CSLMAN's Profile

見網上好多人提呢間小店， 即管去試試。叫了一口牛烏冬和鯖魚烏冬。一上台，份量很足夠，係吸晴的。但一口牛質感令人失望，很多筋難咬開， 能咬到的會食到有肉鬆粉/疏打粉味，有點失望。但其實個汁是ok, 無奈一口牛唔掂當。至於鯖魚，沒有技術可言，所以是正常發揮。附送嘅湯，淡如水，當水飲。唯一值得讚，是個烏冬，好滑，質感好好。它的價錢加份量，是無投訴。但肉方便，確實差了。雖然唔貴，但未必會再專程行過來食。滿腦子問號，42個like, 數個唔ok.....確實奇怪。另外， menu 上，刺身類，海鮮類全部停售，只有熟食類，所以很少選擇，失望。…Read More

今天再次到馬六食晏，一向都覺得呢間嘢。食物ok 的，價錢亦可以。但其實服務員的表現，都好影響我揀餐廳嘅條件之一。今日，見到有位婆婆坐住輪椅，應該是家人或佢呀女推佢入嚟。 那位家人向職員要求想坐較入面空間可以放到坐住輪椅的婆婆。 女職員都十分合作，把椅子拉走。 但突然有位男經理走過去，跟女職員講了兩句話後，女職員就把椅子放回原位。而那位男經理， 竟然向那疑似兩母女的客人說，因為無位可拉走椅子讓婆婆輪椅推進去，除非婆婆能自己坐到椅子上，把輪椅收起。那位男經理的表現， 明顯是不會拉走椅子讓輪椅進入。 呢一個場面，作為旁觀者的我，實在都看不過眼。 可憐的婆婆，要被人岐視。正當我想起身幫口時， 那兩母女卻慢慢離開。 唉，一間這樣歧視老人家的餐廳，真的不會再幫襯。太過份了。食物ok 又如何？？？…Read More

食店容易野老鼠，可以理解。 但作為店主有責任搞好衛生。點都想唔到，可以在晚飯時間噉多人時，一隻身長不計尾巴如手板大的老鼠可以多次在枱和枱之間穿梭往來。 最奇怪係， 所有服務員的反應，沒有驚嚇或意外，服務員只企著在笑，好明顯呢班服務員見慣老鼠出來陪食大場面。有片在手，可以交食環署嗎？…Read More

襯今日假期， 可以比啲時間試去排下隊。。。幸好， 只排了20分鐘。 不過， 食過之後， 覺得不礙如是， Urban 的比佢好食得多。 最意外的， 一直在排，一直在睇住佢新鮮出爐， 卻不覺得有出爐麵包的香味。 照理， 牛角酥出爐是好香牛油味的。總括 : 非難食，欲沒特別， 食完不會回味， 不值得去排。…Read More

真係唔係時時遇到間餐廳， 樣樣都好食又有heart...今晚食咗以下的菜式1. 24小時慢煮鹵味 ~ 法國火雞腎， 西班牙八爪魚，西理牙豬耳朵， 好淋好入味2. 白松露黃金蝦， 好香3. 腐皮包津白忌廉汁， 好creamy4. 肉蟹糕蟹桜花蝦炒飯，個飯乾身得嚟重有軟綿綿感覺5. 斧頭牛排， 好淋6. 腐竹白果份子糖水7. 黑芝麻份了甜品8. 易態薑汁湯圓…Read More

再一次來到這間餐廳， 仍是不會令人失望。 無論services, 食物質素依舊keep 得很好。 每一次總是食到好飽好飽， 已經不敢叫太大份，仍是食得好full. 它的食物質素， 是即使你已經很full, 但仍會好努力去食哂去。 因為， 真係每一樣都好好食， 就算一個普通的法包， 都十分香口。比起一些新進的米芝連餐廳， 真的要向這間學習學習， 收客人的價錢， 絕對是物有所值， 不是持米芝連牌頭而去亂定價。…Read More

原來好期待跟朋友食間米芝連餐廳， 因為已食過好多間， 見有新嘢就馬上去試。。。。首先， no sevice, 裝修一般， 無high class 的感覺。 然後睇餐牌， hkd780/4 course 和 hkd980/6 course 唔貴。 點知， 原來玩取巧， 食材一般到不得了，高檔收費， 重要玩on top 加錢。。。。跟本係不值，食過其他米芝連都未遇過呢啲餐牌。 結果， 馬上起身走人， 改去另一間好好食的米芝連3星， Latelier Joel Robuchon, 超得。…Read More

出完差在紅磡落車 , 見到burger king 時確有驚喜。 於是點了個set, 重好開心有熱茶。點知100%失望， 薯條only 熱， 但入口個質感就知道返炸， 重要無味。諗住個包好啲， 點知重衰， 一樣無味， 不停滴汁， 滴到個包都軟哂揸唔到。 明明好餓， 都放棄繼續食， 因為真係唔想浪費身體的quota. 決定， 唔會食佢， 都係麥當勞質素穩定。…Read More

昨晚去呢度bbq, 講真環境是不錯的， 衛生都ok. 所以開頭好滿意嚟呢個新地方（對我地嚟講因為第一次幫襯）但後來，我和幾個朋友都發現， 連平時唔飲水的人， 都可以在短短幾個鍾內買了4罐嘢飲。 晚上開車回家途中， 個個都叫口喝。 更恐怖的， 我地大家今日起身whatspp 都提到個共通點 , 就係條脷都重麻麻地， 可想而知佢地啲食物加味精加得好重手。 其實我已經係一個對味精不算太大反應的人， 都可以噉強烈感覺條脷唔舒服。 而我朋友平日可以滴水不沾的， 都買4罐嘢飲+支水， 都幾嚴重。 都唔明， 出街食嘢有味精唔奇，但不要太過份嘛。。。。目的想點？ 就係等你以為好好食？ 又或者等你不停幫襯買飲品？ 真係只有佢地自己先知。。。。。…Read More

因為AUNT睇到報紙介紹, 於是專登由香港開車去紅磡試一試......但好失望, 見到噉多人等, 我只覺得係報紙,雜誌的效應, 加上地方好細得四至五張台, 要人等位都正常.....我地ORDER咗蟹粥, 佢特別註明糕蟹, 但完全無糕, 而且ORDER大SIZE都只得一隻蟹一煲......最唔鐘意的就係食到我條脷好痺, 即係好重味精, I HATE IT!!!!!!! 另外, 又ORDER佢出名的炸蠔仔春卷, $58共4條, 但講真無特別, 只係把張春卷皮包住幾粒蠔仔去炸, 好油, 無特別, 所以$58得4條, 好貴. 去飲茶時的炸春卷比佢重好食.....最離譜個油菜, $38唔係貴, 但一定唔算平, 竟然和一碟在粉面店叫的油菜沒有分別, 只是白灼+蠔油, 原條菜上, 什麼都無去cut, 真係夠纖維, 但收得人地$38就比少少心機去炒一下啦! 原棵上, 就好似返大陸食白灼油菜一樣.......唯一ok的, 就係個鑊仔蜆, 無沙, 個冬陰功湯底ok, 唔算太少.......anyway, 我地都覺得無下次, 亦唔會介紹朋友!…Read More