Eat East West's Profile

今次經過將軍澳見到一間叫初心火鍋，有雞煲火鍋，睇落去係好吸引，環境好大，座位睇落都好寬闊坐低就先叫一個雞煲，少少辣最滋味。首先，會有一個刺身拼盤，甜蝦、北寄貝好新鮮，仲有五款餐前小食（可以追加）雞煲份量好多，煮大概五至10分鐘就可以食得啦。佢哋特製嘅醬汁加入去嫩滑雞肉，每一淡口感都好豐富，而且夠鮮味。香料配料都落得好足料，雞煲都差唔多填飽個肚，絕對係夠二至三人食用，性價比好高。當食完之後，以為係直接加湯入去，原來係再自選一個火鍋嘅湯底 ，用一個好傳統有特色嘅火鍋盤，今次試咗蕃茄美人鍋，清甜湯底，加上新鮮嘅配料，肥牛、牛丸、雞件任叫任食，上菜速度都好快，可以同朋友食足兩個鐘。一個價錢已經可以滿足你三個願望。刺身、雞煲、火鍋，同家人朋友嚟食係好好嘅選擇…Read More

一般好少一間餐廳寫兩次食評！隔幾個月再嚟食就唔同曬！之前食過嘅炸茄子，見幾好味再嚟食，不過今次轉咗個細石板上，茄子拖曬地，上菜時仲要用我哋隻碟去盛住個尾，咁佢喺出菜張檯都係咁拖地啦！我同位姐姐講之前用碟㗎，而家拖曬地嘅，佢仲話不嬲都係咁！如果大家有興趣搵返我早兩個月嘅食評，係用大碟㗎！未上齊菜，我又點會同姐姐嘈至得㗎！係咪？跟住上另一個菜，佢仲好親切咁同我講：嗱！呢隻就係碟嘞！嘩！🥰冧曬講返呢個燒豬肋，個肉非常鹹，就算配個完全無味嘅薯茸（真係原薯味，薯茸加薯粒，無鹹無香料）個肉真係好鹹，食剩一半。最好味係配菜白松露薯條，個醬濃咪，薯條炸得好脆，呢個算最出色。帶子松露意大利飯，飯軟硬適中，份量同味道還好。飲品一般，賣相好過味道同埋佢哋點餐系統比其他差，又無相，會點錯雪糕以為係飲品，大家注意。…Read More

路經荃灣探朋友，見到有間韓food就入去試吓。兩個人唔太餓，就先叫咗個頭頁推介嘅無骨豬手，豬手肉好完整，無碎濕濕上碟。包肉嘅菜都好新鮮，連埋蒜片同醬料個味好夾，肉質唔韌但又有𡁻頭另外叫咗個辣炒年糕，味道夠濃夠辣，不過同朋友傾偈傾耐咗，凍咗就真係好煙韌嘞另外叫咗個韓式海鮮煎餅，海鮮都算足料，味道比較清淡，配埋個醬咸咸辣辣，如果個餅可以再煎燶多啲啲就非常正嘞飲品都係叫咗罐裝嘅韓式飲品，價錢都親民嘅，如果午餐轉飲就加六蚊…Read More

呢間任食火鍋朋友介紹，有三個set，最貴都係三百蚊鬆啲，我哋唔太多人食牛所以叫中間價位，$258星期六加十蚊，即係$268一位再加一。入門口就係熟食位同少量丸、麵類跟住一排菜櫃飲品櫃，啲菜都好新鮮除咗紙包同罐裝飲品，佢仲有自家飲品，薄荷烏龍茶、洛神花茶等等，味道都唔錯醬料架，都有齊基本火鍋要有嘅醬汁配料仲有個雪糕位，楊枝甘露味，軟雪糕快溶，要快啲食火鍋方面，鴛鴦鍋就要加$50帶子鮑魚每人有一隻其他材料都好新鮮，大家睇相應該都睇得出。佢哋係用QR落單，唔會比你一次叫好多同一樣，不過就唔會好似其他火鍋咁比少少或者唔比你，二百幾有呢個質素都算幾抵食。同埋值得一讚入面嘅係服務員收碟好有效率同埋好有禮貌，係入面嘅服務員呀吓！…Read More

