WingKwok5539's Profile

有睇開茶茶分享嘅大家都應該知道，茶茶係低碳水飲食愛好者，所以有時就算有set都會揀單點（通常sets都包埋大份carbohydrates），以免浪費太多食物。然後！！！居然比我遇到一間良心餐廳，坐位闊、環境企理之餘，仲可以幫我將澱粉質轉做蒟蒻底 😱 譚仔轉芽菜都要加$3啦， 佢居然完全唔加收我任何錢比蒟蒻我，感動子（當然唔排除係我嘴刁到比人認得咗）🥹呢度嘅雞煲、烤魚都非常足料，同出面一式一樣嘅調味唔同，有佢哋自己嘅風格（好食嗰隻！）最近仲出咗羊腩煲，星期六打算去一試。呢度附近仲有一間平價甜品，兩間中價甜品，啱晒大家食飯直落下一場。.🍵🍵評分時間🍵🍵.🤍食物質素： 7/10▫️茶茶食過呢度大部分嘅餐，至愛嘅係真鮮味砂窩米線（換魔芋底），而呢度嘅烤魚亦都十分惹味。1️⃣真鮮味砂窩米線 $6X 鮮！有魚～·有羊！勁足料 2️⃣番茄肥牛豬潤砂窩米線 $6X3️⃣求其諗唔到砂窩米線 $50 😂 好記得Menu有呢個，但我未試過，如果有人試完可以分享我知，盲盒砂窩米😂4️⃣ 雞煲 / 酸菜魚 印象中 百令二百蚊 價錢唔貴，因為同朋友一齊食，無留意價錢😋5️⃣ 下午茶餐 $36 .🤍環境衛生： 8/10▫️坐位之間有適當空間距離，乾淨衛生。.🤍服務態度： 10/10▫️今時今日願意特登幫你去問廚房可唔可以轉煮法嘅餐廳已經唔多，唔比佢哋X返轉頭都偷笑，但係呢度居然願意幫我轉之餘，仲煮得好味，配搭得好，唔係求其換比我，真係非常感動子。呢 10分，值得嘅！！.🤍性價比：9/10 ▫️呢度嘅下午茶餐價錢非常吸引，$36有多士、火腿、蛋、飲品、主菜😂 但係我食唔晒（太多碳水）所以無再叫呢個餐，不過佢呢個餐嘅性價比簡直係大食人士嘅福音。.🤍餐後滿足感：8/10 ▫️ 除咗有人情味，仲要好味，再加鮮味，可惜位置唔起眼，經過開真係可以試試。——————————————💬🤍 生酮友善 讚👍…Read More

肉肉烏冬彈起嘅時候，已經book mark低想嚟食。今日lunchtime有時間，過嚟一試究竟。結果非常失望。你話值唔值得等半個鐘同比呢個價錢？No way. 裝修、擺設用心可愛都無用，作為一間食店最基本嘅食物品質都管控唔好，咁真係大扣分。事源係沾汁烏冬 汁完全無加熱就上菜比我。第一次嚟食，我當然唔知。食完我問返，沾汁唔熱係咪正常，員工答唔係，正常會熱，叫我望其他枱客人啲烏冬都出晒煙。再加多句，「沾汁係會快啲凍，下次食湯烏冬囉！」 我都廢事多講，呈上嘅烏冬就是如此。係唔係快凍到喺呢一間細細嘅店舖廚房到我桌上10秒唔洗嘅路程中就凍晒呢？ 凍到煙都無喎！到我食完，仲要親口去問（桌邊的指示 可加柚子湯汁），員工自識比柚子湯我去加。 盞鬼嘅係，佢倒出嚟微溫嘅柚子湯比我原本嘅沾汁更熱。為咗完整咁品嚐呢一餐，我都係飲咗幾啖湯去試試。最初個湯上嘅時候，唔夠熱（溫，唔出煙）始終有問題，影響晒成個用餐體驗。唔通我就係特別唔好彩，食中咗一個未加完熱嘅湯？ $113 食到咁樣嘅質素，遇到咁樣嘅疏失同回應，真係非常令人失望。烏冬其實有用心、係彈牙 有麥香味。 牛肉都有特意用火炙香邊緣再掛碗邊。但係，居然出事喺湯呢個靈魂度，我真係無法好評。唔推薦，與其都係等，去旁阻邊間老字號粉麵飯可能仲有滿足感。 肉肉烏冬，blacklist！失去靈魂的烏冬。要我親自問先有嘅柚子高湯。…Read More

