米芝蓮車肽人的個人專頁

父親大人睇完輝哥為食遊要求黎食。食完覺得比輝哥呃左...飯店環境非常一般，冷氣唔夠， 地方狹窄， 地板好滑；老人家上落要小心。落單菜色有：咸雞一隻， 胡椒豬肚湯例牌，生炒骨， 煎蠔餅，椒鹽九肚魚，蝦醬炒通菜。送糖水。咸雞味道正正常常， 雞味係有，但唔夠咸...胡椒豬肚湯正正常常， 豬肚夠淋。生炒骨太酸...連小弟咁中意食生炒骨都覺得酸。煎蠔餅同椒鹽九肚魚算係最好食。蝦醬炒通菜咸到癲， 應該落少左糖...真係超咸，所有菜式都幾細碟。最後送果個糖水就算啦...總結係父親大人食完超失望， 可能一開始期望太大...只可以話係一間好平凡嘅打冷鋪， 價錢偏貴， 性價比低， 地點不就腳。周圍都食到嘅味道，無必要特登過去食。（相都無影， like都懶得呃)…查看更多