呢間位置比較難搵少少，但可能因為咁所以收費比較相宜。裝修都係比較簡潔，檯與檯距離都唔算窄凍鳳梨紅茶同埋凍荔枝綠茶，跟主食叫都係加$15啫，正常糖唔太甜，夠曬大杯抵飲食台式我必叫甜不辣，佢個醬好味，不過甜不辣唔夠煙靭個種𡁻口紅燒半筋半肉麵，個麵好煙韌，湯底夠濃，份量都好夠梅子地瓜條，個地瓜炸得非常鬆脆，梅子粉唔算太多，如果唔夠可以自己加，堂食一定好過外賣佢每張枱已經擺咗呢啲調味粉，比客人自己加滷肉蔥油拌麵，個拌麵就係同你超市買嗰隻自稱刀削麵一樣嗰隻，都有啲𡁻口嘅，拌麵醬蔥油都夠味，個滷肉嚟講本人覺得比較油膩跟住呢個不得了，叫咗雙蛋捲餅，非常好奇咩雙蛋啦，問服務員，原來係全個都係蛋😂 雙 蛋 😂 味道比較清，好多蛋咁囉必食嘅都係芋圓，叫個最平凡嘅仙草芋圓，味道都比較平凡同穩陣總括嚟講，觀塘區台式食品呢間算OK…Read More

晚餐唔夠十二人又唔想諗散叫咩好，我哋就叫個八人餐。首先嚟隻脆豬仔，外皮香脆，呢隻略肥，不過口感同味道還好跟住係上湯龍蝦伊麵，口感味道同出面都差不多，基本操作跟住呢個不得了，係全晚我最推介嘅，椒鹽鮑魚，個鮑魚係彈牙但唔難咬，椒鹽外層炸得非常鬆脆！西蘭花炒貴妃蚌帶子，呢個都係，一般操作無出事，蒸魚時間掌握得啱啱好，呢隻剛好熟，所以口感都幾好。呢間叫海港燒鵝，真係成也燒鵝敗也燒鵝，呢碟食剩半碟壽包佢就有兩隻味，一半係傳統蓮茸，一半係奶黃。呢個飽幾吸引，所以食飽咗都要食返個先…Read More

呢頭咁多餐廳，係龍城至成日排長龍，點都要搵機會試吓。佢哋要求齊人至可以入座，咁都合理嘅，態度語氣都還好。今次試咗幾款食物。首先叫咗個豬扒常餐，佢個出前一丁都煮得幾好，軟硬適中亦彈牙，豬扒都夠大塊。而佢塊多士係丹麥多士，好香牛油味，炒蛋亦都好味道。另外叫咗煙三文魚沙律，同其他餐廳一樣操作，穩陣，菜都夠新鮮，醬汁帶來微微酸酸甜甜，開胃爽口跟住試埋魚柳all day breakfast，份量好足，有大塊魚柳，沙律底，加炒蛋、煙肉、腸、同火腿牛角包，樣樣其實都新鮮好味，魚柳都好香脆。職員們雖不笑容滿面，但都唔係差嘅。最緊要個價錢都好親民，所以抵佢要排幾個字至有得入座。…Read More

睇show前搵間餐廳醫肚，就隨便選擇呢間餐廳。餐廳類似快餐形式，先去收銀點餐，再等叫號碼。款式選擇都唔算少，不過當晚有啲夜，所以晚餐剩返兩款，叫其他餐牌食物就會多啲選擇。先叫咗一個鐵漢-即係鐵板餐。原條鰻魚鐵板飯加半條司華力腸。鰻魚尺寸都OK，同司華力腸差不多大。係個飯有少少硬，不過個人喜歡食軟少少。另外叫咗個口水雞飯，口水雞肉質都軟，醬汁味都濃，油飯亦幾香，呢個飯比較上無咁硬身，可能因為加咗油吧！整體上尚算可以，同埋呢！佢有貼告示，記得自己收盤呀，否則一起身離開職員就會開聲提示你㗎嘞！…Read More

第一次寫食評好似寫旅遊介紹咁喺商業大廈開嘅釣蝦場的確係爽嘅，喺大熱天時，有充足嘅冷氣、有嘢飲、有嘢食又有得玩，個廁所都行幾步就到，就算一家大細、情侶、閨蜜、兄弟班都啱玩。佢一共有兩個池，每個池都夠十幾廿人一齊釣每人一支釣竿（有兩個鈎）同一個盤，個盤上面有個夾同蝦仔、毛巾。入場會有職員教你點樣將蝦仔上鈎同點樣釣。同埋見到其他人會帶私家竿嚟釣，不過都應該只限兩個鈎。開頭幾隻都會比佢走甩，但當掌握到個技巧就會陸續有收穫。同埋佢哋每個鐘都好似會加兩次蝦，所以入面係有足夠嘅餓蝦嘅。兩個鐘釣到十幾隻，都有斤幾重。釣完嘅蝦你可以選擇白灼或鹽燒，如果有一斤以上可以加$50做其他口味。今次揀咗佢哋推介嘅奶油味，佢哋會幫你剪曬啲鬚鬚腳腳。奶油好香又唔油膩，食到蝦嘅鮮味之餘亦滿咀奶油香，好食。佢哋都有供應其他小食比大家選擇。下次要同未玩過嘅人嚟玩，一來可以威吓，二來試埋佢其他口味。呢度以每小時收費，想玩幾耐就自己選擇。…Read More