呢間餐廳坐落於大角咀利奧坊，周圍仍然發展中，工地林立，新舊區交錯，有啲難搵⋯ 或者因為有啲難搵，我哋到達時只有5台食客用餐（午市）。至於廳廳總質素，其實都只屬一般：😀食物質素： 6.5/10先講用料，絕對良心，食材新鮮，份量足。味道就無咩太特別，不過不失，未搵到驚喜。😊環境衛生： 8.5/10裝修別致，有異國風情，頗適合約會聚會。但係地理位置比較難到達，且四周舊區環境不好，少少扣分。😊服務態度： 7/10員工做足該做嘅嘢就會去煲劇，做自己嘢😂，午市可能比較鬆弛，正正常常。😀性價比：5.8/10見其他枱點咗午市（無試）價錢好抵，有set又大大碟，影相打卡都靚。不過我慣性低碳水，唔鐘意食大量澱粉質（e.g. 米麵粉），所以揀咗main menu 單點。兩杯飲品，一個甜品，兩個食物，埋單$490。😀餐後滿足感：6.9/10食物質素同選擇同香港同類泰國菜相差不遠，比較特別嘅係環境裝修。可以inline 訂座，包保唔洗等位。如果嚟呢度聚會，悠閑地食一餐都唔錯。——————————————————————————————————經過開可以嚟試吓，二人聚會都係一個唔錯嘅地方，不過唔需要特登出嚟試，未至於非常驚豔地好食。…Read More

呢一間川魔喺社交媒體以$10 一隻燒蠔做推廣，咁抵食，緊係嚟試試啦。 點知⋯⋯ 5舊水買來失望的一餐。最後仲要因為啲嘢太咸，啲吃飲唔好味點多咗個上湯菜 開開心心嚟食，見到0負評諗住實好正，結果非常失望！首先，門口接待員不停講電話，完全望都唔望吓啲街客。仲有呢度啲員工唔知點解請工人姐姐？ 水吧係由遮遮去做，令人不禁懷疑係咪非法出嚟做嘢？食物真係好伏，完全唔Ok! 連飲品都係！個菜實在太普通，我自己喺屋企都煮得好過佢希望呢間嘢會有所改善啦⋯⋯ 食評如下：門面係好靚㗎，坐位又闊絡⋯⋯真係唔會再幫襯…Read More

🍵可以訂坐，唔洗排到傻的尼泊爾菜🍵總評一下 🥰食物質素： 7/10由前菜、飲品到食物都滿意，擺盆花了心思，食材新鮮，份量足。😊環境衛生： 7/10裝修別致，有異國風情，頗適合約會聚會。但係地方比較淺窄。不過呢度食物 環境 對得住個價錢嘅😊服務態度： 8/10員工有禮，熱心。😀性價比及餐後滿足感：7/10：7/10 以價錢來講，呢度食物環境水準都非常合理，加上唔洗等位，一入嚟就有得食，good good der!…Read More

嚟呢度貪佢開到2am，又有撚手小菜食。講真出街一大班人最開心就係食港式小菜，風味一流。總評一下：😀食物質素： 6.8/10 有啲略微未夠火候，欠缺懷舊那份火氣十足味道。😊環境衛生： 6.5/10正常懷舊菜裝修，所以唔算好光鮮亮麗，地下有少少笠。😊服務態度： 7/10員工熱心，上菜快。可惜用餐時間限住，冇得好好咁樣休閒食一餐懷舊小菜。😀性價比：7/10 正常小炒價錢，唔會太貴亦唔會太平。😀餐後滿足感：6.8/10 可惜有幾味菜唔夠鑊氣。整體嚟講呢度都唔錯。——————————————————————喺我心中，楚撚記飲食體驗總分6.8/10 ，他日可以再試其他菜式。…Read More

