewithlove2023's Profile

元朗呢間日式餐廳裝修充滿和風，環境好舒服，燈光柔和，氣氛輕鬆。首先，牛肉壽喜燒湯底香甜濃郁，牛肉嫩滑，配料夠新鮮，真係幾好味。燒韮菜簡單但好惹味，韮菜味好出。牛油蒜蓉焗蜆好鮮甜，蒜香同牛油味啱啱好，係必試推介。燒牛舌薄切，口感煙韌帶嚼勁，滿足感十足。安格斯燒牛肉串肉質鮮嫩，燒烤香氣十足。日式燒半殼蠔鮮甜多汁，仲有炭燒香味。脆脆鰻魚串外脆內嫩，鰻魚味濃郁。燒雞軟骨爽脆有嚼勁，正啱配啤酒。炸物方面，炸雞軟骨外皮香脆，內裏鮮嫩有咬口；炸蠔外層酥脆，內裏鮮甜無腥味。燒茄子燒得軟淋淋，吸晒醬汁，仲有少少炭香。墨魚丸彈牙又夠味，幾有驚喜。整體黎講，啲餸用料新鮮，水準穩定，價錢合理，真係值得一試！見佢地夜晚仲有好多款野食都有特價，啱晒同朋友嚟飲酒吹水～…Read More

今次嚟試呢間台灣年銷售120萬份的超人氣燒肉店，聽聞榮獲2022台灣網路人氣NO.1～平日午市雙拼套餐最低$128，正餐單拼套餐$168、雙拼套餐$178起，好似幾抵，而且任食生菜及韓式小菜自助吧、飲品、甜點等，湯同飯等都有好多選擇，包括香蔥蛋飯、韓式豆腐湯等等，選擇好多～肉方面同海鮮都好出色，以下重點推介：

牛舌：好香，一啲騷味都無，切得啱啱好厚薄，唔會太厚太難咬牛小排：油花分佈好靚，牛味好重好新鮮鮑魚：連鮑魚都係任叫，鮑魚size絕對唔細，而且新鮮彈牙牛舌牛小排等等每種肉都有唔同口味揀，有韓式辣味、麻油等等～總括而言，啲肉嘅質量都係食過數一數二高，飽到捧住個肚走，大滿足！…Read More

今次嚟咗呢間外觀低調嘅omakase好有驚喜～lunch set有兩款揀，整體覺得啲配搭特別味道出色，下次再嚟食><前菜：生秋葵醬加帆立貝刺身及酸海藻

食落去好滑順，酸酸地幾開胃，第一次食生秋葵，好清新，有類似蔥香嘅味道蒸物：北海道筋子茶碗蒸，令茶碗蒸多咗鮮味，入面有紫蘇葉同魚肉，好有層次煮物：北海道粒貝用醬油加牛油煮，好香，帶出鮮味壽司：山椒葉（木之芽）配伊佐 昆布漬山椒葉提味，魚肉肥美，入口即化最愛嘅赤貝爽口彈牙池魚比較有口感，好有魚味醬油漬金目鯛醬油漬令魚肉更滑身，食落去好舒服最經典嘅拖羅同赤身拖羅油香豐富，赤身就比較有魚肉嘅鮮味梭子魚海膽鮮甜海鰻魚，入口即化，鰻魚都好大塊，配埋鰻魚汁好甜好juicy甜品橙沙巴翁配橙jelly，除咗橙香加上咗啲鮮花，有少少花香好夾，而且好清新！…Read More

同朋友今次嚟到TOP嘅呢間好靚嘅西餐廳食lunch，出面仲有outdoor area，室內係沙發圓枱坐得好舒服！set lunch 包埋湯/沙律、主菜、飲品，加錢可以有甜品～湯係甘荀湯，正常唔錯，甜品叫咗椰子雪糕同brownie，椰子雪糕幾出色，食到椰絲同好香椰子味。主菜方面覺得非常唔錯，先嚟一個西冷牛，軟滑而且好香牛味，煎到外脆內軟，伴碟嘅醬汁同蒜片都配搭得好好，為呢碟牛增添咗層次～另外要咗個青醬蝦肉意粉，意粉al dente，蝦嘅份量好多，而且好爽口！總括嚟講，呢間餐廳環境、食物都好唔錯，而且lunch set都幾抵食，好適合約朋友嚟食！…Read More

