kaying1336的個人專頁

3:00pm 去食左個下午茶，一入門口，一位較年長嘅叔叔帶你坐低，又即刻斟杯暖水比我同朋友。 叫左蒜片蜆肉炒意粉同龍蝦湯海鮮天使麵。野食上得好快，熱辣辣出哂煙好新鮮。味道不過不失啦，但份量好大碟同好大料，抵食眼見兩位店員，一位四眼姨姨，一位較年長嘅叔叔，上野食、落單、比錢都不停講多謝、多謝，覺得好感動，好耐冇聽過店員咁講。加上餐廳係轉角位好靜，呢個下午茶食得好舒服…查看更多

星期六晚食飯最怕等位，葵芳匯呢個位置勝在夠方便又唔駛等入到餐廳好彩人唔多，環境清淨仲要有特價set包味噌湯、沙律🥗叫左牛舌温泉蛋丼🐮$98 ，不過有少少太熟仲叫左花魚一夜燒餐$72，條魚有前臂咁長，性價比極高特價餐之外，仲有特價單品，叫埋燒魷魚🦑筒，都係$64絕對值得encore …查看更多

行過好多次如心廣場都想試過呢間餐廳，因為感覺好grand…今日終於試到啦😍😍同朋友兩個人叫左👇🏻1️⃣個set lunch （蕃茄湯、香煎帶子蟹肉扁意粉、包蛋糕同餐飲 $268）1️⃣個雞肉煙腩肉手工pizza1️⃣個黑松露咸蛋白薯條1️⃣特濃朱古力蛋糕1️⃣House coffee 各樣食物味道都好好，最出眾係扁意粉同甜品。扁意粉好彈牙、好有口感仲撈埋滿滿嘅蟹肉，感覺真係另人好滿足至於蛋糕唔駛講，signature 野一定掂餐甜品㨂左開心果吉士千葉酥同散叫左特濃朱古力蛋糕，冇得輸千葉酥好鬆化、開心果醬同吉士唔太甜；至於朱古力蛋糕係用85%濃度朱古力做材料，底層係海綿蛋糕；中間層係慕絲加入nuts，味道苦苦地又夠香至於黑松露咸蛋黃薯條就比較失色，薯條好脆，個黑松露醬都好濃，份量好多；但薯條冇咸蛋黃味另一樣好值得稱讚嘅係員工嘅服務態度，店員不停為顧客加水，個個員工態度都好誠懇、有禮…查看更多

職員態度好欣勤，收碟、送餐都好爽手。態度好友善叫左好多食物：1️⃣生蝦刺身好得個蝦頭炸到好脆蝦刺身食落都新鮮2️⃣蝦餅拼春卷，中規中矩，不過不失3️⃣招牌檸檬牛肉牛肉好冧身又大碟 好好味，有少少辣椒係面，除左辣仲有d鹹有芥蘭墊底。4️⃣芋頭海鮮焗飯好大碟，海鮮份量都好多，有魷魚，蝦… 其實仲叫左5️⃣蟹肉芒果炒飯，味道都好食，不過油左少少6️⃣鹽燒烏頭，香茅味重，味道就普通啦，唔會太鹹最後就梗係叫左啤酒同泰式奶茶🥤叫左咁多野食，都係7百幾蚊，抵食…查看更多

門口望落好靚以為係好貴嘅餐廳。經過門口，睇睇餐牌，原來都唔算貴，比一般茶餐廳貴少少。入到去，地方乾淨，最正係冇茶餐廳嘅迫同嘈音，仲有服務員帶位餐牌西餐（例如：意粉，据扒）、泰菜（例如：冬蔭公湯，咖哩配薄餅，海南雞飯）、中菜（例如：炒粉麵，撈烏冬）都有得食今次叫左午餐（跟湯同野飲）同炒米粉。穫仔豉椒炒蜆米粉$148，蜆肉算多但係米粉餅煎得唔夠乾身，食到落底個粉索哂味好鹹午餐：飛驒和牛熔岩芝士漢堡配黑松露薯條🍟配薯仔湯+咖啡$168。條條薯條都沾滿左黑松露個包淋滿左芝士醬，包入面有少少千島醬，蕃茄同生菜，塊漢堡夠哂厚同軟熟值得encore…查看更多

1. 地方整齊職員有禮2. 飲品選擇款式多，好多係自家制，例如竹庶茅根麥冬茶，檸檬薏米水等等，全部都唔係好甜👍🏻仲有汽水同紙包茶選擇3. 火鍋醬料款式挺多，普通鼓油、麻醬、沙爹醬當然有，仲有炸紅葱油、泡椒油、黃椒辣醬、泰式酸辣醬… 好多款式4. 入座之後，職員好仔細咁講下今餐有咩食，除左刺身，小食炸物、雞煲、火鍋配料都係任食，包括海鮮。放題食兩小時，食物都黎得好快，食完雞煲，火鍋又到，湯底都真材實料。差唔多夠鐘，職員仲問左幾次有冇需要加野食，跟進工夫做到好足。間唔時又叫我倒下骨，清碟都清得好快但唯一唔習慣係落野食要叫職員加單，冇得自己QR點餐。同埋甜品得雪條冇其他可以揀我今日5點入座連加一，$360 位，我覺得超值…查看更多