讓人失望的石板吉列牛😖.尋找美食之路難免碰釘🥲 呢次嚟到荃灣初見食石板吉列牛，店外睇圖好似好吸引，一拎上嚟，覺得伏了，放入口更加⋯⋯ 😖總評一下：😟食物質素： 4/10 石板燒吉列牛真係唔掂，淡而無味，肉唔新鮮，完全唔知食緊咩。差評！ 鍋物水平尚算合理。 刺身就寶達質素，中等。湯唔好飲，用水開，太咸。🙂環境衛生： 8/10每張枱櫈都乾淨，正正常常。🙂服務態度： 5/10無乜嘢可以被服務，正常。😖性價比：5/10 ☹️餐後滿足感：4/10 呢個價錢食，真係非常唔滿足，好失望呀！———————————⋯⋯⋯ 唉，真係抱著期望入去，抱著失望回來。…Read More

$58 一個優質漢堡餐，好評！推薦學生族打工人食🥰 總評一下：😋食物質素： 8/10 蔬菜新鮮，醬汁配料足 味道好，有烘底，安格斯扒夠口感，不過唔特別。澳洲和牛扒味道突出，但+$15扒體比較鬆散，扣少少分。😃環境衛生： 10/10小店 堂食位唔多，但每張枱櫈都乾淨。😃服務態度： —無乜嘢可以被服務 因為漢堡店不用服務費😂😋性價比：9/10 58蚊一個餐，開心過我買m記又或者用舊幾水買s 記….🥸 🥰餐後滿足感：8/10 我自己本身唔鐘意高碳飲食， 如果包可以轉菜 轉菇 轉墨西哥薄餅底，就正喇！去圖！下次會返嚟試乳酪炸雞堡！…Read More

愈來愈多午市放題做3-4 小時任食，啱晒我呢啲崇尚慢活生活嘅人。今次比4小時任食+澳洲m5和牛+雪糕雪條+榴蓮吸引咗！總評一下：😋食物質素： 8/10 （新鮮，任食，無漏單）😃環境衛生： 6/10（環境空間大，略嫌有一陣抹布味和地板少少黏）😃服務態度： 8/10（高效率）😋性價比：8/10 （放題類好少回到本，但任食4小時幾開心）🥰餐後滿足感：7.5/10 .推薦午市幫襯，慢慢食，慢慢嘆。如果選了榴蓮煲，建議在尾段自己調整湯底。…Read More

當日本身想去某店食榴蓮乜乜風，但係食白果，失望之際見到杏甜品有榴蓮冰！二話不說點咗啲榴蓮甜品試試，一試，發現我搵到寶藏小店！總評一下：😋食物質素： 9/10 （足料，好食，用心做甜品，良心甜品店）🤠環境衛生： 8/10（正常小店環境，枱有點小）😀服務態度： 8/10（好似開業無耐，有少少亂）😋性價比：8/10 （足料同味道值呢個價錢，消費滿額仲有券送，記得睇資料問店員）🥰餐後滿足感：8.5/10 會再次光顧，試試主打的杏、椰甜品。…Read More

銅鑼灣同灣仔中間嘅呢個位置經常轉手開唔同餐廳，今次同朋友去咗小火山泰豬鍋，泰豬又有的烤又有得淥，咁特別，當然要一試。湯底其實係好好食，環境、服務、樂手氣氛都非常好，之不過老實講，食材質素只是中中挺挺。如果嚟呢度傾偈輕鬆食飯聚會慶生都ok，但係想享用高級食材，美食，就揀第度好啲喇！總評一下：👌食物質素： 5/10 （湯底好係好，但食材真係太普通）🤠環境衛生： 8/10（正常闊落 食個氣氛）😀服務態度： 8/10（全場服務周到 會同客交流 飯聚氣氛好地方）🙂 性價比：6/10 （Openrice訂座有折，價錢合理返少少）🙂 餐後滿足感：7/10 至於會唔會再嚟呢⋯ 隨緣吧！…Read More