今次嚟到位於天后嘅樓上omakase 食lunch omakase 嚟講好抵食，一個人唔駛一千，而且食物質素都好好～叫咗呢個set計埋甜品等等有成16樣野，正><首先嚟個滑滑嘅茶碗蒸前菜：刺身成日食，但今次係幾片配上酸汁同辣蘿蔔，非常開胃好有心思兵庫縣高木生蠔：好爽口好新鮮，酸汁再帶起咗蠔美鮮甜嘅層次墨魚三文魚子蒸鮟鱇魚魚缸 好幼滑軟綿，好似食鵝肝咁有好香嘅魚肝脂肪味天婦羅：魚及慕容菇，炸得香脆，外脆內軟壽司部分：深海池魚拖羅大溝貝 師父話係北海道罕有嘅貝類，爽口得嚟比較清爽嘅味道鰹魚腩 第一次食鰹魚腩 香滑加上魚味好濃活赤貝 爽口嘅野始終係我最愛，超級彈口燒過一下嘅黑鯥魚 ，有少少焦香味，係另一種感覺，為今餐飯帶嚟唔同層次海膽 份量好豪華，新鮮就基本，仲有得揀少飯，每啖入口都係純海膽，好奢侈！拖羅蓉手卷：配上天婦羅脆脆同醃蘿蔔粒粒，增強口感，啖啖都拖羅多過飯布甸蛋 有心思用咗 湖北加日本蛋 日本蛋顏色會靚啲 但湖北蛋蛋味足啲 真係布甸咗好軟又甜甜地 入口即化最後仲有麵鼓湯/雪糕今次食omakase配埋呢支好易入口嘅sake，係一個好好嘅體驗，見到唔少人係返緊工過嚟食lunch，呢個價錢相對親民，如果我喺到返工都想過嚟食吓lunch><…Read More

今次去到呢間喺位於西營盤嘅蠔吧同西餐廳，佢哋做緊$98freeflow 紅白啤酒等等，好啱同朋友嚟食飯飲嘢！餐廳入面用歐式木系裝修，好有feel，然後今次試咗三種蠔，chef推介我哋由清爽到creamy咁食SpainPearl 甜味比較重，食落去清新爽口，好舒服Elizabeth比較重海水味，依然都係爽口St Martin自己最鍾意呢款，鹹得嚟好creamy肥美之後lunch set就嚟咗湯啦、飲品、主菜同甜品主菜方面叫咗羊架同意粉首先一讚分量比想像中大 好夠食意粉係蒜香蝦肉意粉，辣勁剛好，夠晒蒜香味，蝦肉同意粉同做到爽口羊架非常出色，燒到有少少焦香味，羊肉肥美又滑，有少少入口即化嘅感覺最後再食埋new york cheese cake做甜品，完美嘅一餐就落幕啦～…Read More

最近去咗Chaska呢間位於半山嘅印度餐廳，氣氛好獨特。由印度人主理嘅食物更係正宗美味。午市套餐超抵食，我試咗一份羊肉saagwala咖喱配烤餅同芒果lassi,set 包埋前菜有幾舊雞肉同沙律。咖喱濃稠豐富，有好多羊肉，風味道地。搭配辣味濃烈嘅咖喱同鬆軟naan，味道絕佳。另外，推介兩款單點菜式。一見到有印度菜 X 意粉呢啲好似fusion嘅菜式就好想試，叫咗butter chicken pasta，結合印度菜同意大利麵嘅獨特風味。呢款餐點將濃厚嘅咖喱轉化為醬汁，每條意粉都係香料汁包圍，超級吸引，食到停唔到口。其次係雞肉串燒，係印度菜必食嘅選擇。雞肉滑又香，香料味道濃厚，最後連啲汁都吃晒。總括而言，Chaska嘅餐點絕對值得一試！…Read More