個個都話好食，忍唔住黎試下。晏就兩點幾黎食，點心有特價。叫左鹹水角、蒜香蝦春卷、蒜香石斑片蒸飯同醬皇金錢肚。整體點心好新鮮，茶錢$6 位蒜香蝦春卷，推介👍🏻好足料四大件，有菜絲，蘿蔔同滿滿嘅蝦肉鹹水角不過不失，葱、豬肉做餡，味道同普通酒樓差唔多醬皇金錢肚都抵食，有6至7塊係面，底下有兩嚿白蘿蔔墊底。牛肚同蘿蔔好淋身不過個醬比較淡蒜香石斑片蒸飯味道唔錯，但$68黎講偏細籠。飯係蛋炒飯，飯面有4嚿魚片舖滿蒜蓉好入味兩個人份量啱啱好…查看更多

第一次食真菠蘿包冇諗過$9 可以買個真菠蘿包仲要有餡菠蘿餡唔係好甜，好有菠蘿味餡係菠蘿果醬同埋粒粒菠蘿肉超滿足舖頭位置好方便，係大馬路。除左呢個菠蘿包，仲有好多款麵包都好吸引…查看更多

叫左台式炸排骨+蒜蓉吐司+台式奶茶 & 阿里山早晨全餐（炸米粉，蛋餅兩塊，蜜味台灣腸，粟米，火腿，牛油吐司）。吐司整得好脆口，醬搽係麵包都好平均講下拉麵先，麵質同湯油麵差唔多，炸排骨食落似瘦豬扒，碎上，味道ok 嘅，可惜咬落好鞋口、好瘦至於早餐全餐感覺好新鮮蛋餅肉鬆餡正台灣腸、火腿、粟米唔多講，個米粉多到好誇張，味道比較淡，有菜絲、洋葱⋯少少配料啦不過食落唔確喉幾好味麵餐$35，全餐$42 本人覺得抵食嘅…查看更多

是日晚餐外賣自取叫左泰北雞麵$79，串燒拼盆（牛、豬）+蒜容包$99，青咖喱雞飯外賣包裝好精緻，湯同麵分開裝，湯兜仲包左保鮮紙以防倒瀉。脆蛋麵同蒜蓉包分開袋，整體望落整齊乾淨泰北雞麵有紫洋蔥，酸菜，脆蛋麵，雞蛋同三隻雞鎚配粗麵，湯底雖然好紅色，但唔算辣至於串燒拼盤有三串牛，三串豬+3件蒜蓉包，超級滿意。肉比較乾身，相反蒜蓉包外脆內軟，好味過d串燒青咖喱雞飯有好多配菜，有青豆角，茄子同六七件雞件，好入味仲送左兩件椰青糕比我哋做甜品Menu仲有好多野想試，會再encore…查看更多

想試好耐，下午茶期間都好多人幫襯，等左10分鐘左右。叫左腩肉肉燥飯+豆漿 同 麻辣肥牛韮菜餃小窩米線+凍奶茶 仲有孜然豬串骨同尖椒皮蛋肉燥飯好有驚喜，好好味肉燥好入味但唔鹹腩肉份量好大，超抵食麻辣小鍋米線都唔錯，超多茜麻辣湯底都唔錯，肥牛都好多份量至於韮菜餃細細粒，有三粒，味道普普通通啦最失望係豬串骨，見到係推介同個個都話好正一定要試⋯豬串骨整到好脆，裏頭都舖滿左孜然粉，可惜唔知點解成條骨都無味尖椒皮蛋都係普普通通Anyway, 可以encore… 仲有好多小食想試…查看更多

今次食左雲吞雞上海麵+葱油雞家鄉伴麵（上海麵+$5）。對比下，雲吞雞比較優勝，餃子有蝦、菜、肉做餡，仲有五粒，粒粒都人手製造雞好滑，份量亦都好多唔食荽茜嘅朋友要叫走茜啦相反葱油雞爭少少，面頭有少少鼓油，雞肉都滑，不過冇咩味，葱油都唔太多同唔夠入味至於家鄉伴麵可以㨂麵底，有尖椒粒，花生，肉碎，辣椒粒，蘿蔔絲，辣到好過癮伴麵材料好多滿足…查看更多

下午茶好抵食$34，鹽酥雞翼刀削麵包野飲。碗刀削麵已經有半隻滷蛋，腸肉同少少菜。滷蛋正常，但腸仔應該番炸過，偏淋身。至於個topping,有三隻鹽酥雞翼+三角形薯餅👍🏻超抵食😉味道都唔錯配一杯台式奶茶，飽哂店員非常友善，有禮貌。下午茶時間比較清閒，地方乾淨，坐得舒服👍🏻…查看更多

久仰大名嘅香格里拉米線終於黎到，果然好多款湯底可以選擇，最後㨂左沙爹湯（三小辣）肥牛米線+麻辣皮蛋皮蛋好抵食，$20份量好多，味道普通碗米線10分有6分，米線幾爽口，沙爹湯底好惹味，又夠辣比起平時x仔、三x真係有對比。可惜，配料就強差人意，腐竹一塊，葱段幾條，肥牛兩條，太令人失望同行朋友碗米線加送🦟蚊蚊一隻特別留意：香格里格米線嘅辣真係好到家，同行朋友唔係食得好辣，只係叫左bb辣都頂唔順。唔太食得辣嘅朋友要注意啦…查看更多

薩利亞出左名夠抵食，見樓下新開張一定要試下。不過係OpenRice 叫外賣自取比堂食款式少。下午茶可能唔係好忙，3:28接單，3:48攞得快靚正。叫左明太子Pizza($38)+甜蝦粗管粉($32）Pizza舖滿左好多芝士批底好夠脆口可惜明太子分怖唔平均，同埋個批係凍嘅至於粗管粉好夠熱，半盒滿，味道唔錯忌廉汁份量都夠，粗管粉有咬口，蝦肉份量都算多By the way, 包裝好整齊，好乾淨，暫時未發現小昆蟲😆…查看更多