偶爾在網上看到，打算試一下。價格真是太親民了！簡直是米芝蓮美食入門🫶🏻.「港幣$38+堂食手工點心於午市時段供應，並推出全新手工點心，包括合桃叉燒酥、蘿蔔絲酥餅及原隻鮑魚雞粒酥等超過30款點心選擇 ⋯」 — 取自官方網站.大家先睇睇圖片🤠環境衛生： 10/10 （在乾淨的環境下吃飯，闊落不擠迫，實在是太棒的體驗了）茶介包小碟 豆瓣醬， 如果想要更高級的茶也可以點。😋食物質素： 8.5/10 （最推薦鮑魚雞粒酥、流沙酥、椒鹽九肚魚；同場看到很多人點雪山叉燒包，下次也可以試一下！）😀服務態度： 10/10（完美的服務！）😗 性價比：9/10 （美好的體驗，好吃的午餐，不貴的價錢）🙂 餐後滿足感：9/10 （第一次去，是很推薦午市，下次想要在晚市吃片皮雞😋 ）…Read More

喺疫情困左自己喺屋企咁耐之後，終於可以出嚟行一陣，今日經過誠品見到有下午茶優惠。有四個餐可以揀，每個餐都包含着咸食同埋甜食，一次過可以滿足到我全部願望，幾吸引。雖然咸食唔係呢一間舖頭嘅主打，但質素都唔錯，不論菜式定係味道，都幾有台灣當地風味。烤香腸有三隻味揀，我買咗黑椒味同埋蜜糖味，個人鍾意蜜糖味多少少。本來嘅蜜瓜酥因為蜜瓜酥已經冇晒，入邊係士多啤梨酥。士多啤梨酥係上菜之前有焗過一下，熱食幾好味。份量食中，最欣賞係佢個草莓酥有特登烘過先上菜。至於甜品，真係幾好味。下次會試吓原個燉。…Read More

雖然位置有點難找，但喺附近返工的我好易就過到來食美味泡飯。·小店只有老闆一人工作，他一人招待所有客人，清潔桌子，做餐，都keep到企理同希水準，真的很強·唯獨是只有戶外位，冬天有點冷。（但飲完魚湯又暖返晒）·其實已經是第二次來，但第一次忘了影相。今次再來就決定要寫食評同大家分享啦！·可惜的是每次我食飯的時間都不長，不能試試原條魚做餸的湯飯。魚湯用鮮魚餚製而成，無加味精（不是老闆說的，是我吃出的，因為就算飲晒碗湯都唔會口渴。）·湯鮮味濃郁，加上蒜碎調味，配合得很好。·下次會再來試其他食物…Read More

誤打誤撞行左去熟食市場附近，但因為太多人所以朋友提議到對面睇下有乜食。本身想試試4樓西餐廳，但咁啱被包場無得食～結果就變左食中菜。呢度裝修德體，擺設貼合菜館主題，但價錢卻同外面酒樓單點菜差不多。呢樣都唔係重點⋯重點係：味道唔錯，擺碟有誠意，服務亦很好。四個人叫左八樣野，食到好夠飽⋯ 我已經打算下次家庭聚餐會建議來呢度食第一樣來到既係這 素卷 三小件。 味道算中上。惟獨是不太夠熱。本身叫左叉燒（聽講好好味），但沽清轉左燒豬，但都好好味！ 皮脆脂肪爽口又香，配搭青瓜供解膩，很貼心我都唔記得左菜名。 但幾好味 外皮酥脆，內裡不油膩，醬汁同主體都match。（連旁邊黑醋沙律菜都好味）魚肉羮，好像濃郁版魚湯一樣，有鮮甜魚味。每啖都會有配料，有口感。呢個 牛肋排 真係超級驚喜，炆得夠淋，醬汁夠味。加埋上面配料，十分美味！ 推介仲叫左個蒜炒白菜仔同乾燒伊麵，味道中上，賣相無乜特別所以無影相最後，甜品有 薑汁紅棗糕 同 黑糖糕兩隻糕點都好夠口感，我個人比較喜歡紅棗糕的甜度。黑糖糕似厚實版白糖糕，都幾好味，但略甜。整體來講，呢餐我都幾滿意…Read More