早幾日去咗飲呢間龜記，見到好多好特別嘅茶飲，同朋友叫咗5杯試下：首先係蘋果紅萱，超清新嘅味道，酸酸甜甜咁爽口，又有蘋果香！再嚟係雷夢蘆薈蜜，真係清涼爽口，飲落超舒服，仲有種天然蜜糖味，盧薈粒令到成杯野更有口感。蜂蜜三韻奶茶亦都唔得唔講，蜜糖同奶茶呢個新奇嘅組合，清香又香濃，！碎銀普洱鮮乳茶同紅柚翡翠都係唔同嘅風味，普洱茶鮮奶搭配清新，紅柚翡翠就非常開胃清新～呢間野嘅茶嘅配搭都比較特別，仲有其他野想試，而且味道都在水準之上～…Read More

當日去食十二味呢間川菜，真係非常出色！首先係酸菜魚，酸辣清爽，魚肉鮮嫩，湯汁入口即化，帶嚐鮮甜。接著食咗麻辣土豆絲，辣中帶甜，土豆絲軟綿可口，辣味與香料交融，令人回味無窮。黃喉螺片香辣多汁，咬下去爽脆彈牙，帶點海鮮鮮味，絕對是送飯神器。辣炒雞片鮮嫩多汁，辣味十足，入口鮮香滑嫩，辣而不燥。最後小籠包，皮薄餡多，湯汁鮮美，口感煙韌，充滿肉汁香氣，每一口都是滿滿的幸福感。整體而言，呢間川菜餐廳的味道鮮美風味獨特，每一道菜都帶有豐富的層次感，而且辣度有多個level選擇，每道菜嘅辣味都有啲唔同～喜歡食辣嘅朋友記得嚟試喔！…Read More

Arcadia係一間非常出色嘅酒吧，環境一流，有現場樂隊同埋點唱服務。佢哋嘅雞尾酒特別之處在於每一杯都有煙霧/點火等等視覺效果，十分引人注目，絕對係一個打卡勝地。我試咗兩款，一杯以清酒為底、另一杯以燒酒調製，味道都好獨特。食物方面，我叫咗煎帶子配三文魚子，帶子又大又鮮甜，口感爽脆，帶子的鮮味和三文魚子的鹹香完美結合，；主菜係牛柳同龍蝦意大利飯，特別推介意大利飯，每一口都散發著龍蝦的鮮甜，搭配著嫩好濃龍蝦香味嘅意大利飯，口感豐富而細緻。整體而言，Arcadia唔單止係一個酒吧，更係一個美食體驗。食物精緻美味，配合唔同種類嘅雞尾酒，如果你想擁有一個融合美食同音樂嘅夜晚，一定唔可以錯過Arcadia！…Read More

Green Orange係一間意大利餐廳，一上到去環境幾decent叫咗兩個lunch set，前菜包麵包、湯同沙律。今日嘅湯係嘅黑松露濃湯，濃郁香濃，令人回味無窮，又唔會過多調味唔太咸，好食得出松露嘅香味。接住嚟嘅第一個主菜香煎盲曹柳伴君度橙酒沙巴翁，味道鮮美，香脆多汁，肉質彈牙，再配上橙酒沙巴翁，口感更加豐富。然後，我地品嚐咗慢煮北海道帶子配芝士檸檬忌廉汁意大利飯。帶子經過慢煮，保留住鮮美嘅口感，再加上芝士檸檬忌廉汁，帶出意想不到嘅風味組合，真係驚艷，而且份量都唔少。如果出開上環想食一個decent嘅lunch，green orange 都係一個好好嘅選擇。…Read More

今次嚟再羲和雅苑，見到佢地慶祝五周年，推出嘅2人餐單好抵食！前菜四拼色彩繽紛，不僅色香俱全，每一款都有獨特風味。官爆雞丁入口即化，鮮嫩多汁，而且好夠味。嚟得呢到當然要食北京烤鴨，皮脆肉嫩，肉質質感非常好，仲有好多款唔同配料。蠔仔煎蛋好有鮮味，蛋又非常香。非常欣賞呢個餐份量豐富，食咗咁多野之後仲有菜同炒飯，炒飯粒粒分明，又有油香。之後仲要有兩個甜品，有桃膠同埋楊枝甘露，超級抵食～下兩個人食到好飽好飽！…Read More