Between並非喺大館中心位置，要上好幾層樓層至到達。中午時間沒有預約情況下，係無堂食位嘅，唯有叫外賣坐喺餐廳外面長椅食啦！喺藝術館嘅cafe係真係有feel啲嘅！簡簡單單叫咗佢哋嘅set，半份三文治加咖啡，$55，都算抵嘅！三文治個包係比較厚，同埋 非 常 鬆 軟 ！雞蛋三文治並不是茶餐廳雞治嘅炒蛋，係烚蛋加碎蛋醬，味道好夾都幾好味。另外雞扒三文治都好出色。天氣太熱所以叫凍咖啡消一消暑，咖啡非常香濃，不過佢入面兩粒冰係非常十分之大粒，如果攞走在炎炎夏日非常適合，但堂飲的話，杯咖啡飲完後仲有兩粒好大粒嘅冰，但相片我忘記影了。…Read More

呢間cafe有兩層樓，樓底高，設計格局唔錯，係條樓梯比較窄，一上遇一落就要注意吓！一行五人叫咗幾種飲品，當然有咖啡，咖啡都十分香濃亦夠凍。另外Mocha都有濃濃朱古力味！另外仲有試 Lemon Yuzu Fizz，就好似檸檬梳打差不多，消暑解渴不錯。除咗飲品仲試咗幾個pastries做吓小食咁，本人平時都非常喜歡甜品，不過呢四件糕點個甜都比一般甜都仲要甜，建議兩個人食一件就好，一個人食一件都確係飲曬杯飲品都頂唔緊。…Read More

好少遇到一間專食牛、好味又唔貴嘅餐廳。喺中環呢頭食嘢都唔平，見呢間幾好評語就即管嚟試吓先！首先當然要試吓大家都推薦嘅香草平鐵牛扒，好似話係牛肩位，叫咗medium，睇相就見到幾粉嫩。入口係無筋無渣，牛脂好平均，就咁點少少佢伴碟嘅海鹽已經好好味道。再食埋伴碟粒焗蒜，真係好想搵塊包搽嚟食另外叫咗個都好似好多人叫嘅burger，叫終極漢堡，造型夠曬終極，插住把刀上檯，幾有feel！ 個漢堡塊肉好厚，好濃郁牛味，仲有滿滿芝士同burger醬，份量又好夠！叫咗兩杯飲品，一杯係夏天限定，龍眼冰特飲，都好清新唔膩，又唔太甜。另外一杯叫Dirty Lemonade，食到咁飽消滯一流。晚市薯條係可以refill嘅，不過真係太滿足食唔到太多。…Read More

睇個裝修幾潮就吸引咗入去試吓！星期六傍晚，人都比較多，但時間都只係六點幾，就已經叫乜無乜。本身想試咖哩磚頭，點知無咖哩，唯有轉食白汁。 佢另外個餐有跟餐湯，佢個白汁就係杰身嘅餐湯加海鮮去焗，海鮮都還好唔腥嘅，個包都脆脆哋，但都真係唔夾，相信咖哩會好好多。另外呢個就係跟餐嘅三絲炒米粉，個人覺得個米粉係要有返咁上下牙力至食到最出色都算係個菠蘿冰，粒冰係菠蘿汁冰出嚟嘅，所以成杯都好豐富嘅菠蘿味，同埋夠曬冰涼。…Read More

假日嘅下午嚟到呢間餐廳，入到去樓底幾高，檯與檯之間唔會太窄，坐得都幾舒服。午餐跟嘅麵包，都幾香脆可口前菜嘅沙律，配上三文魚碎，新鮮嘅菜配埋個汁好開胃同清新。辣番茄汁大蝦扁意粉，酸酸辣辣嘅番茄汁，配埋軟硬適中嘅意粉好惹味。而大蝦亦吸咗濃濃嘅醬汁，口感彈牙，可以一試另外，下午茶餐都好抵食，叫咗個肉醬意粉，同樣，濃濃嘅醬汁，配埋都幾香口嘅肉醬，意粉軟硬適中又入味。下次嚟打算試吓佢哋嘅生蠔，款式都好多，服務都唔錯，值得一試！…Read More

今日喺午餐同下午茶嘅時間去到，入座率都有七八成。喺職員嘅提醒下，叫咗一個外賣午餐同埋堂食下午茶。如果以下午茶餐嚟講，呢個海鮮意粉嘅份量真係算多，賣相幾好，材料尚算可以。而味道都係濃郁同埋可以嘅，仲加咗少少沙律菜同芝士粉，$45呢個價錢都覺得唔錯。叫得家啡館，如果杯啡唔好味就真係會失望。好彩，佢杯啡係即磨，同一般西餐廳差不多。不過我叫齋啡，而佢唔會因為少咗奶而細杯咗，呢樣係幾好嘅。另外仲叫咗個外賣中式飯，不過聽朋友講個中式飯好似一般般。…Read More