唔係朋友叫到，我真係唔知道係銅鑼灣樓上會有間咁寬敞舒適嘅意大利菜餐廳，喺到食飯可以對住無敵大海景，而且樓底高坐得好舒服。佢哋嘅buffet salad bar真係吸引，有salami、ham、煙三文魚任你揀！我哋叫咗兩份午餐，一份香煎盲糟同一份意粉。意粉水準唔錯，最重要係醬汁夠味，口感一流，配搭都好用心，意粉搭配秋葵釀蝦肉，驚喜十足，彈牙蝦肉放落滑嫩嘅秋葵裡，味道層次分明。特別推介香煎盲糟配長柄西蘭花，魚味濃郁又鮮香，口感又軟滑，醬汁唔算濃，突出返本身魚嘅鮮香～係一個好好嘅lunch~…Read More

我地今日去左上環一間西班牙小店，真係唔錯啊！食物超正宗！我哋每個人叫咗一份套餐，前菜有croquette of the day同octopus stew。八爪魚啊，啱啱好驚喜呀！超級有嚼勁，煮得好入味。今日嘅croquette係mushroom croquette，啲蘑菇醬香氣四溢，加埋滑嫩嘅忌廉，外脆內軟，一口接一口停唔住。主菜係squid paella同roasted chicken，雞肉好嫩滑，唔錯唔錯，但係海鮮飯就更加出色喇。裡面加咗蘆筍同魷魚增加口感，黑色嘅飯每一口都係濃郁嘅墨汁味，煙煙韌韌，好過癮。最後甜品係焦糖燉蛋同今日嘅ice cream，雪糕嘅青檸酸味清新到爆！食完飯再食好舒服，好似去咗西班亞嘅一餐飯～…Read More

早幾日好有儀式感，去咗食omakase lunch~見呢間野評語都唔錯，門面比較低調，但入到去都有唔少其他客人～試咗$980嘅sashimi+sushi set前菜：筑前煮+海藻茶碗蒸吸い物：唔好睇啲湯望落係無乜色，用咗鰤魚去煮，超級鮮甜，而且加咗順菜（第一次試），有少少似啫喱的口感，飲落去好舒服刺身五点１）鱸魚SUZUKI 配搭酸汁＋辣蘿蔔同洋蔥＋紫蘇花２）縞鰺 SHIMA AJI ＋ 天草３）北海道北寄貝４）神奈川池魚５）北海道水八爪魚首先好欣賞每件sashimi嘅配搭都好特別，我特別鍾意北寄貝，好鮮甜，加上少少鹽更加顯出佢鮮味，水八爪魚都好唔錯，兩個部位，腳嘅位好軟滑，吸盤好爽脆，加埋醬油漬wasabi好正～Hot Dish:白蝦醬真丈，好香蝦味，係一粒類似魚蛋咁嘅丸子，炸到外脆內軟壽司：大分縣關鯖昆布漬帶子ー軟滑之餘昆布有提鮮作用岩手縣石垣貝福岡槍魷魚-非常滑又唔會難咬北海道新秋刀-師傅話新秋刀個新字係新鮮咁解，我一向都鍾意食硬身啲嘅魚，秋刀肉質firm得吸嚟又重魚味，師傅好細心幫我地𠝹刀痕方便我哋咀嚼吞拿魚3件大拖羅、中拖羅、瘦啲嘅吞拿魚-呢幾個就必食，食到好香嘅魚味都知新鮮最後係海膽手卷，睇住師傅放咗好多海膽落去，飯得少少，入口即化份量啱啱好，食到最後仲有個烏冬暖胃同橙汁。食過好多omakase，呢間比我感覺係每一道菜式都真係好有心處理，下次經開再去壽司師傅好nice好talkative…Read More